Hawlio lwfansau cyfalaf
Gwariant llawn a lwfans blwyddyn gyntaf o 50%
Dim ond cwmnïau sy’n gallu hawlio lwfans gwariant llawn a’r lwfans blwyddyn gyntaf o 50%.
Gallwch eu hawlio yn erbyn cost offer a pheiriannau. Mae’n rhaid i’r canlynol fod yn berthnasol i’r offer a pheiriannau:
- wedi cael eu prynu ers 1 Ebrill 2023
- maen nhw’n newydd a heb gael eu defnyddio
- nid ydynt yn gar
Ni allwch hawlio’r ddau lwfans yn erbyn yr un gwariant.
Yr hyn y gallwch ei gael
Mae gwariant llawn yn gadael i chi ddidynnu 100% o’r gost o offer a pheiriannau cymhwysol oddi wrth eich elw cyn treth yn y flwyddyn y cawsant eu prynu.
Mae’r lwfans blwyddyn gyntaf o 50% yn gadael i chi ddidynnu 50% o’r gost oddi wrth eich elw cyn treth yn y flwyddyn y cawsant eu prynu.
Gwirio a allwch hawlio
Gwiriwch a allwch hawlio’r gwariant llawn neu’r lwfans blwyddyn gyntaf ar gyfradd arbennig o 50%.
Gallwch hawlio ar Ffurflen Dreth y Cwmni.