Rhoi gwybod i CThEF am newid i’ch manylion personol
Newid enw neu gyfeiriad
Mae angen i chi roi gwybod i Gyllid a Thollau EF (CThEF) os ydych wedi newid eich enw neu’ch cyfeiriad. Mae sut rydych yn cysylltu â CThEF er mwyn diweddaru’ch enw neu’ch cyfeiriad yn dibynnu ar eich sefyllfa.
Bydd hefyd angen i chi newid eich cofnodion busnes (yn agor tudalen Saesneg) os ydych yn rhedeg busnes.
Os ydych yn cyflwyno Ffurflen Dreth Hunanasesiad, bydd eich manylion yn cael eu diweddaru unwaith i chi roi gwybod am newid enw neu gyfeiriad.
Mae’r canllaw hwn hefyd ar gael yn Saesneg.
Rhoi gwybod i CThEF eich bod wedi newid eich cyfeiriad.
Rhoi gwybod i CThEF fod eich enw wedi newid. Bydd angen Dynodydd Defnyddiwr (ID) a chyfrinair ar gyfer Porth y Llywodraeth arnoch. Os nad oes gennych Ddynodydd Defnyddiwr, gallwch greu un pan fyddwch yn diweddaru’ch enw.
Gallwch hefyd roi gwybod i CThEF bod eich enw neu’ch cyfeiriad wedi newid drwy ddefnyddio ap CThEF.
Bydd eich enw’n cael ei ddiweddaru’n awtomatig os ydych yn newid rhywedd.
Asiantau treth
Os ydych yn asiant treth (er enghraifft, cyfrifydd), rhowch wybod i CThEF am newid i enw neu gyfeiriad: