Am ein gwasanaethau

Gwybodaeth am yr ystod o wasanaethau digidol rydym yn eu cynnig i'ch helpu i chwilio neu ffeilio manylion eich cwmni a'r ffioedd statudol rydym yn eu codi.

Argaeledd gwasanaethau a chynnal a chadw arfaethedig

Dod o hyd i wybodaeth am gwmni

Gallwch:

  • chwilio ein gwasanaeth gwybodaeth am ddim Canfod a diweddaru cwmni (gwasanaeth Tŷ’r Cwmnïau)
  • defnyddio ein cynnyrch data
  • chwilio WebCHeck (taliadau o £1 fesul delwedd ddogfen a gwybodaeth sylfaenol yn rhad ac am ddim)
  • gweld adroddiadau echdynnu

Dysgwch fwy am chwilio cofrestr Tŷ’r Cwmnïau.

Darllenwch ein hymwadiad ar gyflenwi gwybodaeth am gwmnïau drwy ein gwasanaethau.

Cynhyrchion data

Mae Tŷ’r Cwmnïau yn cynnig nifer o wahanol gynhyrchion data, gan gynnwys:

Mae’r cwmni a ddiddymwyd o’r enw DVD wedi’i dynnu’n ôl. Mae wedi ei ddisodli gan y mynegai chwilio am gwmni wedi ei ddiddymu ar lein ar ein gwasanaeth dod o hyd i a diweddaru gwybodaeth cwmni.

Dysgwch fwy am ein cynnyrch data.

Ffeilio gwybodaeth ar gyfer eich cwmni

Mae’n haws ac yn gyflymach i ffeilio eich gwybodaeth ar-lein.

Dysgwch fwy am fanteision ffeilio ar-lein.

Gallwch:

Defnyddio a datblygu meddalwedd

Mae pecynnau ffeilio meddalwedd yn gadael i chi anfon gwybodaeth atom drwy ein porth eXtensible Markup Language (XML).

Os byddwch yn ffeilio llawer o ddogfennau, efallai y bydd hyn yn cyd-fynd â’ch llif gwaith yn haws. Po fwyaf o ddogfennau rydych chi’n eu ffeilio, y mwyaf buddiol y mae’r opsiwn hwn yn debygol o fod.

Dewch o hyd i ragor o wybodaeth am:

Gwasanaethau corffori

Gallwch:

Ffurflenni papur

Gallwch barhau i bostio ffurflenni papur atom, ond mae mynediad cyhoeddus i’n swyddfeydd wedi’i gyfyngu i ddiogelu lles ein gweithwyr.

Rydym wedi cyflwyno gwasanaeth i Uwchlwytho dogfen i Dŷ’r Cwmnïau.

Cofrestr Endidau Tramor

Daeth y Gofrestr Endidau Tramor i rym yn y Deyrnas Unedig ar 1 Awst 2022 drwy Ddeddf Troseddau Economaidd (Tryloywder a Gorfodi) newydd 2022.

Rhaid i endidau tramor sydd am brynu, gwerthu neu drosglwyddo eiddo neu dir yn y Deyrnas Unedig, gofrestru gyda Thŷ’r Cwmnïau a dweud wrthym pwy yw eu perchnogion buddiol cofrestradwy neu reolwr swyddogion.

Cofrestrwch endid tramor a dywedwch wrthym am ei berchnogion buddiol.

Codau sicrwydd asiant

Rhaid i asiant sy’n cael ei reoleiddio yn y Deyrnas Unedig gynnal gwiriadau gwirio ar berchnogion buddiol a rheolwr swyddogion endid tramor cyn y gellir ei gofrestru. Rhaid i’r asiant ofyn am god sicrwydd asiant cyn y gallant ffeilio unrhyw ddatganiadau gwirio gyda Thŷ’r Cwmnïau.

Codau sicrwydd asiant ar gyfer cofrestru endid tramor.

Ffeilio ar-lein wedi’i ddiogelu (PROOF)

Wedi’i gynllunio ar gyfer defnyddwyr ein gwasanaeth ffeilio neu ffeilio meddalwedd ar-lein, gall y cynllun ffeilio ar-lein gwarchodedig (PROOF) eich helpu i atal newidiadau twyllodrus i’ch cwmni.

Mae’r gwasanaeth am ddim hwn yn gadael i chi ddiogelu eich cwmni rhag newidiadau anawdurdodedig i’ch cofnodion. Mae’n atal ffeilio rhai ffurflenni papur, gan gynnwys:

  • newidiadau i gyfeiriad eich swyddfa gofrestredig
  • newidiadau i fanylion eich swyddogion
  • newidiadau i enw eich cwmni drwy benderfyniad arbennig

Dysgwch fwy am ein gwasanaeth PROOF.

Dilyn

Mae ‘dilyn’ yn rhan o CHS sy’n gadael i chi dderbyn rhybuddion e-bost am ddim o drafodion y cwmni. Mae’r rhybudd yn dweud wrthych ar unwaith beth sydd wedi’i ffeilio gyda ni, cyn gynted ag y byddwn wedi’i dderbyn. Mae’r rhybudd e-bost yn cynnwys dolen i hanes ffeilio’r cwmni, lle gallwch lawr lwytho copi o’r ddogfen am ddim.

Dysgwch sut i ddilyn cwmnïau.

Copïau a thystysgrifau ardystiedig

Gallwch archebu:

  • tystysgrif ymgorffori gyda ffeithiau ardystiedig
  • copi ardystiedig o ddogfen a gedwir ar y gofrestr

Dysgwch sut i archebu copïau a thystysgrifau ardystiedig gan Dŷ’r Cwmnïau.

