Ystadegau swyddogol achrededig

Mynegai Prisiau Tai y DU ar gyfer Mai 2025

Cyhoeddwyd 16 Gorffennaf 2025

1. Prif ystadegau ar gyfer Mai 2025

Pris eiddo cyfartalog yn y DU oedd £269,000

Y newid mewn prisiau blynyddol ar gyfer eiddo yn y DU oedd 3.9%

Y newid mewn prisiau misol ar gyfer eiddo yn y DU oedd 1.1%

Y ffigur mynegai misol (Ionawr 2015 = 100) ar gyfer y DU oedd 103

Mae’r amcangyfrifon ar gyfer y misoedd mwyaf diweddar yn debygol o gael eu diweddaru wrth i ragor o ddata gael ei ymgorffori. Darllenwch Diwygiadau i ddata Mynegai Prisiau Tai y DU.

Dyddiad cyhoeddi nesaf Mynegai Prisiau Tai y DU

Cyhoeddir Mynegai Prisiau Tai y DU Mehefin 2025 am 9.30am ddydd Mercher 20 Awst 2025. Gweler y calendr dyddiadau rhyddhau am ragor o wybodaeth.

Yn natganiad Medi 2024, adolygwyd amcangyfrifon Mynegai Prisiau Tai y DU o Ionawr 2022 ymlaen trwy ddefnyddio data prisiau a broseswyd y tu allan i gyfnod adolygu arferol Mynegai Prisiau Tai y DU, sef 12 mis. Yn natganiad Hydref 2024, dychwelodd Mynegai Prisiau Tai y DU i’r cyfnod adolygu arferol o 12 mis. Dylai defnyddwyr fod yn ymwybodol y gall diwygiadau fod yn fwy nag arfer, a dylent nodi’r ansicrwydd sylweddol uwch ynghylch prisiau adeiladau newydd.

Cyn hyn, roedd gan Fynegai Prisiau Tai y DU gyfnod cyfeirio o Ionawr 2015. Yn natganiad Chwefror 2025, diweddarwyd cyfnod cyfeirio Mynegai Prisiau Tai y DU i Ionawr 2023, felly erbyn hyn mae mynegeion Mynegai Prisiau Tai y DU yn adrodd bod Ionawr 2023 yn hafal i 100. Mae ailgyfeirio yn sicrhau bod Mynegai Prisiau Tai y DU yn adlewyrchu pris eiddo “cyfartalog” sy’n cael ei werthu ar hyn o bryd ac yn symud y gyfres lefel prisiau gyfan ar gyfer pob daearyddiaeth a dadansoddiad gan ganran gyson heb effeithio ar gyfraddau chwyddiant. Darllenwch ragor ar flog y Swyddfa Ystadegau Gwladol Cadw prisiau tai cyfartalog yn gyfoes a datganiad Mynegai Prisiau Tai y DU 19 Chwefror 2025.

2. Datganiad economaidd

3.9% oedd chwyddiant blynyddol prisiau tai cyfartalog y DU (amcangyfrif dros dro) yn y 12 mis hyd at Fai 2025, i fyny o’r amcangyfrif diwygiedig o 3.6% yn y 12 mis hyd at Ebrill 2025.

£269,000 oedd pris tŷ cyfartalog y DU ym Mai 2025 (amcangyfrif dros dro), sy’n £10,000 yn uwch na 12 mis yn ôl. Cynyddodd prisiau tai cyfartalog yn y 12 mis hyd at Fai 2025 yn Lloegr i £290,000 (3.4%), cynyddodd yng Nghymru i £210,000 (5.1%) a chynyddodd yn yr Alban i £192,000 (6.4%). Cynyddodd pris tŷ cyfartalog yn y flwyddyn hyd at Chwarter 1 (Ionawr i Fawrth) 2025 i £185,000 yng Ngogledd Iwerddon (9.5%).

