Canllawiau

Ionawr 2020: Cylchlythyr ymgysylltu â landlordiaid Credyd Cynhwysol

Diweddarwyd 1 April 2020

Nod y cylchlythyr Credyd Cynhwysol hwn yw darparu gwybodaeth gyfoes i landlordiaid cymdeithasol a phreifat am Gredyd Cynhwysol.

1. Cyhoeddiadau diweddar

1.1 Uwchraddio Lwfans Tai Lleol 2020/21

Ar 13 Ionawr cyhoeddodd Gweinidogion y byddai Lwfans Tai Lleol (LHA) yn cael ei uwchraddio yn ôl y CPI (1.7%) o Ebrill 2020, gan ddod a rhewi’r cyfraddau LHA i ben. Mae hyn yn golygu y bydd holl gyfraddau 2019/20, yn cynnwys y capiau cenedlaethol, yn cael eu cynyddu o 1.7% hyd at uchafswm o’r 30ain canran.

Bydd y cyfraddau ar gyfer 2020/21 yn cael eu cyhoeddi, yn unol â threfniadau arferol, ar ddiwrnod gwaith olaf mis Ionawr a byddant yn weithredol o Ebrill 2020.

1.2 Cronfa Trosglwyddo i UC £10 miliwn

Ar 1 Tachwedd 2019 cyhoeddodd yr Ysgrifennydd Gwladol Cronfa Trosglwyddo i Gredyd Cynhwysol £10 miliwn ar gyfer rhaglenni allgymorth i helpu pobl fregus i wneud ceisiadau Credyd Cynhwysol.

1.3 Ystadegau Credyd Cynhwysol 29 Ebrill 2013 i 12 Rhagfyr 2019

Ystadegau Credyd Cynhwysol 29 Ebrill 2013 i 12 Rhagfyr 2019

Mae’r ystadegau hyn yn cwmpasu’r nifer o bobl a chartrefi ar Gredyd Cynhwysol, mae dechreuwyr a cheisiadau wedi cael eu diweddaru.

2. Cynhyrchion newydd

2.1 Arweiniad UC i landlordiaid a Gwybodaeth i landlordiaid

Rydym wedi dod at ei gilydd yr holl Arweiniad UC i Landlordiaid a gwybodaeth i landlordiaid i mewn un tudalen a elwir Gwybodaeth i landlordiaid

Bydd y casgliad hwn o wybodaeth yn ei gwneud yn haws i landlordiaid lywio a chael gafael ar yr help sydd ei angen arnynt i gefnogi eu tenantiaid UC.

2.2 Fideo landlord

Mae fideo newydd i Landlordiaid Sector Rhentu Preifat wedi cael ei ddatblygu gyda Chynrychiolwyr Landlordiaid Preifat a’i gyhoeddi ar y wefan ‘Understanding Universal Credit’.

2.3 Landlordiaid Sector Rhentu Preifat a thaith yr hawlydd

Mae cyfathrebiad darluniadol newydd wedi’i ddatblygu ar gyfer Landlordiaid Sector Rhentu Preifat i’w helpu i ddeall taith y landlord a’r hawlydd. Gellir dod o hyd i hyn hefyd ar y wefan ‘Understanding Universal Credit’.

2.4 Llwybr ymholiadau tai

Mae llwybr newydd wedi’i gyhoeddi ar dudalennau landlord y wefan ‘Understanding Universal Credit’ i amlygu’r llwybrau i’w cymryd os ydych angen cysylltu â ni.

I gael gwybodaeth gyffredinol am Gredyd Cynhwysol gallwch siarad â’ch Rheolwr Partneriaeth. Am wybodaeth benodol mewn perthynas ag un o’ch tenantiaid gallwch siarad â’ch tenant neu gallwch gysylltu â’r Ganolfan Gwasanaeth.

Gellir dod o hyd i fwy o wybodaeth am beth mae angen i landlordiaid ei wneud ar y wefan ‘Understanding Universal Credit’

2.5 Porth Landlordiaid i Landlordiaid Sector Rhentu Cymdeithasol

Sut i gael mynediad i’r Porth Landlordiaid Credyd Cynhwysol – Ar gyfer Landlordiaid Sector Rhentu Cymdeithasol

Cyflwynwyd y Porth Landlordiaid Credyd Cynhwysol a’r Cynllun Partner Dibynadwy i landlordiaid ym mis Awst August 2017, mae gennym bellach dros 700 o Landlordiaid cymdeithasol wedi ymrestru ar Borth Landlordiaid UC.

