Tâl Treth Budd-dal Plant Incwm Uchel
Optio allan o gael taliadau Budd-dal Plant
Os ydych yn optio allan o gael taliadau Budd-dal Plant, rydych yn parhau i fod wedi’ch cofrestru ar gyfer Budd-dal Plant ond nad ydych yn cael y taliadau.
Ni fyddai’n rhaid i chi dalu’r tâl treth, ond byddwch yn parhau i gael y canlynol:
- credydau Yswiriant Gwladol sy’n cyfrif tuag at eich Pensiwn y Wladwriaeth
- rhif Yswiriant Gwladol ar gyfer eich plentyn heb iddo orfod gwneud cais am un – fel arfer, bydd yn cael y rhif ychydig cyn iddo gael ei ben blwydd yn 16 mlwydd oed
Sut i optio allan
I optio allan o gael taliadau Budd-dal Plant, gallwch wneud y naill neu’r llall o’r canlynol:
Bydd angen i chi fewngofnodi er mwyn defnyddio’r gwasanaeth ar-lein neu lenwi’r ffurflen ar-lein. Os nad oes gennych fanylion mewngofnodi eisoes, byddwch yn gallu eu creu.
Gallwch hefyd gysylltu â’r Swyddfa Budd-dal Plant dros y ffôn neu drwy’r post i optio allan.
Ni allwch ddefnyddio’r gwasanaeth ar-lein na’r ffurflen ar-lein os taw penodai ydych neu asiant awdurdodedig.
Ni allwch optio allan o gael taliadau Budd-dal Plant os ydych yn eu defnyddio i ad-dalu gordaliad neu i ad-dalu rhai budd-daliadau eraill o wlad arall.
Cyfrifoldebau ar ôl i chi optio allan o gael taliadau Budd-dal Plant
Mae’n rhaid i chi dalu unrhyw dâl treth sydd arnoch am bob blwyddyn dreth hyd at y dyddiad y daw eich taliadau Budd-dal Plant i ben.
Defnyddiwch y gyfrifiannell dreth ar gyfer Budd-dal Plant (yn agor tudalen Saesneg) i amcangyfrif faint a allai fod arnoch bob blwyddyn dreth.
Hyd yn oed os byddwch yn optio allan o gael taliadau, mae’n rhaid i chi roi gwybod am unrhyw newidiadau yn eich bywyd teuluol sy’n effeithio ar eich hawl i Fudd-dal Plant.