Gallwch gael Taliad Annbyniaeth Personol ( PIP ) os yw’r canlynol i gyd yn berthnasol i chi: os ydych yn 16 oed neu drosodd mae gennych gyflwr iechyd neu anabledd corfforol neu feddyliol hir dymor mae gennych anhawster yn gwneud rhai tasgau bob dydd neu symud o gwmpas rydych yn disgwyl i’r anawsterau barhau am o leiaf 12 mis o’r adeg pan wnaethon nhw ddechrau Mae’n rhaid i chi hefyd fod o dan oedran Pensiwn y Wladwriaeth os ydych heb dderbyn PIP o’r blaen. Os ydych chi’n byw yn yr Alban, mae angen i chi wneud cais am Daliad Anabledd Oedolion (ADP) yn lle. Os ydych dros oedran Pensiwn y Wladwriaeth, gallwch wneud cais am Lwfans Gweini yn lle. Neu os ydych wedi cael PIP o’r blaen, gallwch barhau i wneud cais newydd os oeddech yn gymwys i’w gael yn y flwyddyn cyn i chi gyrraedd oed Pensiwn y Wladwriaeth. Mae rheolau cymhwysedd gwahanol os ydych yn agosáu at ddiwedd oes (er enghraifft, oherwydd salwch sy’n cyfyngu ar fywyd). Efallai y byddwch yn gallu cael PIP yn gyflymach ac ar gyfradd uwch. Os ydych yn cael budd-daliadau neu incwm arall Gallwch gael PIP yr un pryd a holl fudd-daliadau eraill, heblaw am Daliad Annibyniaeth y Lluoedd Arfog . Os ydych yn cael Lwfans Gweini Cyson byddwch yn cael llai o’r rhan bob dydd o PIP . Os ydych yn cael yr Atodiad Symudedd Pensiynwyr Rhyfel ni fyddwch yn cael y rhan symudedd o PIP . Os ydych yn cael Atodiad Symudedd Pensiwn Rhyfel ni fyddwch yn cael y rhan symudedd o PIP . Gallwch gael PIP os ydych yn gweithio neu fod gennych gynilion. Os ydych wedi dychwelyd o fyw dramor yn ddiweddar I wneud cais am PIP , fel arfer mae angen i chi: fod wedi byw yng Nghymru, Lloegr neu’r Alban am o leiaf 2 o’r 3 blynedd diwethaf bod yn byw yng Nghymru neu Loegr pan fyddwch yn gwneud cais Os ydych wedi dychwelyd yn ddiweddar o fyw yn yr UE, y Swistir, Norwy, Gwlad yr Iâ neu Liechtenstein, efallai y gallwch gael PIP yn gynt. Darganfyddwch fwy am PIP os ydych yn byw yng Ngogledd Iwerddon . Os ydych yn byw dramor Efallai y gallwch gael Taliad Annibyniaeth Personol o hyd os ydych yn: byw mewn gwlad UE neu AEE arall neu’r Swistir – gallwch ond cael help gyda anghenion bywyd bob dydd aelod neu aelod teulu o’r Lluoedd Arfog Os nad ydych yn ddinesydd Prydeinig Mae’n rhaid i chi: fel arfer fod yn byw neu’n dangos eich bod yn bwriadu setlo yn y DU, Iwerddon, Ynys Manaw neu Ynysoedd y Sianel beidio bod yn destun i reolau mewnfudo (oni bai eich bod yn fewnfudwr wedi ei noddi) Os ydych o’r UE, y Swistir, Norwy, Gwlad yr Iâ neu Liechtenstein, fel rheol mae angen statws sefydlog neu statws preswylydd cyn-sefydlog i chi a’ch teulu o dan Gynllun Preswylio’n Sefydlog yr UE i gael PIP . Y dyddiad cau i wneud cais i’r cynllun oedd 30 Mehefin 2021 i’r rhan fwyaf o bobl, ond efallai y byddwch yn dal i allu gwneud cais. Gwiriwch a allwch barhau i wneud cais i Gynllun Preswylio’n Sefydlog yr UE . Efallai y gallwch gael Taliad Annibyniaeth Personol o hyd os ydych yn ffoadur neu gyda statws amddiffyn dyngarol.

Cyn i chi wneud cais am Daliad Annibyniaeth Personol ( PIP ), gwiriwch eich bod yn gymwys . Os ydych yn byw yn: Gogledd Iwerddon - darganfyddwch sut i wneud cais os ydych yn byw yng Ngogledd Iwerddon Yr Alban - mae angen i chi wneud cais am Daliad Anabledd Oedolion ( ADP ) yn lle hynny Mae ffordd wahanol o wneud cais os ydych yn agosáu at ddiwedd oes (er enghraifft, oherwydd salwch sy’n cyfyngu ar fywyd). Dechrau eich cais dros y ffôn Bydd angen i chi: Ffonio llinell ffôn ‘Ceisiadau newydd am PIP ’ ac ateb rhai cwestiynau sylfaenol amdanoch chi a’ch anabledd neu gyflwr. Yna anfonir ffurflen atoch sy’n gofyn sut mae eich anabledd neu gyflwr yn effeithio arnoch chi. Cwblhau a dychwelyd y ffurflen. Mae’r cyfeiriad ar y ffurflen. Efallai y byddwch angen cael asesiad, os oes angen mwy o wybodaeth. Os ydych angen rywun i’ch helpu Gallwch: ofyn iddynt gael eu hychwanegu i’ch galwad – ni allwch wneud hyn os ydych yn defnyddio ffôn testun gofyn i rywun arall ffonio ar eich rhan – byddwch angen bod gyda hwy pan fyddant yn ffonio gofyn am siaradwr Cymraeg - byddwch yn cael yr opsiwn hwn pan fydd yr alwad yn dechrau Efallai y byddwch yn gallu cael ymweliad cartref gan swyddog yr Adran Gwaith a Phensiynau ( DWP ) i’ch helpu gyda’ch cais. Gofynnwch i’r ymgynghorydd pan fyddwch chi’n ffonio llinell ffôn ceisiadau newydd PIP . Cyn i chi ddechrau Byddwch angen: eich manylion cyswllt, er enghraifft rhif ffôn eich dyddiad geni eich rhif Yswiriant Gwladol – os oes gennych un (mae’r rhif ar lythyrau am dreth, pensiynau a budd-daliadau) rhif eich cyfrif banc neu gymdeithas adeiladu a’r cod didoli enw, rhif ffôn a chyfeiriad eich meddyg neu’ch gweithiwr iechyd dyddiadau a chyfeiriadau am unrhyw gyfnod rydych wedi treulio mewn cartref gofal neu ysbyty dyddiadau am unrhyw gyfnod rydych wedi treulio dramor am fwy na 4 wythnos ar y tro, a’r gwledydd y gwnaethoch ymweld â hwy gwybodaeth am unrhyw arian neu gymorth rydych chi neu aelod agos o’r teulu (gŵr, gwraig, partner sifil neu riant dibynnol) yn ei gael o wlad yr AEE neu’r Swistir Llinell ffôn ceisiadau newydd am PIP Ffôn: 0800 917 2222 Ffôn testun: 0800 917 7777 Relay UK (os na allwch glywed neu siarad dros y ffôn): 18001 yna 0800 917 2222 Gwasanaeth cyfnewid fideo Iaith Arwyddion Prydain (BSL) os ydych ar gyfrifiadur – darganfyddwch sut i ddefnyddio’r gwasanaeth ar ffôn symudol neu lechen Ffonio o dramor: +44 191 218 7766 Dydd Llun i ddydd Gwener, 8am i 5pm Darganfyddwch am gostau galwadau Dechrau eich cais drwy’r post Ysgrifennwch lythyr yn dweud eich bod eisiau dechrau cais am PIP . Dylech gynnwys eich enw a’ch cyfeiriad. Anfonwch y llythyr at: Freepost DWP PIP 1 Nid oes angen i chi roi cod post na stamp ar yr amlen. Anfonir ffurflen atoch i’w llenwi gan ofyn rhai cwestiynau sylfaenol amdanoch chi a’ch anabledd neu gyflwr. Llenwch y ffurflen a’i dychwelyd. Yna byddwch yn cael ail ffurflen sy’n gofyn am wybodaeth am sut mae eich anabledd neu gyflwr yn effeithio arnoch chi. Cwblhau a dychwelyd y ffurflen am eich cyflwr Os byddwch yn gwneud cais dros y ffôn neu drwy’r post, byddwch fel arfer yn cael ffurflen o’r enw ‘Sut mae eich anabledd yn effeithio arnoch’ o fewn 2 wythnos. Cwblhewch y ffurflen drwy ddefnyddio’r nodiadau ynghlwm a’i dychwelyd i’r cyfeiriad ar y ffurflen. Dylech gynnwys dogfennau ategol os oes gennych rhai – er enghraifft, rhestrau presgripsiwn, cynlluniau gofal, neu wybodaeth gan eich meddyg neu eraill sy’n ymwneud â’ch gofal. Mae gennych 1 mis i’w dychwelyd. Cysylltwch â llinell ymholiadau PIP os oes angen mwy o amser arnoch neu os oes gennych gwestiynau. Gallwch ddarllen cymorth Cyngor ar Bopeth Help i lenwi’r ffurflen . Edrych i weld os gallwch wneud cais ar-lein Gallwch ond gwneud cais am PIP ar-lein mewn rhai ardaloedd. Byddwch angen gwirio eich cod post pan fyddwch yn dechrau eich cais. I ddechrau eich cais ar-lein byddwch angen eich: rhif Yswiriant Gwladol cyfeiriad e-bost ffôn symudol Gwiriwch a allwch wneud cais am PIP ar-lein Os ydych eisoes wedi cofrestru, gallwch fewngofnodi i’ch cyfrif PIP .

Ar ôl i chi wneud cais

Os ydych angen cael asesiad Byddwch yn cael eich gwahodd i asesiad gydag ymarferwr iechyd proffesiynol os oes angen mwy o wybodaeth. Byddant yn gofyn: am eich gallu i wneud gweithgareddau a sut mae’ch cyflwr yn effeithio ar eich bywyd bob dydd a symudedd am unrhyw driniaethau rydych wedi eu cael neu yn mynd i’w cael Efallai y byddant yn gofyn i chi wneud symudiadau syml i ddangos sut ydych yn rheoli rhai gweithgareddau. Gall yr asesiad gael ei gynnal mewn canolfan asesu, yn eich cartref, dros y ffôn neu drwy alwad fideo. Fel arfer mae’n cymryd 1 awr. Gallwch gael rhywun arall gyda chi, er enghraifft ffrind neu weithiwr cymorth. Gallwch ddarllen cymorth Cyngor ar Bopeth am baratoi ar gyfer asesiad . Cael penderfyniad Byddwch yn derbyn llythyr sy’n eich hysbysu os byddwch yn cael PIP. Os ydych chi’n gymwys, bydd eich llythyr hefyd yn dweud wrthych: dyddiad eich taliad cyntaf pa mor hir nes bod eich cais yn cael ei adolygu Bydd eich dyfarniad cyntaf rhwng 9 mis a 10 mlynedd, yn dibynnu a yw eich anghenion yn debygol o newid Os ydych yn anghytuno â’r penderfyniad Gallwch herio penderfyniad am eich cais. Gelwir hyn yn gofyn am ‘ailystyriaeth orfodol’.

Os yw’ch cais Taliad Annibyniaeth Personol yn cael ei adolygu

Bydd y llythyr a gawsoch pan gymeradwywyd eich Taliad Annibyniaeth Personol ( PIP ) yn dweud wrthych pryd fydd eich cais yn dod i ben ac os bydd yn cael ei adolygu. Sut mae adolygiad PIP yn gweithio Byddwch yn parhau i gael PIP tra bydd eich cais yn cael ei adolygu. Cewch lythyr yn gofyn i chi lenwi ffurflen o’r enw ‘Adolygiad Taliad Annibyniaeth Personol.’ Cwblhewch y ffurflen gan ddefnyddio’r nodiadau sy’n dod gyda’r ffurflen. Anfonwch y ffurflen ac unrhyw wybodaeth ategol nad ydych wedi eu rhannu ag Adran Gwaith a Phensiynau ( DWP ) yn gynt - mae’r ffurflen yn esbonio beth i’w chynnwys a ble i’w hanfon. Bydd rhaid i chi ei dychwelyd o fewn mis. Cysylltwch â llinell ymholiadau PIP os oes angen mwy o amser arnoch. Bydd DWP yn adolygu’ch ffurflen. Os ydynt angen rhagor o wybodaeth, efallai fydd gweithiwr iechyd proffesiynol annibynnol yn eich ffonio i ofyn ambell gwestiwn i chi neu anfon llythyr atoch i’ch gwahodd i asesiad. Gall asesiadau fod wyneb yn wyneb, dros y ffôn neu drwy alwad fideo. Cewch lythyr sy’n dweud wrthych beth fydd yn digwydd gyda’ch PIP . Os yw’ch anghenion wedi newid, efallai fydd eich PIP yn cael ei gynyddu, ei ostwng, neu ei stopio. Os ydych yn anghytuno gyda phenderfyniad Gallwch herio penderfyniad ynglŷn â’ch cais. Gelwir hyn yn gofyn am ailystyriaeth orfodol.

