لارښود

په ابتدايي استوګنځي کې د ژوند کولو لپاره د کورنیو چارو وزارت لارښود

تازه شوی 21 April 2026

د دې لارښود موخه

دا لارښود په ابتدايي توګه د پناه غوښتونکو لپاره دی چې په ابتدايي استوګنځي کې پاتې کیږي، پداسې حال کې چې د 95 برخې ملاتړ لپاره د دوی غوښتنلیک ارزول کیږي، چیرې چې دوی ته 95 برخه ورکړل شوې او د توزیع کیدو په تمه دي یا په 4 برخه ملاتړ کې دي.

دا په لاندې اړه ګټور معلومات لري:

• تاسو له موږ څخه د استوګنې او خدماتو ترلاسه کولو تمه لرلی شئ.
• هغه سازمانونه چې دا خدمات وړاندې کوي او رسوي.
• موږ له تاسو څخه څه تمه لرو
• ستونزې، اندېښنې، او په شرایطو کې بدلونونه چېرته راپور کړئ

زه باید دا کتابچه څنګه وکاروم؟

مهرباني وکړئ دا کتابچه په غور سره ولولئ. هر هغه معلومات چې تاسو او ستاسو کورنۍ ته مهم وي په پام کې ونیسئ. په دې کتابچه کې ډېر معلومات شته، نو مهرباني وکړئ دا په خوندي ځای کې وساتئ، تر څو وروسته ورته مراجعه وکړای شئ.

کله چې زه استوګنځي ته ورسېږم، نو ماته به د څه شي په اړه وویل شي؟

کله چې تاسو ابتدايي استوګنځي ته ورسیږئ، ستاسو د هستوګنې چمتو کوونکی به تاسو ته مهم معلومات درکړي چې پهدې اړه به ستاسو لپاره ګټور وي:

• ورکړل شوې استوګنځای.
• انفرادي خوندیتوب او هوساینه، په شمول د بېړنیو یا اضطراري روغتیایي پاملرنې تہ لاسرسي۔
• د ابتدايي استوګنې ځای نقشه او شته خدماتو ترتیب او معمول.
• د تجهیزاتو، اسانتیاوو او نصب شویو توکو د کارولو لارښوونې چې د آرامۍ او عمومي ژوند لپاره ورکول شوي (چېرته چې پلي کیږي).
• روغتیایی سکرینینګ او اړوند خدماتو ته د لاسرسي پروسه.

تاسو به دا هم ترلاسه کړئ:

• ستاسو د هستوګنې چمتو کونکي په اړه معلومات او له هغوی څخه څه تمه وکړئ.
• د مهاجرینو مرستې (Migrant Help) په اړه معلومات او له هغوی څخه څه کولی شئ او
• دا کتابچه، چې د انګلستان د کلتور او خدماتو په اړه معلومات پکې شامل دي چې تاسو ته په انګلستان کې د شتون پرمهال شتون لري. که تاسو دا نلرئ، تاسو کولی شئ د خپل استوګنځي چمتو کونکي څخه یوه کاپي وغواړئ Asylum support: UK rights and expectations - GOV.UK

که تاسو لنډ معلومات نه وي ترلاسه کړي یا دا سرچینې مو ترلاسه کړې نه وي، مهرباني وکړئ د دوی لپاره د خپل هستوګنې چمتو کونکي څخه پوښتنه وکړئ. کتابچې په خوندي ځای کې وساتئ ترڅو وروسته یې بیا ولولئ.

مهرباني وکړئ په یاد ولرئ: دا سند یوازې د لارښوونې لپاره دی او د کوم خپاره شوي پالیسۍ بدیل یا ځای نه نيسي. دا لارښود په اصلي توګه د هغو کسانو لپاره جوړ شوی چې د 98 برخې ملاتړ ترلاسه کوي او د 95 برخې ملاتړ لپاره د خپلې غوښتنې په اړه د پرېکړې په تمه دي. دا لارښود هغو کسانو ته هم تطبیق کیږي چې د 95 برخې ملاتړ یې ترلاسه کړی، خو د توزیع کیدو په انتظار په ابتدايي استوګنځي کې پاتې دي. چیرې چې د برخې 4(2) غوښتونکو (هغه ناکام کډوال چې د 1999 کال د کډوالۍ او پناه غوښتنې د قانون د برخې 4(2) له مخې ملاتړ ترلاسه کوي) لپاره مختلف ترتیبات پلي کیږي، دا په نظر کې نیول شوي دي.

مهرباني وکړئ د مهاجرینو مرستې (Migrant Help) سره اړیکه ونیسئ که تاسو د خپل هستوګنې یا ملاتړ په اړه کومه ستونزه لرئ، یا که تاسو باور لرئ چې استوګنځی ستاسو (یا ستاسو انحصار کونکي) اړتیاو لپاره کافي نه دی، د بیلګې په توګه، د معلولیت له امله اړتیا. استوګنځای د ‘بې انتخابه بنسټ’ پر اساس ورکول کیږي او وېش به د سرچینو د شتون او د افرادو د هوساینې د ساتنې اړتیا پر اساس وي. MH به د کورنیو چارو وزارت او د هستوګنې چمتو کونکي څخه وغواړي چې دا مسله وڅیړي او حل یې کړي. مهاجرینو مرستې (Migrant Help) سره پهدې تماس نیول کیدی شي:

د مهاجرینو مرستې (Migrant Help) ویب چیټ کې ویب چیټ(Webchat) Migrant Help Web Chat

د دوی د ویب پاڼې له لارې ستونزه راپورته کړئ: Raise an Issue - Self Service Portal

وړیا تلیفون مرستې لاین 0808 8010503۔

که تاسو د خپل استوګنځای ستونزو په اړه له مهاجرینو مرستې (Migrant Help) سره اړیکه نیولې وي او ستونزې حل شوې نه وي، تاسو کولی شئ د خپل چمتو کوونکي، د کورنیو چارو وزارت، یا مهاجرینو مرستې (Migrant Help) په وړاندې رسمي شکایت وکړئ. ځینې وختونه خلک اندیښنه لري چې که دوی شکایت وکړي، د کورنیو چارو وزارت به د دوی د پناه غوښتنې ادعا رد کړي یا به دوی ته مالي ملاتړ یا استوګنه ورکول ودروي. دا ریښتیا نه دی. د استوګنځي په اړه شکایتونه د ستاسو د پناه غوښتنې د پایلې یا د ملاتړ او استوګنځي د ترلاسه کولو وړتیا باندې هېڅ اغېز نه لري.

کوم مهم سازمانونه په دې کې بوخت دي چې ماته استوګنځای او ملاتړ برابر کړي؟

د مهاجرینو مرسته (Migrant Help) یوه خیریه موسسه ده، چې د کورنیو چارو وزارت څخه خپلواکه ده، څوک چې تاسو ته مشوره، ستاسو د ملاتړ په اړه معلومات، د استوګنځي د ستونزو د راپور ورکولو یا د شکایت د وړاندې کولو لارې چارې، یا د کورنیو چارو وزارت ته د ستاسو د حالت د بدلون خبر ورکولو لپاره ټاکل شوي. تاسو کولی شئ د مهاجرینو مرستې (Migrant Help) سره په لاندې لارو اړیکه ونیسئ: د  مهاجرینو مرستې (Migrant Help) ویب چیټ کې ویب چیټ (Webchat) Migrant Help Web Chat

د دوی د ویب پاڼې له لارې ستونزه راپورته کړئ (Raise an Issue) : ستونزه راپورته کړئ - د ځان خدمت پورټل

وړیا تلیفون مرستې لاین 0808 8010503۔

ستاسو د هستوګنې چمتو کونکی. د کورنیو چارو وزارت ستاسو لپاره د استوګنځای برابرولو لپاره له خصوصي شرکتونو څخه کار اخلي. کله چې استوګنځي ته داخل شئ، تاسو ته به د استوګنې یو افسر ټاکل شي چې تاسو ته به ښه راغلاست ووایي او ستاسو ټولو پوښتنو ته به ځواب ووایي. محيلي چارواکي, د شوراګانو په نوم هم پیژندل کیږي، د حکومت برخه ده چې په سیمه ایزه سیمه کې عامه خدمتونه او اسانتیاوې وړاندې کوي، لکه ښوونځي او ټولنیز خدمتونه. محلي خدمات چې وړاندې کیږي او هغه څوک چې دا خدمات وړاندې کوي، ستاسو د استوګنې ځای پورې اړه لري.

تاسو کولی شئ خپل محلي شورا د خپل پوستکوډ په کارولو سره په دې پته ومومئ: خپل محلي شورا ومومئ - GOV.UK (www.gov.uk) د خپل محلي شورا د ویب پاڼې له لارې تاسو کولی شئ د محلي خدماتو لکه کتابتونونو او ملاتړ ګروپونو تفصیلات پیدا کړئ.

په بیړني حالت کې باید څه وکړو

که عاجله طبي بیړنۍ پېښه وي چې سمدستي درملنې ته اړتیا ولري، که تاسو د جرم قرباني یاست یا د جرم شک لرئ، یا که د اور راپور ورکول غواړئ، باید سمدستي 999 ته زنګ ووهئ او خدمت چلوونکي ته ووایاست چې کوم خدمت ته اړتیا لرئ – اور، پولیس یا امبولانس. دا مهمه ده چې تاسو یوازې دا شمیرې په بیړني حالت کې ډایل کړئ.

که چیرې تاسو په انګلیسي خبرې نه کوئ، نو تاسو باید د هغه ژبې نوم ووایاست چې تاسو غواړئ خبرې وکړئ کله چې تاسو لومړی ځل 999 ته زنګ ووهئ. ستاسو لپاره به یو ژباړونکی چمتو شي که چیرې یو شتون ولري. 999 ته زنګونه وړیا دي.

پولیس(Police) : که یو څوک تاوتریخوالی کوي یا تاوتریخوالی ګواښوي، یا که تاسو د کوم جرم شاهد یاست، تاسو باید 999 ته زنګ ووهئ او د پولیسو غوښتنه وکړئ. که چیرې تاسو غواړئ د جرم راپور ورکړئ یا د هغه جرم قرباني یاست چې بیړني غبرګون ته اړتیا نلري، نو تاسو باید 101 ته زنګ ووهئ. مهرباني وکړئ ډاډ ترلاسه کړئ چې د پولیسو سره اړیکه به ستاسو د پناه غوښتنې په ادعا اغیزه ونکړي.

اور(Fire) : که تاسو اور یا د اور نښې لکه لوګی ووینئ، باید د استوګنځي کارکوونکو ته نږدې کیدو مخکې تر ټولو نږدې د اور الارم فعال کړئ، ترڅو د اور خدمت غوښتلو لپاره 999 ته زنګ ووهل شي. تاسو باید اور ته نږدې نه شئ او هڅه مه کوئ چې اور مړ کړئ.

امبولانس (Ambulance) : که کوم بیړنی طبي حالت وي، کله چې یو څوک سخت ناروغ یا ټپي وي او ژوند یې په خطر کې وي، تاسو باید 999 ته زنګ ووهئ او د امبولانس غوښتنه وکړئ. د عمومي طبي اندیښنو لپاره چې امبولانس ته اړتیا نلري، تاسو باید د مشورې لپاره 111 ته زنګ ووهئ. تاسو کولی شئ په دې برخه کې د ملاتړ لپاره د خپل استوګنځي له کارکوونکو سره مراجعه وکړئ.

برښنا، ګاز او نور خدمات (Utilities) : که تاسو ګاز بوی کړئ، تاسو باید سمدستي د انګلستان، سکاټلینډ، او ویلز لپاره په 0800 111 999زنګ ووهئ یا د شمالي آیرلینډ لپاره 0800 002 001 او بیا مستقیم د ستونزې راپور مهاجرینو مرستې (Migrant Help) ته ورکړئ.

کومه پوښتنه لرئ؟

له دې څخه لیدنه وکړئ

یا Migrant Help

د مهاجرینو مرستې (Migrant Help) سره په لاندې ډول تماس نیول کیدی شي:

د مهاجرینو مرستې (Migrant Help)  ویب چیټ کې ویب چیټ(Webchat) Migrant Help Web Chat

د دوی د ویب پاڼې له لارې ستونزه راپورته کړئ (Raise an Issue) : Raise an Issue - Self Service Portal

وړیا تلیفون مرستې لاین 0808 8010503۔

برخه 1 د پناه غوښتنې د استوګنې ډولونه او سفر

د پناه غوښتنې د پروسس کولو لپاره اړین وخت توپیر کولی شي. دا په دې پورې اړه لري چې ستاسو قضیه څومره پیچلې ده او د شواهدو او اسنادو ترلاسه کولو کې څومره وخت نیسي.

پناه غوښتونکو ته، چې د ځان د ملاتړ لپاره بله لاره نه لري، د استوګنې په ګډون د پناه ملاتړ ورکول کیږي. د پناه ځای استوګنه د ‘نه خوښې‘ پر بنسټ چمتو کیږي، نو تاسو نشئ کولی چې خپل استوګنځی وټاکئ. خو، که تاسو ځانګړی دلیل لرئ چې په یوه ځانګړې سیمه کې استوګنځای ته اړتیا لرئ، کورنیو چارو وزارت به دا په پام کې ونیسي – د استوګنځي د وېش لارښوونې دلته موندل کېږي: (https://www.gov.uk/government/publications/asylum-accommodation-requests-policy/allocation-of-asylum-accommodation-policy-accessible) ستاسو د استوګنې چمتو کوونکی باید ډاډ ترلاسه کړي چې استوګنځی ستاسو هر ډول ځانګړې اړتیاوې پوره کوي.

د کورنیو چارو وزارت دوه اصلي ډوله استوګنځي لري – ابتدايي استوګنځای (Initial Accommodation) چې کېدای شي هوټلونه یا لویې ساحې پکې شامل وي، او وېشل شوي استوګنځای (Dispersal Accommodation). تاسو اړتیا نلرئ چې په کورنیو چارو وزارت استوګنځي کې پاتې شئ، او کولی شئ له خپلې کورنۍ یا ملګرو سره پاتې شئ. که غواړئ دا امکان وڅېړئ، مهرباني وکړئ له مهاجرینو مرستې (Migrant Help) سره اړیکه ونیسئ

ابتدايي استوګنځي

تاسو اوس مهال په ابتدايي استوګنځي کې اوسیږئ. ابتدايي استوګنځای هغه استوګنځای دی چې کېدای شي له بشپړ خوراک (درې واړه خوړونه) (full-board)، نیم خوراک (دوه خوړونه) (half-board)، یا د ځان پخلي (self-catering) اسانتیا ولري. دا معمولاً په هاستل یا هوټل ډول چاپیریال کې ګډ استوګنځای وي، خو ممکن بل ډول هم وي. دا د هغو پناه غوښتونکو لپاره ده چې په بل ډول به بې وزله وي او د دوی د برخې 95 ملاتړ غوښتنلیکونو د پریکړې دمخه به په بیړني ډول استوګنې ته اړتیا ولري. دا استوګنځای هغو پناه غوښتونکو ته هم ورکول کېږي چې د سکشن 95 (یا سکشن 4) ملاتړ ورته منظور شوی وي، تر هغه وخته چې هغوی اوږدمهاله موقتي استوګنځای (یعنې د توزیع استوګنځای / Dispersal accommodation) ته ولېږدول شي. هغه پناه غوښتونکي چې د کورنیو چارو وزارت (Home Office) لخوا یې ملاتړ منظور شوی وي، کولای شي په ابتدايي استوګنځای کې پاتې شي تر هغه وخته چې په توزیعي استوګنځای کې ځای خالي شي، یا تر هغه چې د هغوی دعوه په بشپړ ډول وڅېړل شي او وروستۍ پرېکړه پرې وشي.

