Canllawiau

Cynllun Kickstart ar gyfer pyrth

Mae pyrth Kickstart yn sefydliadau sy'n helpu cyflogwyr i gael cyllid i greu swyddi i bobl ifanc 16 i 24 oed ar Gredyd Cynhwysol.

Gan:
Adran Gwaith a Phensiynau
Cyhoeddwyd
13 Medi 2021
Diweddarwyd ddiwethaf
19 Awst 2022 — Gweld pob diweddariad

This guidance was withdrawn on

The Kickstart Scheme has closed.

Yn berthnasol i Gymru, Loegr a Scotland

Canllawiau cyflogwr

Mae ceisiadau Cynllun Kickstart wedi cau.

Gwiriwch y dyddiadau cau eraill ar gyfer cwblhau tasgau Cynllun Kickstart.

  1. Atgoffa eich hun sut mae’r Cynllun Kickstart yn gweithio

  2. Gwiriwch eich cyfrifoldebau fel porth Kickstart

  3. Cyflwyno’r swyddi gwag

  4. Rheoli’r cyllid

Os ydych yn gyflogwr, gwiriwch y canllawiau i gyflogwyr.

Sut mae’r cynllun yn gweithio

Mae Cynllun Kickstart yn darparu cyllid i greu swyddi newydd ar gyfer pobl 16 i 24 oed sydd ar Gredyd Cynhwysol ac sydd mewn perygl o ddiweithdra tymor hir.

Gwnaeth ceisiadau i’r Cynllun Kickstart gau am hanner dydd ar 17 Rhagfyr 2021

I gyflogwyr a phyrth Kickstart sydd wedi cael cais llwyddiannus, mae’r arian yn cwmpasu:

Gall cyflogwyr ledaenu y dyddiadau dechrau swyddi hyd at 31 Mawrth 2022. Byddwch yn derbyn cyllid am 6 mis pan mae’r person ifanc yn dechrau yn ei swydd.

Beth fyddwch yn ei gael

Byddwch yn cael taliad cychwynnol o £1,860. Mae hyn yn cynnwys:

£360 y swydd ar gyfer costau gweinyddol

Bydd pyrth Kickstart yn cael £360 ar gyfer pob swydd i gyfrannu tuag at gostau gweinyddol. Efallai y bydd yn rhaid i chi dalu £60 o TAW yn dibynnu ar eich amgylchiadau unigol. Darganfyddwch a oes angen i’ch sefydliad gofrestru i dalu TAW.

Os nad ydych yn talu TAW

Rhaid i £60 o’r taliad o £360 gael ei ychwanegu at y £1,500 a dalwyd i’r cyflogwr i roi cymorth cyflogadwyedd i’r person ifanc.

£1,500 y swydd am gostau sefydlu a chymorth cyflogadwyedd

Bydd hwn yn cael ei dalu i chi a bydd angen i chi dalu hyn i’r cyflogwr (yn ogystal â £60 yn ychwanegol os nad ydych yn talu TAW).

Dylid gwario’r arian hwn ar gostau sefydlu a chefnogi’r person ifanc i ddatblygu ei sgiliau cyflogadwyedd. Gall cyflogwyr ddewis cael rhywun arall i wneud hyn ar eu cyfer, fel porth Kickstart neu ddarparwr gwasanaeth. Os ydyn nhw’n dewis gwneud hyn bydd yn rhaid iddynt gytuno sut i rannu’r £1,500.

Dylai’r cyflogwr ddefnyddio’r cyllid hwn ar gyfer:

  • cefnogaeth hyfforddiant a chyflogadwyedd (a ddarperir gennych chi, porth Kickstart neu ddarparwr arall)
  • offer a meddalwedd TG
  • gwisg neu Offer Amddiffynnol Personol

Cyflog a chostau perthnasol Cynllun Kickstart

Mae cyflogau a chostau Cynllun Kickstart yn cael eu talu i chi, ond byddwch yn trosglwyddo hyn i’r cyflogwr. Mae’r cyllid hwn yn cwmpasu:

Gall cyflogwyr dalu cyflog uwch ac am fwy o oriau, ond ni fydd y cyllid yn cwmpasu hyn.

