Faint fyddwch yn ei ad-dalu

Mae faint y byddwch yn ei ad-dalu yn dibynnu ar eich incwm - y swm rydych yn ei ennill (gan gynnwys elfennau fel taliadau bonws neu oramser) cyn treth a didyniadau eraill. Nid yw’r swm sydd angen i chi ei dalu (sef cyfanswm faint rydych wedi’i fenthyca yn ogystal â llog) yn cael dim effaith ar faint rydych yn ei ad-dalu bob blwyddyn. Byddwch yn ad-dalu canran o’ch incwm sydd dros y trothwy incwm ar gyfer y math o fenthyciad sydd gennych. Mae’r trothwyon incwm yn wahanol ar gyfer pob math cynllun, ac yn dibynnu ar ba mor aml rydych yn cael eich talu. Math y cynllun Trothwy incwm blynyddol Trothwy incwm misol Trothwy incwm wythnosol Cynllun 1 £26,900 £2,241 £517 Cynllun 2 £29,385 £2,448 £565 Cynllun 4 £33,795 £2,816 £649 Cynllun 5 £25,000 £2,083 £480 Benthyciad Ôl-raddedig £21,000 £1,750 £403 Byddwch yn ad-dalu naill ai: 9% o’ch incwm dros y trothwy os ydych ar Gynllun 1, 2, 4 neu 5 6% o’ch incwm dros y trothwy os ydych ar gynllun Benthyciad Ôl-raddedig Mae’r enghreifftiau hyn yn dangos faint y byddech yn ei ad-dalu yn dibynnu ar eich incwm a’r math o gynllun: Enghraifft Rydych ar Gynllun 1 ac mae gennych incwm o £33,000 y flwyddyn, sy’n golygu bod £2,750 yn cael ei dalu i chi pob mis. Cyfrifiad: £2,750 – £2,241 (eich incwm tynnu’r trothwy Cynllun 1) = £509 9% of £509 = £45.81 Mae hyn yn golygu mai £45 yw’r swm y byddech yn ei ad-dalu pob mis. Enghraifft Rydych ar Gynllun 4 ac mae gennych incwm o £36,000 y flwyddyn, sy’n golygu bod £3,000 yn cael ei dalu i chi bob mis. Cyfrifiad: £3,000 – £2,816 (eich incwm tynnu’r trothwy Cynllun 4) = £184 9% o £184 = £16.56 Mae hyn yn golygu mai £16 yw’r swm y byddech yn ei ad-dalu pob mis. Os yw eich incwm yn newid yn ystod y flwyddyn Byddwch yn gwneud ad-daliad os yw eich incwm yn mynd y tu hwnt i’r trothwy wythnosol neu fisol ar gyfer eich cynllun (er enghraifft, rydych yn cael taliad bonws neu oramser). Gallwch ofyn am arian yn ôl ar ddiwedd y flwyddyn dreth os yw eich incwm blynyddol yn llai na’r trothwy blynyddol ar gyfer eich cynllun. Llog Mae faint o log rydych chi angen ei dalu yn dibynnu ar ba gynllun rydych chi arno. Ar hyn o bryd codir y tâl canlynol arnoch: 4.1% os ydych chi ar Gynllun 1 4.1% os ydych ar Gynllun 4 4.1% os ydych ar Gynllun 5 6% os ydych chi ar gynllun Benthyciad Ôl-raddedig Bydd llog yn parhau i gael ei ychwanegu (’ei gymhwyso’) i’r swm sy’n ddyledus gennych hyd yn oed os nad ydych chi’n gweithio neu mae eich incwm yn is na’r trothwy ad-dalu. Gallwch weld sut mae’r llog wedi’i gymhwyso yn eich datganiad blynyddol. Mae hwn fel arfer ar gael yn eich cyfrif ad-dalu ar-lein erbyn diwedd mis Awst. Llog os ydych chi ar Gynllun 2 Mae llog Cynllun 2 yn Gyfradd Llog Amrywiol ( VIR ). Mae hyn yn golygu bod y llog rydych chi’n ei dalu yn gallu newid yn dibynnu ar eich amgylchiadau. Wrth