Talu cyfraniadau Yswiriant Gwladol Dosbarth 2 gwirfoddol os nad ydych yn talu drwy Hunanasesiad
Debyd Uniongyrchol
Gallwch drefnu Debyd Uniongyrchol (yn agor tudalen Saesneg) i wneud taliadau rheolaidd o gyfrif banc yn y DU.
Ni allwch dalu drwy Ddebyd Uniongyrchol:
- o gyfrif banc tramor
- os oes gennych dystysgrif yswiriant (yn agor tudalen Saesneg)
- os ydych yn gwneud taliad sy’n fwy nag £20 miliwn
Sicrhewch eich bod yn caniatáu 21 diwrnod i drefnu Debyd Uniongyrchol newydd.
Bydd Cyllid a Thollau EF (CThEF) yn anfon llythyr atoch yn rhoi gwybod i chi swm y taliadau a fydd yn cael eu cymryd, a phryd y bydd hynny’n digwydd.
Bydd y taliadau’n ymddangos ar eich cyfriflen banc fel ‘HMRC NI-DD’. Bydd CThEF yn ysgrifennu atoch os bydd eich taliadau’n newid am unrhyw reswm.
Os oes gennych gwestiwn ynghylch eich taliadau Debyd Uniongyrchol, cysylltwch â’r llinell gymorth Yswiriant Gwladol.