په ابتدايي استوګنځي کې د پاتې کېدو موده د افرادو ترمنځ توپیر لري مخکې له دې چې وېشلي استوګنځي ته انتقال شي، خو اوس مهال د انتظار وختونه اوږده دي، نو موږ نشو کولی مشخص انتظار وخت وړاندې کړو. د انګلستان په کچه د پناه غوښتونکو د زیاتوالي له امله د محلي استوګنځي ځایونه کم دي، او همدارنګه اړتیا شته چې د هغو کسانو موجوده اړتیاوې هم پوره شي چې مخکې د اوږدې مودې لپاره د استوګنځي په انتظار کې دي. دا مانا لري چې تاسو ممکن د اوږدې مودې لپاره په لومړني استوګنځي کې پاتې شئ، خو ستاسو خدمت وړاندې کوونکي او کورنیو چارو وزارت به ډاډ ترلاسه کړي چې ستاسو اړتیاوې په دې موده کې پوره کېږي. که تاسو احساس کوئ چې ستاسو اړتیاوې په اوسني استوګنځي کې نه پوره کېږي، نو د مرستې لپاره له مهاجرینو مرستې (Migrant Help) سره اړیکه ونیسئ. کیدای شي له تاسو وغوښتل شي چې د خپلو اړتیاوو او د دې وضاحت چې ولې په اوسني استوګنځي کې نه پوره کېږي، شواهد وړاندې کړئ. مهاجرینو مرستې (Migrant Help) ممکن ستاسو د استوګنځي چمتو کوونکي ته ووایي چې د ستونزې د حل لپاره اقدام وکړي، یا ستاسو ستونزه کورنیو چارو وزارت ته واستوي ترڅو د وېشلي استوګنځي د انتقال پروسه ګړندۍ کړي.

وېشل شوی استوګنځای (Dispersal Accommodation)

وېشل شوی استوګنځای د اوږدمهاله استوګنځي ډول دی چې د کورنیو چارو وزارت په استازیتوب د استوګنځي چمتو کوونکو لخوا اداره کېږي. تاسو معمولا کولی شئ په وېشل شوي استوګنځي کې پاتې شئ تر هغه چې ستاسو د پناه غوښتنه په بشپړ ډول حل شي. تل امکان نه لري چې په همدې ملکیت کې پاتې شئ.

د ملګرو یا کورنۍ سره ژوند کول (خپلواکه ژوند)

د یو پناه غوښتونکي په توګه، تاسو کولی شئ د کورنیو چارو وزارت استوګنې کې د پاتې کیدو پرځای د کورنۍ یا ملګرو سره پاتې شئ پداسې حال کې چې تاسو د خپل پناه غوښتنې ادعا په اړه پریکړې ته انتظار کوئ. چیرې چې تاسو اوسیږئ به ستاسو د پناه غوښتنې په پایله اغیزه ونکړي.

که تاسو وړ یاست، نو ممکن تاسو د اړینو ژوند لګښتونو لپاره د مرستې وړ یاست. د خپلواک ژوند کولو په اړه نور معلومات د اسایلم سپورټ په برخه کې موندل کیدی شي: د ملګرو یا کورنۍ سره ژوند کول[لینک ور داخل کړئ ‘(

د پناه غوښتنې د پرېکړې وروسته انتقال۔       

منفي پریکړه

که ستاسو ادعا (د هر ډول استیناف په ګډون) رد شي او له تاسو سره هیڅ ماشومان ژوند نه کوي، نو تاسو به اړ یاست چې استوګنځی پریږدئ، پرته لدې چې د کورنیو چارو وزارت د یو بل ډول ملاتړ لپاره غوښتنه وکړئ. که ستاسو ادعا رد شي او تاسو ماشومان لرئ چې ستاسو سره ژوند کوي نو ستاسو د پناه ملاتړ به دوام ومومي. که ستاسو ادعا ناکامه شي او نور کوم لنډمهاله خنډونه شتون ونلري، نو له تاسو به تمه وشي چې انګلستان پرېږدئ. د کورنیو چارو وزارت څخه ستاسو د پریکړې ترلاسه کولو وروسته به مشوره او لارښود د مهاجرینو مرستې (Migrant Help) لخوا ژر تر ژره چمتو شي. که تاسو د دې اختیار په اړه نور معلومات غواړئ، د رضاکارانه راستنیدو خدمتونہ د دوشنبې څخه جمعه، د سهار له 9 بجو څخه تر 5 بجو پورېشتون لري، تلیفون: 0300 004 0202. Get help to return home if you’re a migrant in the UK: Overview - GOV.UK

مثبته پریکړه

که چیرې تاسو ته د پاتې کېدو اجازه درکړل شي، نو تاسو او ستاسو هر ډول تابعین باید د پناه غوښتونکو استوګنځی پرېږدئ، او ستاسو د کورنیو چارو وزارت ملاتړ به ودریږي. که تاسو ته د پاتې کېدو اجازه درکړل شي، نو تاسو به د نورو برتانوي اوسېدونکو په څېر د کار کولو، له عامه مرستو څخه د ګټې اخیستنې، د کور لټون او په دې برخه کې د مرستې ترلاسه کولو وړتیا ولرئ. په یاد ولرئ چې، ځکه په انګلستان کې د کورونو کمښت دی، نو د خپل استوګنځي موندل ممکن وخت ونیسي. که څه هم ځایی چارواکی به تاسو ته معلومات یا مشوره درکړي، تاسو ممکن اړتیا ولرئ چې خپل شخصي کور ومومئ. مشوره او لارښوونه به د مهاجرینو سره د مرستې ادارې سره ستاسو د ‘مخ پر وړاندې تګ’ لیدنې د یوې برخې په توګه ورکړل شي، چې ستاسو د پرېکړې په 24 ساعتونو کې به ترسره شي یا ستاسو د سیمه ییزې ادارې سره د اړیکې نیولو له لارې ترلاسه کېدای شي. 

تمې

تاسو سره به تل د درناوي، انصاف او بې طرفۍ چلند وشي. په همدې ډول، موږ له تاسو تمه لرو چې له ټولو کارکوونکو او هغو خلکو سره چې تاسو ورسره ژوند کوئ، یو شان چلند وکړئ.

تاسو باید هر ډول ستونزه چې د استوګنې یا ملاتړ سره لرئ سمدستي راپور کړئ، د مهاجرینو مرستې (Migrant Help) سره د اړیکې په نیولو سره. ستاسو د پناه غوښتنې ادعا یا د پناه غوښتنې د ملاتړ حق به د ستونزې راپورولو له امله اغیزمن نه شي.

محرمیت او د ډاټا شریکول

د کورنیو چارو وزارت او زموږ خدمت وړاندې کوونکي به ستاسو شخصي معلومات پټ وساتي. ځینې شرایط شتون لري چیرې چې موږ اړتیا لرو ستاسو معلومات له نورو ادارو سره شریک کړو. په دې کې شامل دي:

• ستاسو لپاره د ټولنیزې پاملرنې، ځانګړي استوګنې، یا د ملکیت د تعدیلاتو د برابرولو لپاره له محلي شوراګانو سره د معلوماتو شریکول.
• د روغتیايي خدماتو سره د معلوماتو شریکول ترڅو ډاډ ترلاسه شي چې ستاسو د عمومي روغتیا اړتیاوې او هر ډول طبي حالتونه سم روغتیايي خدمات ترلاسه کوي.
• ستاسو او ستاسو د کورنۍ، په ځانګړي ډول د ماشومانو او زیانمنونکي لویانو د ساتنې یا خوندي کولو لپاره د معلوماتو شریکول.
• د تعلیم چارواکو سره اړونده معلومات شریکول ترڅو هغوی خپلې خدمات وړاندې کړي.
• د جرمونو راپور ورکول پولیسو ته او د دې لپاره چې تاسو په ټولنه کې خوندي وساتل شئ
• د درغليو مخنیوي لپاره د معلوماتو شریکول
• د محکمې د چارو په تړاو د معلوماتو افشا کول

هرې ادارې سره چې ستاسو معلومات شریکه کیږي، هم باید ستاسو د معلوماتو محرمیت ته درناوی وکړي. تاسو کولی شئ د کورنیو چارو وزارت یا نورو سازمانونو څخه وغواړئ چې تاسو ته هغه معلومات وښیې چې دوی د “موضوع لاسرسي غوښتنې” له لارې ستاسو په اړه لري Borders, immigration and citizenship: privacy information notice - GOV.UK

د ملاتړ شرایط

• تاسو باید ستاسو لپاره د سفر ترتیبات تعقیب کړئ. د بیلګې په توګه، بل ملکیت ته تلل. که کوم داسې دلیل وي چې تاسو به د سفر په ترتیباتو عمل نشئ کولی، نو تاسو باید له کورنیو چارو وزارت ته له وخته خبر ورکړئ.
• تاسو باید په مجاز ادرس کې ژوند وکړئ. تاسو به اړتیا ولرئ د کورنیو چارو وزارت څخه اجازه ترلاسه کړئ د مهاجرینو مرستې (Migrant Help) سره اړیکه ونیسئ که تاسو پلان لرئ په دوامداره توګه د 7 ورځو څخه ډیر لرې اوسئ۔ تاسو باید په هر شپږ میاشتني موده کې له 14 ورځو یا شپو څخه ډېر غیر حاضر نه اوسئ.
• تاسو باید د هغه هستوګنې مقررات تعقیب کړئ چې تاسو پکې اوسیږئ. ستاسو د هستوګنې چمتو کونکی به تاسو ته قواعد ووایي.
• تاسو باید تاوتریخوالی ونه ښکاره کړئ، په لفظي یا فزیکي توګه ځورونکي نه اوسئ او د برتانیا د قوانینو پیروي وکړئ. له تاوتریخوالي ډک چلند ممکن د جنايي تعقیب لامل وګرځي او همدارنګه ستاسو د استوګنې او مالي ملاتړ له لاسه ورکولو خطر رامنځته کوي.
• تاسو باید په منظم ډول خپل مالي ملاتړ ته لاسرسی ومومئ. یوځل چې تاسو ته د 95/4 برخې ملاتړ درکړل شي، تاسو ته د هر ډول اضافي لګښتونو پوښلو لپاره د اونۍ اندازه درکول کیږي پداسې حال کې چې تاسو په ابتدايي استوګنځي کې پاتې شئ.
• تاسو باید د کورنیو چارو وزارت غوښتنو ته ځواب ووایاست. په دې کې د لاندې مواردو لپاره غوښتنې شاملې دي:
  • ستاسو د پناه غوښتنې ادعا پورې اړوند معلومات.
  • ستاسو د پناه غوښتنې ملاتړ پورې اړوند معلومات او
  • په هره مرکه کې ستاسو حاضري

که تاسو د خپل ملاتړ شرایط په پام کې ونه نیسئ، تاسو خطر لرئ چې خپل ملاتړ له لاسه ورکړئ.

په حالاتو کې بدلونونه

پداسې حال کې چې تاسو د پناه غوښتنې د استوګنې او ملاتړ په ترلاسه کولو کې یاست، تاسو باید سمدلاسه د کورنیو چارو وزارت ته ووایاست که چیرې ستاسو په شرایطو کې کوم بدلون شتون ولري. د دې کار ترسره کولو لپاره تر ټولو اسانه لاره د ممهاجرینو مرستې (Migrant Help) له لارې ده. که تاسو نور هستوګنې ته اړتیا نلرئ، تاسو لاهم مالي ملاتړ ترلاسه کولی شئ، مګر تاسو باید لومړی وپوښتئ (خو دا په هغو کسانو نه پلي کیږي چې د ۴مې برخې له مخې ورته ملاتړ چمتو کیږي).

هغه د شرایطو بدلونونه چې تاسو باید د کورنیو چارو وزارت ته یې په اړه خبر ورکړئ، دا دي:

• که تاسو پیسو یا مالي شتمنیو ته لاسرسی ومومئ یا یې ترلاسه کړئ
• که تاسو سکالرشپ یا کوم بل اکاډمیک جایزه ترلاسه کړئ
• که تاسو دنده ترلاسه کړئ (تاسو باید وګورئ چې آیا تاسو د دندې ترلاسه کولو دمخه د کار کولو اجازه لرئ - Permission to work and volunteering for asylum seekers (accessible) - GOV.UK
• که تاسو د خپل خدمت وړاندې کوونکي له خبرتیا پرته بلې پتې ته لاړ شئ، یا له خپلې کورنۍ، ملګرو، یا شریک سره د اوسېدو پرېکړه وکړئ.
• که تاسو واده وکړئ، جلا شئ، طلاق واخلئ، یا مدني ملګرتیا جوړه کړئ.
• که تاسو په روغتون کې بستر یاست یا زنداني یاست
• که تاسو (یا ستاسو ملګری) امیندواره شئ یا ماشوم پیدا کړئ
• که چیرې ستاسو کوم ماشوم ښوونځي پریږدي یا کور پریږدي
• که چیرې د کورنۍ کوم بل غړي تاسو سره په انګلستان کې یوځای شي یا له انګلستان څخه ووځي
• که څوک ستاسو د کورنۍ سره یوځای شي یا یې پریږدي
• کہ تاسو خپل نوم بدل کړي.
• کہ تاسو پلان لرئ چې بریتانیا پریږدئ او کور ته راستانہ شئ.

که تاسو په خپلو شرایطو کې د بدلون په اړه موږ ته نه ووایاست، تاسو ممکن:

• د کورنیو چارو وزارت څخه خپل ملاتړ له لاسه ورکړئ
• اضافي ملاتړ ترلاسه نکړئ چې تاسو یې مستحق یاست “(یعنې – د امیندوارۍ او مورني معاشونه)
• باید هر هغه ملاتړ بیرته تادیه کړئ چې تاسو ترلاسه کړی وي، دی کوم چې تاسو مستحق نه یاست.
• د کډوالۍ او پناه غوښتنې قانون 1999 لاندې د جرم په تور محکوم شي

د پناه غوښتنې د ملاتړ د پرېکړې استیناف غوښتنه کول

تاسو کولی شئ معمولا د لومړۍ درجې محکمې (د پناه غوښتنې ملاتړ) ته اپیل وکړئ که:

• ستاسو د پناه غوښتنې د ملاتړ او/یا استوګنې غوښتنه رد شوې وي.
• تاسو د څلورمې برخې لاندې د پناه غوښتنې ملاتړ ترلاسه کوئ، او دا ملاتړ بند شوی وی.
• تاسو د 95 برخې لاندې د پناه غوښتنې ملاتړ ترلاسه کوئ، او دا مخکې له دې چې دا ملاتړ پای ته ورسیږي بند شوی وي.

که ستاسو غوښتنه رد شوې وي یا ستاسو ملاتړ درول شوی وي، د کورنیو چارو وزارت څخه به تاسو ته یو لیک درکړل شي چې پکې دلیلونه ښودل شوي وي چې ولې دا پریکړه شوې. دغه لیک به تاسو ته هم ووایي چې ایا تاسو کولی شئ اپیل وکړئ او څنګه اپیل وکړئ. محکمه له حکومت څخه خپلواکه ده. قاضي به د پریکړې کولو مخکې د دواړو اړخونو خبرې واوري. که ستاسو ملاتړ ودرول شوی وي او تاسو په دې اړه اپیل وکړئ، ستاسو ملاتړ معمولا د اپیل د پای ته رسیدو پورې باید دوام وکړي. د اپیل فورمې په لاندې ځای کې موندل کیدی شي: (https://www.gov.uk/appeal-first-tier-asylum-support-tribunal)

مخکې لدې چې تاسو اپیل وکړئ تاسو مرسته او مشوره ترلاسه کولی شئ:

• تاسو کولی شئ د وړیا قانوني نمایندګۍ لپاره د پناه غوښتنې د ملاتړ استیناف پروژې (ASAP) سره اړیکه ونیسئ که تاسو د خپل استیناف فورمه د لومړۍ درجې محکمې (د پناه غوښتنې ملاتړ) ته لیږلی وي. Asylum Support Appeals Project - ASAP
• تاسو کولی شئ د مشورې او ملاتړ لپاره د کډوالو عمل (Refugee Action) (په انګلستان کې په ځانګړي سیمو کې فعالیت کوي) او د کډوالو شورا(Refugee Council) (انګلستان او ویلز) سره اړیکه ونیسئ - دوی ممکن وکولی شي ستاسو سره د مرستې لپاره بل سازمان ومومي. (https://www.refugee-action.org.uk/our-services/increasing-justice-tackling-poverty/) (http://www.refugeecouncil.org.uk/)
• تاسو کولی شئ د وکیل په ګډون نور قانوني مشوره هم ترلاسه کړئ. د نورو معلوماتو لپاره لاړ شئ (http://www.gov.uk/find-a-legal-adviser)
• نور معلومات په دي کې موندل کیدی شي (http://www.gov.uk/appeal-first-tier-asylum-support-tribunal)

برخه 2 مهم سازمانونه

د كورنيو چارو وزارت

د کورنیو چارو وزارت څه شی دی؟

د کورنیو چارو وزارت د انګلستان په امنیت او اقتصادي سوکالۍ کې بنسټیز رول لوبوي. د کورنیو چارو وزارت د کډوالۍ او پاسپورټونو، د نشه يي توکو پالیسۍ، جرم، اور وژنې، د ترهګرۍ ضد مبارزې، او پولیسو په برخو کې مخکښ حکومتي اداره ده. د کورنیو چارو وزارت هغه ساحه چې تاسو به ورسره په مستقیم ډول معامله کوئ د پناه او خوندیتوب په نوم یادیږي.