i chi astudio Fel arfer byddwch yn talu cyfradd llog penodol o’r Mynegai Prisiau Manwerthu ( RPI ) ynghyd â 3%, ond ar hyn o bryd mae cyfyngiad (neu ‘cap’) o 6%. Byddwch yn talu ar y gyfradd hon o’r diwrnod cyntaf y gwneir eich taliad cyntaf i chi, neu i’ch prifysgol neu’ch coleg. Bydd y gyfradd llog y byddwch yn ei thalu yn newid, naill ai: ar 6 Ebrill wedi i chi orffen neu adael eich cwrs ar 6 Ebrill 4 blynedd ar ôl i’r cwrs ddechrau, os ydych chi’n astudio’n rhan amser a bod eich cwrs yn hirach na 4 mlynedd Ar ôl i chi orffen neu adael eich cwrs Caiff VIR ei godi arnoch yn seiliedig ar eich incwm blynyddol. Dyma’r RPI fel arfer plws hyd at 3%, ond mae terfyn (neu ‘cap’) o 6% ar hyn o bryd. Incwm blynyddol Cyfradd llog £29,385 neu lai 4.1% £29,386 i £52,884 4.1%, plws hyd at 1.9% £52,885 neu fwy 6% Gallwch gael mwy o wybodaeth am: sut y caiff llog Cynllun 1 ei gyfrifo a chyfraddau llog ar gyfer blynyddoedd blaenorol sut y caiff llog Cynllun 2 ei gyfrifo a chyfraddau llog ar gyfer blynyddoedd blaenorol sut y caiff llog Cynllun 4 ei gyfrifo a chyfraddau llog ar gyfer blynyddoedd blaenorol sut y caiff llog Cynllun 5 ei gyfrifo a chyfraddau llog ar gyfer blynyddoedd blaenorol sut y caiff llog Benthyciad Ôl-raddedig ei gyfrifo a chyfraddau llog ar gyfer blynyddoedd blaenorol Os ydych ar fwy nag un math o gynllun ac nid oes gennych Fenthyciad Ôl-raddedig Byddwch yn ad-dalu 9% o’ch incwm sydd dros y trothwy isaf o’r mathau o gynlluniau sydd gennych. Dim ond un ad-daliad fydd yn cael ei dynnu pob tro y cewch eich talu, hyd yn oed os ydych yn talu tuag at fwy nag un benthyciad. Enghraifft Rydych ar Gynllun 1 a Chynllun 2. Mae gennych incwm o £38,400 y flwyddyn, sy’n golygu bod £3,200 yn cael ei dalu i chi bob mis. Mae £3,200 dros drothwy misol Cynllun 1 o £2,241 a throthwy misol Cynllun 2 o £2,448. Byddwch yn ad-dalu 9% o’ch incwm sydd dros £2,241 y mis gan mai dyna yw trothwy isaf y mathau o gynlluniau sydd gennych. Cyfrifiad: £3,200 - £2,241 (eich incwm tynnu’r trothwy isaf) = £959 9% o £959 = £86.31 Mae hyn yn golygu mai £86 yw’r swm y byddech yn ei ad-dalu pob mis. Pan gaiff eich ad-daliad ei rannu rhwng benthyciadau Mae terfyn (neu ‘cap’) i’r swm y gallwch ei ad-dalu pob mis tuag at y math cynllun sydd â’r trothwy isaf. Mae’r gwahaniaeth rhwng y trothwyon ar gyfer pob cynllun yn pennu faint fydd y cap. Os ydych yn mynd y dros y cap, bydd gweddill eich ad-daliad yn mynd tuag at eich benthyciadau eraill. Enghraifft Rydych ar Gynllun 1 a Chynllun 2. Rydych yn talu £86 y mis. Bydd y cap yn berthnasol i’ch benthyciad Cynllun 1 gan fod ganddo’r trothwy isaf. Bydd unrhyw swm rydych yn ei ad-dalu dros y cap yn mynd tuag at eich benthyciad Cynllun 2. Cyfrifiad: £2,448 - £2,241 (Trothwy Cynllun 2 tynnu Trothwy Cynllun 1) = £207 9% (cyfradd Cynllun 1) o £200 = £18.63 