Ar sail heb ei haddasu’n dymhorol, cynyddodd prisiau tai cyfartalog y DU gan 1.1% rhwng Ebrill 2025 a Mai 2025, o’i gymharu â chynnydd o 0.8% yn ystod yr un cyfnod 12 mis yn ôl. Ar sail wedi ei haddasu’n dymhorol, cynyddodd prisiau tai cyfartalog y DU gan 0.7% rhwng Ebrill 2025 a Mai 2025.

O ranbarthau Lloegr, roedd y chwyddiant prisiau tai blynyddol uchaf yng Ngogledd Ddwyrain Lloegr, lle cynyddodd prisiau gan 6.3% yn y 12 mis hyd at Fai 2025. De Orllewin Lloegr oedd y rhanbarth gyda’r chwyddiant blynyddol isaf yn Lloegr, lle cynyddodd prisiau gan 1.9% yn y 12 mis hyd at Fai 2025.

Adroddodd Arolwg o Farchnad Breswyl y DU Mai 2025 Sefydliad Brenhinol y Syrfewyr Siartredig (RICS) fod momentwm yn y farchnad werthiannau yn parhau’n weddol dawel a bod prisiau tai yn parhau’n wastad i raddau helaeth ar y lefel bennawd.

Dangosodd Ystadegau Trafodion Eiddo y DU Cyllid a Thollau EF ar gyfer Mai 2025, ar sail wedi ei haddasu’n dymhorol, mai’r nifer amcangyfrifedig o drafodion ar eiddo preswyl gyda gwerth o £40,000 neu fwy oedd 81,000. Mae hyn 11.8% yn is na 12 mis yn ôl (Mai 2024). Rhwng Ebrill 2025 a Mai 2025, cynyddodd trafodion y DU gan 25.1% ar sail wedi ei haddasu’n dymhorol. Ar sail heb ei haddasu’n dymhorol rhwng Ebrill 2025 a Mai 2025, adroddodd Cyllid a Thollau EF fod nifer y trafodion wedi cynyddu gan 52.0% yn Lloegr, wedi cynyddu gan 2.4% yn yr Alban, wedi cynyddu gan 8.0% yng Nghymru ac wedi cynyddu gan 51.2% yng Ngogledd Iwerddon. Mae’r cynnydd sydyn yn nifer y trafodion y DU ym Mai 2025 (yn enwedig yn Lloegr a Gogledd Iwerddon) yn adlewyrchu’r ffaith bod nifer y trafodion yn codi tuag at lefelau mwy nodweddiadol yn dilyn nifer y trafodion isel yn Ebrill 2025 a oedd yn cyd-ddigwydd â newidiadau i Dreth Dir y Dreth Stamp ar 1 Ebrill 2025.

Adroddodd datganiad Arian a Chredyd Banc Lloegr Mai 2025 fod morgeisi a gymeradwywyd ar gyfer prynu tai, sy’n ddangosydd rhoi benthyg yn y dyfodol, wedi cynyddu gan 2,400 i 63,000 ym Mai. Dyma’r cynnydd cyntaf ers Rhagfyr 2024.

Adroddodd crynodeb o amodau busnes – 2025 Chwarter 1 Asiantau Banc Lloegr farchnad werthiannau dawel lle mae darpar brynwyr yn ansicr ynghylch yr amgylchedd economaidd a bod y cynnydd yn Nhreth Dir y Dreth Stamp o Ebrill heb gael unrhyw effaith sylweddol ar amseriad trafodion yn Lloegr a Gogledd Iwerddon.

3. Newidiadau mewn prisiau

3.1 Newidiadau mewn prisiau blynyddol

Newidiadau mewn prisiau blynyddol ar gyfer y DU yn ôl gwlad dros y 5 mlynedd diwethaf

Llwytho data’r siart hon i lawr (CSV, 1KB)

3.9% oedd chwyddiant blynyddol prisiau tai cyfartalog y DU (amcangyfrif dros dro) yn y 12 mis hyd at Fai 2025, i fyny o’r amcangyfrif diwygiedig o 3.6% yn y 12 mis hyd at Ebrill 2025.

