Yr hyn y byddwch yn ei gael

Mae 2 gyfradd Budd-dal Plant. Ar gyfer pwy mae’r lwfans Cyfradd (wythnosol) Y plentyn hynaf neu unig blentyn £27.05 Plant ychwanegol £17.90 y plentyn Mae’n rhaid i chi gysylltu â’r Swyddfa Budd-dal Plant os bydd gormod o Fudd-dal Plant yn cael ei dalu i chi neu os na fydd digon ohono’n cael ei dalu i chi. Bydd unrhyw daliadau Budd-dal Plant a gewch yn cyfrif tuag at y cap budd-daliadau . Os yw’r cap yn effeithio arnoch chi, byddwch yn dal i gael swm llawn eich taliadau Budd-dal Plant, ond efallai y caiff eich budd-daliadau eraill eu gostwng. Os bydd teuluoedd yn gwahanu Os bydd teulu’n gwahanu, cewch £27.05 yr wythnos ar gyfer y plentyn hynaf. Os oes gennych 2 o blant a bod un yn byw gyda chi a’r llall yn byw gyda rhywun arall (er enghraifft, eich cyn-bartner), bydd y ddau ohonoch yn cael £27.05 yr wythnos yr un. Os yw’r ddau ohonoch yn hawlio ar gyfer yr un plentyn, dim ond un ohonoch fydd yn cael Budd-dal Plant ar ei gyfer. Os oes hawl gennych i Fudd-dal Plant ar gyfer unrhyw blant eraill, cewch £17.90 y plentyn. Os bydd teuluoedd yn dod at ei gilydd Os byddwch yn symud i fyw gyda phartner sydd hefyd yn hawlio Budd-dal Plant, byddwch yn cael £27.05 ar gyfer plentyn hynaf yr aelwyd. Cewch £17.90 ar gyfer unrhyw blant iau. Gallwch chi a’ch partner hawlio ar gyfer gwahanol blant. Os ydych yn byw gyda’ch gilydd, ni all y ddau ohonoch hawlio ar y gyfradd uwch – mae’n bosibl y bydd yn rhaid i chi dalu rhan o’r arian yn ôl os byddwch yn gwneud hynny. Mae’n rhaid i chi roi gwybod am newidiadau i’ch amgylchiadau teuluol . Os ydych chi neu’ch partner yn ennill mwy na’r trothwy Os yw’ch ‘incwm net wedi’i addasu’ chi, neu un eich partner, yn fwy na’r trothwy, efallai y bydd yn rhaid i chi dalu’r Tâl Treth Budd-dal Plant Incwm Uchel . Eich incwm net wedi’i addasu yw cyfanswm eich incwm trethadwy cyn unrhyw lwfansau personol a llai pethau fel Rhodd Cymorth. Mae cyfanswm eich incwm trethadwy yn cynnwys llog o gynilion a difidendau. Os oes angen i chi dalu’r tâl, rydych yn dal i allu cael y manteision eraill o Fudd-dal Plant megis credydau Yswiriant Gwladol. Ni fydd y tâl yn fwy na’r swm a gewch o daliadau Budd-dal Plant. Cyfrifwch a yw’ch incwm net wedi’i addasu yn fwy na’r trothwy, gan ddefnyddio’r gyfrifiannell treth Budd-dal Plant (yn agor tudalen Saesneg) . Os ydyw, bydd y gyfrifiannell hefyd yn rhoi gwybod i chi faint o dâl y bydd angen i chi ei dalu. Os oes gennych chi a’ch partner incwm unigol sydd dros y trothwy, yna bydd y sawl sydd â’r incwm net wedi’i addasu uchaf yn gyfrifol am dalu’r tâl. Os oes gennych chi, neu’ch partner, incwm unigol sydd o leiaf £20,000 uwchben y trothwy (o leiaf £10,000 uwchben y trothwy, cyn mis Ebrill 2024), codir yr un swm arnoch ag y byddwch yn ei wneud drwy daliadau Budd-dal Plant. Yn y pen draw, ni fydd gennych unrhyw arian ychwanegol o Fudd-dal Plant. Gallwch wneud hawliad ac optio allan o gael taliadau os nad ydych yn dymuno talu’r tâl. Byddwch yn dal i allu cael y manteision eraill a ddarperir gan Fudd-dal Plant, megis credydau Yswiriant Gwladol. Os ydych o dan 16 oed Gallwch naill ai hawlio am eich plentyn eich hun neu gall rhywun sy’n gyfrifol amdanoch hawlio amdanynt ar eich rhan . Fel arfer, byddwch chi’n cael mwy os ydych chi’n hawlio’ch hun.

