Talu’r Doll Peiriannau Hapchwarae
Debyd Uniongyrchol
Dim ond os ydych wedi cofrestru ar gyfer Toll Peiriannau Hapchwarae (MGD) ar-lein y gallwch dalu drwy Ddebyd Uniongyrchol.
Defnyddiwch eich cyfrif ar-lein Cyllid a Thollau EF(CThEF i drefnu Debyd Uniongyrchol.
Gallwch drefnu:
- taliad unigol bob tro rydych yn cyflwyno’ch datganiad
- taliad awtomatig o’r doll a ddangosir ar eich datganiad (a elwir yn ‘cynllun taliadau newidiol’)
Os nad ydych wedi defnyddio’ch Debyd Uniongyrchol am 2 flynedd neu fwy, gwiriwch â’ch banc ei fod wedi’i sefydlu o hyd.
Ni allwch ddefnyddio Debyd Uniongyrchol ar gyfer taliadau dros £20 miliwn. Mae’n rhaid i chi ddefnyddio dull arall o dalu.
Taliad unigol
Gallwch wneud un taliad unigol drwy Ddebyd Uniongyrchol ar-lein.
Mae’n cymryd 5 diwrnod gwaith i brosesu taliad Debyd Uniongyrchol pan fyddwch yn ei drefnu am y tro cyntaf. Dylai gymryd 3 diwrnod gwaith y tro nesaf os ydych yn defnyddio’r un manylion banc.
Cynllun taliadau newidiol
Dim ond ar-lein y gallwch drefnu taliadau Debyd Uniongyrchol awtomatig rheolaidd. Dewiswch ‘cynllun taliadau newidiol’ pan fyddwch yn trefnu’ch Debyd Uniongyrchol.
Mae’n cymryd o leiaf 10 diwrnod gwaith i brosesu taliad pan fyddwch yn ei drefnu am y tro cyntaf. Sicrhewch y bydd eich taliad yn cyrraedd CThEF cyn y dyddiad cau.
Ar ôl hynny, bydd eich taliad yn cael ei gymryd yn awtomatig bob tro y bydd yn ddyledus.
Bydd angen i chi ganslo’ch Debyd Uniongyrchol os ydych am newid i ddull gwahanol o dalu.