Tâl Treth Budd-dal Plant Incwm Uchel

Sgipio cynnwys

Talu’r tâl treth drwy Hunanasesiad

Mae’n rhaid i chi dalu tâl treth drwy Hunanasesiad os yw unrhyw un o’r canlynol yn berthnasol:

  • mae angen i chi anfon Ffurflen Dreth am reswm arall, er enghraifft os ydych yn dod yn hunangyflogedig
  • mae hi’n hwyrach na 31 Ionawr yn ystod y flwyddyn ar ôl y flwyddyn dreth y mae angen i chi dalu ar ei chyfer

Enghraifft

Mae angen i chi dalu’r tâl treth ar gyfer y flwyddyn dreth sy’n cychwyn ar 6 Ebrill 2025. Os yw hi’n hwyrach na 31 Ionawr 2027, mae’n rhaid i chi wneud y taliad drwy Hunanasesiad.

Fel arall, cewch ddewis talu’r tâl treth drwy TWE.

Sut i dalu drwy Hunanasesiad

  1. Cofrestrwch ar gyfer Hunanasesiad.

  2. Llenwch Ffurflen Dreth Hunanasesiad bob blwyddyn dreth a thalu’r hyn sydd arnoch.

Cofrestru ar gyfer Hunanasesiad

Os nad ydych fel arfer yn anfon Ffurflen Dreth, bydd angen i chi gofrestru erbyn 5 Hydref yn dilyn y flwyddyn dreth y mae’n rhaid i chi dalu’r tâl treth ar ei chyfer.

Mae’n bosibl y cewch gosb os oes angen i chi gofrestru drwy Hunanasesiad ond nad ydych yn cofrestru ar ei gyfer neu os nad ydych yn datgan Budd-dal Plant ar eich Ffurflen Dreth.

Cewch lythyr yn rhoi gwybod am yr hyn i’w wneud nesaf ar ôl i chi gofrestru.

Cofrestru nawr

Newid o dalu drwy Hunanasesiad i dalu drwy TWE

Ffoniwch CThEF os yw’r ddau amod canlynol yn berthnasol:

Bydd angen y canlynol arnoch:

  • eich incwm net wedi’i addasu
  • rhif Yswiriant Gwladol unrhyw bartner sydd wedi cael taliadau Budd-dal Plant yn y flwyddyn dreth ddiwethaf  
  • dyddiadau’r perthnasoedd gydag unrhyw bartneriaid oedd yn cael Budd-dal Plant

Os na allwch gael gwybodaeth gan eich partner neu gynbartner

Gallwch ysgrifennu at Gyllid a Thollau EF (CThEF) i ofyn p’un a yw’ch partner neu gynbartner yn cael Budd-dal Plant, neu a yw ei incwm yn uwch na’ch incwm chi. Bydd CThEF yn rhoi ateb i chi - ni fydd yn rhoi unrhyw wybodaeth ariannol i chi.

Gallwch ond ofyn am yr wybodaeth hon os ydych chi a’ch partner naill ai’n byw gyda’ch gilydd neu wedi gwahanu yn ystod y flwyddyn dreth yr ydych am gael gwybodaeth ar ei chyfer.

Ysgrifennu at CThEF

Mae’n rhaid i chi roi gwybod i CThEF pa flwyddyn dreth yr ydych yn gofyn yn ei chylch, yn ogystal â rhoi’r wybodaeth ganlynol amdanoch:

Os gallwch, rhowch yr wybodaeth ganlynol am eich partner neu gyn-bartner:

  • cyfeiriad
  • dyddiad geni
  • rhif Yswiriant Gwladol, os ydych yn gwybod beth ydyw
  • Cyfeirnod Unigryw y Trethdalwr, os oes un ganddo

Anfonwch eich llythyr i: 

Talu Wrth Ennill a Hunanasesiad
Cyllid a Thollau EF
BX9 1ST

Argraffu'r canllaw cyfan

Cynnwys cysylltiedig