Cyfrifoldebau pyrth Cynllun Kickstart

Fel porth Kickstart, rydych yn gweithredu fel cyfryngwr i helpu cyflogwr i reoli eu grant Cynllun Kickstart. Gallwch hefyd gynnig cymorth cyflogadwyedd i’r person ifanc ar y cynllun.

Cyfrifoldebau hanfodol

Fel porth Kickstart gyda chytundeb grant presennol gyda DWP, mae angen i chi:

  • sicrhau bod gan y cyflogwr y capasiti a’r gallu i gefnogi gweithwyr Cynllun Kickstart
  • dalu cyflogwyr yr arian Cynllun Kickstart

Cyfrifoldebau dewisol

Cefnogaeth cyflogadwyedd

Efallai y byddwch yn dewis cynnig cymorth cyflogadwyedd i’r person ifanc ar ran y cyflogwr.

Gall hyn gynnwys:

  • rhannu eich arbenigedd gyda’r cyflogwyr er mwyn eu helpu i allu hyfforddi pobl ifanc a gyflogir drwy’r cynllun, er enghraifft cefnogi rhai o grwpiau difreintiedig neu’n gweithio mewn rhai sectorau penodol
  • darparu cymorth cyflogadwyedd yn uniongyrchol i bobl ifanc sy’n cael eu cyflogi drwy’r cynllun

Gallwch gynnig cymorth cyflogadwyedd i gyflogwr y tu allan i’ch cytundeb grant. Os gwnewch hyn, bydd y trefniant rhyngoch chi a’r cyflogwr.

Porth a Mwy

Math penodol o borth Kickstart yw Porth a Mwy. Maent yn helpu sefydliadau llai, fel unig fasnachwyr a phartneriaethau gyda Chynllun Kickstart.

Ochr yn ochr â chyfrifoldebau hanfodol porth Kickstart, byddant hefyd yn:

  • ychwanegu’r person ifanc at gyflogres eu sefydliad
  • dalu cyflogau’r person ifanc ar ran y cyflogwr bach drwy ddefnyddio’r cyllid o’r DWP
  • darparu’r cymorth cyflogadwyedd ar ran y cyflogwr bach

Dyma’r sefydliadau sy’n cael eu cymeradwyo i weithredu fel Porth a Mwy:

  • Adecco Working Ventures mewn Partneriaeth â Federation of Small Businesses
  • REED
  • Manpower Group
  • Wirral Chamber of Commerce

Meini prawf y swydd

Mae rhaid i’r swyddi a grëir gyda chyllid cynllun Kickstart fod yn swyddi newydd. Mae’n rhaid i chi wirio hyn i gyd gyda’r cyflogwyr rydych yn ei gynrychioli.

Mae’n rhaid iddynt beidio â:

  • disodli swyddi gwag presennol neu rai sydd wedi’u cynllunio
  • achosi i weithwyr, prentisiaid neu gontractwyr presennol golli gwaith neu leihau eu horiau gwaith

Mae’n rhaid i’r swyddi:

Ar gyfer pob swydd mae’n rhaid i chi helpu’r person ifanc i ddod yn fwy cyflogadwy. Rhaid i’r Porth Kickstart gytuno gyda’r cyflogwr sut i wneud hyn.

Gallai’r cymorth cyflogadwyedd hwn gynnwys:

  • chwilio am waith hir dymor, gan gynnwys cyngor gyrfa a gosod nodau
  • cefnogaeth gyda curriculum vitae (CV) a pharatoi am gyfweliadau
  • datblygu eu sgiliau yn y gweithle

Efallai bydd y person ifanc yn gallu symud i gynllun cyflogaeth arall pan fyddant wedi gorffen eu swydd 6 mis Cynllun Kickstart.

Sut i gael y bobl ifanc i mewn i swyddi

Ar ôl i’r swyddi gael eu hychwanegu at y cytundeb grant:

  1. Dylech fod wedi cyflwyno manylion y swyddi gwag gan ddefnyddio’r templed lleoliad swydd erbyn 11.59pm ar 31 Ionawr 2022

  2. Atgyfeiriodd anogwyr gwaith yn y Ganolfan Byd Gwaith bobl ifanc at y swyddi gwag (‘atgyfeiriadau’) tan 1 Mawrth 2022. Gwneir atgyfeiriad pan fyddwn yn argymell swydd i ymgeisydd. Nid oedd hyn yn gwarantu y byddai’r ymgeisydd yn rhoi cais i mewn.

