Cyfrifon Cynilo Unigol (ISAs)

Sgipio cynnwys

Sut mae cyfrifon ISA yn gweithio

Mae 4 math o Gyfrif Cynilo Unigol (ISA):

Nid ydych yn talu treth ar y canlynol:

  • llog ar arian mewn ISA
  • incwm neu enillion cyfalaf o fuddsoddiadau mewn ISA

Os byddwch yn llenwi Ffurflen Dreth, nid oes angen i chi ddatgan unrhyw log, incwm nac enillion cyfalaf ar yr ISA.

Rhoi arian mewn ISA

Bob blwyddyn dreth, gallwch gynilo hyd at £20,000 mewn un cyfrif neu rannu’r lwfans ar draws sawl cyfrif. Mae’r flwyddyn dreth yn rhedeg o 6 Ebrill i 5 Ebrill.

Gallwch dim ond talu i mewn i un ISA Gydol Oes mewn blwyddyn dreth. Yr uchafswm y gallwch ei dalu i mewn yw £4,000 mewn blwyddyn dreth.

Enghraifft 1

Gallech gynilo £15,000 mewn ISA arian parod, £2,000 mewn ISA stociau a chyfranddaliadau a £3,000 mewn ISA cyllid arloesol mewn un flwyddyn dreth.

Enghraifft 2

Gallech gynilo £11,000 mewn ISA arian parod, £2,000 mewn ISA stociau a chyfranddaliadau, £3,000 mewn ISA cyllid arloesol a £4,000 mewn ISA Gydol Oes mewn un flwyddyn dreth.

Enghraifft 3

Gallech gynilo £10,000 mewn un ISA arian parod, £3,000 mewn ISA arian parod arall a £7,000 mewn ISA stociau a chyfranddaliadau mewn un flwyddyn dreth.

Ni fydd eich ISAs yn cau pan fydd y flwyddyn dreth yn dod i ben. Byddwch yn cadw’ch cynilion ar sail ddi-dreth cyhyd â’ch bod yn cadw’r arian yn eich cyfrifon.

Beth allwch ei gynnwys yn eich ISAs

Gall ISAs arian parod gynnwys:

Gall ISAs stociau a chyfranddaliadau gynnwys:

  • cyfranddaliadau mewn cwmnïau
  • ymddiriedolaethau unedol a chronfeydd buddsoddi
  • bondiau corfforaethol
  • bondiau’r llywodraeth
  • cronfeydd asedion tymor hir

Ni ellir dal nodynnau cyfnewid a fasnachir mewn cryptoasedion mewn ISA stociau a chyfranddaliadau, oni bai eu bod eisoes wedi’u dal yno cyn 6 Ebrill 2026. Bydd angen iddynt gael eu dal mewn ISA cyllid arloesol.

Ni allwch drosglwyddo unrhyw gyfranddaliadau nad ydynt yn rhan o ISA rydych chi eisoes yn berchen arnynt i ISA oni eu bod yn dod o gynllun cyfranddaliadau gweithiwr (yn agor tudalen Saesneg).

Gall cyfrifon ISA Gydol Oes gynnwys naill ai:

  • arian parod
  • stociau a chyfranddaliadau

Gall ISAs cyllid arloesol gynnwys:

  • benthyciadau cymar-i-gymar - benthyciadau sy’n cael eu rhoi i bobl neu i fusnesau eraill heb ddefnyddio banc
  • ‘dyledebau cyllido torfol’ – buddsoddi mewn busnes drwy brynu ei ddyled
  • cronfeydd lle mae’r cyfnod rhybudd neu’r cyfnod adbrynu yn golygu na ellir eu dal mewn ISA stociau a chyfranddaliadau
  • nodynnau cyfnewid a fasnachir mewn cryptoasedion

Ni ellir dal cronfeydd asedion tymor hir mewn ISA cyllid arloesol, oni bai eu bod eisoes yn wedi’u dal yno cyn 6 Ebrill 2026. Bydd angen iddynt gael eu dal mewn ISA stociau a chyfranddaliadau.

Ni allwch drosglwyddo unrhyw drefniadau rydych chi eisoes wedi’u gwneud na buddsoddiadau sydd eisoes gennych i ISA cyllid arloesol.

Os oes gennych gwestiynau am y rheolau treth ar gyfer ISAs, gallwch ffonio Llinell Gymorth ISA.

Argraffu'r canllaw cyfan