Y cap taliad misol ar gyfer eich benthyciad Cynllun 1 yw £18. Bydd £18 o’ch £86 o ad-daliad yn mynd tuag at eich benthyciad Cynllun 1 a’r £68 sy’n weddill yn mynd tuag at eich benthyciad Cynllun 2. Os ydych ar fwy nag un math o gynllun ac mae gennych Fenthyciad Ôl-raddedig Byddwch yn ad-dalu 6% o’ch incwm dros y trothwy Benthyciad Ôl-raddedig (£21,000 y flwyddyn) a 9% o’ch incwm dros y trothwy isaf ar gyfer unrhyw fathau o gynlluniau eraill sydd gennych. Enghraifft Mae gennych Fenthyciad Ôl-raddedig a benthyciad Cynllun 2 ac mae gennych incwm o £30,000 y flwyddyn, sy’n golygu bod £2,500 yn cael ei dalu i chi bob mis. Mae hwn dros drothwy’r Benthyciad Ôl-raddedig o £1,750 a throthwy Cynllun 2 o £2,448. Cyfrifiad: £2,500 – £1,750 (eich incwm tynnu trothwy Benthyciad Ôl-raddedig) = £750 6% o £750 = £45 £2,500 – £2,448 (eich incwm tynnu trothwy Cynllun 2) = £52 9% o £52 = £4.68 Mae hyn yn golygu mai £49 yw’r swm y byddech yn ei ad-dalu pob mis. Os ydych yn cael eich cyflogi ac mae gennych fwy nag un cyflogwr Dim ond o swyddi lle cewch eich talu dros y trothwy ar gyfer y math o gynllun sydd gennych y byddwch yn gwneud ad-daliadau, nid eich incwm cyfunol. Enghraifft Mae gennych fenthyciad Cynllun 1 ac mae gennych 2 swydd. Cyn treth a didyniadau eraill, rydych yn cael eich talu £1,000 y mis o un swydd a £800 y mis o’r swydd arall. Ni fydd rhaid i chi ad-dalu gan nad yw’r un o’r ddau gyflog yn uwch na’r trothwy o £2,241 y mis. Enghraifft Mae gennych fenthyciad Cynllun 2 ac mae gennych 2 swydd. Cyn treth a didyniadau eraill, rydych yn cael eich talu £2,500 y mis o un swydd a £500 y mis o’r swydd arall. Dim ond ar yr incwm o’r swydd sy’n talu £2,500 y mis i chi y byddwch yn gwneud ad-daliadau arno oherwydd ei fod yn uwch na’r trothwy £2,448. Os ydych yn hunangyflogedig neu’n cwblhau ffurflen dreth Hunanasesu am reswm arall Bydd Cyllid a Thollau Ei Fawrhydi ( CThEF ) yn cyfrifo faint y byddwch yn ei ad-dalu pob blwyddyn o’ch ffurflen dreth Hunanasesu. Bydd eich ad-daliadau’n seiliedig ar eich incwm ar gyfer y flwyddyn gyfan. Os ydych yn cael eich cyflogi hefyd Mae faint y byddwch yn ei ad-dalu yn dibynnu ar eich incwm cyfunol ar gyfer y flwyddyn gyfan. Enghraifft Mae gennych fenthyciad Cynllun 1 ac rydych yn gyflogedig ac yn hunangyflogedig. Mae gennych incwm o £32,000 y flwyddyn o’ch hunangyflogaeth a £10,000 y flwyddyn o swydd gyda chyflogwr. Bydd eich ffurflen dreth Hunanasesu yn dangos mai £42,000 yw eich incwm cyfunol. Mae hwn yn uwch na’r trothwy blynyddol ar gyfer Cynllun 1. Cyfrifiad: £42,000 - £26,900 (eich incwm tynnu trothwy Cynllun 1) = £15,100 9% o £15,100 = £1,359 Mae hyn yn golygu mai’r swm y byddech yn ei ad-dalu pob blwyddyn fyddai £1,359. Os ydych eisoes wedi gwneud ad-daliadau o gyflog, bydd CThEF yn eu tynnu o’r swm y mae’n rhaid i chi ei ad-dalu.

