Skip to main content

Taliad Tanwydd Gaeaf

Sgipio cynnwys

Eithrio allan o’r Taliad Tanwydd Gaeaf

Gallwch ddewis eithrio allan o dderbyn Taliad Tanwydd Gaeaf.

Os na fyddwch yn eithrio allan ac mae cyfanswm eich incwm dros £35,000, byddwch yn derbyn Taliad Tanwydd Gaeaf ond bydd CThEF yn ei gymryd yn ôl. Ni allwch ei ddychwelyd eich hun. Gallwch wirio sut y bydd CThEF yn ei gymryd yn ôl.

Sut i eithrio allan

I eithrio allan o gael Taliadau Tanwydd Gaeaf, gallwch naill ai:

Bydd angen i chi ddarparu eich rhif Yswiriant Gwladol pan fyddwch chi’n defnyddio’r ffurflen ar-lein neu’n ffonio’r llinell gymorth.

Bydd angen i chi fewngofnodi i ddefnyddio’r gwasanaeth Rheoli eich Pensiwn y Wladwriaeth. Os nad oes gennych fanylion mewngofnodi eisoes, byddwch yn gallu eu creu.

Ni fydd eithrio allan yn effeithio ar eich Pensiwn y Wladwriaeth.

Nid oes angen i chi eithrio allan bob blwyddyn. Ni fyddwch yn cael Taliad Tanwydd Gaeaf yn y blynyddoedd i ddod oni bai eich bod yn eithrio i mewn eto.

Os ydych eisiau eithrio yn ôl i mewn

Gallwch eithrio yn ôl i fewn drwy gysylltu â’r Ganolfan Taliad Tanwydd Gaeaf. I gael taliad ar gyfer gaeaf 2026 i 2027 bydd angen i chi gysylltu â hwy cyn 31 Mawrth 2027.

Cysylltu â’r Ganolfan Taliad Tanwydd Gaeaf

Pan fyddwch yn cysylltu â’r ganolfan daliadau, byddwch angen dweud wrthynt eich manylion personol fel:

Gallwch naill ai ffonio’r llinell gymorth neu anfon llythyr trwy’r post.

Ffurflen ymholiadau e-bost
Ffôn: 0800 731 0160
Relay UK (os na allwch glywed na siarad ar y ffôn): 18001 ac yna 0800 731 0160
Gwasanaeth ‘video relay’ Iaith Arwyddion Prydain (BSL) os ydych yn denfyddio cyfrifiadur – darganfyddwch sut i ddefnyddio’r gwasanaeth ar ffôn symudol neu dabled
Dydd Llun i ddydd Gwener, 8am i 6pm
Darganfyddwch am gostau galwadau

Winter Fuel Payment Centre
Mail Handling Site A
Wolverhampton
WV98 1LR

Argraffu'r canllaw cyfan

Cynnwys cysylltiedig