Canllawiau

Tribiwnlysoedd cyflogaeth: y dyfarniad T426

Diweddarwyd 19 Awst 2026

Cyflwyniad

Cysylltwch â swyddfa tribiwnlys neu’r Ganolfan Gyswllt Cwsmeriaid os hoffech gael copi o’r cyhoeddiad hwn mewn fformat gwahanol.

• Cymru a Lloegr: 0300 323 0196
• Siaradwyr Cymraeg: 0300 303 5176
• Yr Alban: 0300 790 6234

Canllawiau’r Llywyddion

Dan Reolau’r Tribiwnlys Cyflogaeth gall Llywyddion y Tribiwnlysoedd Cyflogaeth yng Nghymru a Lloegr a’r Alban gyhoeddi Canllawiau. Nod y canllawiau hyn yw gwella’r cysondeb o ran y ffordd y mae Tribiwnlysoedd Cyflogaeth yn rheoli achosion a galluogi’r partïon i ddeall yn well yr hyn a ddisgwylir ganddynt a’r hyn i’w ddisgwyl gan y tribiwnlys.

Nid ydynt yn orfodol ond dylid eu dilyn lle bo hynny’n bosib.

Ewch i ganllawiau’r llywyddion a gyhoeddwyd gan y ddau lywydd yng Nghymru a Lloegr a  chanllawiau’r llywydd yn yr Alban.

Cyhoeddi Dyfarniadau Tribiwnlysoedd Cyflogaeth

Mae dyfarniadau a gyflwynir ar bartïon o fis Chwefror 2017 ymlaen yn cael eu cyhoeddi ar y gofrestr gyhoeddus ar-lein.

Dan reol 65, rhaid i gopi o unrhyw ddyfarniad ac unrhyw resymau ysgrifenedig llawn dros ddyfarniad gael ei gofnodi ar y gofrestr.

Mae gan Dribiwnlys Cyflogaeth y pŵer, o dan Reol 49, i wneud gorchymyn i atal datgelu, neu gyfyngu ar ddatgelu, unrhyw agwedd ar achosion tribiwnlys, ond dim ond os bodlonir un neu fwy o amodau llym y mae modd gwneud gorchymyn o’r fath. Mae Rheol 49 yn rhoi mwy o fanylion am yr amodau hyn

O dan Reol 49, mae’n bosibl i Dribiwnlys Cyflogaeth wneud gorchymyn sy’n gosod cyfyngiadau ar yr hyn y caniateir ei gyhoeddi ar y gofrestr. Gall hyn gynnwys, er enghraifft, gorchymyn sy’n cuddio enw un neu fwy o unigolion y cyfeirir atynt yn y dyfarniad.

Herio dyfarniad y barnwr

Gellir ond newid dyfarniadau Tribiwnlys Cyflogaeth:

• os yw’r tribiwnlys yn penderfynu, ar gais naill barti neu ar ei ysgogiad ei hun i ailystyried y dyfarniad; neu
• ar ôl apêl gan un o’r partïon (gweler isod).

Os ydych yn anghytuno â’r dyfarniad

Os byddwch yn anghytuno gyda’r dyfarniad gallwch ofyn i’r Tribiwnlys Cyflogaeth ailystyried y dyfarniad, os yw ei ailystyried yn angenrheidiol er budd cyfiawnder.

Gallwch hefyd apelio i’r Tribiwnlys Apeliadau Cyflogaeth (EAT) os oes camgymeriad ar bwynt cyfreithiol yn y dyfarniad. Mae’r prosesau hyn yn wahanol, a bydd angen i chi benderfynu a ydych am ddilyn un ohonynt neu’r ddwy.

Gallwch ofyn am resymau ysgrifenedig dros y dyfarniad os nad ydynt wedi’u cynnwys gyda’r dyfarniad. Os gwnaeth y Tribiwnlys roi crynodeb o’r rhesymau yn y gwrandawiad, gallwch ofyn am grynodeb o’r rhesymau yn ysgrifenedig. Ar ôl iddynt gael eu darparu gallwch ofyn am resymau llawn yn ysgrifenedig. 

Gall y Tribiwnlys ddarparu rhesymau llawn yn ysgrifenedig pryn bynnag pan fyddwch yn gofyn am grynodeb o’r rhesymau yn ysgrifenedig. Os gwnaeth y Tribiwnlys roi rhesymau llawn yn y gwrandawiad, gallwch ofyn am resymau llawn yn ysgrifenedig.

Mae yna derfynau amser llym ar gyfer gofyn am grynodeb o’r rhesymau ysgrifenedig a rhesymau llawn ysgrifenedig, gwneud cais am ailystyriaeth ac apelio.

