Newid y cyfeiriad ar eich trwydded yrru
Gwneud cais ar-lein
Newid y cyfeiriad ar naill ai:
- eich trwydded yrru lawn
- eich trwydded yrru dros dro
Ni chodir tâl i newid eich cyfeiriad gyda DVLA.
Gallwch barhau i yrru tra’ch bod yn aros am eich trwydded newydd.
Os ydych yn dymuno newid eich enw ar yr un pryd, bydd angen ichi wneud cais drwy’r post.
Mae’n rhaid ichi hefyd:
-
diweddaru eich Debyd Uniongyrchol treth cerbyd (os mai dyna sut rydych chi’n talu)
-
newid y cyfeiriad ar eich dogfen rhif cofrestru personol (V750W neu V778W) - os oes gennych un
Gallwch gael dirwy i fyny at £1,000 os nad ydych yn rhoi gwybod i DVLA pan fydd eich cyfeiriad yn newid.
Mewngofnodi i adnewyddu ar-lein
Bydd angen ichi fewngofnodi i ddefnyddio’r gwasanaeth hwn. Os nad oes gennych fanylion mewngofnodi eisoes, byddwch yn gallu eu creu.
Dywedir wrthych pan fyddwch yn mewngofnodi os oes angen ichi brofi eich hunaniaeth. Mae hyn er mwyn cadw eich manylion yn ddiogel ac fel arfer mae’n golygu defnyddio ID â ffotograff fel pasbort neu drwydded yrru.
Mae’r dudalen hon hefyd ar gael yn Saesneg (English).
Cyn ichi ddechrau
Mae arnoch angen y canlynol:
- eich trwydded yrru
- bod yn breswylydd ym Mhrydain Fawr – mae proses gwahanol i gael yng Ngogledd Iwerddon
- peidio â bod wedi eich gwahardd rhag gyrru
Os ydych am newid eich ffotograff ar yr un pryd
Y gost yw £14. Gallwch dalu drwy gerdyn credyd neu ddebyd MasterCard, Visa, Electron neu Delta. Nid oes ffi os ydych dros 70 neu os oes gennych drwydded cyfnod byr meddygol.
Os ydych yn symud dramor
Ni allwch gofrestru eich cyfeiriad newydd ar eich trwydded yrru Brydeinig. Cysylltwch â’r awdurdod trwyddedau gyrru yn eich gwlad breswyl newydd.
Ar ôl ichi wneud cais
Byddwch yn cael e-bost cadarnhau gan DVLA ar ôl ichi wneud cais. Mae’n bosib y gofynnir ichi gymryd rhan mewn ymchwil drwy e-bost, ond gallwch optio allan.
Pa mor hir y mae’n ei gymryd
Dylai eich trwydded gyrraedd o fewn wythnos os ydych yn gwneud cais ar-lein.