Mae defnyddio Porth Landlordiaid UC yn wahanol i’r broses e-bost sefydledig ar gyfer gwirio rhent. Mae’r Porth UC yn caniatáu i landlordiaid cymdeithasol wirio rhent a chyflwyno ceisiadau am daliadau wedi’u rheolir trwy’r Porth, yn lle defnyddio’r broses e-bost.

Sut wyf yn cael gwybod fy mod yn gymwys i ymrestru ar y Porth Landlordiaid UC?

Os ydych yn landlord cymdeithasol a hoffech gael mwy o wybodaeth, neu i weld a ydych yn gymwys ar gyfer y Cynllun Partner Dibynadwy ac ymrestru i’r Porth Landlordiaid Credyd Cynhwysol, dylech gyfeirio at y canllaw am y cynllun partner dibynadwy i landlordiaid.

Yna byddwn yn cysylltu â chi i drafod ymrestriad posib os yw’n briodol.

3. Datblygu cynnyrch UC

3.1 Amlder talu Taliadau Wedi’u Rheoli i’r Sector Rhentu Cymdeithasol

Rydym yn parhau i brofi’r nodwedd newydd sy’n anfon Taliadau Wedi’u Rheoli i landlordiaid ar yr un pryd â thaliad yr hawlydd ac yn gobeithio gallu cyhoeddi ein camau nesaf yn gynnar yn y Gwanwyn.

3.2 Newidiadau Rhent 2020

Mae’r dull o gefnogi newidiadau rhent yn 2020 yn dal i gael ei gytuno. Byddwn yn cyhoeddi mwy o wybodaeth am hyn ar Gov.uk. Mae’n parhau i fod yn gyfrifoldeb yr hawlydd i roi gwybod am bob newid mewn amgylchiadau (gan gynnwys costau tai) pan fyddant yn digwydd, trwy eu cyfrif UC; a gofynnwn i bob landlord weithio gyda’u tenantiaid UC i sicrhau eu bod yn rhoi gwybod am unrhyw newidiadau i gostau tai ar yr amser cywir.

Rydym wedi gweithio gyda grŵp o landlordiaid i ddylunio dull i helpu i lywio eu hysbysiadau fel y gall hawlwyr ddatgan gwybodaeth yn gywir.

Rydym hefyd yn archwilio sut a phryd y gallem swmp-lwytho i fyny i wirio data hawlwyr.

3.3 Hysbysiadau newidiadau rhent

Ar ddydd Mercher 15fed Ionawr 2020, cynhaliodd DWP gweithdy ym Manceinion, gyda chynrychiolwyr 5 landlord cymdeithasol a swyddogion amrywiol o Raglen Credyd Cynhwysol DWP.

Nod y cyfarfod oedd sicrhau gwell dealltwriaeth o anghenion hawlwyr Credyd Cynhwysol mewn perthynas â’r hysbysiad newid Rhent Blynyddol.

Roedd y sesiynau hefyd yn edrych ar:

• beth sy’n mynd i mewn i hysbysiadau cynnydd rhent presennol a pham

• trosolwg o’r ‘peth i’w wneud’ y mae’n rhaid i’r hawlydd ei gwblhau i roi gwybod am y newid

• pa wybodaeth mae hawlydd ei angen i gwblhau’r ‘peth i’w wneud’ yn llwyddiannus

• beirniadaeth ar sampl o hysbysiadau cynnydd rhent a ddarperir gan landlordiaid yn y gweithdy

Nododd y sesiynau y gallai’r hysbysiadau fod ‘yn gliriach’.

Ystyriodd y sesiwn olaf welliannau y gallai landlordiaid eu gwneud i lythyrau cynyddu rhent i helpu eu tenantiaid i ddarparu gwybodaeth rent cywir.