Sut a phryd caiff ei dalu

Fel arfer, caiff Budd-dal Plant ei dalu bob 4 wythnos ar ddydd Llun neu ddydd Mawrth. Gall yr arian gael ei dalu yn wythnosol i chi os ydych yn rhiant sengl neu’n cael rhai budd-daliadau eraill, megis Credyd Cynhwysol. Gallwch drefnu bod yr arian yn cael ei dalu i mewn i unrhyw gyfrif , ar wahân i’r canlynol: cyfrif cerdyn Swyddfa’r Post cyfrif CashBuilder Nationwide (cod didoli 07 00 30) yn enw rhywun arall Gellir ond talu’r arian i mewn i un cyfrif.

Pwy all gael Budd-dal Plant

Dim ond un person all gael Budd-dal Plant ar gyfer plentyn. Fel arfer, rydych yn gymwys i gael Budd-dal Plant os ydych yn gyfrifol am blentyn o dan 16 oed, a’ch bod yn byw yn y DU. Rydych fel arfer yn gyfrifol am blentyn os yw’r naill neu’r llall o’r canlynol yn wir: rydych yn byw gyda’r plentyn rydych yn talu o leiaf yr un swm â Budd-dal Plant (neu’r swm cyfatebol mewn nwyddau) tuag at ofalu am y plentyn – er enghraifft, ar fwyd, dillad neu arian poced Mae’r rheolau cymhwystra’n wahanol os yw’ch plentyn yn: mynd mewn i’r ysbyty neu i ofal byw gyda rhywun arall Pan fydd eich plentyn yn troi’n 16 oed neu’n hŷn Fel arfer, byddwch yn dal i fod yn gymwys i gael Budd-dal Plant os yw’ch plentyn o dan 20 oed ac yn parhau ag addysg neu hyfforddiant cymeradwy. Gallwch wneud cais i gael 20 wythnos ychwanegol o Fudd-dal Plant os yw’ch plentyn yn 16 neu’n 17 oed ac yn gadael addysg neu hyfforddiant er mwyn cofrestru gyda’r naill neu’r llall o’r canlynol: gwasanaeth gyrfaoedd a noddir gan y llywodraeth gwasanaethau arfog Dysgwch ragor am Fudd-dal Plant pan fo’ch plentyn yn troi’n 16 oed neu’n hŷn . Maethu plentyn Cewch Fudd-dal Plant os byddwch yn maethu plentyn, ar yr amod nad yw’r cyngor lleol yn talu dim byd tuag at lety neu gynhaliaeth y plentyn. Mabwysiadu plentyn Gallwch hawlio Budd-dal Plant cyn gynted ag y bydd unrhyw blentyn rydych yn ei fabwysiadu yn dod i fyw gyda chi – does dim rhaid i chi aros hyd nes y bydd y broses fabwysiadu wedi’i chwblhau. Efallai y gallwch gael Budd-dal Plant am gyfnod cyn mabwysiadu’r plentyn – cysylltwch â’r Swyddfa Budd-dal Plant i gael gwybod. Gofalu am blentyn rhywun arall Mae’n bosibl y gallwch gael Budd-dal Plant os oes gennych drefniant anffurfiol i ofalu am blentyn ffrind neu berthynas. Efallai na fyddech yn gymwys os yw’ch cyngor lleol yn talu tuag at lety neu gynhaliaeth y plentyn – cysylltwch â’r Swyddfa Budd-dal Plant i gael gwybod. Ni all dau berson gael Budd-dal Plant ar gyfer yr un plentyn. Os ydych chi a rhywun arall yn gyfrifol am yr un