Rhoi gwybod am newid i'ch anghenion neu amgylchiadau

Rhaid i chi gysylltu â llinell ymholiadau Taliad Annibyniaeth Bersonol ( PIP ) ar unwaith os: mae angen mwy neu lai o help arnoch gyda thasgau byw bob dydd a symudedd mae eich gweithiwr iechyd proffesiynol yn dweud wrthych y bydd eich cyflwr yn para am gyfnod hirach neu fyrrach nag a adroddwyd gennych o’r blaen mae gweithiwr meddygol proffesiynol wedi dweud efallai y bydd gennych chi 12 mis neu lai i fyw (gallech gael PIP ar gyfradd uwch o dan ‘reolau arbennig ar gyfer diwedd oes’) rydych yn mynd i ysbyty, hosbis, cartref nyrsio neu gartref gofal rydych yn mynd i ysgol neu goleg preswyl rydych yn mynd i ofal maeth neu i ofal awdurdod lleol neu ymddiriedolaeth iechyd a gofal cymdeithasol rydych yn cael eich carcharu neu eich cadw yn y ddalfa rydych yn bwriadu mynd dramor am fwy na 4 wythnos mae eich statws mewnfudo yn newid ac nid ydych yn ddinesydd Prydeinig neu Wyddelig rydych yn dechrau neu’n rhoi’r gorau i gael pensiynau neu fudd-daliadau o wlad yn yr UE, y Swistir, Norwy, Gwlad yr Iâ neu Liechtenstein mae eich gŵr, gwraig, partner sifil neu riant rydych yn dibynnu arno yn dechrau neu’n stopio cael budd-daliadau o wlad yn yr UE, y Swistir, Norwy, Gwlad yr Iâ neu Liechtenstein Os ydych yn mynd i mewn i gartref gofal, bydd hefyd angen i chi roi gwybod os: oes newid i’r ffordd mae eich ffioedd cartref gofal yn cael ei gyllido (er enghraifft, rydych yn dechrau neu’n rhoi’r gorau i gael cyllid gan y GIG neu gyngor lleol) oeddech yn aros mewn cartref gofal dros dro a daethoch yn breswylydd parhaol ydych chi’n symud i gartref gofal arall ydych chi’n mynd i’r ysbyty Gall y newidiadau hyn effeithio ar eich dyfarniad PIP . Yn dibynnu ar y newid, gallai eich PIP fynd i fyny, mynd i lawr, aros yr un peth neu stopio. Gallech gael eich cymerwyd i’r llys neu orfod talu cosb os byddwch yn rhoi gwybodaeth anghywir neu os nad ydych yn rhoi gwybod am newid ar unwaith. Rhaid i chi hefyd gysylltu â llinell ymholiadau PIP ar unwaith os: mae eich manylion personol yn newid, er enghraifft eich enw, cyfeiriad, rhifau ffôn, cyfrif banc neu feddyg mae rhywun yn gweithredu ar eich rhan ac mae’r person hwnnw’n newid Ni fydd y newidiadau hyn fel arfer yn effeithio ar eich cymhwysedd ar gyfer PIP na faint rydych yn ei gael. Os ydych yn symud o Gymru neu Loegr i’r Alban, rhaid i chi gysylltu â llinell ymholiadau PIP a gwneud cais newydd am Daliad Anabledd i Oedolion (ADP) . Sut i roi gwybod am newid Ffoniwch ‘llinell ymholiadau PIP ’. Os ydych angen rhywun i’ch helpu, gallwch: ofyn iddynt gael eu hychwanegu i’ch galwad – ni allwch wneud hyn os ydych yn defnyddio ffôn testun ofyn i rywun ffonio ar eich rhan - byddwch angen bod gyda hwy pan maent yn ffonio Llinell ymholiadau PIP Ffôn: 0800 121 4433 Ffôn testun: 0800 121 4493 Relay UK (os na allwch glywed neu siarad dros y ffôn): 18001 yna 0800 121 4433 Gwasanaeth cyfnewid fideo Iaith Arwyddion Prydain (BSL) os ydych ar gyfrifiadur – darganfyddwch sut i ddefnyddio’r gwasanaeth ar ffôn symudol neu lechen Dydd Llun i ddydd Gwener, 9am i 5pm Darganfyddwch am gostau galwadau Os ydych wedi cael eich gordalu Efallai y bydd rhaid i chi ad-dalu’r arian os: na wnaethoch roi gwybod am newid ar unwaith gwnaethoch roi gwybodaeth anghywir cawsoch eich gordalu drwy gamgymeriad Darganfyddwch sut i ad-dalu’r arian sy’n ddyledus gennych o ordaliad budd-dal .

