Cyflyrau iechyd, anabledd a Chredyd Cynhwysol
Os ydych yn cael Asesiad Gallu i Weithio
Ar ôl i chi roi gwybod am eich cyflwr iechyd neu anabledd neu newid mewn amgylchiadau, efallai bydd angen i chi gael Asesiad Gallu i Weithio. Os ydych yn cael asesiad, byddwch yn cael penderfyniad ar ôl sy’n nodi a ydych:
Efallai na fyddwch yn cael asesiad os ydych yn ennill dros £881 y mis.
Os ydych yn cael Asesiad Gallu i Weithio, anfonir penderfyniad atoch ar ôl sy’n rhoi gwybod a ydych:
- yn ffit i weithio (hefyd yn cael ei adnabod fel ‘yn alluog i weithio)
- angen paratoi i weithio yn y dyfodol, ond gyda gallu cyfyngedig i weithio
- gyda gallu cyfyngedig i weithio a gweithgaredd sy’n gysylltiedig â gwaith
- gyda gallu cyfyngedig i weithio a gweithgaredd sy’n gysylltiedig â gwaith ac mae ganddynt gyflwr iechyd difrifol, gydol oes
Mae’r penderfyniad yn effeithio ar a fyddwch chi’n cael swm ychwanegol o Gredyd Cynhwysol a faint y byddwch chi’n ei gael.
Gallwch chi barhau i weithio os ydych chi’n teimlo eich bod yn gallu, hyd yn oed os dywedwyd wrthych bod gennych allu cyfyngedig i weithio neu os oes angen i chi baratoi ar gyfer gwaith yn y dyfodol. Gallwch ennill hyd at swm penodol heb iddo effeithio ar faint o Gredyd Cynhwysol a gewch. Gelwir hyn yn ‘lwfans gwaith’.
Bydd sain eich asesiad yn cael ei recordio. Os nad ydych am iddo gael ei recordio, cysylltwch â’ch darparwr asesiad iechyd gan ddefnyddio’r manylion yn eich llythyr gwahoddiad.
Os ydych yn ffit i weithio
Bydd angen i chi gytuno i chwilio am waith sy’n addas ar gyfer eich cyflwr iechyd.
Byddwch yn cael y lwfans safonol o Gredyd Cynhwysol yn seiliedig ar eich amgylchiadau.
Os mae angen i chi baratoi i weithio yn y dyfodol
Mae angen i chi baratoi i weithio yn y dyfodol, ond mae gennych allu cyfyngedig i weithio ar hyn o bryd. Gallwch weithio os ydych yn teimlo eich bod chi’n gallu gwneud hynny.
Bydd eich anogwr gwaith yn trafod eich sefyllfa ac yn cytuno ar gamau i’ch helpu i ddechrau paratoi ar gyfer gwaith. Er enghraifft, drwy ysgrifennu CV.
Os oes gennych allu cyfyngedig i weithio a gweithgaredd sy’n gysylltiedig â gwaith
Nid oes angen i chi chwilio am waith neu baratoi ar gyfer gwaith. Gallwch weithio os ydych yn teimlo eich bod chi’n gallu gwneud hynny.
Efallai y byddwch yn cael arian ychwanegol yn ogystal â’ch lwfans safonol. Mae’r swm yn dibynnu ar ba mor ddifrifol yw eich cyflwr iechyd neu anabledd.
Eich ymrwymiad hawlydd
Bydd angen i chi gytuno i wneud rhai pethau i barhau i gael Credyd Cynhwysol. Gelwir hyn eich ‘ymrwymiad hawlydd’.
Mae’ch ymrwymiad yn seiliedig ar eich sefyllfa ac efallai y bydd canlyniad eich Asesiad Gallu i Weithio’n effeithio arno.
Ailasesiadau
Os dechreuwch weithio, ni fydd angen i chi gael asesiad arall oni bai bod cyflwr eich iechyd yn newid.