plentyn, bydd angen i chi gytuno rhyngoch chi pwy fydd yn cael y Budd-dal Plant. Os na fyddwch yn gallu dod i gytundeb, bydd Cyllid a Thollau EF ( CThEF ) yn penderfynu pwy fydd yn ei gael. Mae’n bosibl hefyd y bydd gennych hawl i Lwfans Gwarcheidwad os ydych yn gyfrifol am blentyn sydd wedi colli un o’i rieni, neu’r ddau ohonynt. Byw dramor Mae’n bosibl y gallwch gael Budd-dal Plant os ewch i fyw mewn gwledydd penodol neu os ydych yn was y Goron . Os oes gennych statws preswylydd sefydlog drwy’r Cynllun Preswylio’n Sefydlog i Ddinasyddion yr UE Os oes gennych statws preswylydd sefydlog, gallwch hawlio Budd-dal Plant. Os oes gennych statws preswylydd cyn-sefydlog drwy’r Cynllun Preswylio’n Sefydlog i Ddinasyddion yr UE Gallwch hawlio Budd-dal Plant os yw unrhyw un o’r canlynol yn berthnasol. Os ydych yn gweithio Mae’n rhaid i chi ennill, neu ddisgwyl ennill, mwy na’r Prif Drothwy (PD) ar gyfer cyflogeion sy’n talu Yswiriant Gwladol (yn agor tudalen Saesneg) am 3 mis yn olynol. Os ydych yn chwilio am waith Gallwch barhau i hawlio Budd-dal Plant am 91 diwrnod os ydych yn geisiwr gwaith, oni bai eich bod yn cael cynnig swydd. Os oes gennych ddigon o adnoddau i gynnal eich hun yn ariannol Gallwch hawlio Budd-dal Plant os oes gennych ddigon o adnoddau i gynnal eich hun yn ariannol. Mae hyn yn golygu nad ydych yn hawlio Cymhorthdal Incwm, Lwfans Ceisio Gwaith ar sail incwm, Credyd Pensiwn na Chredyd Cynhwysol. Os ydych yn astudio Mae’n rhaid i chi fod â digon o adnoddau i gynnal eich hun yn ariannol. Os ydych yn aelod o deulu rhywun sy’n wladolyn yr AEE neu’r Swistir sydd â hawl i breswylio yn y DU Gallwch hawlio Budd-dal Plant os mai chi yw: ei briod neu bartner sifil ei blentyn neu ŵyr/wyres sy’n ddibynnol arno, neu sydd o dan 21 oed ei riant neu riant cu sy’n ddibynnol arno Os ydych yn symud i’r DU Gwiriwch a allwch gael Budd-dal Plant os ydych yn symud i’r DU a bod gennych hawl i breswylio yn y DU. Os bydd eich plentyn yn dechrau gweithio neu’n cael budd-daliadau yn ei enw ei hun Bydd eich Budd-dal Plant yn dod i ben os bydd eich plentyn yn: dechrau gwaith taledig am 24 awr neu fwy yr wythnos, ac os nad yw mewn addysg na hyfforddiant cymeradwy mwyach dechrau prentisiaeth yn Lloegr (yn agor tudalen Saesneg) dechrau cael budd-daliadau penodol, megis Lwfans Cyflogaeth a Chymorth, neu Gredyd Cynhwysol Gwiriwch yr hyn sy’n cael ei gyfrif fel addysg neu hyfforddiant cymeradwy pan fo’ch plentyn yn troi’n 16 oed . Cysylltwch â’r Swyddfa Budd-dal Plant os nad ydych yn sicr a ydych yn gymwys.

