Cyfrifwch eich incwm cymhwysol ar gyfer y cynllun Troi Treth yn Ddigidol ar gyfer Treth Incwm
Dysgwch yr hyn sy’n cyfrif fel incwm cymhwysol o hunangyflogaeth ac eiddo ar gyfer ddefnyddio’r cynllun Troi Treth yn Ddigidol ar gyfer Treth Incwm.
Cyfrifo’ch incwm cymhwysol
Eich incwm cymhwysol yw cyfanswm yr incwm a gewch mewn blwyddyn dreth drwy hunangyflogaeth ac eiddo.
Nid yw ffynonellau incwm eraill a ddatgenir drwy Hunanasesiad, megis incwm o gyflogaeth (TWE), partneriaeth neu ddifidendau (gan gynnwys y rhai o’ch cwmni eich hun), yn cyfrif tuag at eich incwm cymhwysol.
Bydd CThEF yn asesu’ch incwm gros (a elwir hefyd yn trosiant), cyn i chi ddidynnu treuliau.
Er enghraifft, gallai eich incwm gros (incwm cyn i chi ddidynnu treuliau) fod yn:
- £25,000 o incwm rhent
- £27,000 o incwm hunangyflogaeth
Yn yr enghraifft hon, cyfanswm eich incwm cymhwysol fyddai £52,000.
Sut y bydd CThEF yn asesu’ch incwm cymhwysol
I asesu’ch incwm cymhwysol ar gyfer blwyddyn dreth, byddwn yn edrych ar y Ffurflen Dreth Hunanasesiad roedd yn rhaid i chi ei chyflwyno yn ystod y flwyddyn flaenorol a gyflwynwyd gennych yn y flwyddyn dreth flaenorol.
Er enghraifft, i asesu’ch incwm cymhwysol ar gyfer blwyddyn dreth 2026 i 2027, byddwn yn edrych ar y Ffurflen Dreth mae angen i chi ei chyflwyno erbyn 31 Ionawr 2026. Mae’r Ffurflen Dreth hon ar gyfer y flwyddyn dreth 2024 i 2025.
Nid oes angen i chi ddechrau defnyddio’r cynllun Troi Treth yn Ddigidol ar gyfer Treth Incwm tan ar ôl i chi gyflwyno’ch Ffurflen Dreth Hunanasesiad gyntaf.
Ar ôl i chi gyflwyno’ch Ffurflen Dreth, byddwn yn gwirio a yw’ch incwm cymhwysol yn fwy na £30,000. Os ydyw, byddwn yn rhoi gwybod i chi pryd y bydd yn rhaid i chi ddechrau defnyddio’r cynllun Troi Treth yn Ddigidol ar gyfer Treth Incwm.
Os ydych eisoes yn defnyddio Troi Treth yn Ddigidol ar gyfer Treth Incwm ac yn dechrau busnes newydd
Nid oes angen i chi ddefnyddio’r cynllun Troi Treth yn Ddigidol ar gyfer Treth Incwm ar gyfer busnes newydd nes i chi gyflwyno Ffurflen Dreth sy’n cynnwys yr incwm o’r busnes newydd hwnnw.
Er enghraifft, efallai y byddwch yn dechrau busnes newydd ym mis Mai 2026. Eich Ffurflen Dreth gyntaf a fydd yn cynnwys yr incwm o’r busnes hwn fydd y Ffurflen Dreth ar gyfer blwyddyn dreth 2026 i 2027, y byddai angen i chi ei chyflwyno erbyn 31 Ionawr 2028. Bydd angen i chi ddefnyddio’r cynllun Troi Treth yn Ddigidol ar gyfer Treth Incwm ar gyfer y busnes hwn o 6 Ebrill 2028 ymlaen.
Fodd bynnag, gallwch ddewis i ddefnyddio Troi Treth yn Ddigidol ar gyfer Treth Incwm yn wirfoddol ar gyfer y busnes newydd o’r adeg y bydd yn dechrau.
Os yw’ch cyfnod cyfrifyddu yn hirach neu’n fyrrach na 12 mis
Os oes gennym y data, byddwn yn cyfrif eich incwm cymhwysol yn flynyddol.
Er enghraifft, os ydych wedi dod yn unig fasnachwr, ond dim ond am 6 mis rydych wedi bod yn masnachu yn ystod eich blwyddyn dreth gyntaf, byddwn yn dyblu eich incwm i gyfrifo’ch incwm cymhwysol.
Yr hyn sydd wedi’i gynnwys yn eich incwm cymhwysol
Os ydych yn cael incwm o eiddo mewn perchnogaeth ar y cyd
Bydd eich cyfran chi o’r incwm o eiddo yn cyfrif tuag at eich incwm cymhwysol. Er enghraifft:
- rydych yn berchen ar eiddo ar y cyd gyda’ch brawd neu chwaer, a bod yr eiddo hwnnw yn cynhyrchu £50,000 mewn incwm
- mae’r ddau ohonoch yn cael cyfran gyfartal
- nid oes gennych unrhyw incwm o hunangyflogaeth
Yn yr enghraifft hon, eich incwm cymhwysol fyddai £25,000.
