I wirio’ch Treth Incwm, bydd angen i chi fewngofnodi i’ch cyfrif treth personol gan ddefnyddio’ch Dynodydd Defnyddiwr (ID) a chyfrinair ar gyfer Porth y Llywodraeth. Os nad oes gennych gyfrif treth personol Mae angen Dynodydd Defnyddiwr (ID) a chyfrinair ar gyfer Porth y Llywodraeth arnoch er mwyn creu cyfrif treth personol. Os nad oes gennych Ddynodydd Defnyddiwr (ID) eisoes, gallwch greu un pan fyddwch yn mewngofnodi am y tro cyntaf. Bydd angen eich rhif Yswiriant Gwladol neu’ch cod post arnoch, a dau o’r canlynol: pasbort dilys y DU trwydded yrru cerdyn-llun y DU, a gyhoeddwyd gan y DVLA (neu’r DVA yng Ngogledd Iwerddon) slip cyflog o’r tri mis diwethaf neu ffurflen P60 gan eich cyflogwr ar gyfer y flwyddyn dreth ddiwethaf manylion hawliad am gredyd treth, os gwnaethoch un manylion o’ch Ffurflen Dreth Hunanasesiad (yn ystod y ddwy flynedd ddiwethaf), os cyflwynoch un gwybodaeth sy’n cael ei chadw ar eich cofnod credyd, os oes gennych un (fel benthyciadau, cardiau credyd, neu forgeisi)

Gwirio’ch Treth Incwm ar gyfer y flwyddyn bresennol

Mae’r gwasanaeth hwn yn cwmpasu’r flwyddyn dreth bresennol (6 Ebrill 2024 i 5 Ebrill 2025).

Mae’r dudalen hon hefyd ar gael yn Saesneg.

Defnyddiwch y gwasanaeth hwn i wneud y canlynol:

gwirio’ch cod treth a’ch Lwfans Personol
gweld eich incwm amcangyfrifedig o unrhyw swyddi a phensiynau a’r dreth y gallwch ddisgwyl ei thalu ar gyfer y flwyddyn dreth bresennol
diweddaru manylion eich incwm o swyddi a phensiynau — mae’n bosibl y byddwch yn talu gormod o dreth neu ddim digon ohoni os nad ydyn nhw’n gyfoes
gweld a yw’ch cod treth wedi newid
rhoi gwybod i Gyllid a Thollau EF (CThEF) am newidiadau sy’n effeithio ar eich cod treth
diweddaru manylion eich cyflogwr neu fanylion darparwr eich pensiwn

Ni allwch wirio’ch Treth Incwm ar gyfer y flwyddyn bresennol os ydych yn talu Treth Incwm drwy Hunanasesiad yn unig.

Cyn i chi ddechrau

I wirio’ch Treth Incwm, bydd angen i chi fewngofnodi i’ch cyfrif treth personol gan ddefnyddio’ch Dynodydd Defnyddiwr (ID) a chyfrinair ar gyfer Porth y Llywodraeth.

Os nad oes gennych gyfrif treth personol

Mae angen Dynodydd Defnyddiwr (ID) a chyfrinair ar gyfer Porth y Llywodraeth arnoch er mwyn creu cyfrif treth personol. Os nad oes gennych Ddynodydd Defnyddiwr (ID) eisoes, gallwch greu un pan fyddwch yn mewngofnodi am y tro cyntaf.

Bydd angen eich rhif Yswiriant Gwladol neu’ch cod post arnoch, a dau o’r canlynol:

pasbort dilys y DU
trwydded yrru cerdyn-llun y DU, a gyhoeddwyd gan y DVLA (neu’r DVA yng Ngogledd Iwerddon)
slip cyflog o’r tri mis diwethaf neu ffurflen P60 gan eich cyflogwr ar gyfer y flwyddyn dreth ddiwethaf
manylion hawliad am gredyd treth, os gwnaethoch un
manylion o’ch Ffurflen Dreth Hunanasesiad (yn ystod y ddwy flynedd ddiwethaf), os cyflwynoch un
gwybodaeth sy’n cael ei chadw ar eich cofnod credyd, os oes gennych un (fel benthyciadau, cardiau credyd, neu forgeisi)