زه له کورنیو چارو وزارت څخه څه تمه کولی شم؟

ستاسو د پناه غوښتنې ادعا به د پیرودونکي خدماتو ریاست د پناه غوښتنې عملیاتو ټیمونو لخوا پروسس او ارزول کیږي. دا د کورنیو چارو وزارت یوه اداره ده. دا د کورنیو چارو وزارت یوه څانګه ده. ستاسو د پناه غوښتنلیک بریالی کیدل به د دوی د ارزونې پر بنسټ وي، او دوی به تاسو سره د پرېکړې په اړه اړیکه ونیسي.

د کورنیو چارو وزارت دننه د پناه غوښتنې د ملاتړ ټیمونه د دې لپاره مسئول دي چې پرېکړه وکړي تاسو کوم ملاتړ ترلاسه کوئ او د هغو چمتو کوونکو څارنه وکړي چې دا ملاتړ وړاندې کوي. د پناه غوښتنې د ملاتړ ټیمونه به هم ډاډ ترلاسه کړي چې زموږ د استوګنځي چمتو کوونکو لخوا وړاندې شوي خدمتونه د دې لارښود په کتابچه کې ټاکل شوي معیارونه پوره کوي.

د کورنیو چارو وزارت زما څخه څه تمه لري؟

کورنیو چارو وزارت تمه لري چې تاسو د خپل ملاتړ ټول شرایط رعایت کړئ او موږ ته د خپلو شرایطو د بدلونونو په اړه خبر ورکړئ. که داسې ونه کړئ، ستاسو د ملاتړ دوامداره حق ممکن اغېزمن شي.

د کورنیو چارو وزارت له خوا درلیږل شوي هیڅ لیک له پامه مه غورځوئ، ځکه دا کیدای شي ستاسو ملاتړ د رد یا ودریدو سبب شي. که تاسو ډاډه نه یاست چې لیک څه معنی لري، د مشورې او لارښود لپاره له مهاجرینو مرستې (Migrant Help) سره اړیکه ونیسئ.

تاسو د حکومت لخوا وړاندې شویو خدماتو په اړه نور معلومات د ویب پاڼې له لارې ترلاسه کولی شئ Welcome to GOV.UK

ستاسو د استوګنې چمتو کونکی

د استوګنې چمتو کوونکی څوک دی؟

د استوګنې چمتو کوونکی یوه کمپنۍ ده چې د کورنیو چارو وزارت له خوا ورسره د پناه غوښتونکو لپاره د استوګنې چمتو کولو او د هغې د ساتنې او پالنې لپاره قرارداد لاسلیک شوی وي. د استوګنې چمتو کونکي د موقعیت پورې اړه لري.

زه د خپل هستوګنې چمتو کونکي څخه څه تمه کولی شم؟

• هغه خدمتونه چې د استوګنې چمتو کوونکی به یې وړاندې کوي په لاندې ډول دي:
• د پاکو، خوندي، او د اوسېدو وړ استوګنځای، فرنیچر، تجهیزاتو، او اسانتیاوو چمتو کول او ساتنه.
• کله چې تاسو راورسېږئ، استوګنځای معرفي کول، او تاسو ته د شته خدمتونو په اړه معلومات درکول.
• د تنظیم شوي استوګنځای او خوړو خدمت چمتو کول، چې په ورځ کې درې وخته خواړه او اړینو شخصي روغتیا ساتنې توکو او د پاکۍ او نظافت توکو ته لاسرسی پکې شامل دی.

یا د هغو کسانو لپاره چې په خپلواک ډول د خوړو چمتو کولو په استوګنځایونو کې دي، د دې اړتیاوو د پوره کولو لپاره د لګښتونو پوښښ لپاره نغدې پیسې. د یادولو لپاره، په 4 برخه کې هغه کسان چې د نغدو پیسو ملاتړ مستحق ندي او که د تطبیق وړ وي، پیسې به ورته په اسپن (Aspen) کارت کې جمع شي).

• امیندواره میرمنې او کوچنیان د اضافي تغذیې او د ژوند اړتیاو پوره کولو لپاره د اضافي مقرراتو حق لري (پامپرز، فارمولا، شیدو، د خوړو زیاتوالي، د ماشوم د بوتل پاکولو وسایل او داسې نورو ته لاسرسی)، پداسې حال کې چې د بشپړ یا نیم بورډ هستوګنې کې وي.
• ستاسو د هوساینې ترویج، په شمول اړوندو ادارو ته د راجع کولو، چېرې چې دا به مرسته وکړي.
• له تاسو سره د اړیکو پر مهال، د اړتیا په صورت کې د ژباړې او ترجماني خدمتونو وړاندې کول
• تاسو ته د نظرونو او شکایتونو د پروسو تشریح کول او هر چېرته چې امکان ولري، د پنځو کاري ورځو په اوږدو کې د هر ډول شکایتونو حل کول
• په استوګنځي کې د رامنځته کېدو احتمال لرونکي ضدِ ټولنیز یا ګډوډوونکي چلند مدیریت کول.
• تاسو ته د نږدې موجود GP (ډاکټرانو) کلینیک ځای په ګوته کول یا د GP سره د راجستر کېدو مرسته کول که تاسو مخکېني طبي حالت لرئ (مګر که په ځای کې د نرس پرکتیشن شتون ولري، نو اړتیا نه وي)
• تاسو سره مرسته کول چې د اړتیا په صورت کې د استوګنځي د وخت په جریان کې صحي خدمتونو ته لاسرسی ومومئ (دا کیدای شي د اوسیدونکو د هوساینې مدیرانو، د خوندیتوب ټیمونو، یا د استوګنځي مدیرانو له لارې تنظیم شي)
• د 4 برخې او د 98 برخې ملاتړ ترلاسه کوونکو خدمت اخیستونکو ته د سفر مرسته برابره کول – یا د ترانسپورت برابرول یا د عامه ترانسپورت ټکټونه ورکول – د ډاکټر، غاښونو ډاکټر، او روغتون ملاقاتونو، د حمل مخکې یا وروسته د معاینې ملاقاتونو، یا د کورنۍ د ماشومانو د زیږون یا د مړینې د ثبت لپاره سفرونو لپاره. مهرباني وکړئ یادونه وکړئ چې هر وخت ممکن وي د محلي صحي خدماتو او عامه ترانسپورت څخه ګټه واخلئ، او د هر ملاقات لپاره ثبوت (لکه د ملاقات لیک) وړاندې کړئ او خپل خدمت وړاندې کوونکو ته تر امکان حد پورې مخکې خبر ورکړئ څو دا د مناسب وخت لپاره تنظیم شي. د ترانسپورت اړوند هرې ستونزې لپاره، مهرباني وکړئ له مهاجرینو مرستې (Migrant Help) سره اړیکه ونیسئ.

که تاسو په ابتدايي هستوګنځي کې د خپل استوګنځي سره کومه ستونزه لرئ نو تاسو باید دا د مهاجرینو مرستې (Migrant Help) له لارې پورته کړئ:

د مهاجرینو مرستې ((Migrant Help ویب چیټ کې ویب چیټ Migrant Help Web Chat

د دوی د ویب پاڼې له لارې ستونزه راپورته کړئ: Raise an Issue - Self Service Portal

وړیا تلیفون مرستې لاین 0808 8010503 ۔

دوی به بیا ستاسو په استازیتوب ستاسو د هستوګنې چمتو کونکي سره مسله راپورته کړي. د نورو معلوماتو لپاره ‘د ستونزو راپور ورکول او شکایتونه’ وګورئ.

تاسو د کورنیو چارو وزارت استوګنې کې ژوند کولو ته اړتیا نلرئ؛ تاسو کولی شئ د کورنۍ یا ملګرو سره پاتې شئ پداسې حال کې چې تاسو د خپل پناه غوښتنې ادعا په اړه پریکړې ته انتظار کوئ. چیرې چې تاسو اوسیږئ به ستاسو د پناه غوښتنې په پایله اغیزه ونکړي. د خپلواک ژوند کولو په اړه نور معلومات د اسایلم سپورټ په برخه کې موندل کیدی شي: د ملګرو یا کورنۍ سره ژوند کول[لینک

زما د هستوګنې چمتو کونکی زما څخه څه تمه لري؟

تاسو باید د استوګنځی سره په درناوي چلند وکړئ. په دې کې یې پاک ساتل او دا ډاډ ترلاسه کول شامل دي چې د ملکیت دننه موجود وسایل او تجهیزات ته زیان ونه رسوئ.

تاسو باید د هر هغه چا او هر هغه کارکوونکي سره هم درناوی وکړئ چې تاسو ورسره اوسئ او یا ورسره مخ شئ.

د مهاجرینو مرسته(Migrant Help)

مهاجرینو مرستہ څه شی دہ؟

مهاجرینو مرستې (Migrant Help) یوه خیریه موسسه ده چې د کورنیو چارو وزارت څخه په جلا توګه، د “مشوره، د مسلې راپور ورکول او وړتیا” (AIRE) په نوم یوه ملي خدمت چلوي. مهاجرینو مرستې (Migrant Help) کولی شي تاسو ته د پناه غوښتنې پروسې او ستاسو د حقونو په اړه خپلواکه مشوره او لارښوونه وکړي. دوی کولی شي تاسو ته په انګلستان کې د نورو شته خدمتونو لور هم وښیي.

زه د مهاجرینو مرستې (Migrant Help) څخه څه تمه کولی شم؟

د مهاجرینو مرسته به تاسو سره مرسته وکړي چې مالي ملاتړ، استوګنځای، قانوني مشوره، او نور هغه خدمات ترلاسه کړئ چې تاسو د قانون له مخې مستحق یې. دوی به معلومات درکړي ترڅو تاسو د پناه غوښتنې پروسه، د ملاتړ حقونه، او دا چې څنګه نورو اړینو خدماتو (په شمول د صحي خدماتو او قانوني مشورې) ته لاسرسی ومومئ، درک کړئ مخکې له دې چې د پناه مرکې ته لاړ شئ. که اړتیا وي، تاسو کولای شئ د ژباړونکي مرسته ترلاسه کړئ، او دا باید د تماس په پیل کې غوښتل شي.

د مهاجرینو مرستې (Migrant Help) وړیا هیلپ‌لاین کولی شي تاسو ته په خپله ژبه مشوره درکړي. هغه موضوعات چې دوی مرسته کولی شي پکې شامل دي:

• د پناه غوښتنې غوښتنه څنګه وکړئ
• مالي مرسته
• قانوني وکیل یا قانوني مشاور موندل
• د پناه غوښتنې پروسې
• روغتیا پاملرنې ته لاسرسی
• د استوګنې ملاتړ

تاسو کولی شئ د مهاجرینو مرستې (Migrant Help) له لارې د کورنیو چارو وزارت په اړه شکایت وکړئ؛ په هرصورت، دا باید د پناه غوښتنې استوګنې یا ملاتړ پورې اړه ولري. تاسو باید لومړی د مهاجرینو د مرستې له لارې خپلې اندېښنې راپورته کړئ، مخکې له دې چې بل هر ډول اقدام یا شکایت ته مخه کړئ.

ستاسو د پناه غوښتنې ادعاګانو یا د پناه غوښتنې ادعا په اړه شکایتونه به ونه منل شي، او تاسو باید د دې پرمختګ لپاره په اړوندو لیکونو کې چمتو شوي لارښوونې تعقیب کړئ.

د اي-ویزاګانو(E-Visas) ، د ARC (د غوښتنلیک د ثبت کارت) تېروتنې، او د کار اجازه‌لیک (PTW) ستونزې باید د مهاجرینو مرستې (Migrant Help) سره مطرح نه شي. د دې پر ځای، تاسو کولی شئ د دې خدماتو په اړه ستونزې راپور کړئ (http://www.gov.uk)

• اي-ویزاګان (E-Visas)- eVisas: access and use your online immigration status: Report an error with your eVisa - GOV.UK
• ARC (د غوښتنلیک د ثبت کارت) - Application registration card (ARC) - GOV.UK
• تاسو د خپل پناه غوښتنلیک د لومړیو 12 میاشتو په جریان کې، تر هغه چې ستاسو غوښتنلیک تر غور لاندې وي، کار نشئ کولی. دا غیر قانوني دی. خو، که تاسو د 12 میاشتو څخه د ډیرې مودې لپاره د خپلې پناه غوښتنې د ادعا پریکړې په تمه یاست نو تاسو کولی شئ د کار لپاره د اجازې غوښتنه وکړئ. هغه دندې چې تاسو یې ترسره کولی شئ، ځانګړو رولونو پورې محدودې دي. تاسو کولای شئ، او هم دا هڅول کېږي، چې د خپلې پناه‌ غوښتنې د پرېکړې تر ترلاسه کېدو پورې رضاکارانه کار وکړئ.
• د کار اجازه‌لیک(PTW) - (https://www.gov.uk/government/publications/working-whilst-an-asylum-claim-is-considered/working-in-the-uk-whilst-an-asylum-case-is-considered)

د مهاجرینو مرستې (Migrant Help) د مرستې کرښه له ټولو پناه غوښتونکو سره مرسته کوي، او ممکن د تلیفون کرښې بوختې وي چې ستاسو زنګ ته په ځواب ورکولو کې د ځنډ لامل کیدای شي. مهرباني وکړئ صبر وکړئ او ستاسو زنګ به ژر تر ژره ځواب شي. که امکان ولري، مهرباني وکړئ د غیر بیړنیو پوښتنو لپاره دويب چيټ  (Webchat) او ستونزه راپورته کړئ )Raise an Issue( له امکاناتو څخه کار واخلئ.

د مهاجرینو مرسته کولی شي تاسو سره د مالي مرستې او استوګنې لپاره د غوښتنلیک فورمه (د پناه غوښتنې ملاتړ) (ASF1) یا د اضافي پناه غوښتنې ملاتړ (ASF2) غوښتنلیک ډکولو کې هم مرسته وکړي. دوی به هم مرسته وکړي که چیرې تاسو اړتیا لرئ د کورنیو چارو وزارت ته د وضعیت بدلون په اړه ووایاست.

