Cofrestru ar gyfer Hunanasesiad os nad ydych yn hunangyflogedig
Defnyddiwch y ffurflen SA1 i gofrestru ar gyfer Hunanasesiad am unrhyw reswm heblaw hunangyflogaeth.
Pwy sydd angen cofrestru
Mae sut y byddwch yn cofrestru ar gyfer Hunanasesiad yn dibynnu ar eich amgylchiadau. Defnyddiwch ffurflen SA1 os bydd angen i chi gofrestru, ond nad ydych yn hunangyflogedig.
Er enghraifft, os yw’r canlynol yn wir:
- rydych yn cael incwm o dir neu eiddo (yn agor tudalen Saesneg) yn y DU
- mae gennych incwm tramor trethadwy (yn agor tudalen Saesneg)
- mae gennych incwm net wedi’i addasu sydd dros £50,000 ac rydych chi, neu’ch partner, yn parhau i gael taliadau Budd-dal Plant
- mae gennych incwm blynyddol sydd dros £150,000
- rydych yn cael incwm blynyddol o ymddiriedolaeth neu setliad
- rydych yn cael incwm sydd heb ei drethu na ellir ei gasglu drwy eich cod TWE
- mae gennych Dreth Enillion Cyfalaf i’w thalu
Cyn i chi ddechrau
Casglwch eich holl wybodaeth at ei gilydd cyn i chi ddechrau. Byddwch yn llenwi’r ffurflen hon ar-lein ac ni allwch gadw’ch cynnydd.
Pan fyddwch yn llenwi’r ffurflen, bydd angen i chi roi’r manylion canlynol i ni:
- eich enw llawn
- eich cyfeiriad post (gall hwn fod y tu allan i’r DU)
- eich dyddiad geni
- eich rhif ffôn yn ystod y dydd
- eich rhif Yswiriant Gwladol yn y DU — os oes un gennych
Bydd hefyd angen i chi egluro pam mae angen i chi gofrestru ar gyfer Hunanasesiad, a’r dyddiad y dechreuodd hyn.
Llenwi’r ffurflen ar-lein, a’i hanfon
Bydd angen i chi wneud y naill neu’r llall o’r canlynol:
- mewngofnodi gan ddefnyddio’ch Dynodydd Defnyddiwr (ID) a’ch cyfrinair ar gyfer Porth y Llywodraeth (os nad oes gennych Ddynodydd Defnyddiwr (ID), gallwch greu un pan fyddwch yn ceisio mewngofnodi am y tro cyntaf)
- defnyddio’ch cyfeiriad e-bost i gael cod cadarnhau y gallwch ei ddefnyddio i fewngofnodi
Llenwi’r ffurflen, ei hargraffu a’i hanfon drwy’r post
-
Llenwch y ffurflen SA1.
-
Argraffwch y ffurflen a’i hanfon drwy’r post i CThEF gan ddefnyddio’r cyfeiriad post a ddangosir ar y ffurflen.
Mae’n bosibl nad yw’r ffeil hon yn addas ar eich cyfer os ydych yn defnyddio technoleg gynorthwyol — megis darllenydd sgrin. Os oes angen fformat mwy hygyrch arnoch, e-bostiwch gwasanaeth.cymraeg@hmrc.gov.uk a rhowch wybod i ni pa fformat sydd ei angen arnoch. Bydd o gymorth i ni os nodwch pa dechnoleg gynorthwyol yr ydych yn ei defnyddio. Darllenwch y datganiad hygyrchedd ar gyfer ffurflenni Cyllid a Thollau EF (yn Saesneg).
Ar ôl i chi gofrestru
Fel arfer, byddwn yn cysylltu â chi cyn pen 21 diwrnod i’r dyddiad y daw eich ffurflen i law, ond gall hyn gymryd yn hirach yn ystod cyfnodau prysur.
Os gwnaethoch gofrestru ar-lein, mae’n bosibl y byddwch yn gallu cael eich Cyfeirnod Unigryw y Trethdalwr (UTR) yn gynt drwy ddefnyddio Ap CThEF neu’ch cyfrif treth personol.
Os na fyddwn wedi cysylltu â chi ar ôl 3 wythnos, gallwch wirio pryd y gallwch ddisgwyl ateb.
Diweddarwyd ddiwethaf ar 6 April 2024 + show all updates
-
The yearly income threshold for the tax year 2023 to 2024 has been updated.
-
Information about what happens after you have registered has been added.
-
Added translation