Dod o hyd i rif Yswiriant Gwladol sydd ar goll
Os nad ydych yn gwybod beth yw’ch rhif Yswiriant Gwladol, y ffordd hawsaf a chyflymaf o ddod o hyd iddo yw:
- ar-lein, drwy’ch Cyfrif Treth Personol
- yn ap CThEF
- yn eich Apple Wallet neu’ch Google Wallet (os wnaethoch ei gadw yna o’ch Cyfrif Treth Personol)
- ar ddogfen sydd gennych eisoes, er enghraifft slip cyflog neu P60
Os oes angen llythyr arnoch sy’n dangos eich rhif Yswiriant Gwladol, gallwch argraffi un o’ch cyfrif treth personol neu drwy’r ap.
Ni fydd Cyllid a Thollau EF (CThEF) yn rhoi’ch rhif Yswiriant Gwladol i chi dros y ffôn. Os byddwch yn eu ffonio, gall gymryd hyd at 15 diwrnod i gael llythyr yn cadarnhau’ch rhif Yswiriant Gwladol.
Mae’r dudalen hon ar gael hefyd yn Saesneg.
Dod o hyd i’ch rhif Yswiriant Gwladol ar-lein
Bydd angen i chi fewngofnodi i’ch cyfrif treth personol gan ddefnyddio’ch Dynodydd Defnyddiwr (ID) a chyfrinair ar gyfer Porth y Llywodraeth.
Dod o hyd i’ch rhif Yswiriant Gwladol ar ddogfen
Mae’n bosibl y gallwch ddod o hyd iddo ar:
- slip cyflog
- P60
- llythyrau ynghylch treth, pensiynau neu fudd-daliadau
Gofyn i CThEF am eich rhif Yswiriant Gwladol
Os ydych yn dal i fethu â dod o hyd iddo, gallwch wneud y canlynol:
- llenwi ffurflen CA5403 a’i hanfon i’r cyfeiriad a ddangosir ar y ffurflen
- cysylltu â Gwasanaeth Cwsmeriaid Cymraeg CThEF ac ateb ambell gwestiwn (bydd angen i chi lenwi ffurflen CA5403 os na allwch ateb y cwestiynau)
Bydd CThEF yn anfon eich rhif Yswiriant Gwladol atoch drwy’r post a bydd yn cyrraedd cyn pen 15 diwrnod gwaith.
Nid yw CThEF yn anfon cardiau rhif Yswiriant Gwladol mwyach.
Os nad ydych erioed wedi cael rhif Yswiriant Gwladol
Gallwch wneud cais am rif Yswiriant Gwladol os nad ydych wedi cael un o’r blaen.