Gallwch hawlio Budd-dal Plant 48 awr ar ôl i chi gofrestru genedigaeth eich plentyn, neu unwaith y daw plentyn i fyw gyda chi. Mae modd ôl-ddyddio Budd-dal Plant am hyd at 3 mis o’r dyddiad y gwnaethoch y cais. Os ydych yn gwneud cais newydd ar gyfer plentyn sy’n hŷn nag 16, gwiriwch a ydynt yn gymwys . Penderfynu pwy ddylai hawlio Dim ond un person all gael Budd-dal Plant ar gyfer plentyn, felly bydd angen i chi benderfynu a yw’n well i chi neu’r rhiant arall hawlio. Bydd pwy bynnag sy’n hawlio yn cael credyd Yswiriant Gwladol tuag at eu pensiwn y wladwriaeth. Gall y credyd lenwi bylchau yn eich cofnodion os nad ydych yn gweithio, neu ddim yn ennill digon i dalu cyfraniadau Yswiriant Gwladol. Gallwch chi a’ch partner hawlio ar gyfer gwahanol blant. Os ydych yn byw gyda’ch gilydd, dim ond un ohonoch all hawlio ar y gyfradd uwch, ar gyfer y plentyn hynaf yn y cartref . Os yw’r ddau ohonoch yn hawlio ar y gyfradd uwch – mae’n bosibl y bydd yn rhaid i chi dalu rhywfaint o’r arian yn ôl. Os ydych o dan 16 oed Gallwch naill ai hawlio am eich plentyn eich hun neu gall rhywun sy’n gyfrifol amdanoch hawlio amdanynt ar eich rhan . Fel arfer, byddwch chi’n cael mwy os ydych chi’n hawlio’ch hun. Gwneud hawliad ar-lein Defnyddiwch y gwasanaeth hwn i wneud hawliad am Fudd-dal Plant neu i ychwanegu plentyn arall i hawliad sy’n bodoli eisoes. Dechrau nawr Gwyliwch y fideo hwn er mwyn dysgu rhagor am sut i wneud cais ar-lein am Fudd-dal Plant. Fideo YouTube ynghylch sut i hawlio Budd-dal Plant ar-lein . Cyn i chi ddechrau Bydd angen y canlynol arnoch: tystysgrif geni pob plentyn, os yw’r dystysgrif gennych eich manylion banc neu gymdeithas adeiladu eich rhif Yswiriant Gwladol - os oes un gennych rhif Yswiriant Gwladol eich partner (os oes partner gennych) Gallwch archebu tystysgrif geni neu fabwysiadu newydd (yn agor tudalen Saesneg) os ydych wedi colli’r gwreiddiol. Os nad oes gennych dystysgrif geni neu fabwysiadu Gallwch barhau i hawlio heb dystysgrif geni neu fabwysiadu Bydd hyn yn cymryd mwy o amser. Mae’n bosibl y bydd yn rhaid i chi anfon y dystysgrif fel prawf ar ôl i chi gofrestru. Os byddwch yn llwyddiannus, bydd eich cais yn cael ei ôl-ddyddio am hyd at 3 mis o’r dyddiad y gwnaethoch y cais. Os nad ydych yn anfon y dystysgrif y gofynnwyd gennym amdano, mae’n bosib y bydd rhaid cychwyn y cais eto. Os cofrestrwyd genedigaeth eich plentyn y tu allan i’r DU Bydd angen i chi anfon: tystysgrif geni neu fabwysiadu gwreiddiol eich plentyn pasbort eich plentyn, neu’r dogfennau teithio a ddefnyddiodd i ddod i mewn i’r DU Os mai e-fisa yw’r unig fath o ID sydd gan eich plentyn, byddwn yn gwirio’r manylion hyn. Nid oes angen i chi ddarparu cod rhannu. Fel arfer, bydd unrhyw ddogfennau yr ydych yn eu hanfon yn cael eu dychwelyd cyn pen 4 wythnos. Os nad oes gennych y dystysgrif sydd ei hangen arnoch, gwnewch hawliad nawr ac anfonwch y dystysgrif pan fydd yn eich meddiant. Dulliau eraill o hawlio Os na allwch wneud cais ar-lein, gallwch hawlio: drwy’r post dros y ffôn Hawlio Budd-dal Plant ar ran rhywun arall Efallai y bydd modd i chi reoli hawliad Budd-dal Plant rhywun arall .

Gwneud newid i’ch hawliad

Rhaid i chi roi gwybod am unrhyw newid mewn amgylchiadau i’r Swyddfa Budd-dal Plant. Mae’r rhain yn cynnwys newidiadau i’r canlynol: eich bywyd teuluol, er enghraifft, priodi bywyd eich plentyn, er enghraifft, mae’ch plentyn yn gadael addysg neu hyfforddiant Newid pwy sy’n cael Budd-dal Plant Cysylltwch â’r Swyddfa Budd-dal Plant os hoffech i rywun arall hawlio Budd-dal Plant, er enghraifft, eich priod neu’ch partner. Ar ôl i chi wneud hyn, dywedwch wrth y person arall am wneud hawliad newydd. Optio allan o gael taliadau neu eu hailddechrau Gallwch wneud hawliad a dewis optio allan o gael taliadau Budd-dal Plant unrhyw bryd. Er enghraifft, efallai y byddwch yn optio allan o gael taliadau gan fod eich incwm blynyddol dros £60,000 ac nad ydych yn dymuno talu’r Tâl Treth Budd-dal Plant Incwm Uchel . Byddwch yn dal i gael y manteision eraill a ddarperir gan Fudd-dal Plant, megis credydau Yswiriant Gwladol. Gallwch ailddechrau’ch taliadau Budd-dal Plant unrhyw bryd.

