Gwneud cais i dalu cyfraniadau Yswiriant Gwladol Dosbarth 3 gwirfoddol ar gyfer cyfnodau dramor
Defnyddiwch y gwasanaeth ar-lein hwn i wneud cais i dalu cyfraniadau Yswiriant Gwladol Dosbarth 3 gwirfoddol os ydych wedi cael llythyr gan CThEF.
I ddefnyddio’r gwasanaeth hwn, mae’n rhaid i chi fod wedi cael llythyr gan CThEF yn dweud wrthych fod eich trefniant cyfraniadau Yswiriant Gwladol Dosbarth 2 gwirfoddol ar gyfer amser a dreuliwyd dramor wedi dod i ben.
Os ydych yn gwneud cais am y tro cyntaf neu ar ôl seibiant, defnyddiwch ffurflen CF83 i wneud cais i dalu cyfraniadau Yswiriant Gwladol gwirfoddol.
Os ydych o dan oedran Pensiwn y Wladwriaeth, gallwch wirio rhagolwg o’ch Pensiwn y Wladwriaeth neu gysylltu â Chanolfan Pensiwn y Dyfodol i weld a fyddwch yn elwa o dalu cyfraniadau gwirfoddol.
Os ydych dros oedran Pensiwn y Wladwriaeth, neu os byddwch yn cyrraedd oedran Pensiwn y Wladwriaeth yn ystod y 6 mis nesaf, cysylltwch â’r Ganolfan Pensiynau Rhyngwladol (yn agor tudalen Saesneg). Byddant yn gwirio a oes gennych fwlch yn eich cyfraniadau Yswiriant Gwladol ac yn rhoi gwybod i chi faint sydd angen i chi ei dalu.
Gwirio a allwch wneud cais
O 6 Ebrill 2026 ymlaen, ni fyddwch yn gallu talu cyfraniadau Yswiriant Gwladol Dosbarth 2 gwirfoddol ar gyfer amser a dreuliwyd dramor.
Mae’n bosibl y gallwch dalu cyfraniadau Yswiriant Gwladol Dosbarth 3 gwirfoddol ar gyfer cyfnodau dramor o flwyddyn dreth 2026 i 2027 ymlaen.
Mae’n rhaid i chi fodloni’r amodau canlynol:
-
gwnaethoch gais i dalu cyfraniadau Yswiriant Gwladol Dosbarth 2 neu Ddosbarth 3 gwirfoddol ar gyfer y blynyddoedd treth 2024 i 2025 neu 2025 i 2026 ar neu cyn 5 Ebrill 2026
-
rydych yn talu neu wedi talu’r cyfraniadau Yswiriant Gwladol gwirfoddol y gwnaethoch gais amdanynt ar neu cyn 5 Ebrill 2027
-
mae’n rhaid i chi wneud cais i dalu cyfraniadau Yswiriant Gwladol Dosbarth 3 ar gyfer blwyddyn dreth 2026 i 2027 ar neu cyn 5 Ebrill 2027
Ni fydd y rheolau hyn yn berthnasol pan fyddwch yn dychwelyd i fyw neu weithio yn y DU.
Cyn i chi ddechrau
Bydd angen y canlynol arnoch i wneud cais:
-
eich enw llawn
-
eich dyddiad geni
-
eich rhif Yswiriant Gwladol — gallwch ddod o hyd i’ch rhif Yswiriant Gwladol os ydych wedi’i golli
-
eich cyfeiriad yn y DU, os yw’n berthnasol
-
eich cyfeiriad dramor, os yw’n berthnasol
Gwneud cais i dalu
Defnyddiwch y gwasanaeth ar-lein hwn i wneud cais i dalu cyfraniadau Yswiriant Gwladol Dosbarth 3 gwirfoddol os yw CThEF wedi ysgrifennu i ddweud wrthych am wneud hynny.
Casglwch eich holl wybodaeth at ei gilydd cyn i chi ddechrau.
Yr hyn sy’n digwydd nesaf
Os ydym yn cymeradwyo eich cais i dalu cyfraniadau Yswiriant Gwladol Dosbarth 3 gwirfoddol ar gyfer cyfnodau dramor, byddwn yn ysgrifennu atoch i roi gwybod i chi a chadarnhau’r symiau a’r dyddiadau talu.
Gwiriwch pryd y gallwch ddisgwyl ateb gan CThEF.
Os oes gennych unrhyw gwestiynau pellach ynghylch talu cyfraniadau Yswiriant Gwladol a byw dramor, gallwch gysylltu â Gwasanaeth Cwsmeriaid Cymraeg CThEF.