Apelio i’r Tribiwnlys Apeliadau Cyflogaeth

Sut i apelio

Darllenwch y cyfarwyddyd ymarfer llawn a’r canllaw apelio.
Llenwch y ffurflen hysbysiad o apêl.
Anfonwch y ffurflen, gyda’r dogfennau ategol a restrir arni, i’r swyddfa Tribiwnlys Apeliadau Cyflogaeth (EAT).

Nid oes rhaid i chi dalu ffi i apelio.

Mae’n rhaid i chi apelio o fewn 42 diwrnod o’r dyddiad y cafodd naill ai:

y penderfyniad ei anfon atoch
y rhesymau eu hanfon atoch (dim ond os na wnaeth y Tribiwnlys Cyflogaeth roi rhesymau yn y gwrandawiad neu eich bod wedi gofyn am y rhesymau o fewn 14 diwrnod o’r dyddiad yr anfonwyd y penderfyniad atoch chi)

Rhaid i’ch apêl gyrraedd erbyn 4pm ar y diwrnod olaf.

Gallwch ofyn i apêl gael ei hystyried hyd yn oed os yw’n hwyr, ond anaml y rhoddir estyniad ac mae’n rhaid i chi gael rheswm da.

Gallwch ei hanfon:

drwy’r gwasanaeth E-Ffeilio
drwy e-bost - dylech atodi’r ffurflen apêl ac unrhyw ddogfennau ategol i’r e-bost, ac mae’n rhaid i’r e-bost fod yn 10MB neu lai
drwy’r post

Mae’r cyfeiriad e-bost neu postio yn wahanol yn dibynnu lle cafodd eich achos ei wrando.

Tribiwnlys Apeliadau Cyflogaeth (EAT)
londoneat@justice.gov.uk
Rhif ffôn: 020 7273 1041
Gwybodaeth am gost galwadau

Tribiwnlys Apeliadau Cyflogaeth (EAT)
5ed Llawr / 5th Floor
Rolls Building
7 Rolls Buildings
Fetter Lane
Llundain
EC4A 1NL

Tribiwnlys Apeliadau Cyflogaeth (EAT)
edinburgheat@justice.gov.uk
Rhif ffôn: 0131 225 3963
Gwybodaeth am gost galwadau

Tribiwnlys Apeliadau Cyflogaeth (EAT)
George House
126 George Street
Caeredin
EH2 4HH

Bydd EAT yn penderfynu a all eich apêl barhau. Os bydd, efallai y gofynnir i chi fynychu gwrandawiad i gyflwyno eich achos.

Os na all eich apêl barhau, anfonir llythyr atoch yn egluro pam a ph’un a allwch apelio ymhellach.