Sut mae ISAs yn gweithio

Mae 4 math o Gyfrifon Cynilo Unigol ( ISA ): ISA arian parod ISA stociau a chyfranddaliadau ISA cyllid arloesol ISA gydol oes (yn agor tudalen Saesneg) Nid ydych yn talu treth ar: llog ar arian mewn ISA incwm neu enillion cyfalaf o fuddsoddiadau mewn ISA Os byddwch yn llenwi ffurflen dreth, nid oes angen i chi ddatgan unrhyw log, incwm nac enillion cyfalaf ar yr ISA . Rhoi arian mewn ISA Bob blwyddyn dreth, gallwch gynilo hyd at £20,000 mewn un cyfrif neu rannu’r lwfans ar draws sawl cyfrif. Mae’r flwyddyn dreth yn rhedeg o 6 Ebrill i 5 Ebrill. Dim ond mewn un ISA Gydol Oes y gallwch ei dalu mewn blwyddyn dreth. Yr uchafswm y gallwch ei dalu yw £4,000. Enghraifft Gallech gynilo £15,000 mewn ISA arian parod, £2,000 mewn ISA stociau a chyfranddaliadau a £3,000 mewn ISA cyllid arloesol mewn un flwyddyn dreth. Enghraifft Gallech gynilo £11,000 mewn ISA arian parod, £2,000 mewn ISA stociau a chyfranddaliadau, £3,000 mewn ISA cyllid arloesol a £4,000 mewn ISA Gydol Oes mewn un flwyddyn dreth. Enghraifft Gallech gynilo £10,000 mewn un ISA arian parod, £3,000 mewn ISA arian parod arall a £7,000 mewn stociau ISA a chyfranddaliadau mewn un flwyddyn dreth. Ni fydd eich ISAs yn cau pan fydd y flwyddyn dreth yn dod i ben. Byddwch yn cadw’ch cynilion ar sail ddi-dreth cyhyd â’ch bod yn cadw’r arian yn eich cyfrifon. Beth allwch ei gynnwys yn eich ISAs Gall ISAs arian parod gynnwys: cynilion mewn cyfrifon banc a chymdeithasau adeiladu rhai cynnyrch Cynilion a Buddsoddiadau Cenedlaethol (yn agor tudalen Saesneg) Gall ISAs stociau a chyfranddaliadau gynnwys: cyfranddaliadau mewn cwmnïau ymddiriedolaethau unedol a chronfeydd buddsoddi bondiau corfforaethol bondiau’r llywodraeth Chewch chi ddim trosglwyddo unrhyw gyfranddaliadau nad ydynt yn rhan o ISA rydych chi eisoes yn berchen arnynt i ISA oni eu bod yn dod o gynllun cyfranddaliadau gweithiwr (yn agor tudalen Saesneg) . Gall ISAs Gydol Oes gynnwys naill ai: arian parod stociau a chyfranddaliadau Gall ISAs cyllid arloesol gynnwys: benthyciadau cymar-i-gymar - benthyciadau sy’n cael eu rhoi i bobl neu i fusnesau eraill heb ddefnyddio banc ‘dyledebau cyllido torfol’ - buddsoddi mewn busnes drwy brynu ei ddyled cronfeydd lle mae’r cyfnod rhybudd neu adbrynu yn golygu na ellir eu dal mewn ISA stociau a chyfranddaliadau Ni allwch drosglwyddo unrhyw drefniadau yr ydych eisoes wedi’u gwneud neu fuddsoddiadau sydd gennych eisoes mewn ISA cyllid arloesol. Os oes gennych gwestiynau am y rheolau treth ar gyfer ISAs, gallwch ffonio Llinell Gymorth ISA (yn agor tudalen Saesneg) .