Bydd eich ad-daliadau’n cael eu tynnu o’ch cyflog ar yr un pryd â’ch treth a’ch Yswiriant Gwladol os ydych yn weithiwr. Bydd eich slipiau cyflog yn dangos faint sydd wedi cael ei dynnu. Dylech wirio bod eich cyflogwr wedi nodi’r cynllun ad-dalu cywir ar eich cyfer . Rydych yn dechrau ad-dalu pan mae eich incwm yn fwy na’r isafswm . Nid oes unrhyw gosb os ydych yn gwneud ad-daliadau ychwanegol i dalu rhywfaint neu’r cyfan o’ch benthyciad yn gynnar. Os ydych yn hunangyflogedig neu’n cwblhau ffurflen dreth Hunanasesu am reswm arall Bydd Cyllid a Thollau Ei Fawrhydi ( CThEF ) yn cyfrifo faint y byddwch yn ei dalu o’ch ffurflen dreth Hunanasesu . Byddwch yn talu ar yr un adeg ag y byddwch yn talu eich treth . Os ydych yn cael eich cyflogi hefyd Os ydych yn ennill mwy na’r isafswm, bydd eich cyflogwr yn tynnu ad-daliadau benthyciad o’ch cyflog. Cymerwch olwg ar eich slipiau cyflog neu eich P60 i weld faint o’ch benthyciad rydych wedi’i dalu yn ystod y flwyddyn dreth. Bydd angen i chi gynnwys y wybodaeth hon pan fyddwch yn llenwi eich ffurflen dreth. Mae’r flwyddyn dreth yn rhedeg o 6 Ebrill i 5 Ebrill y flwyddyn ganlynol. Os ydych yn cael incwm o bensiwn hefyd Bydd CThEF yn defnyddio cyfanswm eich incwm blynyddol wrth gyfrifo ad-daliadau benthyciad myfyrwyr. Mae hyn yn cynnwys unrhyw incwm a gewch: o bensiwn gweithle o bensiwn preifat o Bensiwn y Wladwriaeth Dim ond os yw cyfanswm eich incwm blynyddol, gan gynnwys eich pensiwn, yn uwch na’r trothwy ad-dalu . Os ydych yn gadael y DU am fwy na 3 mis Mae’n rhaid i chi ddiweddaru eich manylion cyflogaeth er mwyn rhoi gwybod i’r Cwmni Benthyciadau Myfyrwyr ( SLC ) eich bod wedi gadael y DU. Bydd angen i chi barhau i ad-dalu eich benthyciad oni bai eich bod yn darparu tystiolaeth bod eich incwm yn is na’r trothwy. Os nad ydych yn diweddaru eich manylion, gallech gronni ôl-ddyledion ar eich cyfrif. Bydd yn rhaid i chi ad-dalu’r rhain hyd yn oed os yw eich incwm yn is na’r trothwy ar gyfer eich cynllun ad-dalu. Bydd angen i chi ad-dalu unrhyw ôl-ddyledion yn ychwanegol at eich ad-daliadau misol. Er mwyn sicrhau eich bod yn ad-dalu’r swm cywir, bydd angen i chi ddiweddaru eich manylion cyflogaeth pob blwyddyn. Trothwyon ad-dalu ar gyfer gwledydd gwahanol Mae’r rheolau ar gyfer ad-dalu yr un fath â’r rhai yn y DU, ar wahân i drothwyon ad-dalu gwahanol ar gyfer pob gwlad. Os ydych mewn gwlad dramor, mae eich symiau ad-dalu yn seiliedig ar y canlynol: y lleiafswm dan Gynllun 1 ar gyfer y wlad honno y lleiafswm dan Gynllun 2 ar gyfer y wlad honno y lleiafswm dan Gynllun 4 ar gyfer y wlad honno y lleiafswm dan Gynllun 5 ar gyfer y wlad honno y lleiafswm dan y cynllun Benthyciad Ôl-raddedig ar gyfer y wlad honno Ar ôl i SLC ddweud wrthych faint sydd angen i chi ei ad-dalu, gallwch wneud ad-daliadau: drwy eich cyfrif ar-lein drwy Drosglwyddiad Banc Rhyngwladol (IBAN) Cyfrif ar-lein Mewngofnodwch i’ch cyfrif ar-lein er mwyn: gwneud taliad untro neu sefydlu taliadau cerdyn rheolaidd drwy ddefnyddio cerdyn debyd rhyngwladol sefydlu Debyd Uniongyrchol Gallwch hefyd ddefnyddio eich cyfrif ar-lein i ddiweddaru eich manylion cyswllt a gwneud ad-daliadau ychwanegol . Trosglwyddiad Banc Rhyngwladol Er mwyn trosglwyddo arian o gyfrif banc y tu allan i’r DU, defnyddiwch y manylion canlynol: IBAN: GB37NWBK60708010027254 SWIFT: NWBKGB2L NatWest Government Banking Team NatWest Customer Service Centre Brampton Road Newcastle-under-Lyme Staffordshire ST5 0QX Defnyddiwch un o’r rhain fel eich cyfeirnod: cyfeirnod cwsmer ( CRN ) cyfeirnod grant (os yw ar gyfer ad-daliad grant) Os byddwch yn dychwelyd i’r DU ar ôl mwy na 3 mis i ffwrdd Mae’n rhaid i chi ddiweddaru eich manylion cyflogaeth pan fyddwch yn dychwelyd i’r DU ar ôl mwy na 3 mis i ffwrdd. Os nad ydych chi’n gwneud hynny, byddwch yn parhau i ad-dalu eich benthyciad ar gyfradd y wlad rydych wedi bod yn byw ynddi. Gallai hyn olygu: talu mwy na sydd angen i chi bod cyfradd llog uwch yn cael ei chodi arnoch Gwirio eich ad-daliadau Gallwch wirio eich ad-daliadau a’ch balans yn eich: datganiadau blynyddol gan SLC cyfrif ar-lein Os fydd eich manylion cyswllt yn newid, mae’n rhaid i chi eu diweddaru ar eich cyfrif ar-lein. Osgowch dalu mwy nag sydd arnoch chi Os ydych bron wedi ad-dalu eich benthyciad, efallai y gallwch wneud eich ad-daliadau olaf drwy Ddebyd Uniongyrchol yn hytrach nag o’ch cyflog. Mae hyn yn sicrhau na fydd eich cyflogwr yn tynnu mwy nag sydd arnoch chi yn ddamweiniol. Bydd SLC yn cysylltu â chi yn ystod blwyddyn olaf ad-daliadau eich benthyciad i roi gwybod i chi sut i sefydlu Debyd Uniongyrchol. Cadwch eich manylion cyswllt yn gyfredol yn eich cyfrif ar-lein .