Cael help gyda’ch hawliad

Cysylltwch â’r Swyddfa Budd-dal Plant os oes gennych unrhyw gwestiynau. Os ydych yn anghytuno â phenderfyniad Gallwch herio penderfyniad ynghylch eich hawliad. Gelwir hyn yn gofyn am ailystyriaeth orfodol. Gwneud cwyn Gallwch gwyno wrth y Swyddfa Budd-dal Plant os ydych yn anfodlon ar y ffordd rydych wedi cael eich trin.

Budd-dal Plant

Sut mae’n gweithio

Cewch Fudd-dal Plant os ydych yn gyfrifol am fagu plentyn sydd:

o dan 16 oed
o dan 20 os yw’n parhau ag cymeradwy addysg neu hyfforddiant

Dim ond un person all gael Budd-dal Plant ar gyfer plentyn.

Nid oes terfyn ar nifer y plant y gallwch hawlio ar eu cyfer.

Mae’r canllaw hwn hefyd ar gael yn Saesneg.

Drwy hawlio Budd-dal Plant, gallwch hefyd gael:

lwfans wedi’i dalu i chi ar gyfer pob plentyn - fel arfer byddwch yn ei gael pob 4 wythnos
credydau Yswiriant Gwladol sy’n cyfrif tuag at eich Pensiwn y Wladwriaeth
rhif Yswiriant Gwladol ar gyfer eich plentyn heb iddo orfod gwneud cais am un – fel arfer, bydd yn cael y rhif ychydig cyn iddo droi’n 16 oed

Os byddwch yn dewis peidio â chael taliadau Budd-dal Plant, dylech fynd ati o hyd i wneud hawliad er mwyn cael y manteision eraill.

Budd-dal Plant a diogelu’ch Pensiwn y Wladwriaeth

Byddwch yn cael credydau Yswiriant Gwladol yn awtomatig os hawliwch Fudd-dal Plant a bod eich plentyn o dan 12 oed.

Mae’r credydau hyn yn cyfrif tuag at eich Pensiwn y Wladwriaeth fel nad oes gennych fylchau yn eich cofnod Yswiriant Gwladol os yw’r naill neu’r llall o’r canlynol yn berthnasol:

nid ydych yn gweithio
nid ydych yn ennill digon i dalu cyfraniadau Yswiriant Gwladol

Os nad oes angen y credydau Yswiriant Gwladol arnoch, mae’n bosibl y bydd eich teulu’n gymwys i gael y cymorth yn lle hynny. Naill ai:

gall eich gŵr, eich gwraig neu’ch partner wneud cais i drosglwyddo’r credydau
gall aelod gwahanol o’r teulu sy’n gofalu am eich plentyn wneud cais am gredydau Gofal Plant ar gyfer Oedolion Penodedig

Os bydd newid yn eich amgylchiadau

Rhaid i chi roi gwybod am unrhyw newid mewn amgylchiadau i’r Swyddfa Budd-dal Plant.

Argraffu'r canllaw cyfan

Budd-dal Plant

Sut mae’n gweithio

Budd-dal Plant a diogelu’ch Pensiwn y Wladwriaeth

Os bydd newid yn eich amgylchiadau

Is this page useful?

Help us improve GOV.UK

Help us improve GOV.UK

Cookies on GOV.UK

Budd-dal Plant

Sut mae’n gweithio

Budd-dal Plant a diogelu’ch Pensiwn y Wladwriaeth

Os bydd newid yn eich amgylchiadau

Cynnwys cysylltiedig

Is this page useful?

Help us improve GOV.UK

Help us improve GOV.UK