Talu Yswiriant Gwladol Dosbarth 3 gwirfoddol
Anfon siec drwy'r post
Gallwch dalu drwy anfon siec at:
Swyddfa Cyfraniadau Yswiriant Gwladol a Chyflogwyr
Gwasanaeth Cwsmeriaid Cymraeg CThEF
HMRC
BX9 1ST
Mae’n rhaid i chi wneud yn siŵr bod eich taliad yn cyrraedd CThEF erbyn y dyddiad cau, sef 5 Ebrill.
Yr hyn i’w gynnwys
Bydd y cais am daliad a anfonwyd atoch gan CThEF yn cynnwys slip talu gyda chyfeirnod 18 digid arno. Anfonwch y slip talu ynghyd â’ch siec.
Ysgrifennwch eich cyfeirnod 18 digid ar gefn eich siec.
Os byddwch yn defnyddio’r cyfeirnod anghywir, mae’n bosibl y bydd eich taliad yn cael ei oedi neu’n cael ei ddefnyddio i dalu bil treth arall sydd arnoch. Os yw’ch taliad wedi talu’r bil treth anghywir, gallwch gysylltu â’r adran ymholiadau am Yswiriant Gwladol (yn agor tudalen Saesneg) er mwyn gofyn i’ch taliad gael ei symud.
Peidiwch â phlygu’r slip talu na’r siec, a pheidiwch â’u glynu wrth ei gilydd.
Os hoffech dderbynneb, dylech gynnwys nodyn yn gofyn am un.
Os nad oes gennych slip talu CThEF
Dylech gynnwys nodyn sy’n nodi:
- eich enw, cyfeiriad a rhif ffôn
- faint rydych yn ei dalu
- y cyfnod rydych yn talu ar ei gyfer
- eich cyfeirnod 18 digid neu’ch rhif Yswiriant Gwladol
Os nad oes gennych gyfeirnod 18 digid, gallwch wneud y canlynol:
- gofyn i CThEF ar-lein (yn agor tudalen Saesneg)
- ffonio Gwasanaeth Cwsmeriaid Cymraeg CThEF os na allwch ofyn i CThEF ar-lein
Ar ôl i chi dalu
Bydd eich cofnod Yswiriant Gwladol a’ch cyfrif treth personol yn cael eu diweddaru ar ôl i CThEF gael y taliad. Gall hyn gymryd hyd at 8 wythnos.