Gwneud cais am PIP os ydych yn agosáu at ddiwedd oes

Os ydych yn agosáu at ddiwedd oes (er enghraifft, oherwydd salwch sy’n cyfyngu ar fywyd) efallai y byddwch yn gallu cael Taliad Annibyniaeth Personol ( PIP ) yn gyflymach ac ar gyfradd uwch. Weithiau gelwir hyn yn ‘reolau arbennig ar gyfer diwedd oes’. Cymhwysedd Rydych yn gymwys i wneud cais am PIP o dan y rheolau arbennig ar gyfer diwedd oes os: mae eich meddyg neu weithiwr meddygol proffesiynol wedi dweud y gallai fod gennych 12 mis neu lai i fyw rydych yn 16 oed neu drosodd Rhaid hefyd i chi fod o dan oedran Pensiwn y Wladwriaeth os nad ydych wedi hawlio PIP o’r blaen. Gall fod yn anodd rhagweld am ba hyd y gallai rhywun fyw. Os nad yw gweithiwr meddygol proffesiynol wedi siarad â chi am hyn, gallwch ofyn iddynt gefnogi’ch cais o dan y rheolau arbennig ar gyfer diwedd oes. Os ydych yn byw yn yr Alban, mae angen i chi wneud cais am Daliad Anabledd Oedolion (ADP) yn lle. Gwiriwch os ydych yn gymwys am ADP . Beth fyddwch yn ei gael Byddwch yn cael yr elfen bywyd bob dydd uwch o £110.40 yr wythnos. Mae p’un a ydych yn cael y rhan symudedd a faint ydych yn ei gael yn dibynnu ar eich anghenion. Y gyfradd wythnosol is yw £29.20 a’r gyfradd wythnosol uwch yw £77.05. Sut i wneud cais Gallwch wneud cais drosoch eich hun neu gall rhywun arall wneud hyn ar eich rhan. Ffoniwch linell ceisiadau PIP a gofynnwch am ddechrau cais ‘rheolau arbennig ar gyfer diwedd oes’. Bydd y tîm PIP yn gofyn cwestiynau am eich cyflwr a sut mae’n effeithio ar eich gallu i symud o gwmpas. Gofynnwch i weithiwr gofal iechyd proffesiynol am ffurflen SR1. Byddant naill ai’n ei llenwi i mewn a rhoi’r ffurflen i chi neu ei hanfon yn uniongyrchol i’r Adran Gwaith a Phensiynau ( DWP ). Os ydych hefyd yn hawlio Credyd Cynhwysol, mewngofnodwch i’ch cyfrif ar-lein a defnyddiwch eich dyddlyfr i ddweud eich bod wedi anfon SR1 i DWP . Ni fydd angen i chi fynd i ymgynghoriad wyneb yn wyneb. Os ydych angen rhywun i’ch helpu, gallwch: ofyn iddynt gael eu hychwanegu i’ch galwad – ni allwch wneud hyn os ydych yn defnyddio ffôn testun ofyn i rywun ffonio ar eich rhan - byddwch angen bod gyda hwy pan fyddant yn ffonio Ceisiadau PIP Ffôn: 0800 917 2222 Ffôn testun: 0800 917 7777 Relay UK (os na allwch glywed neu siarad dros y ffôn): 18001 yna 0800 917 2222 Gwasanaeth cyfnewid fideo Iaith Arwyddion Prydain (BSL) os ydych ar gyfrifiadur – darganfyddwch sut i ddefnyddio’r gwasanaeth ar ffôn symudol neu lechen Ffonio o dramor: +44 191 218 7766 Dydd Llun i ddydd Gwener, 9am i 5pm Darganfyddwch am gostau galwadau Efallai y gallwch gael budd-daliadau eraill os ydych yn agosáu at ddiwedd oes .

