Talu Yswiriant Gwladol Dosbarth 3 gwirfoddol
Talu ar-lein gan ddefnyddio’ch cyfrif banc
Gallwch dalu Yswiriant Gwladol Dosbarth 3 gwirfoddol yn uniongyrchol drwy ddefnyddio’ch cyfrif bancio ar-lein neu’ch cyfrif bancio symudol.
Bydd angen y canlynol arnoch:
- eich manylion bancio ar-lein
- y cyfeirnod 18 digid a ddangosir ar eich cais am daliad oddi wrth Gyllid a Thollau EF (CThEF)
Os nad oes gennych gyfeirnod 18 digid, gallwch wneud y canlynol:
- talu gan ddefnyddio’r gwasanaeth Gwirio Rhagolwg o’ch Pensiwn y Wladwriaeth, neu gallwch ddefnyddio’r gwasanaeth hwn i gael cyfeirnod
- gofyn i CThEF am eich cyfeirnod ar-lein (yn agor tudalen Saesneg)
- ffonio Gwasanaeth Cwsmeriaid Cymraeg CThEF os na allwch ofyn i CThEF ar-lein
Os byddwch yn defnyddio’r cyfeirnod anghywir, mae’n bosibl y bydd eich taliad yn cael ei oedi neu’n cael ei ddefnyddio i dalu bil treth arall sydd arnoch. Os yw’ch taliad wedi talu’r bil treth anghywir, gallwch gysylltu â’r adran ymholiadau am Yswiriant Gwladol (yn agor tudalen Saesneg) er mwyn gofyn i’ch taliad gael ei symud.
Fel arfer, bydd y taliad yn digwydd ar unwaith, ond weithiau mae’n gallu cymryd hyd at 2 awr i ymddangos yn eich cyfrif banc.
Os bydd 5 Ebrill ar y penwythnos neu ar ŵyl y banc, gwnewch yn siŵr bod eich taliad yn dod i law CThEF erbyn y diwrnod gwaith olaf cyn hynny.
Ar ôl i chi dalu
Bydd eich cofnod Yswiriant Gwladol a’ch cyfrif treth personol yn cael eu diweddaru ar ôl i CThEF gael y taliad. Gall hyn gymryd hyd at 8 wythnos.