Ffurflenni Treth Hunanasesiad
Cofrestru ar gyfer Hunanasesiad
Mae’n rhaid i chi roi gwybod i CThEF erbyn 5 Hydref os oes angen i chi lenwi Ffurflen Dreth ar gyfer y flwyddyn flaenorol a bod un o’r canlynol yn wir amdanoch:
- heb gyflwyno Ffurflen Dreth o’r blaen
- wedi cofrestru o’r blaen, ond nid oedd angen i chi gyflwyno Ffurflen Dreth ar gyfer blwyddyn dreth 2023 i 2024
Gwiriwch sut i gofrestru ar gyfer Hunanasesiad i ddysgu sut i roi gwybod i CThEF. Mae’n bosibl y bydd angen i chi ail-actifadu’ch cyfrif Hunanasesiad.
Mae’n bosibl y bydd eich Ffurflen Dreth yn cael ei hoedi os ydych yn ei chyflwyno heb ailactifadu cyfrif presennol.
Mae angen i chi gadw cofnodion (yn agor tudalen Saesneg) (er enghraifft cyfriflenni banc neu dderbynebau) fel y gallwch lenwi’ch Ffurflen Dreth yn gywir.
Paratoi ar gyfer eich bil treth
Bydd angen i chi dalu eich bil treth erbyn 31 Ionawr.
I baratoi, unwaith eich bod wedi cofrestru, gallwch wneud y canlynol:
- amcangyfrif faint o dreth efallai y bydd yn rhaid i chi ei thalu
- trefnu taliadau wythnosol neu’n fisol i’ch helpu gyda chyllidebu ar gyfer eich bil
- anfon eich Ffurflen Dreth unrhyw adeg ar ôl 5 Ebrill - wrth wneud hyn yn gynnar, cewch wybod beth yw’r swm sydd arnoch