مهاجرینو مرستې (Migrant Help) نشي کولی قانوني مشوره یا نمایندګۍ وړاندې کړي. دوی کولی شي د قانوني خدماتو ته د لاسرسي څرنګوالي په اړه معلومات چمتو کړي. تاسو هم کولی شئ په کې د قانوني مشاور لټون وکړئ (http://www.gov.uk/find-a-legal-adviser)

که تاسو غواړئ د خپل استوګنځي چمتو کوونکي، د تادیې چمتو کوونکي، د کورنیو چارو وزارت، یا پخپله د مهاجرینو مرستې (Migrant Help) په اړه شکایت وکړئ، نو باید ھم له مهاجرینو مرستې (Migrant Help) سره اړیکه ونیسئ. که تاسو د خپل هستوګنې په اړه کومه ستونزه لرئ، نو تاسو باید هم د مهاجرینو مرستې (Migrant Help) سره اړیکه ونیسئ. د دې کولو څرنګوالي په اړه نور معلومات په شکايتونه (Complaints) کې موندل کیدی شي. د استوګنې په اړه شکایتونه ستاسو د پناه غوښتنې پر پایلې یا د ملاتړ او استوګنې لپاره ستاسو پر وړتیا هیڅ ډول اغېز نه لري.

مهاجرینو مرستہ زما څخه څه تمه لري؟

• کله چې تاسو له مهاجرینو مرستې (Migrant Help) سره اړیکه نیسئ، مهرباني وکړئ د خپلو کورنیو چارو وزارت له اسنادو څخه هر ډول حواله شمېرې چمتو کړئ.
• هر هغه ملاقات کې ګډون وکړئ چې ستاسو لپاره کیږي. د خپلې دعوې اړوند هر ډول معلومات او اسناد له ځان سره یوسئ.
• هرکله چې امکان ولري، پخپله له مهاجرینو مرستې (Migrant Help) سره خبرې وکړئ، د دې پر ځای چې له خپلو ملګرو یا کورنۍ څخه وغواړئ چې ستاسو په استازیتوب له دوی سره خبرې وکړي. اندیښنه مه کوئ که تاسو په انګلیسي خبرې نه کوئ، ترجمانان به شتون ولري.
• مهاجرینو مرستې (Migrant Help) ته د زنګ وهلو یا غونډې ته د تګ دمخه یادښتونه ولیکئ، ترڅو ستاسو ټولو پوښتنو ته په مؤثره توګه ځواب وویل شي.
• د هغوی د سلاکارانو پوښتنو ته د امکان تر حده په بشپړ ډول ځواب ورکړئ. هغوی په هغو پوښتنو روزل شوي چې د ستاسو د غوښتنې په حل کې د مرستې لپاره یې اړتیا لري
• د اړیکو د هر ډول بدلون، لکه د تلیفون شمېرې او د برېښنالیک پته، په اړه یې تازه خبر وساتئ.
• د مهاجرینو مرسته به تل ستاسو هویت تایید کړي او هیڅکله به شخصي معلومات نورو ګوندونو ته ښکاره نکړي. که تاسو غواړئ چې بل کس یا اداره ستاسو په استازیتوب عمل وکړي، نو د دې اسانتیا لپاره به تاسو اړتیا ولرئ چې د واک لیک لاسلیک کړئ یا د مهاجرینو سره د مرستې له ادارې (Migrant Help) سره د خبرو پر مهال خپله رضایت په شفاهي توګه ورکړئ. د دې کار د ترسره کولو په اړه د نورو معلوماتو لپاره، له مهاجرینو مرستې (Migrant Help) سره اړیکه ونیسئ. تاسو کولی شئ دلته د رضایت فورمه هم ومومئ: URL: consent-form-third-party-final.pdf

د مهاجرینو مرسته به ناوړه چلند، ګواښونکي یا تیریدونکي چلند ونه مني. د دوی کارمندان به تاسو سره په درنښت او درناوي چلند وکړي. مهرباني وکړئ د دوی لپاره همداسې وکړئ.

د مهاجرینو مرستې (Migrant Help) سره اړیکه نیول

تاسو کولی شئ د مهاجرینو مرستې (Migrant Help) سره اړیکه ونیسئ پہ:

• د مهاجرینو مرستې (Migrant Help) ویب چیټ کې ویب چیټ(Webchat)  Migrant Help Web Chat

• د دوی د ویب پاڼې له لارې ستونزه راپورته کړئ : Raise an Issue - Self Service Portal

• وړیا تلیفون مرستې لاین 0808 8010503۔

دا خدمتونه د ورځې 24 ساعته، په اونۍ کې 7 ورځې شتون لري او د ترجماني بشپړ خدمت وړاندیز کوي. لطفاً په یاد ولرئ: که چیرې تاسو په Napier کې اوسیږئ، نو د د مهاجرینو د مرستې کارکوونکي په ساحه کې شتون لري.

په 10 ژبو کې نور معلومات او ژباړل شوي مشورې د مهاجرینو مرستې (Migrant Help) ویب پاڼه کې شتون لري Migrant Help

برخه 3 د ستونزو راپور ورکول او شکایتونه

که تاسو د خپل هستوګنې یا ملاتړ په اړه ستونزه لرئ یا غواړئ په دې بسته کې د کوم سازمان په اړه شکایت وکړئ، نو تاسو باید دا د مهاجرینو مرستې (Migrant Help) له لارې ژر تر ژره وکړئ.

هر ډول شکایتونه یا راپورته شوي مسایل به ستاسو د پناه غوښتنې یا ملاتړ ته ستاسو پر دوامداره حق اغېز ونه کړي. تاسو باید د دې په پوهیدو کې د آرامۍ احساس وکړئ چې هر ډول شکایتونه جدي نیول کیږي او د اړوندو سازمانونو لخوا تحقیق کیږي. د ستونزو راپورونه به د ستونزې د کټګورۍ له مخې په ټاکلي وخت کې حل شي. د بېلګو لپاره تاسو کولی شئ د همدې برخې مثالونه وګورئ. که ستونزه په ټاکلي وخت کې حل نه شي، نو باید دوی سره بیا اړیکه ونیسئ څو موضوع پورته کچه ته ولیږدول شي. (http://www.migranthelpuk.org/)

دا خورا مهم دي چې که تاسو د خپل استوګنځي یا ملاتړ په اړه د کومې برخې شکایت لرئ، نو باید یې ژر تر ژره ثبت کړئ. نظریات او شکایتونه هرکلی کېږي، ځکه چې دا د ورکړل شویو خدماتو په ښه کولو کې مرسته کوي. د شکایت پروسه باید د هر ډول رسمي اقدام څخه مخکې تعقیب شي، څو د استوګنځای برابرونکي او/یا د کورنیو چارو وزارت ته ستاسو د اندېښنو د پلټنې فرصت ورکړل شي.

تاسو باید د مهاجرینو مرستې (Migrant Help) سره اړیکه ونیسئ په اړه د:

• د ساتنې ستونزې – د خپل د پناه استوګنځي د ستونزو د راپور ورکولو لپاره. دوی به ستاسو په استازیتوب له استوګنځي برابرونکي سره خبرې وکړي څو ستونزه حل کړي (لاندې په 24 مه پاڼه کې “ترمیم او ساتنه” وګورئ).
• مرستې غوښتنه – که تاسو فکر کوئ چې ستاسو یا ستاسو د کورنۍ روغتیا او هوساینې ته خطر شته. دا د ماشوم د غفلت، کورني تاوتریخوالي، جنسي ځورونې یا استحصال، غیر ټولنیز چلند، بې کوره کېدو یا د بې وسۍ حالت، یا د افراطیت او توندلاري شک راپور ورکولو لپاره کارول کېږي.
• مهاجرینو مرستې (Migrant Help) به ستاسو راپور یا غوښتنه خدمت وړاندې کوونکي (Provider) ته ولیږي، او بیا خدمت وړاندې کوونکي د دې مسؤول دی چې ستاسو د خوندیتوب او هوساینې د ډاډ لپاره لازم اقدامات وکړي، په شمول د کورنیو چارو وزارت او که اړتیا وه پولیسانو ته خبر ورکول.
• شکایتونه – که تاسو غواړئ د مهاجرینو مرستې (Migrant Help) ، د استوګنځي چمتو کوونکي، د ملاتړ د پیسو چمتو کوونکي، یا د کورنیو چارو وزارت په وړاندې شکایت ثبت کړئ، باید له مهاجرینو مرستې (Migrant Help) سره اړیکه ونیسئ او د رسمي شکایت غوښتنه وکړئ څو د هر ډول نور رسمي اقدام مخکې ورته رسیدګي وشي.
• نظر ورکول (Feedback) – د دې لپاره چې د پناه غوښتنې د پروسې په اوږدو کې وړاندیز شوې مرستې نورې هم ښه شي. تاسو کولی شئ د مهاجرینو مرستې (Migrant Help) ته د دوی د خدماتو، د استوګنځي چمتو کوونکي، د ملاتړ د پیسو چمتو کوونکي، یا د کورنیو چارو وزارت په اړه خپل نظرونه ورکړئ. دوی به ستاسو نظر مناسب شتون لرونکي ادارې ته واستوي.

د دې ترسره کولو لپاره، 503 8010 0808 ته زنګ ووهئ، ویب چیټ (webchat) ته لاسرسی ومومئ یا مسله راپورته کړئ Migrant Help Web Chat

Raise an Issue - Self Service Portal

ستاسو د استوګنځي دننه باید د تلیفون لاسرسی برابر وي، پرته له دې چې تاسو په خپلواکه توګه د پخلي اسانتیاو لرونکي استوګنځای کې اوسئ. که تاسو د دې په موندلو کې ستونزه لرئ، مهرباني وکړئ په خپل استوګنځي کې د کارمندانو غړي ته مراجعه وکړئ. تاسو ممکن په سیمه‌ییزه کتابتون کې هم وړیا کمپیوټر او انټرنټ ته لاسرسی ولرئ.

ستونزه به مستقیم له مهاجرینو مرستې (Migrant Help) سره راپور شي، یا دوی به ډاډ ترلاسه کړي چې اړوند خدمت وړاندې کوونکي یې حل کړي. د دوی مشاورین به تاسو ته یو مهال ویش درکړي چې تاسو څومره ژر د مسلې د حل کولو تمه کولی شئ.

که څه هم تاسو کولی شئ د استوګنځي له کارکوونکو سره د استوګنځي د مستقیمو تجربو اړوند ستونزو (لکه خواړه، د حفظ الصحې وسایل، د اسانتیاوو لکه کالي مینځلو په اړه معلومات) لپاره اړیکه ونیسئ، مهرباني وکړئ د ساتنې ستونزې یا د مالي ملاتړ ستونزې په همدې توګه راپور مه ورکوئ. پرځای یې، مهرباني وکړئ د دې ستونزو د رسمي راپور لپاره د مهاجرینو مرستې (Migrant Help) ته زنګ ووهئ. دا ډاډ ورکوي چې ستاسو ستونزه په رسمي ډول ثبت او څارل کېږي ترڅو په مؤثره توګه حل شي.

د اسپن (Aspen)  او تادیاتو ستونزې

که تاسو د خپل اسپن (Aspen)  کارت په اړه مرستې ته اړتیا لرئ، تاسو کولی شئ د ملاتړ چمتو کونکي د مخکې تادیه شوي مالي خدماتو (PFS) سره د 0800 246 1327 تلیفون له لارې اړیکه ونیسئ. یوځل چې وصل شي، ملاتړ د لاندې دریو انتخابونو سره چمتو کیدی شي:

• د پېن کوډ ښکاره کول
• د بیلانس پوښتنه
• ورک شوی او غلا شوی - د کارت بلاک کول۔

دا خدمت له انګلیسي سره، په لسو نورو ژبو کې هم شتون لري. اوس مهال لاندې ژبې اختیارونه شتون لري: انګلیسي، البانوي، امهاري، عربي، چینایي، فارسي، کردي، پښتو، پنجابي، تیګریڼیا، اردو.

که تاسو د خپل اسپن (Aspen)  کارت یا د پناه غوښتنې تادیې پورې اړوند کومه بله ستونزه لرئ، تاسو باید له مهاجرینو مرستې (Migrant Help) سره اړیکه ونیسئ، چې ستاسو په استازیتوب به دا مسله له اړوندې ډلې سره مطرح کړي.

د خدمت وړاندې کوونکو په اړه شکایتونه

د استوګنځي چمتو کوونکي، د ملاتړ د پیسو چمتو کوونکي، یا د مهاجرینو مرستې (Migrant Help) لخوا ترلاسه شوي خدمتونو په اړه شکایتونه باید د مهاجرینو مرستې (Migrant Help) له لارې ثبت شي. د دې ترسره کولو لپاره، 503 8010 0808 ته زنګ ووهئ، ویب چیټ(webchat)  ته لاسرسی ومومئ            ستاسو خدمت وړاندې کوونکی به هڅه وکړي چې ستاسو شکایت په 5 کاري ورځو کې حل او ځواب کړي. که دا ستونزه د اړوند خدمت وړاندې کوونکي لخوا حل نشي، یا تاسو له ځواب څخه ناخوښه یاست، خدمت وړاندې کوونکي به ستاسو شکایت د کورنیو چارو وزارت ته واستوي. Migrant Help Web Chat

Raise an Issue - Self Service Portal

کله چې د یو خدمت وړاندې کوونکي په اړه شکایت د کورنیو چارو وزارت ته واستول شي، نو دا څانګه به هڅه وکړي چې په 20 کاري ورځو کې ځواب ورکړي. که تاسو زموږ له ځواب څخه ناخوښه یاست، تاسو کولی شئ خپله شکایت د شکایتونو خپلواک ارزونکي (IEC) ته د ځواب له نیټې څخه په دریو میاشتو کې دې برېښنالیک لارې واستوئ: برېښنالیک یا PO BOX 6147, SHEFFIELD, S2 9JD ته لیک. خو مهرباني وکړئ په یاد ولرئ، که څه هم IEC کولی شي وګوري چې ستاسو شکایت څنګه اداره کېږي، دوی نه شي کولی هغه شکایتونه وڅېړي چې د هغو خدماتو لپاره کوم قراردادي اړتیا شتون نلري. iec@homeoffice.gov.uk

که تاسو پرېکړه وکړئ چې خپل شکایت IEC ته پورته کړئ، نو تاسو به اړتیا ولرئ چې دوی ته د کورنیو چارو وزارت د لومړني شکایت ځواب کاپي او هر ډول شواهد چې تاسو وړاندې کړي وي، وړاندې کړئ.

د شکایتونو د خپلواک ارزونکي په اړه نور معلومات او د شکایت کولو لارښوونې د شکایتونو خپلواک ارزونکي ته (IEC) د Gov.uk پر وېبپاڼه موندل کېدای شي (https://www.gov.uk/guidance/make-a-complaint-to-the-independent-examiner-of-complaints)

که تاسو لا هم د خپل شکایت په اړه د IEC له ځواب څخه ناخوښه یاست، نو دا موضوع د پارلماني او روغتیايي خدماتو د څارونکي (Ombudsman) سره مطرح کیدای شي. اومبډسمین د هغو شکایتونو په اړه وروستۍ پرېکړې کوي چې د NHS، حکومتي ادارو، او ځینو نورو عامه سازمانونو لخوا نه وي حل شوي. د دوی خدمت د هرچا لپاره وړیا دی. مهرباني وکړئ په یاد ولرئ، اومبډسمین ته د شکایت کولو لپاره، تاسو به اړتیا ولرئ چې له خپل سیمه ییز استازي (پارلمان غړي) سره اړیکه ونیسئ، څوک چې ممکن ستاسو په استازیتوب دې موضوع ته اشاره وکړي. د نورو معلوماتو لپاره، مهرباني وکړئ لیدنه وکړئ یا زنګ ووهئ 0345 015 4033. (http://www.ombudsman.org.uk)

ستاسو د ملاتړ په اړه شکایتونه

یوځل چې د کورنیو چارو وزارت په اړه د مهاجرینو مرستې (Migrant Help) سره شکایت درج شي، دا به په 20 کاري ورځو کې د تحقیق او ځواب لپاره اړوند ټیم سره شریک شي. که تاسو د څانګې له ځواب څخه ناخوښه پاتې شئ، نو تاسو حق لرئ چې دا د بیاکتنې لپاره د شکایتونو مرکزي ټیم (CCT) ته وړاندې کړئ. د دې کار د ترسره کولو په اړه مشوره دلته موندلی شئ: د د شکایتونو طرزالعمل - UK Visas and Immigration - GOV.UK

زه د کورنیو چارو وزارت ته په کومه بله طریقه شکایت کولی شم؟

موږ هغو شکایتونو ته هرکلی وایو چې زموږ د خدماتو د کاروونکو د تجربې په ښه پوهیدو او د خدماتو په ښه کولو کې مرسته کوي. مهرباني وکړئ ډاډه اوسئ چې د مهاجرینو مرستې (Migrant Help) له لارې شکایت سپارل به د کومې سپارل شوې مرستې غوښتنلیک یا پناه غوښتنې په پایله منفي اغیزه ونکړي، او نه به د پریکړې وخت باندې اغیزه وکړي. تاسو کولی شئ په مستقیم ډول د کورنیو چارو وزارت ته شکایت وکړئ که چیرې:

• تاسو دمخه د مهاجرینو مرستې (Migrant Help) له لارې شکایت کړی، د مهاجرینو مرستې (Migrant Help) ته د ځواب په اړه مو د خپل ناخوښۍ راپور ورکړی او لاهم د پایلې څخه راضي نه یاست، یا
• تاسو داسې شکایت لرئ چې فکر کوئ مایګرنټ هیلپ لپاره یې حل کول مناسب نه دي.

