Rhoi gwybod i CThEF am newid i’ch manylion personol
Newidiadau o ran perthynas neu deulu
Rhowch wybod i Gyllid a Thollau EF (CThEF) os byddwch:
-
yn priodi neu’n ffurfio partneriaeth sifil
-
yn ysgaru, yn gwahanu neu’n rhoi’r gorau i fyw gyda’ch gŵr, gwraig neu bartner
Gallwch roi gwybod i CThEF ar-lein os ydych yn cael cyflog neu bensiwn drwy TWE. Os ydych yn cyflwyno Ffurflen Dreth Hunanasesiad hefyd, bydd eich manylion yn cael eu diweddaru ar gyfer y ddau beth.
Bydd angen i chi fewngofnodi er mwyn defnyddio’r gwasanaeth hwn – os nad oes gennych fanylion mewngofnodi eisoes, byddwch yn gallu eu creu.
Bydd angen rhif Yswiriant Gwladol arnoch hefyd (ni fydd cyfeirnod dros dro’n gweithio).
Rhowch wybod i CThEF ar unwaith – os na fyddwch yn gwneud hyn, gallech dalu gormod o dreth neu gael bil treth ar ddiwedd y flwyddyn.
Os ydych yn cael Budd-dal Plant
Rhowch wybod i CThEF ar wahân am newidiadau o ran eich perthynas neu deulu os ydych yn cael Budd-dal Plant.
Os bydd eich priod neu’ch partner sifil yn marw
Cysylltwch â CThEF i roi gwybod am y canlynol:
-
marwolaeth eich gŵr, gwraig neu bartner sifil
-
newidiadau i’ch incwm (yn agor tudalen Saesneg) ar ôl y farwolaeth