Cymorth i recriwtwyr gan y Ganolfan Byd Gwaith

Sgipio cynnwys

Cyngor a chymorth gyda recriwtio

Cysylltwch â’r Llinell Gwasanaethau Cyflogwyr i gael cyngor am recriwtio ar gyfer eich busnes.

Bydd yn eich cysylltu ag ymgynghorydd cyflogwyr lleol a fydd yn gweithio gyda chi i lenwi swyddi gwag. Gall ymgynghorwyr cyflogwyr:

  • roi cyngor i’ch helpu i ysgrifennu disgrifiadau swydd
  • eich helpu i gyflymu eich proses recriwtio
  • hyrwyddo’ch swyddi gwag mewn canolfannau gwaith lleol ac ar gyfrifon cyfryngau cymdeithasol y Ganolfan Byd Gwaith
  • caniatáu i chi ddefnyddio swyddfeydd y Ganolfan Byd Gwaith i gynnal cyfweliadau, lle mae swyddfa ar gael
  • eich gwahodd i ddigwyddiadau recriwtio lleol i hyrwyddo eich swyddi gwag, er enghraifft ffair swyddi
  • eich helpu i gysylltu â busnesau eraill yn eich ardal
  • gweithio gyda chi i gynllunio eich ymgyrchoedd recriwtio yn y dyfodol
  • help i baru’r ymgeisydd cywir â’ch swyddi gwag, gan gynnwys sifftio ceisiadau a chyfweld ymgeiswyr ar eich rhan

Cysylltwch â’r Llinell Gwasanaethau Cyflogwyr

Gallwch gysylltu â’r Llinell Gwasanaethau Cyflogwyr gan ddefnyddio’r ffurflen ymholiad ar-lein neu dros y ffôn.

Llinell Gwasanaethau Cyflogwyr
Ffôn: 0800 169 0178
Ffôn testun: 0800 169 0172
Gwasanaeth cyfnewid fideo Iaith Arwyddion Prydain (BSL) os ydych ar gyfrifiadur – darganfyddwch sut i ddefnyddio’r gwasanaeth ar ffôn symudol neu lechen
Darganfyddwch am gostau galwadau

Os byddwch yn e-bostio Llinell Gwasanaethau Cyflogwyr, dylech gynnwys:

  • eich manylion cyswllt
  • enw eich busnes
  • y dref a’r cod post y mae eich busnes wedi’i leoli ynddi
  • y dref a’r cod post lle rydych yn recriwtio (os yw’n wahanol i leoliad eich busnes)
  • disgrifiad byr o’r cyngor recriwtio sydd ei angen arnoch

Os ydych angen mwy o gymorth

Gallwch e-bostio’r tîm perthnasoedd strategol am gymorth ychwanegol os oes gennych anghenion recriwtio cymhleth, er enghraifft:

  • rydych yn gyflogwr mawr (gyda dros 250 o weithwyr)
  • rydych yn ehangu
  • rydych yn agor safle busnes newydd
  • rydych yn recriwtio ar draws sawl lleoliad

srt.newbusiness@dwp.gov.uk