Gwneud ad-daliadau ychwanegol

Gallwch ddewis gwneud ad-daliadau ychwanegol tuag eich benthyciad myfyrwyr. Mae’r rhain yn ychwanegol i’r ad-daliadau y mae’n rhaid i chi eu gwneud pan fydd eich incwm yn uwch na’r swm trothwy ar gyfer eich cynllun ad-dalu. Nid oes unrhyw gosb os ydych yn gwneud ad-daliadau ychwanegol. Ni allwch gael arian yn ôl ar gyfer unrhyw ad-daliadau ychwanegol yr ydych yn eu gwneud. Efallai na fyddwch yn elwa o wneud ad-daliadau ychwanegol gan y bydd eich benthyciad yn cael ei ddiystyru ar ddiwedd cyfnod y benthyciad. Cyn gwneud ad-daliad ychwanegol, gwiriwch ba bryd y bydd eich benthyciad yn cael ei ddiystyru . Dylech sgwrsio â chynghorydd ariannol os nad ydych yn siŵr a ddylech wneud ad-daliadau ychwanegol ai peidio. Os byddwch yn penderfynu gwneud ad-daliad ychwanegol, gallwch ddewis sut y caiff ei gymhwyso i’ch benthyciad. Er enghraifft, gallwch ei ddefnyddio i leihau cyfanswm balans eich benthyciad neu i leihau balans cynllun penodol (os oes gennych fwy nag un cynllun). Os nad ydych chi’n dewis sut y caiff yr ad-daliad ei gymhwyso, bydd y Cwmni Benthyciadau Myfyrwyr ( SLC ) yn penderfynu sut y caiff ei gymhwyso ar eich rhan. Os ydych yn fyfyriwr llawn amser o Gymru, efallai y gallwch gael £1,500 o Grant Cynhaliaeth wedi’i ddiystyru . Gwneud ad-daliad heb fewngofnodi i gyfrif Gallwch wneud ad-daliad drwy gerdyn tuag at eich benthyciad chi neu un rhywun arall heb fewngofnodi i gyfrif ar-lein. Rydych angen cyfenw’r person a’i gyfeirnod cwsmer ( CRN ). Gwneud ad-daliadau ychwanegol o’r DU Gallwch wneud ad-daliadau ychwanegol: drwy eich cyfrif ar-lein drwy drosglwyddiad banc drwy siec Cyfrif ar-lein Mewngofnodwch i’ch cyfrif ar-lein er mwyn: gwneud ad-daliad gyda cherdyn debyd sefydlu Debyd Uniongyrchol Trosglwyddiad Banc Er mwyn gwneud trosglwyddiad banc neu sefydlu archeb sefydlog o gyfrif banc yn y DU, mae’n rhaid i chi ddefnyddio’r manylion banc canlynol: Enw’r cyfrif: Cwmni Benthyciadau Myfyrwyr Cod didoli: 60 70 80 Rhif cyfrif: 10027254 Defnyddiwch un o’r rhain fel eich cyfeirnod: cyfeirnod cwsmer ( CRN ) cyfeirnod grant (os yw ar gyfer ad-daliad grant) Ni fydd eich taliad yn cael ei gymhwyso i’ch cyfrif benthyciad myfyrwyr os nad ydych yn defnyddio eich rhif cyfeirnod. Siec Er mwyn talu gyda siec, mae angen i chi wneud eich siec yn daladwy i Student Loans Company Ltd a’i anfon at: Finance Department Student Loans Company Ltd 10 Clyde Place Glasgow G5 8DF Mae angen i chi ysgrifennu eich cyfeirnod cwsmer ( CRN ) ar gefn eich siec. Os na fyddwch yn gwneud hyn, ni chaiff eich taliad ei gymhwyso i’ch cyfrif benthyciad myfyrwyr. Mae’n cymryd mwy o amser i brosesau sieciau na thaliadau drwy gerdyn debyd neu drosglwyddiad banc. Bydd eich siec yn cael ei hôl-ddyddio felly ni fyddwch yn cronni llog ychwanegol oherwydd yr oedi. Gwneud ad-daliadau ychwanegol o wlad dramor Gallwch wneud ad-daliadau ychwanegol: drwy eich cyfrif ar-lein drwy Drosglwyddiad Banc Rhyngwladol (IBAN) Cyfrif ar-lein Mewngofnodwch i’ch cyfrif ar-lein er mwyn: gwneud taliad untro neu sefydlu taliadau cerdyn rheolaidd drwy ddefnyddio cerdyn debyd rhyngwladol sefydlu Debyd Uniongyrchol Trosglwyddiad Banc Rhyngwladol Er mwyn trosglwyddo arian o gyfrif banc y tu allan i’r DU, defnyddiwch y manylion canlynol: IBAN: GB37NWBK60708010027254 SWIFT: NWBKGB2L NatWest Government Banking Team NatWest Customer Service Centre Brampton Road Newcastle-under-Lyme Staffordshire ST5 0QX Defnyddiwch un o’r rhain fel eich cyfeirnod: cyfeirnod cwsmer ( CRN ) cyfeirnod grant (os yw ar gyfer ad-daliad grant) Ni fydd eich taliad yn cael ei gymhwyso i’ch cyfrif benthyciad myfyrwyr os nad ydych yn defnyddio eich rhif cyfeirnod. Talu eich benthyciad yn llawn Gallwch gysylltu â’r Cwmni Benthyciadau Myfyrwyr i gael gwybod: y cyfanswm sydd angen i chi ei dalu (dyma’r ‘swm setlo’) y dyddiad y mae angen i chi dalu’r swm hwn erbyn (dyma’r ‘dyddiad setlo’) Bydd angen eich cyfeirnod cwsmer ( CRN ) arnoch a’ch slip cyflog diweddaraf (os ydych yn cael eich cyflogi). Pan fyddwch yn gwybod y cyfanswm sydd angen i chi ei dalu, gallwch dalu drwy gerdyn debyd dros y ffôn, trosglwyddiad banc neu siec. Os nad ydych chi’n talu’r swm setlo erbyn y dyddiad setlo, bydd angen i chi gysylltu â SLC eto. Mae hyn oherwydd gallai’r swm y mae angen i chi ei dalu fod wedi newid. Bydd ond angen i chi ddarparu unrhyw gyfrifiadau neu slipiau cyflog sy’n newydd ers i chi alw ddiwethaf.

Gallwch ofyn am arian yn ôl os: ydych wedi talu mwy na’r cyfanswm sydd arnoch chi oedd eich incwm blynyddol yn is na’r trothwy wnaethoch ddechrau gwneud ad-daliadau cyn yr oedd angen i chi rydych wedi ad-dalu mwy nag sydd angen i chi gan fod eich cyflogwr wedi’ch nodi ar y cynllun ad-dalu anghywir Ni allwch gael arian yn ôl am ad-daliadau ychwanegol. Os ydych yn talu mwy yn ôl nag sydd arnoch chi Bydd Cyllid a Thollau Ei Fawrhydi ( CThEF ) yn dweud wrth eich cyflogwr i roi’r gorau i dynnu ad-daliadau o’ch cyflog pan fyddwch wedi ad-dalu eich benthyciad yn llawn. Gall gymryd hyd at 4 wythnos i ddidyniadau cyflog ddod i ben. Mae hyn yn golygu y gallwch dalu mwy nag sydd arnoch chi. Gallwch osgoi talu mwy nag sydd arnoch chi drwy newid eich taliadau i Ddebyd Uniongyrchol yn ystod blwyddyn olaf eich ad-daliadau. Cadwch eich manylion cyswllt yn gyfredol yn eich cyfrif ar-lein er mwyn i SLC allu rhoi gwybod i chi sut i sefydlu hyn. Os ydych wedi talu gormod, bydd y Cwmni Benthyciadau Myfyrwyr ( SLC ) yn ceisio: cysylltu â chi i ddweud wrthych sut i gael arian yn ôl rhoi arian yn ôl yn awtomatig i chi (bydd hyn yn ymddangos ar eich cyfrif banc fel ‘ SLC Receipts’) Gallwch wirio eich balans benthyciad yn eich cyfrif ar-lein . Os ydych wedi gordalu a heb glywed gan SLC , gallwch ofyn iddo am arian yn ôl. Os oedd eich incwm blynyddol yn is na’r trothwy Eich incwm yw’r swm rydych yn ei ennill (gan gynnwys elfennau fel bonws a goramser) cyn treth a didyniadau eraill. Gallwch ofyn am arian yn ôl os gwnaethoch ad-daliadau ond roedd eich incwm dros y flwyddyn dreth gyfan (6 Ebrill i 5 Ebrill y flwyddyn ganlynol) yn llai na: £26,900 y flwyddyn ar gyfer Cynllun 1 £29,385 y flwyddyn ar gyfer Cynllun 2 £33,795 y flwyddyn ar gyfer Cynllun 4 £21,000 y flwyddyn ar gyfer Benthyciad Ôl-raddedig Os yw eich cyflog blynyddol yn llai na hyn, efallai y bydd eich cyflogwr wedi didynnu ad-daliadau o hyd. Er enghraifft, os talwyd bonws i chi a’i fod wedi eich gwthio dros y trothwy misol ar gyfer eich cynllun, byddai’n didynnu ad-daliad ar gyfer y mis hwnnw. Ni chewch arian yn ôl ar gyfer unrhyw ad-daliadau nes bod SLC wedi cadarnhau eich incwm blynyddol gyda CThEF . Ni fydd hyn yn digwydd tan ar ôl diwedd y flwyddyn dreth. Dim ond ar gyfer blynyddoedd treth sydd wedi dod i ben y gallwch ofyn am arian yn ôl. Os ydych yn ad-dalu cyfuniad o fenthyciadau Cynllun 1, Cynllun 2 a Chynllun 4, dim ond os oedd eich incwm yn llai na’r trothwy isaf y gallwch gael arian yn ôl. Enghraifft Rydych yn ad-dalu benthyciad Cynllun 1 a Chynllun 2. Trothwy Cynllun 1 yw £26,900 y flwyddyn. Trothwy Cynllun 2 yw £29,385 y flwyddyn. Mae trothwy Cynllun 1 yn is. Mae hyn yn golygu mai dim ond os oedd eich incwm yn llai na throthwy Cynllun 1 (£26,900 y flwyddyn) y gallwch gael arian yn ôl. Gwiriwch ba gynllun ad-dalu rydych arno os nad ydych chi’n siŵr. Gallwch wirio’r trothwyon blaenorol os ydych yn gofyn ynghylch arian yn ôl ar ad-daliadau a gafodd eu gwneud cyn y flwyddyn dreth hon. Os gwnaethoch ddechrau ad-dalu cyn yr oedd angen i chi wneud Os caiff swm ei dynnu o’ch cyflog cyn y mae disgwyl i chi ddechrau ad-dalu , gallwch ofyn am arian yn ôl. Os oedd eich cyflogwr wedi’ch nodi ar y cynllun ad-dalu anghywir Gallwch gael arian yn ôl os ydych ar Gynllun 2 neu Gynllun 4 ond roedd eich cyflogwr wedi’ch nodi ar gynllun arall. Gwiriwch fod eich cyflogwr wedi’ch nodi ar y cynllun ad-dalu cywir . Sut i ofyn am arian yn ôl Os oedd eich incwm blynyddol yn is na’r trothwy ar gyfer y flwyddyn dreth flaenorol Mewngofnodwch i’ch cyfrif ad-dalu benthyciad myfyrwyr a gofyn am arian yn ôl. Os ydych angen arian yn ôl am unrhyw reswm arall Cysylltwch â’r Cwmni Benthyciadau Myfyrwyr gyda’ch cyfeirnod cwsmer ( CRN ).