Taliad Annibyniaeth Personol (PIP)

Ar gyfer beth mae PIP

Gall Taliad Annibyniaeth Personol helpu gyda chostau byw ychwanegol os oes gennych y canlynol:

gyflwr iechyd corfforol neu feddyliol neu anabledd hirdymor
anhawster yn gwneud tasgau bob dydd penodol neu symud o gwmpas oherwydd eich cyflwr

Gallwch gael PIP hyd yn oed os ydych yn gweithio, gyda chynilion neu’n cael y rhan fwyaf o fudd-daliadau eraill.

Gallwch hefyd ddarllen am PIP yn Saesneg (English).

Sut mae PIP yn gweithio

Mae 2 ran i PIP:

rhan bywyd bob dydd – os ydych angen cymorth gyda thasgau bywyd bob dydd
rhan symudedd – os ydych angen cymorth gyda symud o gwmpas

Mae p’un a ydych yn cael un elfen neu ddwy a beth fyddwch yn ei gael yn dibynnu ar ba mor anodd rydych yn cael tasgau bob dydd a symud o gwmpas.

Os ydych yn agosáu at ddiwedd oes (er enghraifft, oherwydd salwch sy’n cyfyngu ar fywyd), byddwch yn cael y rhan bywyd bob dydd yn awtomatig. Bydd p’un a ydych yn cael yr elfen symudedd yn dibynnu ar eich anghenion. Darganfyddwch fwy am sut i wneud cais a faint fyddwch yn ei gael os ydych yn agosáu at ddiwedd oes.

Y rhan bywyd bob dydd

Gallech gael y rhan bywyd bob dydd o PIP os ydych angen help gyda phethau fel:

paratoi bwyd
bwyta ac yfed
rheoli eich meddyginiaethau neu driniaethau
ymolchi a chael bath
defnyddio’r toiled
gwisgo a dadwisgo
darllen
rheoli eich arian
cymdeithasu a bod o gwmpas pobl eraill
siarad, gwrando a deall

Rhan Symudedd

Efallai y gallwch gael y rhan symudedd o PIP os ydych angen cymorth gyda:

gweithio allan llwybr a’i ddilyn
symud o gwmpas yn gorfforol
gadael eich cartref

Nid oes rhaid i chi gael anabledd corfforol i gael y rhan symudedd. Efallai y gallwch hefyd fod yn gymwys os ydych ag anhawster symud o gwmpas oherwydd cyflwr iechyd gwybyddol neu feddyliol, megis pryder.

Sut mae anhawster gyda thasgau yn cael ei asesu

Bydd yr Adran Gwaith a Phensiynau (DWP) yn asesu pa mor anodd y mae tasgau bob dydd a symudedd i chi eu cyflawni. Ar gyfer pob tasg byddant yn edrych ar:

os allwch ei gwneud yn ddiogel
pa mor hir y mae’n ei chymryd i chi
p’un a ydych angen cymorth i’w gwneud, gan berson neu ddefnyddio offer ychwanegol

Gallai eich gofalwr gael Lwfans Gofalwr os ydych ag anghenion gofal sylweddol.

Pa mor aml y mae eich cyflwr yn effeithio ar dasgau

I gael PIP mae’n rhaid i chi brofi anhawster gyda thasgau y rhan fwyaf o’r amser. Mae hyn yn golygu eich bod yn disgwyl cael anhawster mwy na hanner y diwrnodau dros gyfnod o 12 mis.

