Cael help gyda Hunanasesiad ar-lein
Cael help gyda Hunanasesiad drwy ddefnyddio arweiniad ac offer ar-lein, a gwylio fideos CThEF ar YouTube.
Fel arfer, mae cael help gan CThEF ar-lein yn gyflymach ac yn haws na’n ffonio ni.
Defnyddio offer ar-lein
| Offeryn | Yr hyn y mae’n ei wneud |
|---|---|
| Gwirio a oes angen i chi anfon Ffurflen Dreth Hunanasesiad | Defnyddiwch yr offeryn hwn i’ch helpu i benderfynu a oes angen i chi lenwi Ffurflen Dreth, ac i gael gwybod beth i’w wneud nesaf |
| Gwirio sut i gofrestru ar gyfer Hunanasesiad | Defnyddiwch yr offeryn hwn i gael gwybod sut i gofrestru ar gyfer Hunanasesiad os ydych yn hunangyflogedig, os ydych mewn partneriaeth, neu os oes angen i chi lenwi Ffurflen Dreth am reswm arall |
| Gwirio pryd y gallwch ddisgwyl ateb | Os ydych eisoes wedi cysylltu â CThEF, defnyddiwch yr offeryn hwn i gael gwybod pryd y gallwch ddisgwyl cael ateb |
Os ydych wedi cofrestru ar gyfer Hunanasesiad yn flaenorol
Os na wnaethoch anfon Ffurflen Dreth y llynedd, dylech wirio sut i gofrestru, gan efallai y bydd angen i chi ailactifadu’ch cyfrif Hunanasesiad.
Bydd gwirio sut i gofrestru yn sicrhau eich bod yn cyflwyno’ch Ffurflen Dreth yn iawn, ac yn golygu:
-
y bydd eich Ffurflen Dreth yn cael ei phrosesu’n gyflymach
-
ni fydd unrhyw ad-daliadau neu ohebiaeth gan CThEF yn destun unrhyw oedi
Help gyda llenwi’ch Ffurflen Dreth
Mae testun help ar gael drwy gydol y Ffurflen Dreth ar-lein i roi gwybodaeth ynghylch sut i lenwi pob adran. Os ydych yn llenwi Ffurflen Dreth ar bapur, byddwch yn cael nodiadau arweiniad a fydd hefyd yn rhoi help a gwybodaeth i chi.
Gallwch hefyd ddod o hyd i arweiniad i’ch helpu i ddeall a llenwi adrannau o’ch Ffurflen Dreth Hunanasesiad. Mae’r arweiniad yn cynnwys:
- fideos a rhestrau chwarae YouTube
- taflenni cymorth Hunanasesiad
- recordiadau o weminarau
Gwylio fideos YouTube a gweminarau
Dilynwch yr arweiniad Diweddariadau drwy e-bost, fideos a gweminarau ar gyfer Hunanasesiad (yn agor tudalen Saesneg) i wneud y canlynol:
-
cael at restr chwarae o fideos YouTube i’ch helpu i ddechrau gyda Hunanasesiad, llenwi’ch Ffurflen Dreth a deall eich bil treth
-
gwylio fideos sy’n esbonio adrannau gwahanol o Hunanasesiad
-
cofrestru ac ymuno â gweminarau byw, gofyn cwestiwn yn y sgwrs a chael ateb gan un o’n harbenigwyr
Rhoi gwybod i CThEF nad oes angen i chi anfon Ffurflen Dreth
Mae’n rhaid i chi roi gwybod i CThEF os ydych o’r farn nad oes angen i chi anfon Ffurflen Dreth mwyach.
Gallai hyn ddigwydd oherwydd eich bod wedi rhoi’r gorau i fod yn hunangyflogedig, neu oherwydd nad oes angen i chi fod wedi cofrestru ar gyfer Hunanasesiad mwyach.
Ar ôl i chi wneud cais i roi’r gorau i Hunanasesiad, bydd eich cyfrif treth personol yn dangos dyddiad a statws eich cais.
Gofyn am help ar-lein
Gallwch ddefnyddio cynorthwyydd digidol CThEF (yn agor tudalen Saesneg) os ydych am ofyn cwestiwn ynghylch Hunanasesiad.
Gallwch hefyd ofyn cwestiynau generig ynghylch Hunanasesiad, yn defnyddio Cymorth i Gwsmeriaid CThEF ar X (Twitter) — peidiwch â chynnwys unrhyw wybodaeth bersonol nac ariannol yn eich neges.
Defnyddio’ch cyfrif ar-lein CThEF
Gallwch fewngofnodi i’ch cyfrif treth personol neu’ch cyfrif treth busnes i wneud y canlynol:
- llenwi’ch Ffurflen Dreth neu ei diwygio
- gwirio faint o dreth Hunanasesiad sydd arnoch
- gwneud taliad neu hawlio ad-daliad
- dod o hyd i’ch Cyfeirnod Unigryw y Trethdalwr (UTR) ar gyfer Hunanasesiad
Gallwch hefyd lawrlwytho ap CThEF ar ddyfais symudol (er enghraifft, eich ffôn neu lechen).
Cael cymorth ychwanegol
Os yw cyflwr iechyd neu amgylchiadau personol yn ei gwneud hi’n anodd i chi ddefnyddio ein gwasanaethau ar-lein, dysgwch sut i gael help gan CThEF os oes angen cymorth ychwanegol arnoch.
Mae CThEF yn ariannu sefydliadau yn y sector gwirfoddol a chymunedol fel y gallant eich helpu chi os bydd angen cymorth ychwanegol arnoch gyda’ch materion treth. Gallwch gysylltu â sefydliad yn y sector gwirfoddol neu’r sector cymunedol (yn agor tudalen Saesneg) i gael help a chyngor ynghylch Hunanasesiad yn rhad ac am ddim.
Updates to this page
-
'If you have previously registered for Self Assessment' section added, explaining that you need to check how to register for Self Assessment to see if you need to reactivate your Self Assessment account.
-
The link to the HMRC community forum has been removed as it is now closed. The 'Help filling in your tax return' section, has been updated with a link to the new 'Get help filling in your tax return' page.
-
Added translation
-
Information on where to find Self Assessment helpsheets, and how they can help you with Self Assessment has been added. Information on what to do if you no longer need to send a tax return has been added. Information on how to get extra support with Self Assessment has been added.
-
Added translation