که چیرې د کورنیو چارو وزارت داسې شکایت ترلاسه کړي چې باید مهاجرینو مرستې (Migrant Help) ته واستول شي، نو دا به مهاجرینو مرستې (Migrant Help) ته واستول شي. د کورنیو چارو وزارت ته د شکایت کولو لپاره مهرباني وکړئ لیدنه وکړئ: URL (https://www.gov.uk/government/organisations/uk-visas-and-immigration/about/complaints-procedure)

یا موږ ته په دې پته ولیکئ:

د شکایتونو وېش

د پیرودونکو د اړیکو مرکز

4th Floor 2 Ruskin Square
Dingwall Road
Croydon CR0 2WF

برخه 4 د استوګنې معلومات او معیارونه

زموږ خدمت وړاندې کوونکي د استوګنې لپاره څو ډوله ځایونه لري. تاسو ممکن په لاندې ځایونو کې پاتې شئ:

هوټل:

د دې ډول هستوګنې ځایونه معمولا د واحد خدمت اخیستونکو او کورنیو لپاره وي او د بشپړ خدمت سره وړاندې کېږي. استوګنځای پرته له انتخاب وړاندې کېږي او واحد خدمت اخیستونکي ممکن اړتیا ولري چې کوټہ شریکه کړي. د ملګرو یا کورنۍ سره د کوټې شریکول هغه وخت هڅول کیږي چې دوی د ورته جنسیت وي. هر ډول هڅه به وشي ترڅو ډاډ ترلاسه شي چې د خدماتو کاروونکي، تر ممکنه حده، د هغه کس سره په یوه ژبه خبرې وکړي چې له هغه سره کوټه شریکوي. چېرته چې ګډ اسانتیاوې وي، هلته به د جنسیت پر بنسټ ځانګړو تشنابونو ته لاسرسی شتون ولري.

اصلي ابتدايي استوګنځي

د دې ډول هستوګنې ځایونه معمولاً د واحد خدمت اخیستونکو او کورنیو لخوا کارول کیږي او د پخلي شویو خوړو سره د استوګنې پر بنسټ چمتو کیږي (یعنې، په ورځ کې درې وخته خواړه ورکول کیږي). هلته د جنسیت په اساس د مینځلو اسانتیاوې شتون لري او ممکن د خوب ګډې کوټې هم وي چې د کورنیو چارو وزارت د شریکولو اصول په پام کې نیسي.

نور (د لویو ګډو استوګنیزو ځایونو لکه د استوګنې هالونو یا پخوانیو پوځي اډو په ګډون)

لویې ساحې – لکهويدرسفيلډ  (Wethersfield) - په ځای کې د روغتیا پاملرنې جامع احکامو سره خوندي او فعال استوګنځی وړاندیز کوي ترڅو د محلي NHS خدماتو، د خوړو برابرولو اسانتیاوو، محلي ښارونو ته د ترانسپورت، د هوساینې ملاتړ، او د 24/7 امنیتي شتون باندې فشار کم کړي. دا ځایونه یوازې د غیر توقیفي، مجرد بالغ نارینه پناه غوښتونکو لپاره وي.

قواعد او لارښوونې

د دې لپاره چې تاسو په خپل اوسني هستوګن ځای کې آرام ومومئ او نورو ته ګډوډي کمه کړئ، تاسو باید:

کولای شي:

• د خپلې روغتیا او خوندیتوب په اړه محتاط اوسئ او ټول وسایل په احتیاط وکاروئ.
• د جنس، جنسیت، د جنسیت پېژند، نژاد، توکم، ژبه، تابعیت، مذهب، معلولیت، یا جنسي تمایل په پام کې نیولو پرته، له هر ملګري اوسیدونکي او د استوګنځي له کارکوونکو سره په درنښت چلند وکړئ.
• د نورو اوسیدونکو او کارکوونکو سره په مهربانۍ او درناوي چلند وکړئ.
• د ترمیم یا ساتنې ستونزې ژر تر ژره مهاجرینو مرستې (Migrant Help) ته راپور ورکړئ.
• که د خوب، ژوند یا ټولنیز ځایونه شریک کړئ، خپل شخصي توکي په خوندي ډول وساتئ.
• د تشناب کارولو وروسته فلش وکړئ، خو داسې توکي لکه د ماشومانو پاکولو دستمالونه یا حفظ الصحې محصولات فلش مه کوئ.
• استوګنځای په منظم ډول پاک وساتئ، یا که د پاکولو خدمتونه شتون ولري، فرشونه او سطحې پاکې کړئ څو دا کار اسانه شي.
• کړکۍ په منظم ډول خلاصې کړئ څو د خړېدو یا رطوبت مخه ونیول شي.
• ډاډ ترلاسه کړئ چې دروازې قلف شوي او کړکۍ تړل شوې وي په شپه او کله چې بهر یاست.

نشې کولای:

• ډېر شور کول، په ځانګړې توګه د شپې له 11 بجو تر سهار 8 بجو پورې.
• د استوګنځي دننه سګرټ څکل.
• په خپلې خونې کې پخلی کول (د هغو کسانو لپاره چې چمتو شوي خواړه ترلاسه کوي)
• حیوانات یا کورني څاروي په ملکیت کې ساتل.
• لیدونکو ته د شپې پاتې کیدو اجازه ورکول.
• ملکیت ته زیان رسول.
• له ټاکل شویو خوراکي ځایونو څخه خواړه خپلې خونې ته وړل (تر هغه چې استوګنځای یې اجازه ورکړې وي)
• د ملکیت یا برېښنا په اړه کوم بدلون یا ترمیم کول.
• د لوګي الارمونه غیر فعال کول.
• په ځای کې غیر مجاز مواد ساتل یا کارول.
• قصداً نور اوسیدونکي مزاحمت کول.
• د هر چا سره نامناسب چلند یا ژبه کارول
• د نورو خلکو لیکونه خلاصول
• برېښنايي ساکټونه له حده زیات مه باروئ او ډاډ ترلاسه کړئ چې ټول برېښنايي وسایل په ښه حالت کې وي.
• په خوب خونې کې پخلی مه کوئ.

په استوګنځي کې د تمې اسانتیاوې

لاندې توکي اړین دي چې په لومړني استوګنځي کې برابر شي.

که چیرې د دې لیستونو څخه کوم شی چمتو شوی نه وي، یا د لیست کوم توکي ورک یا مات وي، نو مهرباني وکړئ د مهاجر مرستې سره اړیکه ونیسئ.

د مینځلو اسانتیاوې

یو ان سویټ، یا د هر 5 واحد خدمت اخیستونکو لپاره لږ تر لږه یو ځانګړي جنسیتي تشناب ته لاسرسی، چې په دې کې شامل وي:

• غسل یا/او شاور، په مناسب حالت کې د اوبو ضد پوښ سره (لکه د شاور پرده)
• د لاسو مینځلو ځای
• تشناب

د ډوډۍ خوړلو ځای(Dining)

په بشپړ خدمت لرونکي هستوګنځي کې:

• لږ تر لږه د ورځې درې وعدې خواړه (ناشته، غرمه، او ماښام) ته لاسرسی، چې په هره وعده کې لږ تر لږه یو ګرم، یو یخ انتخاب او یو سبزيجاتي اختیار او د مشروباتو خدمت شامل وي
• مهرباني وکړئ په یاد ولرئ، کله چې د خلکو د ډېرو شمېر لپاره خواړه چمتو کېږي، د ټولو خوندونو او خوښیو پوره کول سخت وي. که غواړئ د خواړو په اړه نظر ورکړئ څو په استوګنځي کې د مینو جوړولو پروسه اغېزمنه کړئ، مهرباني وکړئ دا د مھاجرینو مرستې له لارې وکړئ یا په ځای کې کارمندانو ته خبر ورکړئ.
• د ماشومانو او وړو ماشومانو لپاره د مناسب خواړو خدمت، چې د ماشومانو او امیندواره میرمنو د تغذیې اړتیاوو پوره کولو لپاره د اړتیا سره سم اضافي خوراکي توکي یا خواړه لري.
• هغه انتخابونه چې د ځانګړو غذایي، کلتوري یا مذهبي اړتیاوو لپاره مناسب وي، او اضافي خواړه د هغو خدمت اخیستونکو لپاره چې درې ورځېني خواړه ورته کافي نه وي. مهرباني وکړئ یادونه وکړئ چې د GP یا طبي مسلکي کس له خوا ثبوت وړاندې کول اړین دي چې د ځانګړو طبي غذایي اړتیاوو وضاحت وکړي څو چمتو کوونکی وکولی شي په سمه توګه برابر کړي.
• که تاسو د پلان شوي غرمنۍ خدمت لپاره موجود نه یاست (لکه د رضاکارۍ، ښوونځي، یا درملنې له امله)، مهرباني وکړئ ژر تر ژره خپل چمتو کوونکي ته خبر ورکړئ څو بدیل ترتیبات ونیول شي.

په خپلواک ډول د خوړو چمتو کولو په استوګنځای کې:

• د هر پنځو کسانو لپاره لږ تر لږه یو پخلنځي ته لاسرسی، چې لاندې موارد هم پکې شامل دي:
• د پخلي لوښي او سامانونه
• یخچال او فریزر، داش یا تنور او چولها
• د خوړو د چمتو کولو ساحه له پاکې کاري سطحې سره
• سنک/د لوښو د مینځلو ځای
• د پاکولو توکي
• د روغتیا او امنیت اړوند هر ډول ستونزه باید په لومړي سر کې له مهاجرینو مرستې (Migrant Help) سره راپور شي ترڅو ستاسو چمتو کونکی خبر شي او تحقیقات پیل شي.

د خوب کوټې

ټول ابتدايي استوګنځایونه:

• د د استوګنځای شوو کسانو لپاره مناسب بسترونه (یو کسیز یا دوه کسیز) او د ماشومانو او کوچنیانو لپاره د لرګیو کټونه.
• په هره کوټه کې یو د جامو المارۍ (د درازونو المارۍ) یا د شیلف/ذخیرې بله مناسبه وسیله، او يا که کوټه د نااشنا بالغانو ترمنځ شریکه وي نو د هر کس لپاره یو د ذخیرې ځای
• په هره کوټه کې د المارۍ یو سېت یا د ذخیره کولو لپاره بله حل لاره، او که کوټه د نا اړوندو بالغ کسانو ترمنځ شریکه وي، نو هر شخص ته یو دانې.
• پر کړکیو نصب شوي پردې یا بلنډونه

د اوسېدو او ټولنیزې ځایونه

په بشپړ خدمت لرونکي هستوګنځي کې:

• د ډوډۍ خوړلو مناسبې اسانتیاوې او نرمې څوکۍ د خدمت کارونکو د شمېر د پوره کولو لپاره.

په خپلواک ډول د خوړو چمتو کولو په استوګنځای کې:

• یو میز، د هر کس لپاره یوه د ډوډۍ خوړلو څوکۍ او یوه آرامۍ څوکۍ.

ټول ابتدايي استوګنځایونو کې:

• میزونو او آرامۍ څوکیو ته د تفریحی فعالیتونو لپاره مناسب لاسرسی

اسانتیاوې

ټول ابتدايي استوګنځایونو کې:

• د څښاک تازه اوبو ته مناسب لاسرسی (مهرباني وکړئ په یاد ولرئ چې د نل اوبه په انګلستان کې د څښلو لپاره خوندي دي او د بوتل اوبه چمتو کولو ته اړتیا نشته)
• د کالو مینځلو اسانتیاو ته مناسب لاسرسی (د بیلګې په توګه د کالو مینځلو خدمت یا د مینځلو ماشین)
• د کالي وچولو لپاره د کالي وچولو وسیلې ته لاسرسی (پر غوښتنه)
• کالیو د استري کولو تخته او استري
• د ماشومانو د ساتنې وسایل که اړین وي، په شمول د ماشومانو د بسترونو او لوړو څوکیو، او د 1 کال څخه کم عمر لرونکو ماشومانو لپاره د اسانتیاوو او سترېلاز کولو وسایل (او همدارنګه د ماشومانو د کاغذي پمپرونه)
• د لوګي او کاربن مونوکسایډ کشف کوونکي:
• ټول استوګنځي باید فعاله د لوګي الارمونه ولري (په هر پوړ کې چې د اوسیدو لپاره کارول کېږي) او د کاربن مونوکسایډ الارم (په هغو ملکیتونو کې چې جامد تیلو توکي یا ګاز کارول کېږي)
• تلویزیونونه او د Wi-Fi لاسرسی د قراردادي اړتیاوو برخه نه دي او اړین نه دي چې برابر شي، خو ستاسو د استوګنځي چمتو کوونکی اړ دی چې د اړیکې لپاره څه وسیله برابره کړي، پرته لدې چې تاسو په خپلواک استوګنځي کې یاست. دا ممکن د موبایل ټیلیفون، کمپیوټر، یا ډیټا سیم وي. د نورو معلوماتو لپاره له استقباليې څخه پوښتنہ وکړئ.

د استوګنې چمتو کوونکی هم مکلف دی چې کله تاسو خپل استوګنځي ته ځئ، نو تاسو ته تازه شخصي بسترې درکړي.

د غسل تولیه

2 (په هر نفر)

د مخ تولیې

2 (په هر نفر)

چادري

2 (په هر نفر)

کمبلي او لحاف

1/2 (په هر نفر)

د لاسونو تولۍ

2 (په هر نفر)

د چای دستمالونه

(یوازې په خپلواک ډول د خوړو چمتو کولو ابتدايي استوګنځي لپاره)

1 (په هر نفر)

بالښتونه او د بالښت پوښونه

هر څه څخه 2 دانې (په هر نفر)

د لحاف پوښونه

2 (په هر نفر)

اضافي توکي

• اضافي توکي او شیان چې تاسو یې هستوګنې ته وړئ ستاسو خپل مسؤلیت دی. ستاسو د هستوګنې چمتو کونکی به د دې توکو مسؤلیت یا ذمه واري ونه مني.
• تاسو ته به د لاسي هیټرونو اجازه نه وي، او له تاسو به وغوښتل شي چې هر ډول ناامنه یا خطرناکه توکي وغورځوئ.

ځینې عام توکي چې خدمت وړاندې کوونکي یې برابرولو ته اړتیا نلري:

• یو شخصي تلیفون (خو باید تاسو ته ګډې ټیلیفوني اسانتیاوې برابرې شي)
• براډبینډ/Wi-Fi اتصال
• تلویزیون/TV
• واکیوم کلینر (خو باید هم تاسو ته جارو او برس درکړل شي)

که چیرې تاسو استثنایی شرایط ولرئ چې د پام وړ لګښتونه رامینځته کوي کوم چې د ملاتړ له معیاري کچې څخه ډیر دي، تاسو ممکن د اضافي تادیاتو لپاره وړ اوسئ. د نورو معلوماتو لپاره، مهرباني وکړئ د مهاجرینو مرستې (Migrant Help) ته زنګ ووهئ.