Terfynau amser

Gofyn am grynodeb ysgrifenedig o’r rhesymau

Rhaid i chi wneud y cais o fewn 14 diwrnod i chi gael y penderfyniad.

Gallwch ond gofyn am grynodeb ysgrifenedig o’r rhesymau os cawsant eu rhoi yn y gwrandawiad.

Gofyn am y rhesymau llawn ysgrifenedig

Rhaid i chi wneud cais o fewn:

• 14 diwrnod o’r dyddiad anfonwyd y dyfarniad os rhoddwyd rhesymau llawn yn y gwrandawiad
• 14 diwrnod o ddyddiad anfon crynodeb o’r rhesymau ysgrifenedig os bu i chi ofyn amdanynt.

Gwneud cais i ailystyried

Rhaid i chi wneud y cais o fewn 14 diwrnod o pa bynnag un o’r canlynol sy’n hwyrach:

• y dyddiad yr anfonwyd y dyfarniad
• y dyddiad anfonwyd y crynodeb o’r rhesymau ysgrifenedig (os bu i chi ofyn amdanynt)
• y dyddiad yr anfonwyd y rhesymau llawn yn ysgrifenedig (os bu chi ofyn amdanynt, neu’r Tribiwnlys yn eu hanfon ar ôl i chi ofyn am grynodeb o’r rhesymau ysgrifenedig)

Apêl

Rhaid i chi apelio o fewn un ai:

• 42 diwrnod o’r dyddiad y cafodd y dyfarniad a/neu’r rhesymau eu hanfon
• 42 diwrnod o’r dyddiad yr anfonwyd y rhesymau llawn yn ysgrifenedig, os bu i chi ofyn amdanynt, neu’r Tribiwnlys yn eu hanfon ar ôl i chi ofyn am grynodeb o’r rhesymau ysgrifenedig

Os na fyddwch yn gofyn am y rhesymau llawn, ac nid yw’r tribiwnlys yn eu darparu, rhaid ichi apelio o fewn 42 diwrnod o’r dyddiad cafodd y cofnod ysgrifenedig o’r dyfarniad ei anfon.

Rhaid i’r holl apeliadau gael eu derbyn erbyn 4pm ar y diwrnod olaf.

Gellir dod o hyd i arweiniad pellach ar gyflwyno apêl yn:

• Sut i apelio i’r tribiwnlys apeliadau cyflogaeth (T440)
• Cyfarwyddyd Ymarfer y Tribiwnlys Apeliadau Cyflogaeth 2024

Gallwch gael ffurflen apelio gan:

Tribiwnlys Apeliadau Cyflogaeth / Employment Appeal Tribunal
7 Rolls Buildings
Fetter Lane
London
EC4A 1NL

Neu, yn Yr Alban, gan:

Employment Appeal Tribunal
George House
126 George Street
Edinburgh
EH2 4HH

Os oes gennych unrhyw gwestiynau am yr apêl, dylech eu cyfeirio at Gofrestrydd y Tribiwnlys Apeliadau Cyflogaeth. Hefyd, gallwch gael ffurflenni apêl a gwybodaeth gyffredinol am y Tribiwnlys Apeliadau Cyflogaeth, a sut i apelio ar GOV.UK.

Rhaid i chi anfon copi o unrhyw hawliad ac ymateb, dyfarniad y tribiwnlys a’r rhesymau ysgrifenedig dros y dyfarniad gyda’ch hysbysiad o apêl, neu esboniad ynghylch pam nad yw unrhyw ddogfen goll wedi’i chynnwys. Gweler yr adran ar dudalen 4 os ydych yn dymuno gofyn am resymau ysgrifenedig am y dyfarniad.

Rhaid i chi gyflwyno hysbysiad o apêl ddilys i’r Tribiwnlys Apeliadau Cyflogaeth yn:

Tribiwnlys Apeliadau Cyflogaeth / Employment Appeal Tribunal
7 Rolls Buildings
Fetter Lane
London
EC4A 1NL

Neu, yn Yr Alban, yn:

Employment Appeal Tribunal
George House
126 George Street
Edinburgh
EH2 4HH

Os na fyddwch wedi derbyn cydnabyddiaeth gan y Tribiwnlys Apeliadau Cyflogaeth o fewn saith niwrnod i bostio’r hysbysiad am apêl, dylech gysylltu â’r Tribiwnlys Apeliadau Cyflogaeth i gadarnhau eu bod wedi cael eich apêl.