Pryd caiff eich benthyciad i fyfyrwyr ei ddiystyru neu ei ganslo

Mae pryd caiff eich benthyciad myfyrwyr ei ddiystyru neu ei ganslo yn dibynnu ar ba gynllun ad-dalu rydych arno . Os ydych yn fyfyriwr llawn amser o Gymru, efallai y gallwch gael £1,500 o’ch Benthyciad Cynhaliaeth wedi’i ddiystyru . Pryd caiff benthyciadau Cynllun 1 eu diystyru Mae pryd caiff eich benthyciad Cynllun 1 ei ddiystyru yn dibynnu ar bryd y cafodd y benthyciad cyntaf ar gyfer eich cwrs ei dalu i chi. Os cafodd y benthyciad cyntaf ei dalu i chi ar neu ar ôl 1 Medi 2006 Bydd y benthyciadau ar gyfer eich cwrs yn cael eu diystyru 25 mlynedd ar ôl y mis Ebrill yr oeddech chi fod i ddechrau ad-dalu. Os cafodd y benthyciad cyntaf ei dalu i chi cyn 1 Medi 2006 Bydd y benthyciadau ar gyfer eich cwrs yn cael eu diystyru pan rydych yn 65. Pryd caiff benthyciadau Cynllun 2 eu diystyru Caiff benthyciadau Cynllun 2 eu diystyru 30 mlynedd ar ôl y mis Ebrill yr oeddech chi fod i ddechrau ad-dalu. Pryd caiff benthyciadau Cynllun 4 eu diystyru Mae pryd caiff eich benthyciad Cynllun 4 ei ddiystyru yn dibynnu ar bryd y cafodd y benthyciad cyntaf ar gyfer eich cwrs ei dalu i chi. Os cafodd y benthyciad cyntaf ei dalu i chi ar neu ar ôl 1 Awst 2007 Bydd y benthyciadau ar gyfer eich cwrs yn cael eu diystyru 30 mlynedd ar ôl y mis Ebrill yr oeddech chi fod i ddechrau ad-dalu. Os cafodd y benthyciad cyntaf ei dalu i chi cyn 1 Awst 2007 Bydd y benthyciadau ar gyfer eich cwrs yn cael eu diystyru pan fyddwch yn 65, neu 30 mlynedd ar ôl y mis Ebrill yr oeddech chi fod i ddechrau ad-dalu - pa un bynnag a ddaw gyntaf. Pryd caiff benthyciadau Cynllun 5 eu diystyru Caiff benthyciadau Cynllun 5 eu diystyru 40 mlynedd ar ôl y mis Ebrill yr oeddech chi fod i ddechrau ad-dalu. Pryd caiff Benthyciadau Ôl-raddedig eu diystyru Os ydych yn fyfyriwr o Gymru neu Loegr, caiff eich Benthyciad Ôl-raddedig ei ddiystyru 30 mlynedd ar ôl y mis Ebrill yr oeddech chi fod i ddechrau ad-dalu. Os ydych yn fyfyriwr ôl-raddedig o Ogledd Iwerddon, rydych ar Gynllun 1. Os ydych yn fyfyriwr ôl-raddedig o’r Alban, rydych ar Gynllun 4. Os yw rhywun sydd â benthyciad myfyriwr yn marw Bydd y Cwmni Benthyciadau Myfyrwyr ( SLC ) yn canslo benthyciad myfyriwr yr unigolyn. Mae angen i chi roi gwybod i SLC bod yr unigolyn wedi marw a darparu tystiolaeth (er enghraifft, tystysgrif marwolaeth gwreiddiol), yn ogystal â chyfeirnod cwsmer ( CRN ) yr unigolyn. Os na allwch weithio mwyach oherwydd salwch neu anabledd Efallai y gall SLC ganslo eich benthyciad os ydych yn hawlio rhai budd-daliadau anabledd . Bydd angen i chi ddarparu tystiolaeth (er enghraifft, llythyr gan yr asiantaeth budd-daliadau) a’ch cyfeirnod cwsmer ( CRN ).

