Canlyniad yr ymgynghoriad

Creu cenhedlaeth ddi-fwg a mynd i’r afael â fepio ymhlith pobl ifanc

Gan:: Department of Health and Social Care
Cyhoeddwyd: 20 October 2023
Diweddarwyd ddiwethaf: 12 February 2024 — Gweld pob diweddariad

Llwytho'r canlyniad llawn i lawr

Ymgynghoriad creu cenhedlaeth ddi-fwg a mynd i'r afael â fepio ymhlith pobl ifanc: ymateb y llywodraeth

HTML

Manylion am y canlyniad

Roedd y mwyafrif llethol o ymatebion yn cefnogi cynnig y llywodraeth i greu cenhedlaeth ddi-fwg.

Ar y cyfan, roedd yr ymatebwyr o blaid y mesurau arfaethedig i fynd i’r afael â fepio ymhlith pobl ifanc, yn enwedig cyfyngu arddangosfeydd man gwerthu a chyfyngu deunydd pacio. Ond roedd safbwyntiau cymysg ar y ffordd orau o wneud hyn.

Roedd cefnogaeth hefyd i ymestyn y rheoliadau hyn i gynnwys fêps heb nicotin yn ogystal â chynhyrchion nicotin eraill i ddefnyddwyr, fel bagiau bach nicotin, i osgoi diangfeydd ac i gefnogi gorfodi cryfach.

Roedd ymatebwyr yn gryf o blaid cyflwyno gwaharddiad ar werthu a chyflenwi cynhyrchion fepio tafladwy.

Roedd cefnogaeth sylweddol i orfodi ar draws y mesurau tybaco a fepio gan gynnwys cyflwyno hysbysiadau cosb benodedig newydd yn Lloegr.

Bydd Llywodraeth y DU a’r gweinyddiaethau datganoledig bellach yn cyflwyno mesurau i greu’r genhedlaeth ddi-fwg gyntaf a mynd i’r afael â’r cynnydd i fepio ymhlith pobl ifanc.

Ymgynghoriad gwreiddiol

Disgrifiad o'r ymgynghoriad

See the English version of this consultation

Mae’r ymgynghoriad hwn yn gofyn cwestiynau am gamau y bwriedir eu cymryd i ddiogelu cenedlaethau’r dyfodol rhag niwed smygu, drwy greu’r genhedlaeth ddi-fwg gyntaf. Mae hefyd yn holi ynghylch cynigion i fynd i’r afael â fepio ymhlith pobl ifanc ac i sicrhau bod y gyfraith yn cael ei gorfodi.

Amlinellir y camau arfaethedig yn fanylach yn Stopping the start: our new plan to create a smokefree generation.

Mae’r ymgynghoriad yn gofyn cwestiynau am 3 maes y byddai angen deddfwriaeth newydd ar eu cyfer, sef:

Creu cenhedlaeth ddi-fwg: ymgynghori ar y polisi cenhedlaeth ddi-fwg a chwmpas y polisi.
Mynd i’r afael â fepio ymhlith pobl ifanc: ymgynghori ar sawl opsiwn i sicrhau ein bod yn cymryd y camau mwyaf priodol ac effeithiol, gan adeiladu ar ddadansoddiad Lloegr o’r alwad am dystiolaeth ar fepio ymhlith pobl ifanc.
Gorfodi: ymgynghori ar y cynnig i gyflwyno pwerau newydd i awdurdodau lleol yng Nghymru a Lloegr allu rhoi hysbysiadau cosb benodedig er mwyn gorfodi deddfwriaeth ynghylch oedran gwerthu cynhyrchion tybaco a fêps.

Dogfennau