Rhyddhad ardrethi busnes
Rhyddhad trosiannol
Mae rhyddhad trosiannol yn cyfyngu ar faint y gall eich bil newid bob blwyddyn o ganlyniad i ailbrisiad ardrethi busnes.
Byddwch yn cael rhyddhad trosiannol os bydd eich ardrethi’n codi neu’n gostwng gan fwy na swm penodol. Mae hyn yn golygu y bydd newidiadau i’ch bil yn cael eu cyflwyno’n raddol.
Bydd eich cyngor yn addasu’ch bil yn awtomatig os ydych yn gymwys.
Faint y gall eich bil newid
Mae faint y gall eich bil newid o un flwyddyn i’r llall yn dibynnu ar ddau beth, sef:
-
gwerth ardrethol eich eiddo
-
p’un a yw’ch bil yn cynyddu neu’n gostwng o ganlyniad i ailbrisiad
Bydd eich rhyddhad trosiannol yn dod i ben pan fydd eich bil yn cyrraedd y swm llawn a bennir gan ailbrisiad.
Mae’r flwyddyn ardrethi busnes rhwng 1 Ebrill a 31 Mawrth y flwyddyn ganlynol.
Ni fydd eich ardrethi busnes yn newid o fwy na’r capiau canrannol sydd wedi’u rhestru yn y tabl o un flwyddyn i’r nesaf.
Os yw’ch bil yn cynyddu o 1 Ebrill 2026 i 31 Mawrth 2029
| Gwerth ardrethol | 2026 i 2027 | 2027 i 2028 | 2028 i 2029 |
|---|---|---|---|
| Hyd at £20,000 (£28,000 yn Llundain) | 5% | 10% yn ogystal â chwyddiant | 25% yn ogystal â chwyddiant |
| £20,001 (£28,001 yn Llundain) i £100,000 | 15% | 25% yn ogystal â chwyddiant | 40% yn ogystal â chwyddiant |
| Dros £100,000 | 30% | 25% yn ogystal â chwyddiant | 25% yn ogystal â chwyddiant |
Os gwnaeth eich bil gynyddu o 1 Ebrill 2023 i 31 Mawrth 2026
| Gwerth ardrethol | 2023 i 2024 | 2024 i 2025 | 2025 i 2026 |
|---|---|---|---|
| Hyd at £20,000 (£28,000 yn Llundain) | 5% | 10% yn ogystal â chwyddiant | 25% yn ogystal â chwyddiant |
| £20,001 (£28,001 yn Llundain) i £100,000 | 15% | 25% yn ogystal â chwyddiant | 40% yn ogystal â chwyddiant |
| Dros £100,000 | 30% | 40% yn ogystal â chwyddiant | 55% yn ogystal â chwyddiant |
Os cawsoch dystysgrif drosiannol
Bydd gwerth y dystysgrif drosiannol yn cael ei ddefnyddio wrth gyfrifo ardrethi busnes ar gyfer eich eiddo, yn hytrach na’r gwerth ardrethol arferol.
Os ydych yn anghytuno â gwerth y dystysgrif, cysylltwch ag Asiantaeth y Swyddfa Brisio (VOA).
Os oes angen help arnoch
Cysylltwch â’ch cyngor lleol (yn Saesneg) os oes gennych gwestiynau am ryddhad trosiannol.