Os ydych yn berchen ar eiddo a dim ond yn cael hysbysiad o’ch cyfran chi o’r incwm ar ôl i’r treuliau gael eu didynnu, yna byddwn yn asesu’r ffigwr hwnnw ar gyfer eich incwm cymhwysol.
Os gwnaethoch ddefnyddio’r sail arian parod ac wedi’ch cofrestru ar gyfer TAW
Gallwch ddewis cynnwys neu eithrio TAW pan fyddwch yn datgan incwm eich busnes. Os ydych yn ei gynnwys, yna bydd yn cyfrif tuag at eich incwm cymhwysol.
Os ydych yn fuddiolwr ymddiriedolaeth wag
Bydd unrhyw incwm o eiddo neu incwm masnachu y mae gennych hawl iddo yn cyfrif tuag at eich incwm cymhwysol.
Os ydych yn fuddiolwr ymddiriedolaeth buddiant mewn meddiant
Bydd unrhyw incwm o eiddo neu incwm masnachu a delir yn uniongyrchol i chi, ac sy’n osgoi’r ymddiriedolwyr, yn cyfrif tuag at eich incwm cymhwysol.
Os yw’r trafodion yn rheolau tir yn y DU yn berthnasol
Os caiff eich incwm ei drin fel elw masnach o dan y trafodion yn rheolau tir yn y DU, bydd yn cyfrif tuag at eich incwm cymhwysol lle mae’n ffynhonnell incwm barhaus dros fwy nag un flwyddyn dreth.
Os ydych yn cael ffioedd rheoli buddsoddiadau cudd neu fuddiant a drosglwyddir ar sail incwm
Mae’r mathau hyn o dâl yn cael eu trin fel yr elw o fasnach dybiedig, a byddant yn rhan o’ch incwm cymhwysol.
Yr hyn nad yw’n cael ei gynnwys yn eich incwm cymhwysol
Os ydych yn cael incwm o bartneriaeth
Nid yw incwm o bartneriaeth yn cyfrif tuag at eich incwm cymhwysol, oni bai eich bod yn cael ffioedd rheoli buddsoddiadau cudd neu fuddiant a drosglwyddir ar sail incwm.
Os ydych yn cael eich effeithio gan ddiwygio’r cyfnod sail
Efallai y bydd gennych elw trosiannol o flynyddoedd treth blaenorol a fydd yn cael ei asesu yn y flwyddyn dreth 2024 i 2025 a’r 4 blwyddyn dreth nesaf. Ni fydd yr elw hwn yn cyfrif tuag at eich incwm cymhwysol.
Os ydych yn ofalwr sy’n gymwys ar gyfer rhyddhad gofal cymhwysol
Ni fydd y derbyniadau rhyddhad gofal cymwys y byddwch yn ei gael yn cyfrif tuag at eich incwm cymhwysol.
Sut y mae’ch statws preswylio at ddibenion treth yn effeithio ar eich incwm cymhwysol
Os ydych yn breswylydd at ddibenion treth yn y DU
Bydd eich incwm cymhwysol yn cynnwys eich:
- incwm o hunangyflogaeth
- incwm o eiddo yn y DU ac eiddo tramor
Er enghraifft, gallech fod:
- yn unig fasnachwr yn y DU
- yn rhoi eiddo ar osod yn Ffrainc
Yn yr enghraifft hon, bydd y ddwy ffynhonnell incwm yn cyfrannu at eich incwm cymhwysol.
Os nad ydych yn breswylydd at ddibenion treth yn y DU
Bydd eich incwm cymhwysol yn cynnwys y canlynol:
- incwm o eiddo yn y DU
- incwm hunangyflogedig yr ydych wedi’i ddatgan yn eich Ffurflen Dreth Hunanasesiad yn y DU
Os oes gennych unrhyw incwm o fasnach o ddelio neu ddatblygu tir yn y DU, bydd hyn yn cael ei gynnwys.
Ni fydd incwm ac incwm o eiddo tramor nad ydych wedi’i ddatgan ar eich Ffurflen Dreth Hunanasesiad yn y DU yn cyfrannu at eich incwm cymhwysol.
Er enghraifft, gallech fod:
- yn breswylydd at ddibenion treth yn Sbaen
- yn rhoi eiddo ar osod yn y DU
- yn unig fasnachwr yn Sbaen
Yn yr enghraifft hon, dim ond eich incwm o eiddo yn y DU fyddai’n cyfrannu at eich incwm cymhwysol.
Ar ôl i chi gyfrifo’ch incwm cymhwysol
Ar ôl i chi gyfrifo’ch incwm cymhwysol, gallwch ddarganfod a oes angen i chi ddefnyddio’r cynllun Troi Treth yn Ddigidol ar gyfer Treth Incwm a phryd y dylech wneud hynny
Updates to this page
-
Guidance has been updated to clarify what sources of income do and do not count towards your qualifying income. Information has been added on how HMRC will assess your income based on your Self Assessment tax return and when your accounting period is longer or shorter than 12 months. Information has been added about what you need to do if you already use Making Tax Digital for Income Tax and you start a new business. What’s included in your qualifying income has been updated with information about income where transactions in UK land rules apply. What’s not included in your qualifying income has been updated with information about basis period reform. Information about tax residency has been updated to clarify what contributes to your qualifying income if you are UK tax resident and not UK resident.
-
Added translation