Cyfrifon Cynilo Unigol (ISAs)
Os byddwch yn marw
Bydd eich ISA yn dod i ben pan fydd naill ai:
- eich ysgutor yn ei gau
- y gwaith o weinyddu eich ystad wedi’i gwblhau
Fel arall, bydd eich darparwr ISA yn cau eich ISA 3 blynedd ac 1 diwrnod ar ôl i chi farw.
Fydd dim angen talu unrhyw Dreth Incwm na Threth Enillion Cyfalaf hyd at y dyddiad hwnnw, ond bydd buddsoddiadau ISA yn rhan o’ch ystad at ddibenion Treth Etifeddiaeth.
ISAs stociau a chyfranddaliadau
Gellir cyfarwyddo eich darparwr ISA i naill ai:
- gwerthu’r buddsoddiadau a thalu’r elw i weinyddwr neu fuddiolwr eich ystad
- trosglwyddo’r buddsoddiadau i ISA eich priod neu bartner sifil sy’n fyw - dim ond os oes ganddynt yr un darparwr ISA â chi y mae hyn yn bosibl
Edrychwch ar delerau ac amodau eich ISA i gael y manylion.