£269,000 oedd pris tŷ cyfartalog y DU ym Mai 2025 (amcangyfrif dros dro), sy’n £10,000 yn uwch na 12 mis yn ôl. Cynyddodd prisiau tai cyfartalog yn y 12 mis hyd at Fai 2025 yn Lloegr i £290,000 (3.4%), cynyddodd yng Nghymru i £210,000 (5.1%) a chynyddodd yn yr Alban i £192,000 (6.4%). Cynyddodd pris tŷ cyfartalog yn y flwyddyn hyd at Chwarter 1 (Ionawr i Fawrth) 2025 i £185,000 yng Ngogledd Iwerddon (9.5%).

3.2 Pris cyfartalog yn ôl gwlad a rhanbarth swyddfa’r llywodraeth

Pris, newid misol a newid blynyddol yn ôl gwlad a rhanbarth swyddfa’r llywodraeth

Gwlad a rhanbarth swyddfa’r llywodraeth	Pris	Newid misol	Newid blynyddol
Cymru	£209,580	0.5%	5.1%
Gogledd Iwerddon (Chwarter 1 - 2025)	£185,037	1.0%	9.5%
Lloegr	£290,395	1.3%	3.4%
Yr Alban	£191,927	0.0%	6.4%
De Ddwyrain Lloegr	£380,650	0.4%	2.1%
De Orllewin Lloegr	£304,237	1.5%	1.9%
Dwyrain Canolbarth Lloegr	£242,052	1.9%	5.0%
Dwyrain Lloegr	£339,747	2.0%	4.2%
Gorllewin Canolbarth Lloegr	£244,262	2.2%	3.5%
Gogledd Ddwyrain Lloegr	£159,142	2.2%	6.3%
Gogledd Orllewin Lloegr	£209,498	2.0%	3.3%
Llundain	£565,637	-1.4%	2.2%
Swydd Gaerefrog a’r Humber	£203,836	2.4%	5.1%

Llwytho data’r tabl hwn i lawr (CSV, 1KB)

Newidiadau mewn prisiau yn ôl gwlad a rhanbarth swyddfa’r llywodraeth

Ar sail heb ei haddasu’n dymhorol, cynyddodd prisiau tai cyfartalog y DU gan 1.1% rhwng Ebrill 2025 a Mai 2025, o’i gymharu â chynnydd o 0.8% yn ystod yr un cyfnod 12 mis yn ôl. Ar sail wedi ei haddasu’n dymhorol, cynyddodd prisiau tai cyfartalog y DU gan 0.7% rhwng Ebrill 2025 a Mai 2025.

3.3 Pris cyfartalog yn ôl math o eiddo

Pris misol cyfartalog yn ôl math o eiddo

Math o eiddo	Mai 2025	Mai 2024	Gwahaniaeth
Tŷ sengl	£441,439	£419,008	5.4%
Tŷ pâr	£270,550	£258,606	4.6%
Tŷ teras	£223,539	£215,670	3.6%
Fflat neu fflat deulawr	£198,262	£195,274	1.5%
Holl	£268,652	£258,565	3.9%

Llwytho data’r tabl hwn i lawr (CSV, 1KB)

4. Nifer y gwerthiannau

Yn 2024, roedd Cofrestrfa Tir EF wedi dychwelyd yn llwyddiannus i brosesu dros 40% o’r amcangyfrif o werthiannau dros dro Cyllid a Thollau EF ar gyfer amcangyfrif cyntaf Mynegai Prisiau Tai y DU (y targed a bennwyd yn y cyfarwyddyd Ansawdd a Methodoleg Mynegai Prisiau Tai y DU). Mae amcangyfrifon nifer y gwerthiannau Mynegai Prisiau Tai y DU ar gyfer cyfnodau cynharach ac eiddo a adeiledir o’r newydd yn parhau’n is na’r cyfartaleddau hanesyddol, ond yn gwella o hyd. Dylai defnyddwyr fod yn ymwybodol y gall diwygiadau fod yn fwy nag yn hanesyddol a dylent nodi’r ansicrwydd uwch ynghylch prisiau eiddo a adeiledir o’r newydd.

