Hysbysu twyll budd-daliadau

Hysbysu am rywun rydych yn credu sy’n cyflawni twyll budd-daliadau.

Mae’r dudalen hon ar gael hefyd yn Saesneg (English).

Rhowch cyn gymaint o wybodaeth ag y gallwch am y person rydych yn hysbysu amdanynt.

Gallai hyn gynnwys:

eu henw
eu cyfeiriad
y math o dwyll rydych yn credu maent yn ei gyflawni

Mae pob hysbysiad yn anhysbys - nid oes angen i chi roi eich enw neu fanylion cyswllt.

Dylech ond hysbysu am rywun unwaith.

Er eich diogelwch eich hun, ni ddylech geisio darganfod mwy na rhoi gwybod i unrhyw un eich bod chi’n gwneud hysbysiad.

Rhoi gwybod am fathau eraill o dwyll neu drosedd

Mae ffordd wahanol o hysbysu:

twyll y Cynllun Pensiwn Rhyfel neu Gynllun Iawndal y Lluoedd Arfog
twyll yn erbyn budd-daliadau a thaliadau a wneir gan Social Security Scotland
twyll treth
trosedd
ymddygiad gwrthgymdeithasol
troseddau mewnfudo neu ffiniau
mathau eraill o dwyll, fel dwyn hunaniaeth (i Report Fraud)
bygythiadau i ddiogelwch cenedlaethol

Os ydych mewn perygl neu os yw’n argyfwng, deialwch 999 a gofynnwch am yr heddlu.

Beth sy’n digwydd ar ôl i chi hysbysu twyll budd-dal

Bydd yr Adran Gwaith a Phensiynau (DWP) yn edrych ar y wybodaeth a roddwch. Efallai y bydd yn cymryd peth amser i ymchwilio i’ch hysbysiad.

Ni fyddant yn gallu dweud wrthych beth fydd canlyniad eu hymchwiliad.

Bydd DWP ond yn gweithredu os ydynt yn darganfod bod y person wedi cyflawni twyll budd-daliadau. Gall camau gynnwys diddymu budd-daliadau’r unigolyn, eu cael i ad-dalu arian a mynd â hwy i’r llys.

Weithiau ni fydd unrhyw gamau yn cael eu cymryd. Efallai bod y person wedi datgan newid yn eu hamgylchiadau neu efallai na chaiff eu budd-dal ei effeithio gan yr hyn rydych yn ei hysbysu.