Gwneud cais i fod yn berchennog nwyddau ecséis a gedwir mewn warws ecséis
Cofrestrwch fel perchennog nwyddau y gohiriwyd tollau arnynt ac a gedwir mewn warws ecséis, neu fel perchennog Porthladd Rhydd ar nwyddau ecséis a gedwir mewn warws ecséis Porthladd Rhydd.
Wrth gyfeirio at ‘Borthladd Rhydd’ ar y dudalen hon, mae hyn hefyd yn cynnwys ‘Porthladdoedd Rhydd Gwyrdd yn yr Alban’, oni nodir yn wahanol.
Pwy all wneud cais
Mae’n rhaid i chi fod yn berchennog busnes – er enghraifft:
- unig berchennog
- partneriaeth
- cwmni cyfyngedig
Rhaid i chi fod â chyfeiriad busnes yn y DU. Os nad oes gennych gyfeiriad busnes yn y DU, mae’n rhaid i chi benodi cynrychiolydd tollau.
Yr hyn y bydd ei angen arnoch
Bydd angen y canlynol arnoch:
- enw a chyfeiriad y busnes
- enw’ch warws
- rhif cymeradwyo’r warws neu rif cymeradwyo’r warws Porthladd Rhydd
- rhif cofrestru ceidwad awdurdodedig y warws neu rif cofrestru’r busnes ecséis Porthladd Rhydd awdurdodedig
- manylion unrhyw gymeradwyaethau ecséis eraill sydd gennych
Gwneud cais i fod yn berchennog ar nwyddau y gohiriwyd tollau arnynt ac a gedwir mewn warws ecséis
Gwneud cais ar-lein
I wneud cais ar-lein, bydd angen Dynodydd Defnyddiwr (ID) a chyfrinair ar gyfer Porth y Llywodraeth arnoch. Os nad oes gennych Ddynodydd Defnyddiwr, gallwch greu un pan fyddwch yn gwneud cais.
Bydd cyfeirnod unigryw yn cael ei roi i chi pan fyddwch yn cyflwyno’r ffurflen ar-lein. Dylech gynnwys y cyfeirnod hwn gydag unrhyw wybodaeth ychwanegol yr ydych yn ei hanfon drwy’r post.
Gallwch gadw llygad ar gynnydd y ffurflen ar-lein drwy ddefnyddio’r un cyfeirnod.
Gwneud cais drwy’r post
I wneud cais drwy’r post (yn Saesneg), llenwch y ffurflen ar y sgrin, ei hargraffu a’i hanfon atom gydag unrhyw wybodaeth ychwanegol. Os byddwch yn postio’r ffurflen, ni allwch ddilyn ei hynt ar-lein.
Bydd yn rhaid i chi lenwi’r ffurflen yn ei chyfanrwydd cyn i chi allu ei hargraffu. Ni allwch gadw ffurflen sydd wedi’i llenwi’n rhannol, felly dylech wneud yn siŵr bod gennych yr holl wybodaeth sydd ei hangen arnoch cyn i chi ddechrau ei llenwi.
Os ydych mewn partneriaeth, mae’n rhaid i chi gwblhau ffurflen EXCISE102 (yn Saesneg) hefyd.
Anfonwch e-bost i CThEF i ofyn am y ffurflen hon yn Gymraeg.
Anfon gwybodaeth ychwanegol
Mae’n bosibl y bydd yn rhaid i chi anfon gwybodaeth ychwanegol i CThEF i ategu’ch cais.
Gwneud cais i fod yn berchennog Porthladd Rhydd ar nwyddau ecséis a gedwir mewn warws ecséis Porthladd Rhydd
I wneud cais i fod yn berchennog Porthladd Rhydd drwy’r post (yn Saesneg), llenwch y ffurflen ar y sgrin, ei hargraffu a’i hanfon atom gydag unrhyw wybodaeth ychwanegol.
Bydd yn rhaid i chi lenwi’r ffurflen yn ei chyfanrwydd cyn i chi allu ei hargraffu. Ni allwch gadw ffurflen sydd wedi’i llenwi’n rhannol, felly dylech wneud yn siŵr bod gennych yr holl wybodaeth sydd ei hangen arnoch cyn i chi ddechrau ei llenwi.
Anfonwch e-bost i CThEF i ofyn am y ffurflen hon yn Gymraeg.
Anfon gwybodaeth ychwanegol
Mae’n bosibl y bydd yn rhaid i chi anfon gwybodaeth ychwanegol i CThEF i ategu’ch cais.
Diweddarwyd ddiwethaf ar 30 January 2023 + show all updates
-
Updated to say where we refer to a ‘Freeport’, this also applies to ‘Green Freeports in Scotland’ unless otherwise stated.
-
The continuation form: application for registration (FPEX60A) has been updated.
-
First published.