Ffurflenni Treth Hunanasesiad

Sgipio cynnwys

Anfon Ffurflen Dreth

Gallwch anfon Ffurflen Dreth drwy wneud y naill neu’r llall o’r canlynol: 

  • cyflwyno Ffurflen Dreth ar-lein  

  • anfon Ffurflen Dreth bapur 

Gallwch gael help i lenwi’ch Ffurflen Dreth. 

Pryd i anfon eich Ffurflen Dreth 

Gwiriwch ddyddiad cau ar gyfer cyflwyno. Mae’r dyddiad cau am anfon Ffurflen Dreth bapur cyn y dyddiad cau ar gyfer Ffurflen Dreth ar-lein. 

Gallwch anfon eich Ffurflen Dreth unrhyw bryd ar ôl 5 Ebrill. Trwy anfon y Ffurflen Dreth yn gynt gallwch wneud y canlynol: 

Os nad ydych yn gwybod eich elw ar gyfer y flwyddyn dreth gyfan  

Mae’n bosibl na fyddwch yn gwybod beth fydd eich elw ar gyfer y flwyddyn dreth gyfan, er enghraifft:  

  • os yw’ch ‘cyfnod cyfrifyddu’ yn dod i ben ar amser gwahanol i ddiwedd y flwyddyn dreth 

  • os yw’ch ‘cyfnod cyfrifyddu’ yn wahanol i’ch ‘cyfnod sail’ 

  • os ydych chi’n aros am brisiad 

‘Cyfnod cyfrifyddu’ yw’r cyfnod y mae cyfrifon busnes yn cael eu cau (12 mis fel arfer) ac yn dod â’r flwyddyn busnes i ben. Gall hyn fod yn wahanol i’r cyfnod a ddefnyddir i nodi’r elw trethadwy mewn unrhyw flwyddyn dreth benodol (a elwir hefyd yn ‘gyfnod sail’). 

Os nad ydych yn gwybod beth bydd eich elw ar gyfer y flwyddyn dreth gyfan cyn y dyddiad cau, dylech gyfrifo beth mae’n debygol o fod (a elwir yn ‘ffigurau dros dro’) a’u cynnwys. 

Dylech roi gwybod i CThEF eich bod wedi defnyddio ffigurau dros dro pan fyddwch yn cyflwyno’ch Ffurflen Dreth. 

Pan fyddwch yn darganfod beth oedd eich elw ar gyfer y flwyddyn dreth gyfan, bydd angen i chi newid eich Ffurflen Dreth. Mae gennych 12 mis o’r dyddiad cau ar gyfer Hunanasesiad i wneud y newidiadau hyn. 

Os oes rhagor o dreth yn ddyledus, bydd angen i chi dalu llog ar y gwahaniaeth rhwng eich amcangyfrifon a’r ffigurau terfynol. Bydd y llog yn cael ei gyfrifo o’r dyddiad dyledus gwreiddiol ar gyfer talu. Os ydych wedi talu gormod o dreth, bydd llog yn cael ei dalu i chi. 

Cyflwyno Ffurflen Dreth ar-lein  

Gallwch gyflwyno’ch Ffurflen Dreth Hunanasesiad ar-lein.

Anfon Ffurflen Dreth bapur 

Os oes angen copi papur o’r brif Ffurflen Dreth Hunanasesiad arnoch, gallwch wneud y canlynol: 

Os oes angen i chi anfon Ffurflen Dreth ar gyfer ymddiriedolwyr cynllun pensiwn cofrestredig, bydd yn rhaid i chi lawrlwytho ffurflen SA970 (yn agor tudalen Saesneg). 

Gallwch lawrlwytho pob ffurflen a thudalen atodol arall. 

Ar ôl anfon eich Ffurflen Dreth papur, gallwch wirio pryd y gallwch ddisgwyl ateb gan CThEF. 

Defnyddio meddalwedd fasnachol i anfon Ffurflen Dreth 

Gallwch ddefnyddio meddalwedd fasnachol: 

  • ar gyfer partneriaeth 

  • ar gyfer ymddiriedolaeth ac ystâd 

  • os ydych yn cael incwm o ymddiriedolaeth 

  • os oeddech yn byw dramor (yn agor tudalen Saesneg) fel unigolyn dibreswyl 

  • os ydych yn un o danysgrifenwyr Lloyd’s 

  • os ydych yn Weinidog yr Efengyl 

  • i roi gwybod am elw a wnaed wrth werthu neu waredu mwy nag un ased (‘enillion trethadwy’) 

Dod o hyd i ddarparwr meddalwedd fasnachol (yn agor tudalen Saesneg).

Gweld fersiwn argraffadwy o'r canllaw cyfan

Cynnwys cysylltiedig