Ad-dalu eich benthyciad myfyrwyr

Q: Diweddaru eich manylion cyflogaeth

Mae angen i chi ddiweddaru eich manylion os ydych: yn gadael y DU am fwy na 3 mis (er enghraifft, mynd i deithio neu symud dramor) yn dychwelyd i’r DU ar ôl mwy na 3 mis i ffwrdd yn cael llythyr neu e-bost gan y Cwmni Benthyciadau Myfyrwyr ( SLC ) yn gofyn i chi ddiweddaru eich manylion cyflogaeth Mae SLC yn defnyddio’r manylion hyn i gyfrifo a ddylech fod yn ad-dalu eich benthyciad. Efallai y caiff cyfradd llog uwch ei chodi arnoch neu y byddwch yn adeiladu dyled (’cronni ôl-ddyledion’) os nad ydych yn diweddaru eich manylion. Cychwyn nawr

Trosolwg

Dyma sydd angen i chi ei dalu’n ôl:

Benthyciadau Ffioedd Dysgu
Benthyciadau Cynhaliaeth ar gyfer costau byw
benthyciadau ôl-raddedig - er enghraifft, Benthyciad Gradd Meistr neu Fenthyciad Gradd Ddoethurol

Nid oes angen i chi dalu cyllid myfyrwyr arall yn ôl, er enghraifft grantiau a bwrsariaethau. Bydd rhaid i chi ad-dalu unrhyw ordaliadau os byddwch yn derbyn swm mwy o unrhyw fath o gyllid myfyrwyr nag y mae gennych yr hawl iddo.

Mae’n rhaid i chi ad-dalu eich benthyciad myfyrwyr hyd yn oed os ydych yn gadael eich cwrs yn gynnar.

Mae’r canllaw hwn hefyd ar gael yn Saesneg (English).

Mae pryd y byddwch yn dechrau ad-dalu eich benthyciad a faint y byddwch yn ei dalu yn dibynnu ar pa gynllun ad-dalu rydych arno.

Cadwch eich manylion cyswllt yn gyfredol ar eich cyfrif ar-lein er mwyn i chi gael negeseuon ynghylch eich benthyciad.

Sut i ad-dalu

Sut i ad-dalu mae eich benthyciad yn dibynnu ar p’un a ydych:

yn gyflogedig
yn hunangyflogedig neu angen cwblhau ffurflen dreth Hunanasesu am reswm arall

Gallwch wneud ad-daliadau ychwanegol ar eich cyfrif ar-lein a thrwy gerdyn, trosglwyddiad banc neu siec.

Cadwch eich slipiau cyflog a’ch P60 ar gyfer eich cofndion - byddwch eu hangen os ydych am gael arian yn ôl.

Os ydych yn gadael y DU am fwy na 3 mis

Mae’n rhaid i chi ddweud wrth y Cwmni Benthyciadau Myfyrwyr (SLC) os ydych yn gadael y DU am fwy na 3 mis - er enghraifft, os byddwch yn mynd i deithio neu’n symud dramor.

Dywedwch wrth SLC drwy ddiweddaru eich manylion cyflogaeth.

Bydd disgwyl i chi barhau i ad-dalu eich benthyciad oni bai eich bod yn gallu rhoi tystiolaeth (er enghraifft, datganiad banc diweddar) bod eich incwm tramor yn is na’r trothwy.

Os nad ydych yn dweud wrth SLC, gallech adeiladu dyled (’cronni ôl-ddyledion) ar eich cyfrif. Bydd angen i chi dalu ôl-ddyledion yn ôl yn ogystal â’ch ad-daliadau rheolaidd.

Os byddwch yn dychwelyd i’r DU ar ôl mwy na 3 mis i ffwrdd

Mae’n rhaid i chi ddiweddaru eich manylion cyflogaeth pan fyddwch yn dychwelyd i’r DU ar ôl mwy na 3 mis i ffwrdd.

Os nad ydych chi’n gwneud hynny, byddwch yn parhau i ad-dalu eich benthyciad ar gyfradd y wlad rydych wedi bod yn byw ynddi. Gallai hyn olygu:

talu mwy nag sydd ei angen arnoch
mae cyfradd llog uwch yn cael ei chodi arnoch

Mewngofnodi

Mewngofnodwch i’ch cyfrif ar-lein os oes gennych chi un eisoes.

Argraffu'r canllaw cyfan

Ad-dalu eich benthyciad myfyrwyr

Trosolwg

Sut i ad-dalu

Os ydych yn gadael y DU am fwy na 3 mis

Os byddwch yn dychwelyd i’r DU ar ôl mwy na 3 mis i ffwrdd

Mewngofnodi

Is this page useful?

Help us improve GOV.UK

Help us improve GOV.UK

Cookies on GOV.UK

Ad-dalu eich benthyciad myfyrwyr

Trosolwg

Sut i ad-dalu

Os ydych yn gadael y DU am fwy na 3 mis

Os byddwch yn dychwelyd i’r DU ar ôl mwy na 3 mis i ffwrdd

Mewngofnodi

Cynnwys cysylltiedig

Is this page useful?

Help us improve GOV.UK

Help us improve GOV.UK