Hylendid bwyd ar gyfer busnesau
Atal croeshalogi
Mae croeshalogi’n digwydd pan fo bacteria yn lledaenu rhwng bwyd, arwynebau neu offer. Gall achosi gwenwyn bwyd.
Dylech hefyd atal croeshalogi o fwyd sy’n cynnwys alergenau.
Dylid cadw cig, pysgod neu ddofednod amrwd ar wahân i’r canlynol:
- ffrwythau a llysiau
- bwydydd parod i’w bwyta fel saladau a chaws
Mae’r canllawiau hyn hefyd ar gael yn Saesneg (English).
Golchwch eich dwylo bob amser rhwng tasgau gan ddefnyddio sebon a dŵr cynnes. Yn enwedig cyn ac ar ôl trin bwyd amrwd.
Ar gyfer cig, pysgod neu ddofednod amrwd, rhaid sicrhau bod opsiynau ar wahân ar gyfer:
- byrddau torri ac offer cegin
- peiriannau ac offer (fel peiriannau pecynnu dan wactod, peiriannau sleisio a briwio) neu, fel arall, rhaid eu diheintio’n drylwyr rhwng pob defnydd
- mannau paratoi bwyd neu, fel arall, ewch ati i ddiheintio’r fan yn drylwyr rhwng pob defnydd
- dillad a staff neu, fel arall, dylech eu hannog i newid a golchi eu dwylo rhwng paratoi gwahanol fwydydd
- deunyddiau glanhau (fel sbyngau, cadachau a mopiau) mewn mannau lle mae’r bwydydd hyn yn cael eu trin