Gallwch gael Cyfrif Cynilo Unigol ( ISA ) gan y canlynol: banciau cymdeithasau adeiladu undebau credyd cymdeithasau cyfeillgar broceriaid stoc gwasanaethau benthyca cymar-i-gymar cwmnïau cyllido torfol sefydliadau ariannol eraill Bydd angen i chi gael eich rhif Yswiriant Gwladol. Gallwch ddod o hyd i’ch rhif Yswiriant Gwladol ar-lein os nad ydych yn ei wybod. Cysylltwch â’ch darparwr yn uniongyrchol i gael rhagor o wybodaeth am sut mae agor ISA gyda nhw. Agor a rheoli ISA ar ran rhywun nad oes ganddo’r gallu meddyliol i wneud hyn drosto’i hun Gallwch wneud cais am ISA a’i reoli ar ran rhywun os yw’r canlynol yn berthnasol: mae gennych bŵer atwrnai arhosol (LPA) rydych yn dirprwyo ar ei gyfer mewn perthynas â materion ariannol I wneud cais i ddirprwyo ar ran rhywun mewn perthynas â materion ariannol: yng Nghymru a Lloegr, mae angen gwneud cais i’r Llys Gwarchod yn yr Alban, mae angen gwneud cais i Swyddfa’r Gwarcheidwad Cyhoeddus yn yr Alban yng Ngogledd Iwerddon, mae angen gwneud cais i’r Swyddfa Gofal a Gwarchod

Tynnu’ch arian allan

Gallwch dynnu eich arian o Gyfrif Cynilo Unigol ( ISA ) unrhyw bryd, heb golli unrhyw fuddion treth. Edrychwch ar delerau eich ISA i weld a oes unrhyw reolau neu daliadau am dynnu arian allan. Mae rheolau gwahanol ar gyfer tynnu eich arian allan o ISA Gydol Oes (yn agor tudalen Saesneg) . Os yw eich ISA yn ‘hyblyg’, gallwch dynnu arian allan ac yna ei roi yn ôl i mewn yn ystod yr un flwyddyn dreth heb leihau eich lwfans blwyddyn gyfredol. Bydd eich darparwr yn gallu dweud wrthych a yw eich ISA yn hyblyg. Enghraifft £20,000 yw eich lwfans ac rydych yn rhoi £10,000 mewn ISA yn ystod blwyddyn dreth 2025 i 2026. Rydych chi wedyn yn tynnu £3,000 allan. Dyma faint gallwch ei roi i mewn yn ystod yr un flwyddyn dreth: £13,000 os yw eich ISA yn hyblyg (y lwfans sy’n weddill sef £10,000 a’r £3,000 roeddech wedi’i dynnu allan) £10,000 os nad yw eich ISA yn hyblyg (dim ond y lwfans sy’n weddill)

Gallwch drosglwyddo’r holl arian yn eich Cyfrif Cynilo Unigol ( ISA ), neu ran ohono, o un darparwr i un arall unrhyw bryd. Gallai hyn fod i fath gwahanol o ISA neu i’r un math o ISA . Gall y buddsoddiad fod wedi cael ei wneud eleni neu yn ystod y blynyddoedd blaenorol. Mae cyfyngiadau ar y trosglwyddiadau y gallwch eu gwneud os oes gennych ISA gydol oes (yn agor tudalen Saesneg) neu ISA Iau (yn agor tudalen Saesneg) . Cyfyngiadau ar yr hyn y gallwch ei drosglwyddo Gallwch drosglwyddo arian o’ch ISA cyllid arloesol i ddarparwr arall - ond efallai na fyddwch yn gallu trosglwyddo buddsoddiadau eraill ohono. Holwch eich darparwr am unrhyw gyfyngiadau sydd ganddo ar drosglwyddo ISAs . Efallai y bydd hefyd yn codi ffi arnoch. Sut mae trosglwyddo eich ISA I newid darparwr, cysylltwch â’r darparwr ISA rydych am symud ato a llenwi ffurflen drosglwyddo ISA i symud eich cyfrif. Os byddwch yn tynnu’r arian allan heb wneud hyn, ni fyddwch yn cael ail-fuddsoddi’r rhan honno o’ch lwfans sy’n rhydd o dreth eto . Dyddiadau cau a chwynion Ni ddylai trosglwyddo ISA gymryd mwy na: 15 diwrnod gwaith ar gyfer trosglwyddiadau rhwng ISAs arian 30 diwrnod calendr ar gyfer mathau eraill o drosglwyddo Os ydych eisiau trosglwyddo buddsoddiadau sy’n cael eu dal mewn ISA cyllid arloesol, holwch eich darparwr faint o amser bydd hynny’n ei gymryd. Os bydd y trosglwyddo’n cymryd mwy o amser nag y dylai, cysylltwch â’ch darparwr ISA . Os ydych yn anhapus gyda’r ymateb, gallwch godi’r mater gyda Gwasanaeth yr Ombwdsmon Ariannol. Gwasanaeth yr Ombwdsmon Ariannol Ffôn (ar gyfer llinellau tir): 0800 023 4567 Ffôn (ar gyfer ffonau symudol): 0300 123 9123 Dydd Llun – Dydd Gwener, 08:00 i 20:00 Dydd Sadwrn, 09:00 i 13:00 Dysgwch am gostau galwadau

