Budd-dal Plant
Sut i hawlio
Gallwch hawlio Budd-dal Plant 48 awr ar ôl i chi gofrestru genedigaeth eich plentyn, neu unwaith y daw plentyn i fyw gyda chi.
Gellir ôl-ddyddio Budd-dal Plant am hyd at 3 mis.
Penderfynu pwy ddylai hawlio
Dim ond un person all gael Budd-dal Plant ar gyfer plentyn, felly bydd angen i chi benderfynu a yw’n well i chi neu’r rhiant arall hawlio. Bydd y person sy’n hawlio’n cael credydau Yswiriant Gwladol tuag at ei bensiwn y Wladwriaeth os nad yw’n gweithio.
Gwneud hawliad ar-lein
Defnyddiwch y gwasanaeth hwn i wneud hawliad am Fudd-dal Plant neu i ychwanegu plentyn arall i hawliad sy’n bodoli eisoes.
Efallai y bydd angen i chi lawrlwytho, argraffu ac anfon eich ffurflen wedi’i llenwi i CThEF, ynghyd ag unrhyw ddogfennau y bydd angen i chi eu cyflwyno.
Gwyliwch y fideo hwn i gael rhagor o wybodaeth am sut i hawlio Budd-dal Plant ar-lein.
Fideo ynghylch sut i hawlio Budd-dal Plant ar-lein ar YouTube (yn Saesneg).
Cyn i chi ddechrau
Bydd angen y canlynol arnoch:
- tystysgrif geni neu fabwysiadu eich plentyn
- eich manylion banc neu gymdeithas adeiladu
- eich rhif Yswiriant Gwladol
- rhif Yswiriant Gwladol eich partner, os oes un gennych
Gallwch archebu tystysgrif geni neu fabwysiadu newydd (yn Saenseg) os ydych wedi colli’r gwreiddiol.
Os cofrestrwyd genedigaeth eich plentyn y tu allan i’r DU
Bydd angen i chi anfon:
- tystysgrif geni neu fabwysiadu gwreiddiol eich plentyn
- pasbort eich plentyn, neu’r dogfennau teithio a ddefnyddiodd i ddod i mewn i’r DU
Fel arfer, bydd unrhyw ddogfennau yr ydych yn eu hanfon yn cael eu dychwelyd cyn pen 4 wythnos.
Os nad oes gennych y dystysgrif sydd ei hangen arnoch, gwnewch hawliad nawr ac anfonwch y dystysgrif pan fydd yn eich meddiant.
Dulliau eraill o hawlio
Os na allwch wneud cais ar-lein, gallwch hawlio:
Hawlio Budd-dal Plant ar ran rhywun arall
Efallai y gallwch reoli hawliad Budd-dal Plant rhywun arall.