Lwfans Byw i’r Anabl (DLA) i blant
Newidiadau y mae angen i chi roi gwybod amdanynt
Rhaid i chi gysylltu â llinell gymorth y Lwfans Byw i’r Anabl (DLA) os:
- yw manylion personol eich plentyn yn newid, er enghraifft eu henw, cyfeiriad neu feddyg
- yw lefel yr help sydd ei angen arnynt neu eu cyflwr yn newid
- mae gweithiwr meddygol proffesiynol wedi dweud ei fod yn agosáu at ddiwedd ei oes (er enghraifft, oherwydd salwch sy’n cyfyngu ar fywyd)
- ydynt yn mynd i’r ysbyty neu gartref gofal
- ydynt yn bwriadu mynd dramor am fwy na 4 wythnos
- ydynt yn cael eu carcharu neu eu cadw yn y ddalfa
- yw eu statws mewnfudo wedi newid, os nad ydynt yn ddinesydd Prydeinig
- maent yn mynychu ysgol breswyl
Gallech gael eich cludo i’r llys neu orfod talu cosb os ydych yn rhoi gwybodaeth anghywir neu os nad ydych yn rhoi gwybod am newid mewn amgylchiadau eich plentyn .
Gall newid effeithio ar faint o DLA y mae eich plentyn yn ei gael. Ni fydd hyn fel arfer yn effeithio ar eu DLA os ydynt yn mynd:
- i mewn i gartref gofal awdurdod lleol am lai na 28 diwrnod
- i mewn i ysbyty
- dramor am lai na 13 wythnos
- dramor am lai na 26 wythnos i gael triniaeth feddygol ar gyfer cyflwr a ddechreuodd cyn iddynt adael
Os yw eich plentyn mewn cartref gofal
Os yw eich plentyn yn mynychu cartref gofal am fwy na 28 diwrnod, bydd angen i chi roi gwybod os:
- oes newid i’r ffordd y mae ffioedd cartref gofal eich plentyn yn cael eu hariannu (er enghraifft, rydych chi’n dechrau neu’n gorffen cael cyllid gan y GIG neu’r cyngor lleol)
- roedd eich plentyn yn aros yn y cartref gofal dros dro ac maent wedi dod yn breswylydd parhaol
- mae eich plentyn yn symud i gartref gofal arall
Os bydd eich plentyn yn symud i’r Alban
Os yw’ch plentyn yn cael DLA a’u bod yn symud i’r Alban, rhaid i chi roi gwybod am hyn drwy ffonio’r llinell gymorth DLA.
Bydd eu DLA yn parhau am hyd at 13 wythnos ar ôl iddynt symud. Gwnewch gais am Daliad Anabledd Plant cyn gynted â phosibl ar ôl symud neu gallai eich taliadau gael eu heffeithio.
Ffoniwch y llinell gymorth DLA
Ffôn: 0800 121 4600
Relay UK (os na allwch glywed neu siarad ar y ffôn): 18001 yna 0800 121 4600
Gwasanaeth ‘video relay’ Iaith Arwyddion Prydain (BSL) os ydych ar gyfrifiadur – darganfyddwch sut i ddefnyddio’r gwasanaeth ar ffôn symudol neu dabled
Dydd Llun i ddydd Gwener, 9am i 5pm
Darganfyddwch am gostau galwadau