برښنا، ګاز او نورې اسانتیاوې(Utilities)

ستاسو لپاره ګاز، اوبه او بریښنا چمتو کیږي. د چاپیریال څخه خبر اوسئ او د دې اسانتیاو په کارولو باندې نظر وساتئ. تاسو د خپل استوګنې افسر څخه د اسانتیاوو د کارولو په اړه لارښوونې لرئ، لکه د تودوخې د سیسټم چلول او دا چې د برېښنا د بنده کېدو سویچونه چېرته دي. تاسو باید د خپلو اسانتیاوو عرضه کوونکی بدل نه کړئ.

د روغتیا سند (HC2)

کله چې تاسو ته د برخه 95 ملاتړ درکړل شي، تاسو به د HC2 سند مستحق شئ (او د 4 برخه تر ملاتړ لاندې کسانو ته HC1 سند ورکول کېږي). دا د لاسرسي لپاره کارول کیدی شي:

• د NHS د غاښونو درملنه
• د NHS ویګونو او کپړو ملاتړ
• د لید معاینات، عینکې، او کانټیکټ لینزونه؛ یا
• د NHS درملنې ترلاسه کولو لپاره سفر وکړئ که چیرې د ډاکټر (GP یا روغتون ډاکټر)، د سترګو ډاکټر یا غاښونو ډاکټر لخوا راجع شي.

دا باید په اوتومات ډول صادر شي کله چې تاسو ته د 95 برخې ملاتړ درکړل شي او له هغې وروسته بہ په هر 6 میاشتو کې په اوتومات ډول نوي کیږي. په هرصورت، که تاسو د خپل مرستې لیک ترلاسه کولو څخه په 3 اونیو کې خپل HC2 ترلاسه نه کړئ، تاسو کولی شئ په مستقیم ډول د تلیفون له لارې د نورو مشورې لپاره په 1343 330 0300 شمیره NHS سره اړیکه ونیسئ. لاینونه د دوشنبې څخه تر جمعې، د سهار له 8 بجو څخه تر ماښام 6 بجو او شنبې، د سهار له 9 بجو څخه تر ماسپښین 3 بجو پورې خلاص اي. دا باید د مهاجرینو مرستې (Migrant Help) سرہ هم وړاندې شي.

که تاسو په 4 برخه ملاتړ کې یاست، د HC1 فورمه باید بشپړه شي. دا د محلي درملتون یا د NHS ویب پاڼې/اړیکې مرکز له لارې ترلاسه کیدی شي چیرې چې تاسو کولی شئ د HC1 فورمې بشپړولو کې د مرستې غوښتنه وکړئ. په آنلاین ډول غوښتنه وکړئ nhsbsa.nhs.uk. که تاسو عاجل درملنې یا دوا ته اړتیا لرئ، د NHSBSA مشوره دا ده چې د هر نسخې شاته د استثنا بکس باندې نښه وکړئ، او که فارمسي پرته له ثبوت د دوا ورکولو څخه انکار وکړ، هیلپ لائن ته زنګ ووهئ. د NHSBSA مشوره دلته موندلی شئ: (https://www.nhsbsa.nhs.uk/)

د ملکیت معاینه

خپلواک ابتدايي استوګنځی

د ملکیت معاینې یوازې په خپلواک ابتدایي هستوګنه کې ترسره کیږي (داسې هستوګنه چې یوازې تاسو او ستاسو کورنۍ پکې اوسېږئ) ترڅو ډاډ ترلاسه شي چې هستوګنه ستاسو لپاره مناسبه او خوندي ده. ستاسو د استوګنځي چمتو کوونکی مکلف دی چې لږ تر لږه په میاشت کې یو ځل استوګنځای وګوري ترڅو هر ډول ستونزې یا خرابۍ وپېژني او سمې یې کړي.

تاسو ته به د معاینې د نېټې او وخت په اړه لږ تر لږه 5 ورځې مخکې خبر درکړل شي، څو تاسو وکولای شئ په استوګنځي کې حاضر اوسئ. چمتو کوونکی به بیا هم معاینه ترسره کړي، حتی که تاسو هلته نه یاست.

د معاینې په جریان کې څه پیښیږي؟

معاین باید تل دروازه وټکوي او ستاسو ځواب ته انتظار وکړي. دوی باید پرته له انتظار څخه دروازه خلاصه نه کړي. دوی باید خپله کیلي ونه کاروي کله چې تاسو په خونه کې یاست. هغوی به له تاسو سره د ملکیت په اړه خبرې وکړي او هر ډول نیمګړتیاوې به یې وګوري. که کومې نیمګړتیاوې وموندل شي، د هغو د ترمیم لپاره به راپور ورکړل شي. هر هغه نیمګړتیا چې ممکن معاینہ کوونکي ته روښانه نه وي، باید ور په ګوته شي.

نه خدمت وړاندې کوونکي او نه هم د کورنیو چارو وزارت کارکوونکي حق لري چې ستاسو شخصي توکي وپلټي. که څه هم، تاسو ملکیت پریږدئ او شخصي توکي پاتې شي، ستاسو خدمت وړاندې کوونکي به یې په بیکونو کې واچوي او د 28 ورځو لپاره لنډمهاله ذخیره کې وساتي، که په دې موده کې غوښتنه ونه شي نو به یې ضایع کړي.

معاینه څوک ترسره کوي؟

ستاسو د استوګنې چمتو کوونکی به لږ تر لږه په میاشت کې یو ځل د ملکیت معاینه ترسره کوي. د کورنیو چارو وزارت یا سیمه ییزې شورا څخه یو څوک هم ممکن معاینه ترسره کړي ترڅو ډاډ ترلاسه کړي چې ستاسو د استوګنې چمتو کوونکی اړین معیارونه پوره کوي.

څه به پیښ شي که زه په هوټل/ IA استوګنځي کې اوسیږم؟

ابتدايي استوګنځای بېلابېل ډولونه لري، لکه د خوړو په برابرولو سره استوګنځای، هوټلونه، او هوسټلونه. دا ځایونه د کورنیو چارو وزارت لخوا هر 6 میاشتې وروسته معاینه کیږي.

زه څنګه د نیمګړتیا راپور ورکولی شم؟

د ملکیت نیمګړتیاوې باید مهاجرینو مرستې (Migrant Help) ته راپور شي ترڅو ثبت او ترمیم شي. د استوګنې چمتو کوونکي په ټاکل شوي وخت کې د نیمګړتیاوو د حل لپاره کار کوي (د “مرمت او ساتنې” برخه وګورئ). که تاسو د نیمګړتیا له امله اغیزمن شوي یاست، نو تاسو باید د راپور ورکولو لپاره د ټاکل شوې معاینې پورې انتظار ونه کړئ.

هستوګنځای ته لاسرسی

ستاسو د هستوګنې چمتو کونکی یو نقل یا پاسکی ملکیت ته لري چې په خوندي ډول زیرمه کیږي. معمولاً، د ترمیم او معاینې لپاره د اوسېدو ځایونو ته لاسرسی به ستاسو په شتون کې ترسره شي.

که په لنډ وخت کې اړین کار ته اړتیا وي، ستاسو خدمت وړاندې کوونکی به له تاسو سره اړیکه ونیسي ترڅو تاسو ته خبر درکړي چې کله به ملکیت ته راځي. که تاسو په هغه وخت کې په کور کې شتون نلرئ، خدمت وړاندې کوونکی کولی شي د ننوتلو لپاره خپله کیلي وکاروي.

لیدونکي لومړنۍ استوګنځي ته د راتګ اجازه لري، خو مهرباني وکړئ د هر لیدونکي د راتګ نېټه او وخت د خپل استوګنځي د هرکلي له کارکوونکو سره شریک کړئ ترڅو د ودانۍ ته د اسانه داخلېدو زمینه برابره شي. مهرباني وکړئ دا هم په یاد ولرئ چې لیدونکي اجازه نه لري چې په ودانۍ کې شپه تېره کړي.

مرمت او ساتنه

د استوګنې چمتو کوونکي د مسلې ډول پورې اړوند په ټاکل شوي وخت کې هر ډول نیمګړتیاوې حل کولو لپاره کار کوي. لاندې جدول د نیمګړتیاوو بېلابېل ډولونه، د ځواب ورکولو وختونه، او د نیمګړتیاوو ځینې بېلګې تشریح کوي. که تاسو د ساتنې د ډلبندۍ په اړه ډاډه نه یاست، یا که راپور شوې نیمګړتیا په ټاکل شوي وخت کې حل نه شي، تاسو باید له مهاجرینو مرستې (Migrant Help) سره اړیکه ونیسئ.

د استوګنې اضافي معلومات

د اور خوندیتوب

زموږ د خدمت وړاندې کوونکو له خوا کارول کېدونکی هر استوګنځای باید د لوګي الارم ولري. که په استوګنځي کې اور ولګېږي، لوګی به الارم فعال کړي او غږ به یې لوړ او پرلپسې “بیپ” وي.

کله چې اور ومومئ، تاسو او ستاسو کورنۍ باید:

• نږدې د اور خبرتیايي نقطه فعاله کړئ.
• ودانۍ سمدستي پرېږدئ، د ودانۍ د لارښوونو سره سم، او ټاکل شوي د راټولېدو ځای ته ولاړ شئ.
• د اور په مخنیوي او کنټرول کې هڅه مه کوئ.
• د خپلو شخصي توکو ټولول ونه درېږئ
• ودانۍ د تر ټولو نږدې خوندي وتلو لارې څخه پرېږدئ.
• د اور وژنې او ژغورنې خدمت ته 999 تلیفون وکړئ او خپل استوګنځي چمتو کوونکی خبر کړئ.

د لوګي الارم بیټرۍ مه لرې کوئ، مه یې پټوئ او مه ورسره لاس وهئ، ځکه دا کار د ژوند له خطر سره مل دی. که د الارم په اړه کومه ستونزه وي، مهرباني وکړئ ژر تر ژره کوم کارکوونکی خبر کړئ. تاسو باید د هغې ودانۍ د وتلو لارو سره هم بلد اوسئ چې پکې اوسئ۔ که ډاډه نه یاست، مهرباني وکړئ د خدمت وړاندې کوونکو د عملې غړي ته ورشئ.

که تاسو په خپلواک ډول د پخلي اسانتیاو لرونکي استوګنځي کې اوسئ، ستاسو د لوګي الارم به هره میاشت د کور د معاینې پر مهال وازمویل شي. که الارم پرلپسې ‘بیپ ـ بیپ’ کوي، دا مانا لري چې بیټرۍ باید بدله شي. د بیټرۍ د بدلو غوښتنې لپاره له مهاجرینو مرستې (Migrant Help) سره تماس ونیسئ.

صفايي

دا مهمه ده چې د استوګنې ځای پاک او منظم وساتئ. د ځینو ابتدايي استوګنځیو (لکه هوټلونه او هاستلونه) د خوب خونې او ګډو ساحو د اونۍ په کچه پاکولو خدمت وړاندې کوي؛ خو د دې ترمنځ د خپلې چاپیریال پاک ساتل ستاسو مسئولیت دی. که استوګنځای پاک نه وساتل شي، کیدای شي حشرات جذب شي چې د خلکو خوندیتوب ته خطر پېښ کړي. تاسو د خپل استوګنځي د پاکوالي معیار ساتلو مسئولیت لرئ.

که تاسو په هاستل یا ځان‌چمتو استوګنځي کې اوسئ، د استوګنځي چمتو کوونکی د ګډو ساحو منظم پاکوالي مسئول دی، خو تاسو او نور اوسیدونکي باید بیا هم په دې ساحو کې پام وساتئ. د ګډو ساحو د پاکولو لپاره مناسب مواد او مصرفي توکي، په شمول خو محدود نه؛ د سپینولو مایع، د فرش پاکوونکی، د لوښو مینځلو مایع او د میز سطحې پاکوونکی، درکړل کیږي ترڅو په دې برخه کې مرسته وکړي.

د کثافاتو ډبې راټولول (په خپلواکه توګه د پخلي اسانتیاو لرونکي استوګنځای)

کثافات باید په سمه عمومي کثافاتو ډبې یا د بیا کارونې په کثافاتو ډبې کې واچول شي ځايي شورا دا په منظمه توګه خالي کوي، نو ډاډ ترلاسه کړئ چې خپلې ډبې د راټولولو لپاره په سمه ورځ بهر کیږدئ.

په کوڅو یا نورو عامه ځایونو کې د کثافاتو غورځول غیرقانوني دي. دې کار ته فلای ټیپینګ ویل کیږي. که تاسو د کثافاتو غیر قانوني غورځولو (فلای ټیپینګ) په جرم محکوم شئ، تاسو ممکن جریمه یا زنداني شئ.

سفر

ټول خدمت اخیستونکي چې د 98 برخې او 4 برخې ملاتړ ترلاسه کوي، د سفر د مرستې مستحق دي، په دې توګه چې د ترانسپورت د برابرولو، د عامه ترانسپورت ټکټونو ته لاسرسي، یا د سفر د لګښت پوښښ لپاره یو ځلنی پیسې ورکول کېږي په ځینو ځانګړو شرایطو کې. په دې کې ممکن لاندې سفرونہ شامل وي:

• د ماشوم د زیږون یا د خپلوانو د مړینې د ثبت لپاره د زیږون او مړینې د ثبت دفتر ته سفر.
• د ډاکټر، غاښونو ډاکټر، یا د روغتون ملاقات ته سفر؛ او/یا
• د حمل مخکې یا وروسته د معاینې ملاقات.

په عمومي توګه، که تاسو د برخه 95 ملاتړ ترلاسه کوئ، تاسو تمه لرئ چې د مالي ملاتړ په کارولو سره خپل سفر لګښتونه پوره کړئ، نو اضافي مرسته به ونه ترلاسه کړئ.

خو، تاسو کولی شئ د پناه استوګنځي پریږدئ ځکه چې کولی شئ له ملګرو یا کورنۍ سره ژوند وکړئ. که تاسو یوازې د اعاشې ملاتړ ترلاسه کړی وي ترڅو د اړینو اړتیاوو لګښتونه پوره کړئ، کورنیو چارو وزارت ممکن ستاسو د سفر د معقول لګښتونو پوښښ وکړي له پناه استوګنځي څخه تر نوي پته پورې چې پلان لرئ هلته له ملګرو یا کورنۍ سره ژوند وکړئ. تاسو باید د ASF2 فورمه یا د شرایطو د بدلون پروسه د مهاجرینو مرستې (Migrant Help) له لارې وکاروئ ترڅو د داسې مرستې غوښتنه وکړئ او د سفر د لګښتونو ثبوت وړاندې کړئ چې د نوي پته پورې تړاو لري.

دغه پیسې یوازې هغه وخت ورکول کېږي کله چې د سفر طریقه او لګښت ستاسو د شرایطو له مخې معقول ګڼل کېږي. عموماً دا باید د عامه ترانسپورت تر ټولو ارزانه اختیار وي.

پوست

ستاسو پوست ستاسو لپاره شخصي دی. د بل چا په پوست کې مداخله کول یو جنایي جرم دی. که تاسو داسې پوست ترلاسه کړئ چې په ملکیت کې د اوسېدونکي کس نوم پرې نه وي، مهرباني وکړئ هغه خپل د استوګنې افسر ته ورکړئ.

د کورنیو چارو وزارت ډېری مکاتبات به د پوست له لارې وي، نو دا مهمه ده چې تاسو په منظم ډول د هوټل له استقبال څخه، یا که په خپلواک استوګنځي کې یاست نو له خپل بکس څخه خپل پوست وګورئ او د کورنیو چارو وزارت ته د خپلې پتې د هر ډول بدلون په اړه خبر ورکړئ.

