GOV.UK
Credyd Cynhwysol
Beth yw Credyd Cynhwysol
Mae Credyd Cynhwysol yn daliad i’ch helpu gyda’ch costau byw. Mae’n cael ei dalu’n fisol - neu dwywaith y mis i rai pobl yn yr Alban.
Efallai y gallwch ei gael os ydych ar incwm isel neu allan o waith.
Mae’r canllaw hwn hefyd ar gael yn Saesneg (English).
Mae p’un a allwch wneud cais am Gredyd Cynhwysol yn dibynnu ar ble rydych yn byw a’ch amgylchiadau.
Os ydych yn byw yng Ngogledd Iwerddon ewch i Credyd Cynhwysol yng Ngogledd Iwerddon.
Os ydych yn cael budd-daliadau’n barod
Bydd Credyd Cynhwysol yn disodli’r budd-daliadau canlynol:
- Credyd Treth Plant
- Budd-dal Tai
- Cymhorthdal Incwm
- Lwfans Ceisio Gwaith yn seiliedig ar incwm (JSA)
- Lwfans Cyflogaeth a Chymorth yn seiliedig ar incwm (ESA)
- Credyd Treth Gwaith
Os ydych yn cael unrhyw un o’r budd-daliadau hyn ar hyn o bryd, ni allwch wneud cais am Gredyd Cynhwysol ar yr un pryd.
Mae Credyd Cynhwysol yn cael ei gyflwyno mewn camau ar draws y DU. Nid oes angen i chi wneud dim hyd nes y byddwch yn clywed gan yr Adran Gwaith a Phensiynau (DWP) ynglŷn â symud i Gredyd Cynhwysol, oni bai bod gennych newid mewn amgylchiadau.
Mewngofnodi
Mewngofnodwch i’ch cyfrif Credyd Cynhwysol os oes gennych un yn barod.