Ar ôl adolygu methodoleg Mynegai Prisiau Tai y DU, mae’r Swyddfa Ystadegau Gwladol yn disgwyl gwneud gwelliant i ddulliau cyfrifo’r Mynegai Prisiau Tai o Awst 2025, sy’n debygol o leihau diwygiadau i amcangyfrifon cynnar Mynegai Prisiau Tai y DU. Bydd y Swyddfa Ystadegau Gwladol yn parhau i fonitro diwygiadau a nodi gwelliannau pellach posibl i ddulliau yn y dyfodol. Gweler papur dulliau cyfrifo misol Mynegai Tai y DU (PDF, 445KB) y Swyddfa Ystadegau Gwladol am fanylion technegol ynghylch gwelliant arfaethedig y Swyddfa Ystadegau Gwladol.

4.1 Nifer y gwerthiannau

Nifer y gwerthiannau yn ôl gwlad

Mae amcangyfrifon dros dro Mynegai Prisiau Tai y DU ar gyfer Mai 2025 yn seiliedig ar oddeutu 28,900 o gofnodion ar gyfer Lloegr, 5,700 ar gyfer yr Alban, a 1,800 ar gyfer Cymru. Mae hyn yn cynrychioli 46% o’r amcangyfrif o werthiannau dros dro Cyllid a Thollau EF ar gyfer Mai 2025, fel y manylir yn ei gyhoeddiad Trafodion eiddo misol a gwblhawyd yn y DU gydag amcangyfrifon gwerth £40,000 neu fwy. Dros amser, bydd mwy o gofnodion ar gael ar gyfer cyfnodau diweddar, a fydd yn cael eu defnyddio i ddiwygio amcangyfrifon Mynegai Prisiau Tai y DU a nifer y gwerthiannau, yn unol â’r polisi diwygiadau a gyhoeddwyd gan y Swyddfa Ystadegau Gwladol a Chofrestrfa Tir EF.

Mae amcangyfrifon gwerthiannau o Fynegai Prisiau Tai y DU yn wahanol i amcangyfrifon Cyllid a Thollau EF oherwydd ffynonellau data, maint y cyfnod diwygio a chwmpas gwahanol. Mae Adroddiad ansawdd Cyllid a Thollau EF yn nodi ei bod yn debygol y bydd gwallau yn ei ddata oherwydd gwallau adrodd neu allweddu, megis camddosbarthu rhwng trafodion preswyl a di-breswyl. Fodd bynnag, mae Cyllid a Thollau EF yn cymryd camau i leihau’r gwall mesur hwn. Rheswm arall posibl dros wahaniaethau yw bod trafodion eiddo preswyl, lle mae’r prynwr neu’r gwerthwr yn gorff corfforedig, yn gwmni neu’n fusnes, wedi eu heithrio o ddata Mynegai Prisiau Tai y DU, ond yn cael eu cynnwys yn nata Cyllid a Thollau EF.

Mae rhagor o wybodaeth am ffynonellau data, polisi diwygiadau, dulliau ac ansawdd ar gael yng nghyfarwyddyd Mynegai Prisiau Tai y DU Cofrestrfa Tir EF.

Gan gymharu’r amcangyfrif dros dro o drafodion ar gyfer y mis cyfredol â’r amcangyfrif dros dro ar gyfer y mis cyfatebol yn y flwyddyn flaenorol

Gwlad	Mawrth 2025	Mawrth 2024
Lloegr	72,105	54,167
Gogledd Iwerddon (Chwarter 1 - 2025)	1,822	1,616
Yr Alban	7,495	7,797
Cymru	2,231	2,867

Sylwer: Gan gymharu’r amcangyfrif dros dro o drafodion ar gyfer y mis cyfredol â’r amcangyfrif dros dro ar gyfer y 12 mis diwygiedig.

Llwytho data’r tabl hwn i lawr (CSV, 1KB)

Sylwer: Mae’r golofn ‘Gwahaniaeth’ wedi cael ei symud ymaith o’r tabl hwn oherwydd nid yw data’r mis diweddaraf yn gyflawn eto.