د استوګنې د بدلولو او د انتقال غوښتنې۔

کیدای شي له تاسو څخه وخت په وخت وغوښتل شي چې استوګنځای بدل کړئ. د بېلګې په توګه، که تاسو د وېشلي استوګنځي ته انتقالېږئ، د استوګنځي مالک غواړي خپل استوګنځای بیرته واخلي، د روغتیا او خوندیتوب د قوانینو په رعایت کې اندېښنه وي، د ځانګړو اړتیاوو لرونکي خدمت اخیستونکي لپاره استوګنځای برابرول وي، یا د ملکیت د پراخې ساتنې کار اړین وي. کورنیو چارو وزارت او ستاسو د استوګنځي چمتو کوونکی به ډاډ ترلاسه کړي چې ستاسو اړتیاوې په هر ځای کې پوره کېږي، خو استوګنځای پرته له انتخاب وړاندې کېږي، نو دا همیشه امکان نه لري چې تاسو په همدې سیمه کې پاتې شئ. که اړینه وي چې تاسو ولېږدول شئ، یوه لیک به درته واستول شي چې د انتقال ترتیبونه پکې تصدیق شوي وي. دا لیک به تاسو ته د ایمیل له لارې واستول شي که ایمیل ستاسو په دوسیه کې ثبت وي، یا د پوست له لارې. په عمومي ډول، چمتو کوونکی هڅه کوي چې لږ تر لږه 5 ورځې مخکې خبر درکړي، خو دا همیشه ممکن نه وي کله چې انتقال په لنډ وخت کې ترسره شي (لکه کله چې وېشلي استوګنځای شتون ولري یا ستاسو د اوسني استوګنځي د روغتیا او خوندیتوب ستونزه وي).

که څه هم تاسو ته د انتقال دمخه د دقیقې پته معلومات نه درکول کېږي، تاسو ته به د ځای (لکه ښار یا ولسوالۍ) په اړه خبر درکړل شي او د استوګنځي ته د رسېدو لپاره به د چمتو کوونکي ترانسپورت برابر شي. د سامان د انتقال اجازه دوه کڅوړې هر کس ته ده، سربېره پر دې د ماشومانو لوبې، نور شخصي توکي، د ماشومانو د پاملرنې وسایل، طبي تجهیزات، ټرالي او/یا د ماشومانو څوکۍ، او د معلولیت وسایل که اړین وي شامل دي.

خو، کورنیو چارو وزارت باید د ځانګړي ځای لپاره د استوګنځي غوښتنې په پام کې ونیسي – د استوګنځي د وېش لارښوونې دلته موندل کېږي: که تاسو احساس کوئ چې ستاسو اوسنی یا وړاندیز شوی استوګنځای کافي نه دی یا ستاسو انفرادي اړتیاوې نه پوره کوي، مهرباني وکړئ ملاتړ کوونکي اسناد مهاجرینو مرستې (Migrant Help) ته وړاندې کړئ، څوک چې دا به د غور لپاره کورنیو چارو وزارت ته شریک کړي. خو، چېرته چې کومې موافق شوي محدودیتونه نه وي، نو له تاسو به تمه وشي چې د استوګنې وړاندیز د هغې په وړاندې کېدو سره ومنئ. (https://www.gov.uk/government/publications/asylum-accommodation-requests-policy)

برخه 5 د پیسو او ملاتړ تادیات

که چیرې تاسو په استوګنځي کې یاست چیرې چې ستاسو خواړه چمتو کیږي، تاسو ممکن لاهم د ژوند اړینو اړتیاو لګښت پوښلو لپاره اونیز مالي ملاتړ ترلاسه کړئ چیرې چې دا ستاسو د استوګنې چمتو کونکي لخوا نه چمتو کیږي، لکه جامې.

که تاسو په داسې استوګنځي کې یاست چې پخپله پکې خواړه چمتو کوئ، نو ستاسو اونیزه مالي مرسته به د خوړو او د ځان ساتنې توکو د اضافي لګښت د پوښښ لپاره لوړه شي، کوم چې تاسو باید پخپله برابر کړئ.

که چیرې تاسو د کورنیو چارو وزارت استوګنې کې د پاتې کیدو پرځای د ملګرو یا کورنۍ سره ژوند کول غوره کړئ پداسې حال کې چې تاسو د خپل پناه غوښتنې ادعا په اړه پریکړې ته انتظار کوئ، تاسو ممکن د ژوند اړینو اړتیاو لګښت پوښلو لپاره د اونۍ مالي ملاتړ وړ هم اوسئ. دا د ‘یوازې د ژوند کولو‘ملاتړ په نوم پیژندل کیږي. په دې اړه نور معلومات موندل کیدی شي. [د ‘کورنۍ یا ملګرو سره پاتې شئ پداسې حال کې چې ستاسو د پناه غوښتنې پایلې پریکړه کیږي’ GOV.UK لارښود] (https://www.gov.uk/asylum-support)

کله چې تاسو ته د 95 برخې ملاتړ درکړل شي، نو تاسو ته به یو اسپن (Aspen)  کارت صادر شي، او دا به ستاسو پتې ته در واستول شي. که تاسو د خپل 95 برخه ګرانټ لیک ترلاسه کولو وروسته کارت ترلاسه نکړئ، مهرباني وکړئ د مهاجرینو مرستې (Migrant Help) سره اړیکه ونیسئ ترڅو دوی ته خبر ورکړئ، مګر مهرباني وکړئ ډاډه اوسئ چې هر هغه ملاتړ چې تاسو یې مستحق یاست، کارت ته به کریډیټ شي پرته لدې چې تاسو د خپل کارت ترلاسه کولو وروسته ورته د لاسرسي لپاره چمتو یاست. تاسو باید د مهاجرینو مرستې (Migrant Help) سره اړیکه ونیسئ که تاسو د خپل مالي ملاتړ کچې په اړه کومه ستونزه یا پوښتنه لرئ، یا که تاسو خپل اسپن (Aspen)  کارت وروسته له هغې چې صادر شوی وي، ورک کړئ. ستاسو د اسپن (Aspen)  کارت چپ او پين (Chip-and-Pin) کاروي او د لاندې عکس په څیر ښکاري.

ستاسو د اسپن (Aspen) کارت په اړه معلومات

دا یو کریډیټ کارت نه دی او یو بانکي حساب نه جوړوي. یوازې د کورنیو چارو وزارت کولی شي ستاسو په کارت کې پیسې واچوي، نو تاسو نشئ کولی د نورو څخه د تادیاتو ترلاسه کولو لپاره یې وکاروئ.

د کورنیو چارو وزارت به تاسو ته د مالي ملاتړ مقدار خبر درکړي چې تاسو یې ترلاسه کولو مستحق یاست، او دا به هره اونۍ ستاسو په کارډ کې موجود وي. ستاسو پاتې شوې پیسې به له یوې اوونۍ بلې اوونۍ ته انتقالېږي. تاسو کولی شئ یوازې په کارت کې موجود فنډونه مصرف کړئ. تاسو باید د توکو له اخیستلو مخکې پوه شئ چې آیا کافي پیسې لرئ، که نه نو ستاسو تادیه ممکن رد شي. دا کارت باید یوازې هغه کس وکاروي چې PIN ورته ټاکل شوی وي. دا ستاسو مسؤلیت دی چې ډاډ ترلاسه کړئ چې کارت په خوندي ډول ساتل کیږي. که ستاسو کورنۍ مرسته ترلاسه کوي، اصلي غوښتونکی (هغه کس چې د مرستې لپاره یې غوښتنه کړې) به د کورنۍ لپاره د اسپن کارت ولري.

د کورنیو چارو وزارت کولای شي د درغلیو د مخنیوي او زموږ د خدمت کاروونکو د خوندي کولو لپاره د کارت کارول وڅاري. په کارت کې د پای نیټه په دې معنی نده چې ملاتړ به په هماغه نېټه پای ته ورسېږي. که د کارت د پای نیټې په وخت کې تاسو لاهم مالي مرسته ترلاسه کوئ، نو دا به نوی شي. تاسو به و نه توانېږئ چې بې‌تماسه، د ټېلېفون له لارې یا د انټرنېټ له لارې پیسې ورکړئ او نه به هم کولای شئ خپل کارت د هېواده بهر وکاروئ. تاسو ممکن د ځانګړو توکو او خدماتو د پېرودلو لپاره د خپل کارت له کارولو څخه منع شئ. مهرباني وکړئ د مهاجرینو مرستې (Migrant Help) سره اړیکه ونیسئ که تاسو روغتیايي خدمت وړاندې کوونکي ته د رسېدو لپاره د اضافي تادیاتو په اړه مشورې ته اړتیا لرئ.

تاسو به وکولای شئ خپل اسپن (Aspen)  کارت د دې لپاره وکاروئ:

• په ډېری هغو دوکانونو کې چې د ماسټرکارډ لوګو لري، تاسو کولای شئ د خپل موجود بیلانس تر اندازې پورې د پرچون پیسې ورکړئ.
• په ATM کې خپل پاتې بیلانس چیک کړئ، کوم چې د نغدو ماشین په نوم هم یادیږي.
• له ATM څخه تر 200 پونډو پورې نغدې پیسې راوباسئ، خو محتاط اوسئ ځکه چې ځینې ATM د دې لپاره فیس اخلي.
• کله چې تاسو د ماسټر کارډ په ګډون لرونکو دوکانونو کې څه اخلئ، نو نغدې پیسې بېرته ترلاسه کړئ.

خو که ستاسو د پناه غوښتنلیک رد شوی وي او د څلورمې برخې تر ملاتړ لاندې یاست، نو تاسو به له ماشین څخه نغدې پیسې و نه‌شي ایستلی او نه به له دکانونو څخه نغدي بېرته ترلاسه کولی شي.

ژر تر ژره په 0808 8010 503 د مهاجرینو مرستې (Migrant Help) سره اړیکه ونیسئ که چیرې:

• هغه تادیه چې تاسو یې تمه لرئ نه ترلاسه کیږي، یا تاسو تہ غلط مقدار درکول کېږي۔
• ستاسو کارت ورک، خراب یا غلا شي (د هغه د لغوه کولو او بدیل ترلاسه کولو لپاره)

اضافي تادیې

که چیرې تاسو فکر کوئ چې تاسو ممکن د اضافي تادیاتو لپاره وړ یاست، نو د مهاجرینو مرستې (Migrant Help) سره په 503 8010 0808 اړیکه ونیسئ. لاندې معلومات ځینې هغه موارد تشریح کوي چې تاسو ممکن پکې وړ اوسئ:

امیندواري

که چیرې تاسو امیندواره یاست او د کډوالۍ او پناه غوښتنې قانون 1999 د 4، 95 یا 98 برخې لاندې ملاتړ شوي یاست، تاسو کېدای شي د نوي ماشوم د زیږون له لګښتونو سره د مرستې لپاره د یوې واحدې زېږون مرستې مستحق شئ.

تاسو باید د دې مرستې لپاره د خپل ماشوم له اټکل شوي زیږون څخه 8 اونۍ مخکې او له زیږون وروسته 6 اونۍ دننه په لیکلي ډول غوښتنه وکړئ. د دې لپاره چې د ماشوم د زیږون څخه مخکې درخواست وکړئ، تاسو باید مهاجرینو مرستې (Migrant Help) ته د زیږون د اټکل شوې نېټې رسمي طبي ثبوت وړاندې کړئ، لکه خپل اصلي MATB1 سند یا د امیندوارۍ بل کوم طبي ثبوت.

تاسو هغه وخت هم غوښتنه کولی شئ که چیرې ستاسو ماشوم له انګلستان څخه بهر زیږیدلی وي او عمر یې له دریو میاشتو کم وي، یا په نورو استثنایي حالاتو کې. تاسو به د ماشوم د عمر معتبر شواهدو ته اړتیا ولرئ چې معمولاً د ماشوم اصلي او اوږد د زیږون تصدیقنامه وي.

تاسو ممکن د خپل امیندوارۍ پرمهال د اضافي اونۍ ملاتړ تادیاتو ترلاسه کولو حق هم ولرئ. دا د امیندوارۍ تادیې په نوم پیژندل کیږي، او دا د اضافي غذایي صحي خوړو د پېرودلو لپاره ورکول کیږي. د امیندوارۍ پیسو لپاره د ماشوم له زیږون څخه مخکې هر وخت د مهاجرینو مرستې (Migrant Help) له لارې په لیکلي ډول غوښتنه کیدای شي. تاسو به اړتیا ولرئ چې د امیندوارۍ د تایید لپاره طبي شواهد وړاندې کړئ، لکه ستاسو اصلي MATB1 سند، د ټولنې قابله یا د عمومي ډاکټر (GP) لخوا یو لیک.

یوځل چې ستاسو ماشوم وزیږیدلی شي تاسو کولی شئ د خپل نورمال تادیاتو، د هغې لومړۍ کلیزې پورې، او د نورو 1 څخه تر 4 کلونو عمر لرونکو ماشومانو لپاره د جلا اوونیز تادیې لپاره غوښتنه وکړئ که په بېلابېلو ځایونو کې یا په خپلواک ډول چمتو شوي استوګنځای کې اوسېږي. د دې مالي مرستې د ترلاسه کولو لپاره، تاسو به اړتیا ولرئ چې د زیږون اصلي اوږد سند د طبي شواهدو سره یوځای، چې ستاسو د ماشوم د زیږون تایید کوي، د زیږون له 6 اونیو په اوږدو کې وړاندې کړئ. تاسو باید د مهاجرینو مرستې (Migrant Help) له لارې غوښتنه وکړئ

د میندو او کوچنیو ماشومانو لپاره د اضافي پیسو په اړه د نورو معلوماتو لپاره، مهرباني وکړئ لیدنه وکړئ (https://www.gov.uk/asylum-support/what-youll-get)

استثنايي حالتونه

که چیرې تاسو استثنایی شرایط ولرئ چې د پام وړ لګښتونه رامینځته کوي کوم چې د ملاتړ له معیاري کچې څخه ډیر دي، تاسو ممکن د اضافي تادیاتو لپاره وړ اوسئ (دا د 96 برخې په نوم پیژندل کیږي). د بېلګې په توګه، که تاسو باید د طبي لیدنو لپاره اوږده واټن سفر وکړئ (د سفر څخه مخکې باید د دې لپاره غوښتنه وکړئ) یا داسې طبي حالت ولرئ چې ځانګړي خواړه ته اړتیا ولري. مهرباني وکړئ د مهاجرینو مرستې (Migrant Help) سره اړیکه ونیسئ او ASF2 بشپړ کړئ - (https://www.gov.uk/government/publications/application-for-additional-asylum-support-form-asf2)

که تاسو غواړئ د کورنیو چارو وزارت استوګنځي پریږدئ ځکه چې کولی شئ له ملګرو یا کورنۍ سره اوسئ، او د 95 برخې لاندې یوازې د مالي ملاتړ لپاره غوښتنه کړې وي، کورنیو چارو وزارت ممکن د نوي پته ته د سفر لګښتونه پوره کړي؛ په دې شرط چې دا لګښتونه مناسب وي او تاسو د عامه ترانسپورت تر ټولو ارزانه اختیارونه کاروئ (چیرې چې شتون ولري). مهرباني وکړئ د مهاجرینو مرستې (Migrant Help) سره اړیکه ونیسئ او د دې ډول مرستې غوښتنه کولو لپاره د شرایطو بدلون (CoC) فورمه ډکه کړئ، تاسو باید خپل نوي ادرس ته د سفر سره تړلي لګښتونو شواهد چمتو کړئ، چیرې چې تاسو به د ملګرو یا کورنۍ سره ژوند کوئ. Application for additional asylum support: form ASF2 - GOV.UK (https://www.gov.uk/government/publications/notification-of-change-of-circumstances-form-mcc)

6 برخه د پناه غوښتنې د پرېکړې وروسته پرمخ تلل۔

کله چې ستاسو د پناه غوښتنلیک (په ګډون د هر ډول استینافونو) پرېکړه وشي، معمولاً به تاسو د کورنیو چارو وزارت له ملاتړ څخه مستحق پاتې نه شئ. که داسې وي، تاسو ته به خبر درکړل شي چې مالي ملاتړ به ودریږي او تاسو باید استوګنځای (ابتدايي یا وېشلی شوی) پرېږدئ.

