Budd-dal tai
Rhoi gwybod am newid mewn amgylchiadau
Mae angen i chi roi gwybod am newid mewn amgylchiadau ar eich cyfer chi ac unrhyw un arall yn eich tŷ.
Efallai y bydd eich cais yn cael ei stopio neu ei leihau os na fyddwch yn rhoi gwynod am newid mewn amgylchiadau ar unwaith.
Gall y newidiadau gynnwys:
- dechrau neu stopio gwaith, addysg, hyfforddiant neu brentisiaeth
- newidiadau i’r budd-daliadau rydych chi neu unrhyw un arall yn eich tŷ yn eu cael
- newidiadau i’ch pensiwn personol neu bensiwn gweithle
- newidiadau i’ch cynilion, buddsoddiadau neu eiddo
- eich incwm yn mynd i fyny neu i lawr
- symud tŷ
- eich rhent yn mynd i fyny neu i lawr
- mynd dramor am unrhyw hyd
- mynd i’r ysbyty, cartref gofal neu lety cysgodol
- pobl sy’n symud i mewn neu allan o’ch tŷ (er enghraifft eich partner, plentyn neu letywr)
- cael babi
- eich partner neu rywun rydych chi’n byw gyda nhw yn marw
- eich plentyn yn troi’n 18 oed
- newidiadau i’ch statws mewnfudo, os nad ydych chi’n ddinesydd Prydeinig
Cysylltwch â’ch cyngor os nad ydych yn sicr a oes angen i chi roi gwybod am newid.
Sut i roi gwybod
Rhowch wybod am newid mewn amgylchiadau i’ch cyngor.
Os ydych yn cael budd-daliadau eraill
Mae angen i chi roi gwybod am newid mewn amgylchiadau ar gyfer yr holl fudd-daliadau a gewch.
Os yw’ch budd-dalidau eraill yn dod i ben
Mae rhai budd-daliadau yn dod i ben os ewch yn ôl i’r gwaith, gweithio mwy o oriau neu ennill mwy o arian.
Os bydd hyn yn digwydd, gallai eich cyngor:
- rhoi 4 wythnos ychwanegol o fudd-dal tai i chi (‘Taliad Estynedig o Fudd-dal Tai’)
- dechrau talu ‘Budd-dal Tai mewn Gwaith’ i chi
Nid oes rhaid i chi wneud cais - bydd eich cyngor yn penderfynu a ydych chi’n gymwys i gael help ac yn ysgrifennu i roi gwybod i chi.
Os ydych wedi cael eich talu gormod
Efallai y bydd yn rhaid i chi ad-dalu’r arian os rydych:
- heb roi gwybod am newid ar unwaith
- wedi gwybodaeth anghywir
- wedi cael eich eich gordalu trwy gamgymeriad
Darganfyddwch sut i ad-dalu’r arian sy’n ddyledus gennych o ordaliad budd-dal.