  3. Byddwch chi neu’r cyflogwr (yn dibynnu ar eich cytundeb gyda nhw) yn cyfweld ag ymgeiswyr addas sydd wedi gwneud cais.

  4. Rhaid bod y person ifanc wedi dechrau’r swydd ar neu cyn 31 Mawrth 2022.

  5. Rhaid eich bod wedi dweud wrthym erbyn 11:59pm ar 30 Tachwedd 2022 bod y person ifanc wedi dechrau er mwyn i ni allu prosesu’r cyllid.

Gallwch hysbysebu swyddi gwag eich hun, ond rhaid i bob swydd gael cyflwyniad drwy anogwr gwaith DWP i gael cyllid llawn.

Os bydd person ifanc yn gadael y swydd yn gynnar

Rhaid i chi anfon e-bost at yr Adran Gwaith a Phensiynau cyn gynted â phosibl os yw person ifanc naill ai:

  • yn gadael eu swydd cyn diwedd y cyfnod o 6 mis
  • angen gadael eu swydd dros dro (er enghraifft ar gyfer absenoldeb arbennig neu gyfyngiadau sy’n gysylltiedig â COVID-19)

Y cyfeiriad e-bost yw’r un a ddefnyddiwch i ddweud wrth yr Adran Gwaith a Phensiynau am ddyddiad dechrau’r person ifanc. Byddwch yn cael gwybod sut i wneud hyn yn yr e-bost ‘atgyfeirio’ a gewch pan fydd anogwr gwaith yn atgyfeirio person ifanc at eich swydd wag.

Os bydd person ifanc yn gadael ei swydd yn gynnar, y taliad cyflog nesaf a drefnwyd gan yr Adran Gwaith a Phensiynau fydd yr olaf y byddwch yn ei dderbyn ar ei gyfer. Efallai y bydd yr Adran Gwaith a Phensiynau yn gallu ymestyn y cyfnod ariannu os bydd yn rhaid i’r person ifanc roi’r gorau i weithio dros dro.

Rheoli cyllid Cynllun Kickstart

Bydd DWP yn anfon yr arian atoch fel porth Kickstart. Byddwch yn gyfrifol am anfon yr arian at y cyflogwr o fewn 5 diwrnod gwaith.

Sut mae’r cyllid yn cael ei gyfrifo ar gyfer pob person ifanc

Y cyfrifiad yw:

  • 25 awr bob wythnos ar Isafswm Cyflog Cenedlaethol neu Gyflog Byw Cenedlaethol (yn dibynnu ar eu hoedran ar ddiwedd y swydd*) wedi’i luosi â 26 wythnos
  • Ychwanegir cyfraniadau Yswiriant Gwladol a chyfraniadau pensiwn yn y gweithle at y swm hwn
  • yna ychwanegir y £1,500 o gyllid ar gyfer costau sefydlu i’r swm hwn

*Er enghraifft, os bydd person ifanc yn dechrau’r swydd yn 17 oed ac yn troi’n 18 oed cyn diwedd y 26 wythnos, bydd y cyllid yn cwmpasu Isafswm Cyflog Cenedlaethol ar gyfer disgyblion 18 oed o ddiwrnod cyntaf eu swydd.

£1,860 fesul swydd

Rhaid rhoi gwybod i DWP erbyn 11:59yh ar 30 Tachwedd 2022 bod y person ifanc wedi dechrau’r swydd. Yna bydd y £1,500 o gostau sefydlu a £360 o gyllid costau gweinyddol yn cael eu talu. Byddwch yn cael gwybod sut i wneud hyn yn yr e-bost a gewch pan fydd anogwr gwaith yn cyfeirio person ifanc at swydd wag.

Os yw’r porth Kickstart neu ddarparwr arall yn gwneud rhywfaint o’r gwaith sefydlu a’r cymorth cyflogadwyedd, gall y cyflogwr ddefnyddio’r cyllid o £1,500 i dalu am hyn.

Kickstart Cyflogau’r cynllun a chostau cysylltiedig

Bob 30 diwrnod rydym yn defnyddio gwybodaeth gan CThEM i wirio bod y person ifanc yn cael ei dalu drwy gynllun Talu Wrth Ennill (TWE).