Awgrymwyd y geiriad canlynol gan Landlordiaid Sector Rhentu Cymdeithasol a fynychodd ac fe gytunwyd y byddai’n galluogi hawlydd UC i roi gwybod am newid i’w rhent.

O’r [rhowch ddyddiad y newid] eich costau rhent newydd fydd [rhowch y rhent newydd] a’ch costau gwasanaeth cymwys newydd fydd [rhowch y costau gwasanaeth cymwys newydd] i’w dalu [rhowch amlder].

Dylech roi gwybod i DWP am y newid hwn ar, neu cyn gynted â phosib ar ôl ‘Rhowch ddyddiad y newid’.

Mae croeso i chi ddefnyddio’r geiriad hyn ar eich hysbysiadau cynnydd rhent os ydych yn dymuno.

4. Awgrymiadau i landlordiaid

4.1 Dyma ein hawgrymiadau i’ch helpu i gefnogi eich tenant gyda’u cais Credyd Cynhwysol.

• Mae’n bwysig eich bod yn defnyddio’r fersiwn fwyaf diweddar o’r UC47. Gwiriwch yn rheolaidd i ddod o hyd i’r fersiwn diweddaraf o’r Canllaw Credyd Cynhwysol a landlordiaid a UC47

• Sicrhau bod gan eich tenantiaid ddogfennau cywir sy’n profi eu hatebolrwydd i dalu rhent a’u deiliadaeth o’r eiddo y maent yn gwneud cais amdano. Gallai tystiolaeth goll neu wallus ohirio eu taliad cyntaf.

• Bydd annog eich tenantiaid i agor cyfrif banc, cymdeithas adeiladu neu undeb credyd yn sicrhau eu bod yn barod ar gyfer eu taliad Credyd Cynhwysol cyntaf, ac yn caniatáu iddynt drefnu debydau uniongyrchol neu archebion sefydlog ar gyfer eu rhent.

• Atgoffwch eich tenant, os na allant ymdopi tan eu taliad cyntaf, gallant wneud cais am daliad ymlaen llaw. Bydd yr uchafswm y gallant ei gael yr un fath â’u taliad misol amcangyfrifedig Credyd Cynhwysol cyntaf. Bydd angen iddynt dalu hyn yn ôl o daliadau Credyd Cynhwysol yn y dyfodol, fel arfer dros 12 mis, er y bydd hyn yn cael ei ymestyn i 16 mis yn 2021.

• Gall eich tenant ddefnyddio peth o’u taliad ymlaen llaw o Gredyd Cynhwysol i helpu i dalu eu rhent. Siaradwch â’ch tenant pan fyddwch yn eu cefnogi gyda’u cais am Gredyd Cynhwysol.

• Anogwch eich tenant i drafod eu gallu i gyllidebu gyda’u hanogwr gwaith fel y gellir nodi unrhyw Drefniadau Talu Amgen ar ddechrau’r cais.

• Cyngor Ar Bopeth (Cymru a Lloegr) a Chyngor Ar Bopeth Yr Alban yn darparu gwasanaeth ‘Help i Wneud Cais’ i unrhyw un sydd angen cymorth i wneud cais newydd am Gredyd Cynhwysol. Gellir cael mynediad at Help i Wneud Cais unrhyw bryd tan mae’r taliad llawn gywir cyntaf o Gredyd Cynhwysol mewn lle. Mae hyn yn cynnwys unrhyw un yn symud o fudd-dal arall i Gredyd Cynhwysol yn dilyn newid mewn amgylchiadau. Gellir cael mynediad i’r gwasanaeth drwy sgwrs gwe, drwy rif rhadffôn ac wyneb yn wyneb drwy wasanaethau lleol Cyngor Ar Bopeth.

• Gall landlordiaid gyfeirio unrhyw un sydd angen help drwy Cyngor Ar Bopeth, neu os ydych yn byw yn Yr Alban, Cyngor Ar Bopeth Yr Alban.

Mwy o wybodaeth am gael taliad ymlaen llaw.

4.2 Cysylltu â Chredyd Cynhwysol am eich rhent – ymarfer da i landlordiaid

Yn y lle cyntaf, dylai’r landlord gysylltu â’u tenant ynghylch unrhyw fater gan fod gan y tenant fynediad i’w gwybodaeth eu hunan trwy eu cyfrif ar-lein.