Help gyda PIP

Os ydych angen cymorth i ddeall neu wneud cais am PIP gallwch:

Efallai y byddwch yn gallu cael ymweliad cartref gan swyddog yr Adran Gwaith a Phensiynau (DWP) i’ch helpu gyda’ch cais. Gofynnwch i’r ymgynghorydd pan fyddwch chi’n ffonio llinell ffôn ceisiadau newydd PIP.

Os ydych chi’n byw yn yr Alban

Mae angen i chi wneud cais am Daliad Anabledd Oedolion (ADP) yn lle PIP.

Os ydych chi’n symud o’r Alban i Loegr neu Gymru

Os ydych chi’n cael ADP ac yn symud o’r Alban i Gymru neu Loegr, mae’n rhaid i chi:

ddweud wrth Social Security Scotland eich bod wedi symud
gwneud cais newydd am PIP

Bydd eich ADP yn stopio 13 wythnos ar ôl i chi symud - gwnewch gais am PIP cyn gynted â phosib ar ôl symud neu gallai taliadau gael eu heffeithio.

Os ydych chi’n symud o Gymru neu Loegr i’r Alban

Os ydych chi’n cael PIP ac yn symud o Gymru neu Loegr i’r Alban, mae’n rhaid i chi:

ddweud wrth DWP eich bod wedi symud
gwneud cais newydd am ADP

Rhaid i chi hefyd ddweud wrth DWP a gwneud cais newydd am ADP os ydych nail ai:

yn aros am ganlyniad cais am PIP
wedi herio penderfyniad am eich cais am PIP

Bydd eich PIP yn stopio 13 wythnos ar ôl i chi symud – gwnewch gais am ADP cyn gynted â phosibl ar ôl symud neu gallai eich taliadau gael eu heffeithio.

Os cewch Lwfans Byw i’r Anabl (DLA)

Mae Lwfans Byw i’r Anabl (DLA) yn cael ei ddisodli gan PIP i’r rhan fwyaf o oedolion. Byddwch yn parhau i gael DLA os:

ydych o dan 16 oed
cawsoch eich geni ar neu cyn 8 Ebrill 1948

Os cawsoch eich geni ar ôl 8 Ebrill 1948, bydd DWP yn eich gwahodd i wneud cais am PIP. Nid oes angen i chi wneud unrhyw beth nes bydd DWP yn ysgrifennu atoch am eich DLA oni bai fod eich amgylchiadau’n newid.

Argraffu'r canllaw cyfan

Taliad Annibyniaeth Personol (PIP)

Ar gyfer beth mae PIP

Sut mae PIP yn gweithio

Y rhan bywyd bob dydd

Rhan Symudedd

Sut mae anhawster gyda thasgau yn cael ei asesu

Pa mor aml y mae eich cyflwr yn effeithio ar dasgau

Help gyda PIP

Os ydych chi’n byw yn yr Alban

Os ydych chi’n symud o’r Alban i Loegr neu Gymru

Os ydych chi’n symud o Gymru neu Loegr i’r Alban

Os cewch Lwfans Byw i’r Anabl (DLA)

A yw'r dudalen hon yn ddefnyddiol?

Helpwch ni i wella GOV.UK

Helpwch ni i wella GOV.UK

Cwcis ar GOV.UK

Taliad Annibyniaeth Personol (PIP)

Ar gyfer beth mae PIP

Sut mae PIP yn gweithio

Y rhan bywyd bob dydd

Rhan Symudedd

Sut mae anhawster gyda thasgau yn cael ei asesu

Pa mor aml y mae eich cyflwr yn effeithio ar dasgau

Help gyda PIP

Os ydych chi’n byw yn yr Alban

Os ydych chi’n symud o’r Alban i Loegr neu Gymru

Os ydych chi’n symud o Gymru neu Loegr i’r Alban

Os cewch Lwfans Byw i’r Anabl (DLA)

Cynnwys cysylltiedig

A yw'r dudalen hon yn ddefnyddiol?

Helpwch ni i wella GOV.UK

Helpwch ni i wella GOV.UK