Help gyda hunangyflogaeth ar eich Ffurflen Dreth Hunanasesiad
Dod o hyd i wybodaeth ynghylch sut i lenwi adran hunangyflogaeth eich Ffurflen Dreth Hunanasesiad.
Os ydych yn hunangyflogedig, bydd gan eich busnes amryw o gostau rhedeg. Gallwch ddidynnu rhai o’r costau hyn er mwyn cyfrifo’ch elw trethadwy, cyn belled â’u bod yn dreuliau caniataol. Bydd yn rhaid i chi adio’ch holl dreuliau caniataol ar gyfer y flwyddyn dreth at ei gilydd, a nodi’r cyfanswm yn eich Ffurflen Dreth Hunanasesiad.
Gallwch ddefnyddio cyfrifyddu ar sail arian parod i gyfrifo eich incwm a’ch treuliau (yn agor tudalen Saesneg) ar gyfer eich Ffurflen Dreth Hunanasesiad, os ydych yn unig fasnachwr neu’n bartneriaeth heb bartneriaid corfforaethol.
Nid oes angen i chi anfon tystiolaeth o’ch treuliau pan fyddwch yn cyflwyno’ch Ffurflen Dreth Hunanasesiad. Er hynny, dylech gadw tystiolaeth a chofnodion fel y gallwch eu dangos i CThEF, os gofynnir i chi wneud hynny.
Taflenni cymorth ar gyfer llenwi’ch Ffurflen Dreth
Mae taflenni cymorth yn rhoi gwybodaeth a all eich helpu i lenwi adrannau penodol o’ch Ffurflen Dreth Hunanasesiad. Er enghraifft, gwirio a ydych yn gymwys ar gyfer rhyddhad penodol, a sut i gyfrifo ffigurau y bydd angen i chi eu cynnwys yn eich Ffurflen Dreth.
Mwy nag un busnes
Dod o hyd i wybodaeth ynghylch sut i lenwi’ch Ffurflen Dreth Hunanasesiad os oes gennych fwy nag un busnes (HS220) (yn agor tudalen Saesneg).
Amaethyddol
Darllenwch y taflenni cymorth er mwyn gwneud y canlynol:
-
gwirio rhyddhadau a rheolau ar gyfer ffermwyr a masnach-arddwyr (HS224) (yn agor tudalen Saesneg)
-
dysgu am brisio stoc fferm (HS232) (yn agor tudalen Saesneg)
Galwedigaeth arall neu swydd-benodol
Darllenwch y taflenni cymorth i gael rhagor o wybodaeth am y canlynol:
-
y rhyddhad treth cyfartalu ar gyfer awduron neu artistiaid (HS234) (yn agor tudalen Saesneg)
-
rhyddhad gofal cymhwysol i ofalwyr (HS236) (yn agor tudalen Saesneg)
Taflenni Cymorth hunangyflogaeth eraill
Darllenwch y taflenni cymorth i gael rhagor o wybodaeth am y canlynol:
-
y terfyn ar ryddhadau Treth Incwm (HS204) (yn agor tudalen Saesneg)
-
hawlio rhyddhad ar gyfer colledion masnachu (HS227) (yn agor tudalen Saesneg)
-
lwfansau cyfalaf a thaliadau mantoli (HS252) (yn agor tudalen Saesneg)
Fideos YouTube CThEF
Rhestr chwarae fideos hunangyflogaeth ar YouTube
Gwyliwch gasgliad o fideos CThEF er mwyn dysgu rhagor am hunangyflogaeth (yn agor tudalen Saesneg) ac er mwyn eich helpu i ddeall a llenwi adran hunangyflogaeth eich Ffurflen Dreth.
Byddwch yn dysgu am y canlynol:
-
cael help gyda diwygio’r cyfnod sail
-
sut i gadw cofnodion
-
sail arian parod a threuliau symlach
-
pa dreuliau y gallwch eu cynnwys ar eich Ffurflen Dreth
-
hawlio treuliau moduro
-
pa dreuliau hunangyflogedig sy’n cael eu caniatáu ar gyfer safleoedd busnes
-
treuliau caniataol eraill y busnes
-
cyfraniadau Yswiriant Gwladol Dosbarth 2
Gweminar am hunangyflogaeth wedi’i recordio
Gwyliwch weminar sydd wedi’i recordio ynghylch adran hunangyflogaeth eich Ffurflen Dreth ar-lein.
Adran hunangyflogaeth eich Ffurflen Dreth ar-lein (yn agor tudalen Saesneg)
Byddwch yn dysgu am y canlynol:
-
busnes a throsiant
-
treuliau
-
lwfansau cyfalaf a thaliadau mantoli
-
colledion
-
treth a ddidynnwyd a chyfraniadau Yswiriant Gwladol Dosbarth 4
Ffurflen Dreth bapur
Os byddwch yn llenwi Ffurflen Dreth ar bapur, efallai y bydd angen i chi ddefnyddio tudalen atodol i gofnodi incwm hunangyflogaeth ar eich Ffurflen Dreth SA100. Gallwch ddefnyddio naill ai:
-
tudalen atodol SA103S — os oedd trosiant blynyddol eich busnes yn £90,000 neu lai ar gyfer y flwyddyn dreth
-
tudalen atodol SA103F — os oedd trosiant blynyddol eich busnes yn fwy na £90,000 ar gyfer y flwyddyn dreth