Gall y tenant rannu’r wybodaeth o’u cyfrif gyda’u landlord neu gynrychiolydd arall, os ydynt yn dymuno, gan fod hyn yn cynnwys gwybodaeth am daliadau tai a wnaed.

Ni ddylai’r landlord:

a. gofyn am neu ddal y manylion mewngofnodi ar gyfer cyfrif ar-lein Credyd Cynhwysol tenant a/neu

b. gwneud datgelu’r manylion hyn neu ganiatáu mynediad i gyfrif ar-lein y tenant yn un o amodau’r denantiaeth

Os oes angen mwy o gymorth, gall yr hawlydd ofyn am hyn trwy eu dyddlyfr, wyneb yn wyneb â’u hanogwr gwaith neu trwy gysylltu â’r ganolfan wasanaeth dros y ffôn.

Cyn y gall landlord gysylltu â’r DWP i drafod achos eu tenantiaid, yn gyntaf rhaid i’r hawlydd fod wedi rhoi eu caniatâd penodol i rannu eu gwybodaeth bersonol gyda’u landlord neu gynrychiolydd arall trwy eu dyddlyfr, wyneb yn wyneb â’u hyfforddwr gwaith neu drwy gysylltu â’r ganolfan gwasanaeth dros y ffôn.

Bydd angen rhoi caniatâd ar gyfer pob ymholiad ar wahân gan y landlord.

Wrth gysylltu â Chredyd Cynhwysol, gofynnir i’r landlord gadarnhau pwy ydynt fel y gall y rheolwr achos siarad â’r landlord yn uniongyrchol.

Os na allwch ymgysylltu â’ch tenant, gallwch gysylltu â’r ganolfan gwasanaeth.

Canolfan Gwasanaeth Credyd Cynhwysol

Ffôn: 0800 328 5644

Llinell Gymraeg: 0800 328 1744
Ffôn testun: 0800 328 1344

NGT text relay – os na allwch glywed neu siarad ar y ffôn: 18001 yna 0800 328 5644

Dydd Llun i ddydd Gwener, 8am i 6pm

Darganfyddwch am gostau galwadau

Pan yn defnyddio llinell Saesneg y canolfan gwasanaeth, bydd y system teleffoni integredig yn hidlo’r alwad yn uniongyrchol i’r rheolwr achos sy’n delio â’r hawliad cyn belled ag y gellir ateb rhai cwestiynau adnabod unigryw am yr hawlydd.

Mae’r rhain yn cynnwys:

• y rhif ffôn y mae’r hawlydd wedi’i gofrestru gyda Chredyd Cynhwysol

• eu cod post

• llinell gyntaf eu cyfeiriad

• eu dyddiad geni

Bydd angen caniatâd penodol os yw’r landlord yn ffonio ar eu rhan.

Rydym yn argymell bod yr hawlydd bob amser wrth law pan fydd unrhyw gynrychiolydd yn cysylltu â chanolfan gwasanaeth UC ar ran hawlydd y maent yn ei gefnogi.

Os ydych yn cael anawsterau, cysylltwch â’r tîm partneriaeth DWP yn eich ardal i gael gwybod sut y gallwn weithio gyda’n gilydd.

Mae hefyd mwy o wybodaeth am Credyd Cynhwysol a landlordiaid ar gael.

5. Gwybodaeth Ychwanegol

5.1 Canllaw Taliadau Trydydd Parti

Mae Llinell Gymorth Gwasanaethau Talu Trydydd Parti yn parhau i dderbyn galwadau yn ymholi am yr hyn sy’n ymddangos fel ‘taliadau a gollwyd’. Mae’r darn canlynol o’r Llawlyfr Credydwyr Trydydd Parti yn egluro’r cylch talu a fydd gobeithio yn mynd peth o’r ffordd i leihau ymholiadau.

Unwaith y bydd taliadau wedi’u sefydlu ar y system daliadau trydydd parti, byddwch chi, y credydwr, fel arfer yn derbyn taliad bob 28 diwrnod mewn ôl-ddyledion 28 diwrnod. Fel rheol, bydd credydwyr yn disgwyl derbyn y taliad cyntaf i gwsmer ar eich amserlen talu nesaf cyn pen 6 wythnos o’r dyddiad y mae’r didyniadau wedi cychwyn.

