Gwirio eich hunaniaeth ar gyfer Tŷ'r Cwmnïau
Defnyddiwch y gwasanaeth hwn i wirio eich hunaniaeth ar gyfer Tŷ'r Cwmnïau.
Beth sydd ei angen arnoch
Gallwch wirio eich hun ar-lein gyda GOV.UK One Login os oes gennych un o’r mathau canlynol o ID llun:
- pasbort biometrig o unrhyw wlad
- trwydded yrru llun y DU (yn llawn neu dros dro)
- trwydded breswylio biometrig y DU (BRP)
- cerdyn preswylio biometrig y DU (BRC)
- trwydded gweithiwr trawsffiniol y DU (FWP)
Byddwch hefyd angen:
- eich cyfeiriad cyfredol, a’r flwyddyn y gwnaethoch symud i mewn
- i fewngofnodi neu greu GOV.UK One Login
Bydd eich hunaniaeth wedi’i gwirio yn gysylltiedig â’ch GOV.UK One Login. Os yw pobl eraill yn defnyddio’r un cyfeiriad e-bost â chi i gael mynediad GOV.UK One Login, bydd angen iddynt greu un eu hunain gan ddefnyddio cyfeiriad e-bost gwahanol. Dim ond unwaith y gellir defnyddio cyfeiriad e-bost i wirio hunaniaeth.
Beth yw pasbort biometrig
Mae gan basbortau biometrig symbol petryal bach ar y clawr blaen. Gallwch eu defnyddio i fynd trwy gatiau electronig mewn meysydd awyr a gorsafoedd trên rhyngwladol.
Mae holl basbortau’r DU a gyhoeddwyd ar ôl 2006 yn fiometrig.
Sut i wirio os nad oes gennych y mathau hyn o ID gyda Llun
Defnyddiwch y gwasanaeth GOV.UK One Login hwn i ddarganfod sut y gallwch gwblhau gwiriad hunaniaeth.
Os ydych chi’n byw yn y DU, bydd y gwasanaeth yn rhoi gwybod i chi os gallwch gwblhau gwiriad:
- gyda manylion banc neu gymdeithas adeiladu - yna bydd angen i chi ddarparu eich rhif Yswiriant Gwladol ac ateb rhai cwestiynau diogelwch
- yn bersonol yn Swyddfa’r Post
Darllenwch y canllawiau ar wirio eich hunaniaeth.
Gwiriwch argaeledd gwasanaeth a diweddariadau statws ar gyfer GOV.UK One Login.
Gallwch gysylltu â thîm GOV.UK One Login i gael cymorth, adrodd am broblem neu roi adborth.
Ffyrdd eraill o gwblhau gwiriad hunaniaeth
Gallwch ofyn i Ddarparwr Gwasanaeth Corfforaethol Awdurdodedig (DGCA), fel cyfrifydd neu gyfreithiwr, wirio eich hunaniaeth ar eich rhan. Gelwir hyn hefyd yn asiant awdurdodedig Tŷ’r Cwmnïau.
Bydd angen i chi ddarparu dogfennau adnabod addas.
Rhybudd twyll: peidiwch â gadael i eraill ddefnyddio eich hunaniaeth.
Peidiwch â gwerthu na rhoi eich hunaniaeth i alluogi pobl nad ydych yn ymddiried ynddynt i sefydlu neu redeg cwmni. Gall troseddwyr gymryd benthyciadau a dyledion eraill yn eich enw chi, a byddwch yn gyfrifol yn gyfreithiol.
Darllenwch gyngor gan AbilityNet ar sut i addasu’ch dyfais i gwrdd â’ch anghenion. Er enghraifft, newid lliw cefndir neu faint y testun.
Updates to this page
-
You cannot verify your identity at a Post Office without entering details from your photo ID on GOV.UK first. Content added to bullet to clarify - you must enter your photo ID details on this service first.
-
From 18 November 2025, identity verification becomes a legal requirement. This date is not a deadline. It marks the start of a 12-month transition period, giving your company time to make sure all directors and people with significant control (PSCs) have verified their identity by their due dates.
-
Section added – how to find an Authorised Corporate Service Provider (ACSP).
-
Section updated - How to verify if you do not have these types of photo ID.
-
Content added for clarity: Your verified identity will be connected to your GOV.UK One Login. If other people use the same email address as you to access GOV.UK One Login, they’ll need to create their own using a different email address. An email address can only be used once to verify an identity.
-
Added translation