Byddwn wedyn yn anfon yr arian ar gyfer y cyflogau a’r costau cysylltiedig i dalu am y 30 diwrnod diwethaf o gyflogaeth.

Gall y cyflogwr dalu cyflog uwch ac am fwy o oriau ond ni fydd y cyllid yn talu am hyn.

Bob tro byddwch yn derbyn hysbysiad talu gwaith yn esbonio’r hyn sydd gennych. Byddwch yn gallu adnabod y person ifanc yn y hysbysiad talu gan ei ‘Cais ID’. Byddwn yn anfon y cais ID atoch mewn e-bost pan mae’r person ifanc yn cael ei gyfeirio gan anogwr gwaith i’r swydd.

Amserlen cyllid

Mae’r tabl yn dangos pryd y bydd yr arian yn cael ei anfon atoch chi. Yna mae angen i chi ei anfon at y cyflogwr o fewn 5 diwrnod gwaith.

Math o gyllid Pan fyddwn fel arfer yn prosesu’r cyllid Pan fyddwch fel arfer yn derbyn yr arian
Costau sefydlu Ar ôl i chi neu’r cyflogwr ddweud wrth DWP, bod y person ifanc wedi dechrau (gwnewch hyn erbyn 11:59pm ar 30 Tachwedd 2022) Hyd at 11 diwrnod gwaith ar ôl iddo gael ei brosesu
Taliad cyflog cyntaf 6 wythnos ar ôl y dyddiad dechrau Hyd at 11 diwrnod gwaith ar ôl iddo gael ei brosesu
Pob taliad cyflog arall 30 diwrnod ar ôl y taliad cyflog blaenorol Hyd at 11 diwrnod gwaith ar ôl iddo gael ei brosesu

Y diwrnod olaf ar gyfer prosesu taliadau yw 30 Tachwedd 2022.

Cynlluniau cyflogaeth eraill

Mae’r Cynllun Kickstart yn rhan o Gynllun Swyddi y Llywodraeth. Mae cynlluniau cyflogaeth eraill yn hyn yn cynnwys:

Prentisiaethau

Efallai y gallech gael cyllid am unrhyw brentisiaid rydych yn eu cyflogi yn Lloegr. Darganfyddwch fwy am brentisiaethau.

Academïau gwaith yn seiliedig ar sector (SWAP)

Gall y Ganolfan Byd Gwaith eich cefnogi i greu gweithlu medrus ar gyfer eich busnes drwy gynnig academïau gwaith yn seiliedig ar sector i bobl di-waith yn Lloegr a’r Alban.

Hyfforddeiaethau

Gall cyflogwyr yn Lloegr hefyd helpu pobl ifanc drwy sefydlu hyfforddeiaeth. Mae cyllid ar gael ar gyfer y cynllun hwn.

Hyderus o ran Anabledd

Mae’r cynllun Hyderus o ran Anabledd yn darparu cyflogwyr gyda gwybodaeth, sgiliau a’r hyder maent eu hangen i wneud y mwyaf o dalentau y gall pobl anabl ddod i’r gweithle.

Cymorth cyflogaeth a recriwtio

Cyflogi rhywun gam wrth gam
Hysbysebu swydd
Cyngor recriwtio a chymorth

Updates to this page

Cyhoeddwyd ar 13 Medi 2021
Diweddarwyd ddiwethaf ar 19 Awst 2022 show all updates

  1. The deadline for telling DWP that a young person has started their job is 30 November 2022.

  2. Updated page because the deadline for telling us that the young person has started their job has now passed.

  3. Updated page as the deadline for young people starting in the job has now passed.

  4. Updated page to say the deadline for referring young people into jobs has now passed.

  5. Updated page as the deadline for submitting vacancies has now passed.

  6. Updated page as the deadline for grant agreements to be signed and returned has now passed.

  7. Updated page to say applications for Kickstart Scheme funding closed at midday on 17 December 2021 and removed information about adding more jobs or employers to the grant agreement.

  8. Added deadlines for completing Kickstart Scheme tasks.

  9. Added information about Kickstart Scheme applications closing on 17 December 2021 and that job start dates have been extended to 31 March 2022.

  10. First published.

Argraffu'r dudalen hon

Cynnwys