O ganlyniad, byddwch yn derbyn 12 taliad mewn blwyddyn galendr. Mae hyn oherwydd bod cyfnodau asesu ar gyfer Credyd Cynhwysol yn galendr yn fisol - felly rydym yn asesu pa ddidyniadau y gellir eu gwneud o Gredyd Cynhwysol 12 gwaith bob blwyddyn ar ddiwedd pob cyfnod asesu.

O ganlyniad, bydd bob amser un cylch talu 28 diwrnod bob blwyddyn nad yw’n cyd-fynd â’r asesiad o ddidyniadau o Gredyd Cynhwysol. Bydd hyn yn dibynnu ar ddyddiad y cyfnod asesu ar gyfer cwsmer penodol a’r dyddiadau penodol sy’n berthnasol i’r credydwr am ddyled benodol: mae dyddiad y cyfnod asesu yn dibynnu ar ddyddiad y cais.

Gall y taliad a dderbyniwch newid o fis i fis yn dibynnu ar ba ddidyniadau eraill a wneir yn unol â’r drefn blaenoriaeth.

Bydd taliad BACS (Bank Automated Clearing System) yn cael ei wneud i’r cyfrif banc a enwir gennych chi, y credydwr.

Mae mwy o wybodaeth am sut rydym yn talu landlordiaid gan ddefnyddio’r system dalu trydydd parti yn y Llawlyfr Credydwyr DWP

5.2 Credyd Cynhwysol a phobl ddigartref

Gwybodaeth am Gredyd Cynhwysol i bobl ddigartref, y rhai sydd mewn perygl o fod yn ddigartref a’r sefydliadau sy’n eu cefnogi

5.3 Cymorth i Ffoaduriaid

Mae Credyd Cynhwysol wedi bod yn gweithio gyda’r Swyddfa Gartref a’r Cyngor Ffoaduriaid i ddatblygu cynnyrch a fydd yn helpu ffoaduriaid i gael y gefnogaeth sydd ei hangen arnynt ar yr adeg briodol. Mae’r cynnyrch newydd yn annog ffoaduriaid i weithredu’n gyflym i sicrhau bod llety a chymorth ariannol mewn lle ar ddiwedd y cyfnod ‘symud ymlaen’.

Mae’r cynnyrch yn amlinellu pa mor bwysig yw hi i ffoaduriaid gymryd camau priodol ar ôl iddynt gael caniatâd i aros yn y DU.

Profwyd y cynnyrch gyda ffoaduriaid a rhai sefydliadau cefnogi ffoaduriaid. Mae’r adborth a gawsom wedi bod yn gadarnhaol iawn. Mae’n bwysig ein bod bellach yn rhannu’r wybodaeth hon gyda’r sefydliadau cynghori a chymorth perthnasol.

Dyma fersiwn testun o’r daflen.

5.4 Cynyddu cymorth gan DWP i gyn-filwyr

Bydd mwy o gyn-filwyr y lluoedd arfog yn cael eu helpu i waith diolch i ariannu newydd a fydd yn darparu cymorth arbenigol ychwanegol mewn canolfannau gwaith.

6. Sefydlu rhybuddion e-bost

Mae rhybuddion e-bost yn ffordd dda o dderbyn gwybodaeth am Gredyd Cynhwysol (UC) sydd wedi’i ddiweddaru ar GOV.UK.

Cofrestrwch am rybuddion e-bost ac ychwanegwch eich cyfeiriad e-bost a phenderfynu pa mor aml yr hoffech dderbyn y rhybuddion.

Os ydych yn hoffi’r cylchlythyr hwn ac eisiau gallu dod o hyd iddo eto yn nes ymlaen, yn dibynnu pa borwr gwefan rydych yn ei ddefnyddio, ychwanegwch ef naill ai at eich “ffefrynnau” neu’ch “bookmarks”.

Nid oes gennym restr ddosbarthu ar wahân ar gyfer y cylchlythyr hwn.