Gwneud cais am eithriad rhag Troi Treth yn Ddigidol ar gyfer Treth Incwm
Gwiriwch a allwch wneud cais am eithriad rhag Troi Treth yn Ddigidol ar gyfer Treth Incwm.
Byddwch yn gallu gwneud cais am eithriad rhag defnyddio Troi Treth yn Ddigidol ar gyfer Treth Incwm os ydych o’r farn eich bod yn un o’r rheiny sydd wedi’u cau allan o’r byd digidol. Gallwch wneud cais os yw’r canlynol yn berthnasol:
- nad yw hi’n ymarferol i chi ddefnyddio meddalwedd er mwyn cadw cofnodion digidol na’u cyflwyno - gallai hyn fod oherwydd eich oedran, anabledd, lleoliad neu reswm arall
- eich bod yn aelod gweithredol o gymdeithas (neu urdd) grefyddol y mae ei chredoau’n anghydnaws â defnyddio cyfathrebiadau electronig neu gadw cofnodion electronig
Bydd angen i chi esbonio sut mae’r rhesymau hyn yn berthnasol i’ch amgylchiadau chi.
Os yw CThEM eisoes wedi cadarnhau eich bod wedi eich eithrio rhag Troi Treth yn Ddigidol ar gyfer TAW am un o’r rhesymau hyn, yna ni fydd angen i chi wneud cais am eithriad rhag Troi Treth yn Ddigidol ar gyfer Treth Incwm.
Byddwn yn ystyried yr wybodaeth rydych yn ei hanfon atom a rhown wybod i chi am y naill neu’r llall o’r canlynol:
- eich bod wedi eich eithrio (rhown wybod i chi’r hyn sydd angen i chi ei wneud nesaf)
- pam nad ydych wedi’ch eithrio a sut y gallwch apelio
Os nad ydych wedi’ch eithrio bydd angen i chi gofrestru ar gyfer Troi Treth yn Ddigidol ar gyfer Treth Incwm.
Os yw’r rheswm dros eich eithriad ddim yn gymwys mwyach mae’n rhaid i chi roi gwybod i CThEM cyn pen 3 mis.
Byddwn yn rhoi gwybod i chi’n hwyrach ymlaen sut i wneud cais ar gyfer eithriad.
Diweddarwyd ddiwethaf ar 11 February 2022 + show all updates
-
The reasons for when to apply for an exemption from using Making Tax Digital for Income Tax have been clarified.
-
Added translation
-
First published.