ستاسو راتلونکی اقدام به د دې پر بنسټ وي چې ستاسو د پناه غوښتنلیک بریالی شوی که نه. مهاجرینو مرستہ به تاسو سره د پرېکړې تر ترلاسه کولو وروسته ژر اړیکه ونیسي او د راتلونکو ګامونو په اړه بہ مشوره درکړي. تاسو هم کولی شئ د نورو مشورو لپاره د خپل محلي چارواکو د بې کوره کیدو ټیم سره اړیکه ونیسئ.

کله چې تاسو پرېکړه ترلاسه کړئ، که تاسو ته د پاتې کېدو اجازه (LTR) درکړل شوې وي، لږترلږه 28 ورځې وخت لرئ چې استوګنځای پرېږدئ، او که منفي پرېکړه شوې وي، 21 ورځې وخت لرئ. مخکې له دې چې استوګنځای پرېږدئ، ډاډ ترلاسه کړئ چې ټول شخصي توکي مو بسته بندي شوي، استوګنځای پاک او منظم دی، او هیڅ شخصي توکي شاته پاتې نه وي. هغه توکي چې پاتې شي، به 28 ورځې په ذخیره کې وساتل شي مخکې له دې چې ضایع شي.

بریالۍ غوښتنې

که تاسو ته په انګلستان کې د پاتې کیدو اجازه درکړل شي – د کډوالۍ وضعیت، اختیاري اجازې، یا بشردوستانه محافظت - نو بیا به تاسو د کار کولو، د عمومي مرستو غوښتلو، او د شخصي استوګنځي موندلو وړتیا ولرئ (که څه هم ممکن د شورا د کور ملاتړ لپاره هم وړتیا ولرئ) او د دې چارو په سرته رسولو کې به د نورو د انګلستان د اوسیدونکو په څېر مرسته ترلاسه کړئ. تاسو به یو برېښنايي ویزې ترلاسه کړئ، چې تاسو یې د خپلې وړتیا ښودلو لپاره کارولی شئ.

د پناه غوښتونکو د ملاتړ ستاسو حق، د هغې نېټې څخه 28 ورځې وروسته پای ته رسېږي چې تاسو ته د منظورۍ لیک درکول کېږي. تاسو به د پناه غوښتنې ملاتړ د بندولو لیک ترلاسه کړئ چې دا دقیق نیټه تاییدوي چې ستاسو د پناه ملاتړ به پای ته ورسیږي. مهمه ده چې تاسو د پرېکړې لیک ترلاسه کولو سره سم د راتلونکو ترتیباتو جوړول پیل کړئ، ځکه د پناه ملاتړ څخه وتل وخت نیولی شي. د کورنیو چارو وزارت به ستاسو د ملاتړ له پای نیټې ورهاخوا ستاسو د ملاتړ په غځولو توان نه لري.

موږ د مهاجرینو د مرستې ادارې یا د هغې د شریک سازمان له لارې ټولو اشخاصو ته د پرمخ تګ ملاتړ وړاندې کوو. د مهاجرینو مرسته داسې مشورې وړاندې کوي چې په انګلستان کې ستاسو په ځان برابرولو کې مرسته وکړي.

که تاسو د پېژندنې سند ونه لرئ، د کورنیو چارو وزارت به ستاسو لپاره د UKVI حساب جوړ کړي. دا UKVI حساب به تاسو ته اجازه درکړي چې خپل eVisa ته لاسرسی ولرئ او د “کتل او ثبوت ورکول” خدمت وکاروئ ترڅو د مهاجرت د خدماتو په اړه معلومات شریک کړئ، یعنې د استوګنځي د مالکانو سره د کرایې د حق ثبوت لپاره. دا حساب به د مثبتې پریکړې له ابلاغ وروسته په ۱۴ ورځو کې جوړ شي.

موږ به یوه نوې حوالې شمیره صادروو چې د UKVI پیرودونکي شمیرې په نوم پیژندل کیږي، کوم چې ستاسو د زیږون نیټې سره بہ یو ځای وکارول شي ترڅو ننوځي او خپل eVisa ته لاسرسی پیدا کړي. تاسو به حساب ته د لاسرسي لپاره خپل بریښنالیک یا تلیفون ته هم لاسرسی ته اړتیا ولرئ.

دا ممکنه ده چې ستاسو قانوني استازی یا مسؤل بالغ به ستاسو په استازیتوب دا خبرتیا ترلاسه کړي خو دا ستونزه د آنلاین حساب د بیرته ترلاسه کولو پروسې، د UKVI حل مرکز ته د تلیفون کولو، یا د د خپلو بریتانیا ویزو او کډوالۍ حساب تفصیلات نوي کول خدمت په کارولو سره حل کیدی شي.

که تاسو د Migrant Help، Advice NI، Citizens Advice Scotland، او Welsh Refugee Council له لارې د خپلې برېښنايي ویزې په جوړولو یا هغې ته په لاسرسي کې له ستونزو سره مخ یاست، نو مرسته شتون لري. بشپړ توضیحات دلته په GOV.UK کې موندل کیدی شي. (https://www.gov.uk/government/publications/evisa-community-support-for-vulnerable-people)

د ختمولو په لیک کې به هغه نېټه شامل وي چې ستاسو ملاتړ به پرې پای ته ورسېږي او ستاسو د UKVI حساب توضیحاتو یوه کاپي به هم پکې شامل وي.

مهمه ده چې تاسو د پناه پرېکړه ترلاسه کولو سره سم د پناه ملاتړ څخه د وتلو لپاره پلانونه پیل کړئ، تر څو د راتلونکو ترتیباتو جوړولو لپاره خپل وخت اعظمي کړئ، پرته له دې چې د UKVI حساب تفصیلات یا د ملاتړ د بندیدو لیک کله صادر شي. تاسو به وکولی شئ خپل د UKVI حساب/EVisa توضیحاتو ترلاسه کولو دمخه ځینې کلیدي خدماتو ته لاسرسی ومومئ او ستاسو د پرېکړې لیک به هغه مهم اقدامات روښانه کړي چې تاسو د پرېکړې ترلاسه کولو وروسته د استوګنې، یونیورسل کریډیټ لپاره د غوښتنلیکونو، او د بانکي حساب پرانیستلو په اړه باید ترسره کړئ.

تاسو کولی شئ د خپل غوښتنلیک ثبتولو کارت (ARC) د پناه غوښتنې پریکړې لیک سره د یونیورسل کریډیټ لپاره غوښتنلیک پیل کولو لپاره وکاروئ.

د پناه غوښتنې د وتلو اړیکه لرونکي افسران (AMLO) په ځینو د پناه استوګنځي ځایونو کې ملاتړ برابروي. که چیرې ستاسو په هستوګنځي کې AMLOs کار کوي نو تاسو ته ممکن د ملاقات وړاندیز وشي.

• AMLOs د خدماتو له کاروونکو سره په هوټلونو یا نورو استوګنځایونو کې ویني او ځینې وختونه د ټیلیفون له لارې په مجازي توګه ملاتړ ورکوي.
• AMLOs له هغو کسانو سره مرسته کوي چې په دې وروستیو کې يې د اوسېدو اجازه ترلاسه کړې، ترڅو د پناهګاه له استوګنځي څخه ووځي او هغوی ته د داسې خدمتونو د ترلاسه کولو لارښوونه کوي چې د ژوند په راتلونکي پړاو کې به يې ملاتړ وکړي. دوی به ستاسو د پرمختګ په اړه خبرې وکړي او تاسو ته به د هغو خدمتونو لارښوونه وکړي چې مرسته کولی شي. که چیرې ستونزې شتون ولري، د بیلګې په توګه، ورک شوي اسناد، AMLOs دا ستونزې د ژر حل لپاره لوړوي.
• دوی ډاډ ترلاسه کوي چې تاسو ټول اړین کاغذونه لرئ، لکه ستاسو د پناه غوښتنې پریکړې لیک، د EVISA حساب توضیحات، او د ختمېدو لیک. AMLOs به د انګلستان ګټو لکه یونیورسل کریډیټ ته په لاسرسي کې ستاسو سره هم مرسته وکړي.
• AMLOs ستاسو لپاره د کور مشوره یا خوندي استوګنځی نه وړاندې کوي. د دوی رول دا دی چې هغه خنډونه لرې کړي چې ممکن ستاسو د ملاتړ ترلاسه کولو مخه ونیسي او تاسو مناسب خدماتو ته لارښوونه وکړي، نه دا چې مستقیم استوګنځای برابر کړي.
• AMLO ډاډ ورکوي چې تاسو هغه اسناد او لارښوونې ولرئ چې د روان او اسانه وتلو لپاره یې اړتیا لرئ.

دنده ترلاسه کول یا د ګټو غوښتنه

تاسو به د کار موندلو او/یا د ګټو ادعا کولو ته اړتیا ولرئ. جاب سنټر پلس (Jobcenter Plus) هغه دولتي دفتر دی چې له دې چارو سره معامله کوي. مهاجرینو مرستہ کولی شي تاسو سره په دې کې مرسته وکړي او تاسو سره به اړیکه ونیسي ترڅو تاسو سره د جاب سنټر پلس (Jobcenter Plus) سره د خپل لومړي ملاقات په کولو کې مرسته وکړي. دا مهمه ده چې دا کار هر څومره ژر ممکنه وي وکړئ.

د بدیل هستوګنې موندل

تاسو به اړتیا ولرئ چې خپل استوګنځی ومومئ. دا کولی شي کرایه شوی استوګنځای، د کار سره استوګنه، هوسټل، اپارتمان، یا ګډ کور وي چې تاسو پخپله یې موندئ. همدارنګه د مهاجرینو مرستہ، ستاسو د محلي شورا د هستوګنې څانګه کولی شي مشوره او مرسته چمتو کړي. په هرصورت، مهرباني وکړئ خبر اوسئ چې دا احتمال لري چې تاسو به اړتیا ولرئ چې خپل شخصي استوګنځی ومومئ او ممکن یوازې د ځایی چارواکو لخوا ځای په ځای شي که تاسو اضافي اړتیاوې ولرئ د بیلګې په توګه، که تاسو په ځانګړې توګه زیانمنونکي یاست یا ماشومان لرئ.

د بانک حساب پرانیستل

تاسو به اړتیا ولرئ چې یو بانکي حساب خلاص کړئ (که تاسو لا دمخه یو نه لرئ) ترڅو تاسو وکولای شئ د هر ډول ګټو پیسې ترلاسه کړئ او که مناسب وي، خپله کرایه ورکړئ. مختلف بانکونه د حساب خلاصولو لپاره د مختلف معلوماتو غوښتنه کوي، مګر دوی ټول بہ اړتیا ولري چې ستاسو د پېژندنې ثبوت وګوري، لکه ستاسو eVisa.

نامنل شوې دعوې

که چیرې تاسو په خپل کورنۍ کې ماشومان نلرئ، نو ستاسو د پناه غوښتنې ملاتړ حق به 21 ورځې وروسته ودرول شي. تاسو به یو لیک ترلاسه کړئ چې تاسو ته هغه دقیق نیټه درکوي کله چې تاسو باید د خپل استوګنځي څخه بهر ووځئ. دا به تاسو ته دا هم در وښيي چې څنګه د نورو ملاتړ لپاره غوښتنلیک وکړئ که تاسو د له انګلستان د وتلو هڅې کوئ، مګر باور نلرئ چې په 21 ورځو کې وتلی شئ. د ملاتړ دا بڼه د ‘4 برخې ملاتړ‘ په نوم پیژندل کیږي او ممکن په ځینو نورو شرایطو کې هم شتون ولري، کوم چې به په هغه لیک کې تشریح شي چې تاسو به یې ترلاسه کوئ. تاسو کولی شئ د 4 برخې ملاتړ په اړه د مهاجرینو مرستې (Migrant Help) څخه هم مشوره ترلاسه کړئ.

که ستاسو د پناه غوښتنه او هر استیناف رد شوی وي او په هغه وخت کې ستاسو په کورنۍ کې د 18 کلونو څخه کم عمره ماشومان وي، ستاسو د پناه ملاتړ به په اوتومات ډول بند نه شي.

که ستاسو ادعا (د هر ډول استینافونو په ګډون) رد شوې وي، نو له تاسو به تمه وشي چې د انګلستان د پرېښودو لپاره ترتیبات ونیسئ. د کورنیو چارو وزارت د داوطلبانه راستنېدو خدمت وړاندې کوي، کوم چې تاسو سره د اړتیا وړ انتظاماتو په ترسره کولو کې مرسته کولای شي. د دې په اړه د نورو معلوماتو لپاره تاسو کولی شئ د رضاکارانه راستنیدو خدمت ته لاړ شئ یا زنګ ووهئ: 0300 004 0202. (http://www.gov.uk/return-home-voluntarily)

مهاجرینو مرستہ به له تاسو سره ستاسو د پرېکړې له ترلاسه کولو وروسته ژر اړیکه ونیسي او د راتلونکو ګامونو په اړه به مشوره درکړي، چې په کې د رضاکارانه راستنېدو خدمت په اړه معلومات او ګټې هم شاملې دي.

که تاسو د پناه غوښتنې د پروسې، ستاسو لپاره د شته ملاتړي خدماتو، یا په انګلستان کې د اوسېدو پرمهال د حقونو او مسؤلیتونو په اړه نورو معلوماتو ته اړتیا لرئ، نو تاسو یې دلته موندلی شئ: (https://www.gov.uk/government/publications/information-leaflet-for-asylum-applications/information-booklet-about-your-asylum-application)

برخه 7 ګټورې اړیکې

د بېړني حالت اړیکې: (Emergency contacts)

بیړني خدمتونه (اور/پولیس/امبولانس):999

غیر بیړني پولیس: 101

غیر بیړنی NHS: 111

د ګازو ملي شبکه: (National Grid Gas)

انګلستان، سکاټلینډ او وېلز: 999 111 0800

شمالي آیرلینډ: 0800 002 001

د مهاجرینو مرسته (Migrant Help) :

د مهاجرینو مرستې (Migrant Help)  ویب چیټ کې ویب چیټ(webchat) Migrant Help Web Chat

د دوی د ویب پاڼې له لارې ستونزه راپورته کړئ: Raise an Issue - Self Service Portal

وړیا تلیفون مرستې لاین(Freephone helpline)  پہ 0808 8010503۔

Migrant Help

د كورنيو چارو وزارت (Home Office) :

د پناه او پناه غوښتنې د ملاتړ په اړه معلومات:

Seek protection or asylum - GOV.UK

د پناه غوښتنې د ملاتړ استینافونه (Asylum Support Appeals) :

First-tier Tribunal (Asylum Support) - GOV.UK

حقوقي مشاور ومومئ (Find a legal adviser) :

Find legal advice and information: Overview - GOV.UK

د رضاکارانه ستنېدو خدمت (Voluntary Returns Service) :

ویب پاڼه: Get help to return home if you’re a migrant in the UK: Overview - GOV.UK

تلیفون: 0300 004 0202

خیریه سازمانونه (Charitable organisations) :

د کډوالو اقدام: Home - Refugee Action

د کډوالو شورا: Home - Refugee Council

د پناه غوښتنې د ملاتړ استیناف پروژه: Asylum Support Appeals Project - ASAP

د ماشومانو کرښه (د 18 کلونو څخه کم عمر لپاره وړیا، محرم مشورې او ملاتړ وړاندیز کوي) وړیا تلیفون: 0800 1111 Childline - Free counselling service for kids and young people - Childline