Sylwer: Bydd nifer y trafodion eiddo ar gyfer Mawrth 2025 yn cynyddu wrth i ragor o drafodion gael eu cynnwys yn y mynegai. Gweler ein Polisi Diwygiadau am ragor o wybodaeth.

Gan gymharu’r amcangyfrif dros dro o drafodion ar gyfer Mawrth 2024 â’r amcangyfrif dros dro ar gyfer Mawrth 2025, cynyddodd nifer y trafodion gan 81.4% yn Lloegr, lleihaodd gan 20.4% yn yr Alban, a chynyddodd gan 54.1% yng Nghymru. Cynyddodd nifer y trafodion Mynegai Prisiau Tai y DU yng Ngogledd Iwerddon gan 20.6% yn y flwyddyn hyd at Chwarter 1 2025.

Mae Ystadegau Trafodion Eiddo y DU a gyhoeddir gan Gyllid a Thollau EF (sy’n wahanol eu cwmpas ond yn fwy cyflawn ar gyfer y cyfnod hwn) yn adrodd, ar sail heb ei haddasu’n dymhorol, yn y 12 mis hyd at Fawrth 2025, fod nifer y trafodion Cyllid a Thollau EF wedi cynyddu gan 104.2% yn Lloegr, wedi lleihau gan 1.0% yn yr Alban, wedi cynyddu gan 22.6% yng Nghymru, ac wedi cynyddu gan 53.4% yng Ngogledd Iwerddon.

4.2 Nifer y gwerthiannau ar gyfer y DU dros y 5 mlynedd diwethaf

Nifer y gwerthiannau ar gyfer 2021 i 2025 yn ôl gwlad: Mawrth

Llwytho data’r siart hon i lawr (CSV, 1KB)

Sylwer: Mae’r golofn ‘Gwahaniaeth’ wedi cael ei symud ymaith o’r tabl hwn oherwydd nid yw data’r mis diweddaraf yn gyflawn eto.

Sylwer: Bydd nifer y trafodion eiddo ar gyfer Mawrth 2025 yn cynyddu wrth i ragor o drafodion gael eu cynnwys ym Mynegai Prisiau Tai y DU. Gweler ein Polisi Diwygiadau am ragor o wybodaeth.

Gan gymharu’r amcangyfrif dros dro o drafodion Mynegai Prisiau Tai y DU ar gyfer Mawrth 2024 â’r amcangyfrif dros dro o drafodion Mynegai Prisiau Tai y DU ar gyfer Mawrth 2025, cynyddodd nifer y trafodion yn y DU gan 53.8%.

Mae Ystadegau Trafodion Eiddo y DU a gyhoeddir gan Gyllid a Thollau EF (sy’n wahanol eu cwmpas ond yn fwy cyflawn ar gyfer y cyfnod hwn) yn adrodd, ar sail heb ei haddasu’n dymhorol, fod nifer y trafodion Cyllid a Thollau EF ar gyfer y DU wedi cynyddu gan 89.9% yn y 12 mis hyd at Fawrth 2025.

Tai a adeiledir o’r newydd ac eiddo presennol a ailwerthwyd

Statws eiddo	Pris cyfartalog Mawrth 2025	Newid misol	Newid blynyddol
Tai a adeiledir o’r newydd	£419,862	2.7%	29.9%
Eiddo presennol a ailwerthwyd	£265,336	1.3%	5.4%

Llwytho data’r tabl hwn i lawr (CSV, 1KB)

Sylwer: er datganiad Hydref 2017, gwnaed newidiadau i’n model amcangyfrif wrth gyfrifo ein hamcangyfrif dros dro. Mae gwybodaeth bellach ac effaith y newid hwn i’w gweld yn dulliau a ddefnyddir i greu Mynegai Prisiau Tai y DU.

5. Statws eiddo ar gyfer y DU

Prynwr am y tro cyntaf a chyn berchen-feddiannydd

Ar gyfer Prydain Fawr yn unig – nid yw data Gogledd Iwerddon ar gael ar gyfer statws y prynwr.