Os byddwch yn symud dramor

Os byddwch yn agor Cyfrif Cynilo Unigol ( ISA ) yn y DU ac yna’n symud dramor ac yn dod yn breswylydd y tu allan i’r DU, chewch chi ddim rhoi arian ynddo (oni bai eich bod yn un o weithwyr y Goron sy’n gweithio dramor neu’n briod neu bartner sifil i unigolyn o’r fath). Mae’n rhaid i chi roi gwybod i ddarparwr eich ISA cyn gynted ag y byddwch yn rhoi’r gorau i breswylio yn y DU. Fodd bynnag, gallwch gadw’ch ISA ar agor a byddwch yn dal i gael rhyddhad treth y DU ar yr arian a’r buddsoddiadau sy’n cael eu dal ynddo. Gallwch drosglwyddo ISA i ddarparwr arall hyd yn oed os nad ydych yn byw yn y DU. Gallwch dalu arian i’ch ISA eto os byddwch yn dychwelyd ac yn breswylydd yn y DU (yn amodol ar y lwfans ISA blynyddol ).

Bydd eich ISA yn dod i ben pan fydd naill ai: eich ysgutor yn ei gau y gwaith o weinyddu eich ystad wedi’i gwblhau Fel arall, bydd eich darparwr ISA yn cau eich ISA 3 blynedd ac 1 diwrnod ar ôl i chi farw. Fydd dim angen talu unrhyw Dreth Incwm na Threth Enillion Cyfalaf hyd at y dyddiad hwnnw, ond bydd buddsoddiadau ISA yn rhan o’ch ystad at ddibenion Treth Etifeddiaeth . ISAs stociau a chyfranddaliadau Gellir cyfarwyddo eich darparwr ISA i naill ai: gwerthu’r buddsoddiadau a thalu’r elw i weinyddwr neu fuddiolwr eich ystad trosglwyddo’r buddsoddiadau i ISA eich priod neu bartner sifil sy’n fyw - dim ond os oes ganddynt yr un darparwr ISA â chi y mae hyn yn bosibl Edrychwch ar delerau ac amodau eich ISA i gael y manylion.