Safonau gwasanaeth cwsmeriaid

Mae siarter cwsmeriaid Tŷ’r Cwmnïau yn nodi’r safonau gwasanaeth yr ydym yn anelu at eu darparu. Mae hefyd yn rhoi gwybodaeth am sut y gallwch roi adborth i ni ar eich profiad o wneud busnes gyda ni.

Addewid cwsmeriaid bregus

Rydym yn cydnabod y gall cydymffurfio â rhwymedigaethau statudol fod yn anodd i ddefnyddwyr sy’n cael eu hunain mewn sefyllfaoedd bregus, ac rydym yn addo cefnogi cwsmeriaid yn ystod y cyfnodau hyn.

Ymddygiad annerbyniol gan gwsmeriaid

Mae Tŷ’r Cwmnïau wedi ymrwymo i ddarparu gwasanaeth rhagorol i’n cwsmeriaid a byddwn bob amser yn gwneud ein gorau i helpu. Fel canlyniad, rydym yn disgwyl i’n cwsmeriaid ymddwyn yn briodol a thrin ein gweithwyr gyda chwrteisi, ystyriaeth a pharch.

Mae ein polisi ymddygiad annerbyniol yn rhoi gwybod i weithwyr a chwsmeriaid beth rydym yn ei ystyried yn annerbyniol ac yn amlinellu’r camau y gallwn eu cymryd i ddelio ag ymddygiad o’r fath. Mae’n berthnasol i’n holl gwsmeriaid.

Cofnodi galwadau

Nodwch y bydd galwadau i’r Ganolfan Gysylltu’n cael eu recordio at ddibenion hyfforddiant a sicrhau ansawdd. Mae’n bosibl y bydd galwadau eraill a wneir i Dŷ’r Cwmnïau’n uniongyrchol hefyd yn cael eu recordio at yr un dibenion.

Bydd y recordiadau hyn yn cael eu dileu 18 mis ar ôl dyddiad yr alwad oni fo angen busnes i’w cadw. Ni fydd unrhyw alwadau o’r fath yn cael eu cadw’n hirach nag y mae angen.

Iaith Arwyddion Prydain (BSL)

Mae ein gwasanaeth trosglwyddo fideo yn caniatáu i ddefnyddwyr byddar Iaith Arwyddion Prydain (BSL) i ffonio Tŷ’r Cwmnïau drwy dîm o gyfieithwyr SignVideo. Gallwch ffonio Tŷ’r Cwmnïau yn ystod ein horiau cyffredinol o ddydd Llun i ddydd Gwener, rhwng 8:30am a 6pm.

Defnyddio Iaith Arwyddion Prydain i gysylltu â Thŷ’r Cwmnïau.

Cymorth hygyrchedd

Mae ein gwasanaethau wedi’u cynllunio i fod yn hygyrch ac yn hawdd eu deall. Gallwn hefyd ddarparu addasiadau rhesymol i helpu defnyddwyr sydd angen cymorth oherwydd anabledd neu gyflwr iechyd.

Rhowch adborth i ni

I’n helpu i sicrhau ein bod yn cynnal ein safonau neu’n amlygu meysydd i’w gwella, gallwch gwblhau ein harolwg boddhad cwsmeriaid.

Dim ond ychydig funudau y mae’n ei gymryd i’w gwblhau.

Bydd yr holl wybodaeth rydych yn rhoi wrth gwblhau arolwg yn cael ei thrin â’r cyfrinachedd mwyaf yn unol â’n datganiad preifatrwydd.

Sut i ddweud diolch

Os hoffech ddweud diolch a dweud wrthym am berson neu dîm yn Nhŷ’r Cwmnïau sydd wedi rhoi lefel wych o wasanaeth i chi - anfonwch eich e-bost at thanks@companieshouse.gov.uk.

Gallai hyn fod yn rhywun sydd wedi:

  • wedi mynd allan o’u ffordd i’ch helpu
  • wedi bod â diddordeb gwirioneddol yn eich anghenion ac wedi ymateb iddynt
  • eich helpu i ddelio â sefyllfa anodd

Dywedir wrth y person eich bod yn gwerthfawrogi ei ymdrech a gall hyd yn oed dderbyn gwobr neu daleb rhodd am eu gwasanaeth.

Gweld beth mae eraill wedi’i ddweud.

Ffioedd Tŷ’r Cwmnïau

Rydym yn codi ffi ffeilio statudol am rai o’n gwasanaethau.

Mae rhai o’n ffioedd yn cael eu pennu gan reoliadau ac yn cael eu cadarnhau gan y Senedd. Mae rhai ffioedd yn cael eu pennu’n weinyddol gan benderfyniad ffioedd.

Gweler y rhestr lawn o ffioedd Tŷ’r Cwmnïau.

Gwasanaeth eBilling

Os oes gennych gyfrif credyd gyda ni, gallwch gael gafael ar y cyfrifon hyn a’u rheoli gan ddefnyddio gwasanaeth eBilling Tŷ’r Cwmnïau.

Dysgwch sut i reoli eich cyfrif credyd Tŷ’r Cwmnïau.

Gwasanaeth Cymraeg

Mae gan Dŷ’r Cwmnïau wasanaeth i gwmnïau Cymreig a phartneriaethau atebolrwydd cyfyngedig sy’n well ganddynt ddefnyddio’r Gymraeg wrth gynnal busnes gyda ni.

Dysgwch fwy am wasanaeth Cymraeg Tŷ’r Cwmnïau.

Cynnwys