Math o brynwr	Pris cyfartalog Mai 2025	Newid misol	Newid blynyddol
Prynwr am y tro cyntaf	£226,673	1.3%	3.6%
Cyn berchen-feddiannydd	£331,397	0.9%	4.1%

Llwytho data’r tabl hwn i lawr (CSV, 1KB)

6. Statws cyllido ar gyfer Prydain Fawr

Arian parod a morgais

Ar gyfer Prydain Fawr yn unig – nid yw data Gogledd Iwerddon ar gael ar gyfer statws cyllido.

Statws ariannu	Pris cyfartalog Mai 2025	Newid misol	Newid blynyddol
Arian parod	£255,125	1.2%	3.0%
Morgais	£278,384	1.1%	4.3%

Llwytho data’r tabl hwn i lawr (CSV, 1KB)

7. Cyrchu’r data

Mae modd llwytho’r data i lawr fel ffeiliau CSV neu ei gyrchu gyda’n teclyn Mynegai Prisiau Tai y DU.

Diwygiadau data

Gallwch weld unrhyw ddiwygiadau i ddata a gyhoeddwyd yn flaenorol yn y lawrlwythiadau data neu cewch wybod rhagor am ddiwygiadau yn ein cyfarwyddyd Am Fynegai Prisiau Tai y DU.

8. Mynegai Prisiau Tai y DU

Mae Mynegai Prisiau Tai y DU yn cael ei gyfrifo gan y Swyddfa Ystadegau Gwladol a Gwasanaethau Tir ac Eiddo Gogledd Iwerddon. Darllenwch ragor am y fethodoleg a ddefnyddir i greu Mynegai Prisiau Tai y DU.

Mae data ar gyfer Mynegai Prisiau Tai y DU yn cael ei ddarparu gan Gofrestrfa Tir EF, Cofrestri’r Alban, Gwasanaethau Tir ac Eiddo/Asiantaeth Ystadegau ac Ymchwil Gogledd Iwerddon ac Asiantaeth y Swyddfa Brisio.

Darllenwch ragor Am Fynegai Prisiau Tai y DU.

Un o’r prif ffactorau sy’n penderfynu prisiau tai yw nodweddion demograffig yr ardal lle y lleolir yr eiddo. Mae Mynegai Prisiau Tai y DU yn defnyddio’r dosbarthiad demograffig-gymdeithasol a elwir Acorn, yn y model atchweliad hedonig i fesur cyfoeth yr ardal.

Cyn 20 Rhagfyr 2023, cafodd trafodion eiddo ym Mhrydain Fawr eu heithrio o’r model atchweliad os oedd eu dosbarthiad Acorn ar goll. O gyhoeddiad 20 Rhagfyr 2023, mae’r eiddo hyn wedi eu cynnwys yn y model atchweliad o ddata Ionawr 2023 ymlaen, ond yn cael llai o bwysiad yn y cyfrifiadau, fel y disgrifir uchod. Mae’r gwelliant hwn yn y fethodoleg yn alinio sut mae trafodion gyda dosbarthiad Acorn coll yn cael eu defnyddio ym model Prydain Fawr a model Gogledd Iwerddon, gan gynyddu cydlyniant ar draws y DU a gwella ansawdd ystadegau Mynegai Prisiau Tai y DU.

9. Cysylltu

Eileen Morrison, Arweinydd Tîm Gwasanaethau Data, Cofrestrfa Tir EF

Ebost eileen.morrison@landregistry.gov.uk

Ffôn 0300 006 5288

Aimee North, Pennaeth Mynegeion y Farchnad Dai, Swyddfa Ystadegau Gwladol

Ebost aimee.north@ons

Ffôn 01633 456400

Ciara Cunningham, Ystadegydd ar gyfer Mynegai Prisiau Tai Gogledd Iwerddon

Ebost ciara.cunningham@finance-ni.gov.uk

Ffôn 028 90 336035

Anne MacDonald, Rheolwr Tîm Data Tir ac Eiddo, Cofrestri’r Alban

Ebost anne.macDonald@ros.gov.uk

Ffôn 0131 378 4991