Etifeddu ISA gan eich priod neu bartner sifil

Mae cynilion ISA yn mynd i’r buddiolwr a enwir yn yr ewyllys. Os bydd eich priod neu’ch partner sifil yn marw gallwch etifeddu ei lwfans ISA . Os bu farw’ch priod neu bartner sifil rhwng 3 Rhagfyr 2014 a 5 Ebrill 2018 Daeth ei ISA i ben ar ddyddiad ei marwolaeth. Bydd buddsoddiadau ISAs yn ffurfio rhan o’i ystâd/hystâd at ddibenion Treth Etifeddiant. Gellir cyfarwyddo ei ddarparwr ISA i werthu’r buddsoddiadau a naill ai: talu’r enillion i weinyddwr neu fuddiolwr yr ystâd trosglwyddo’r buddsoddiadau’n uniongyrchol i’r buddiolwr Gallwch etifeddu ei lwfans ISA . Yn ogystal â’ch lwfans ISA arferol, gallwch ychwanegu swm sy’n rhydd o dreth hyd at y gwerth a oedd ganddo/ganddi yn ei ISA pan fu farw. Cysylltwch â’ch darparwr ISA neu ddarparwr ISA eich priod neu bartner sifil i gael y manylion. Ni allwch etifeddu lwfans ISA rhywun os bu farw cyn 3 Rhagfyr 2014. Os bu farw eich priod neu bartner sifil ar neu ar ôl 6 Ebrill 2018 Bydd ei ISA yn dod i ben pan fydd un o’r canlynol yn digwydd: bydd yr ymddiriedolwr yn ei gau bydd gweinyddu’r ystâd wedi’i gwblhau 3 blynedd ar ôl i’ch priod neu bartner sifil farw Bydd ei ISA yn dod yn ‘gyfrif buddsoddwr sydd wedi marw sy’n parhau’. Mae hyn yn golygu y bydd buddsoddiadau ISA yn ffurfio rhan o’i ystâd ond yn aros yn ddi-dreth hyd nes y caiff ei gau. Ni ellir gwneud unrhyw daliadau newydd i’r ISA . Yn ogystal â’ch lwfans ISA arferol, gallwch ychwanegu swm sy’n rhydd o dreth hyd at naill ai: y gwerth a oedd ganddo yn ei ISA pan fu farw gwerth ei ISA pan fydd yn cael ei gau Cysylltwch â’ch darparwr ISA neu ddarparwr ISA eich priod neu bartner sifil i gael y manylion.

Cyfrifon Cynilo Unigol (ISAs)

Trosolwg

Gallwch gynilo’n ddi-dreth gyda Chyfrifon Cynilo Unigol (ISAs).

Ym mlwyddyn dreth 2025 i 2026, y swm mwyaf y gallwch ei arbed mewn ISA yw £20,000</em>

Mae 4 math o ISA:

ISA arian parod
ISA stociau a chyfranddaliadau
ISA cyllid arloesol
ISA gydol oes (yn agor tudalen Saesneg

Mae’r canllaw hwn hefyd ar gael yn Saesneg.

Pwy sy’n cael agor ISA

Mae’n rhaid i chi fod yn 18 oed neu’n hŷn i agor ISA. Os ydych yn agor ISA gydol oes, mae’n rhaid i chi hefyd fod o dan 40 oed.

Os cawsoch eich geni rhwng 6 Ebrill 2006 a 5 Ebrill 2008, gallwch agor un ISA arian parod cyn i chi droi’n 18 oed.

Mae’n rhaid i chi hefyd fod naill ai:

yn breswyl yn y DU
yn aelod o’r lluoedd arfog neu weithiwr y Goron (er enghraifft Gwasanaeth Sifil diplomyddol neu dramor) neu ei briod neu bartner sifil os nad ydych yn byw yn y DU

Gallwch ddod o hyd i’ch statws preswylio os ydych yn ansicr – darllenwch y dudalen preswylio yn y DU a threthi i gael rhagor o fanylion.

Does dim modd i chi ddal ISA gyda rhywun arall.

Gallwch gael ISA ar gyfer Plant Iau ar gyfer plant dan 18 oed.

Argraffu'r canllaw cyfan

Cyfrifon Cynilo Unigol (ISAs)

Trosolwg

Pwy sy’n cael agor ISA

Is this page useful?

Help us improve GOV.UK

Help us improve GOV.UK

Cookies on GOV.UK

Cyfrifon Cynilo Unigol (ISAs)

Trosolwg

Pwy sy’n cael agor ISA

Is this page useful?

Help us improve GOV.UK

Help us improve GOV.UK