Hawlio lwfansau cyfalaf
Lwfansau blwyddyn gyntaf o 100%
Os prynwch ased sy’n gymwys ar gyfer lwfansau blwyddyn gyntaf o 100%, gallwch ddidynnu’r gost gyfan oddi wrth eich elw cyn treth.
Gallwch hawlio lwfansau blwyddyn gyntaf o 100% yn ychwanegol at lwfans buddsoddi blynyddol (LBB), ar yr amod nad ydych yn hawlio’r ddau am yr un gwariant.
Yr hyn sy’n gymwys
Gallwch hawlio ‘lwfansau cyfalaf uwch’ (math o lwfans blwyddyn gyntaf o 100%) am yr offer canlynol, y mae’n rhaid iddynt fod yn newydd a heb eu defnyddio:
- ceir trydan a cheir heb allyriadau CO2
- offer a pheiriannau ar gyfer gorsafoedd ail-lenwi â nwy, er enghraifft tanciau storio, pympiau
- offer ail-lenwi â nwy, bio-nwy a hydrogen
- cerbydau nwyddau ag allyriadau sero
- offer ar gyfer pwyntiau gwefru cerbydau trydan
- offer a pheiriannau i’w defnyddio mewn safle treth arbennig mewn Porthladdoedd Rhydd neu Barthau Buddsoddi yn y DU, os ydych yn gwmni
Fel arfer, ni allwch hawlio ar gyfer eitemau y mae’ch busnes yn eu prynu i’w prydlesu i bobl eraill neu i’w defnyddio o fewn cartref rydych yn ei roi ar osod.
Sut i hawlio
Hawliwch ar eich Ffurflen Dreth.
Os na fyddwch yn hawlio’r holl lwfansau blwyddyn gyntaf o 100% y mae gennych hawl iddynt, gallwch hawlio’r rhan o’r gost nad ydych wedi’i hawlio gan ddefnyddio’r lwfansau ar bapur (yn agor tudalen Saesneg).