Yng Nghymru a Lloegr:

• Ffôn: 020 7273 1041
• Ffacs: 01264 785 028
• e-bost: londoneat@justice.gov.uk

Yr Alban:

• Ffôn: 0131 225 3963
• Ffacs: 01264 785 030
• E-bost: edinburgheat@justice.gov.uk

Y berthynas rhwng y cais i ailystyried a’r apêl

Nid yw cais i ailystyried yn newid nac yn ymestyn y terfyn amser 42 diwrnod ar gyfer apelio. Os byddwch yn gwneud cais i’r tribiwnlys ailystyried ei ddyfarniad, gallwch hefyd apelio i’r Tribiwnlys Apêl Cyflogaeth. Rhaid i chi hefyd gyflwyno copi o’r cais i ailystyried i’r Tribiwnlys Apêl Cyflogaeth ac, os yw’r cais o’r fath wedi’i glywed a bod penderfyniad wedi’i wneud yn ei gylch, dylech hefyd gyflwyno copi o ddyfarniad y tribiwnlys ar y cais i ailystyried. Pan fyddwch wedi apelio, efallai y bydd y Tribiwnlys Apêl Cyflogaeth am weld dogfennau neu arddangosion eraill a gyflwynwyd fel tystiolaeth yn y gwrandawiad.

Mae’r tribiwnlys fel arfer yn dinistrio ffeiliau flwyddyn ar ôl anfon y dyfarniad at y bobl berthnasol ond, os oes apêl, bydd y ffeil yn cael ei gadw’n hirach.

Cyngor cyfreithiol (ar apeliadau) a chynrychiolaeth gyfreithiol

Yn ddibynnol ar eich sefyllfa ariannol, efallai y gallwch gael cyngor cyfreithiol yn rhad ac am ddim neu am bris gostyngol am apeliadau ac ailystyried dyfarniadau. Efallai hefyd y gallwch gael cynrychiolaeth yn rhad ac am ddim neu yn rhatach ar gyfer apêl gerbron y Tribiwnlys Apeliadau Cyflogaeth.

Bydd angen i chi ddangos:

• na allwch, ar sail prawf o’ch incwm a’ch cynilion, fforddio i dalu am gynrychiolaeth eich hun; a
• bod eich cais yn ddigon cryf fel y gellir cyfiawnhau talu am eich cynrychiolaeth gydag arian cyhoeddus

Yng Nghymru a Lloegr

Os yw eich achos yn ymwneud â gwahaniaethu yn y gwaith, gallech fod yn gymwys i gael cyngor cyfreithiol yn rhad ac am ddim.

Ewch i www.gov.uk/legal-aid i gael rhagor o wybodaeth neu cysylltwch â’r gwasanaeth Cymorth Cyfreithiol Sifil ar 0345 345 4345.

Yn yr Alban

Mae cymorth cyfreithiol ar gael os ydych yn bodloni rhai amodau penodol. Os oes gennych gwestiynau am gyngor neu gymorth cyfreithiol, cysylltwch â chyfreithiwr neu â:

Bwrdd Cymorth Cyfreithiol Yr Alban
Thistle House
91 Haymarket Terrace
Caeredin
EH12 5HE

Ffôn: 0131 226 7061

I gael gwybod mwy am arian cyhoeddus i dalu am wasanaethau cyfreithiol, gweler gwefan Bwrdd Cymorth Cyfreithiol yr Alban yn.

Beth i’w wneud os nad ydych wedi cael yr arian y mae’r tribiwnlys wedi’i ddyfarnu i chi

Nid yw Tribiwnlysoedd Cyflogaeth yn gyfrifol am orfodi’r dyfarniadau y maent yn eu gwneud. Os na fyddwch yn cael yr arian y mae’r tribiwnlys wedi’i ddyfarnu ichi, bydd angen i chi ddefnyddio un o’r dulliau gorfodi sydd ar gael.

Gallwch roi gwybod i swyddog cosbau, ac efallai y bydd yn gallu cyflwyno Hysbysiad o Gosb ar yr atebydd. Efallai y byddwch hefyd yn gallu cael llys i’w gorfodi i dalu. Ni fyddwch yn gallu gwneud unrhyw un o’r uchod, os yw’r atebydd wedi apelio, neu ar fin gwneud hynny.

Hysbysu’r Swyddog Cosbau

Os nad yw’r atebydd wedi talu’ch dyfarniad, gallwch gysylltu â’r swyddog cosbau a fydd yn cyflwyno Hysbysiad o Rybudd iddo i’w hysbysu y gallai fod yn rhaid iddo dalu Cosb Ariannol i’r Llywodraeth. Mae hyn yn ychwanegol at y dyfarniad sy’n ddyledus i chi. Os anwybyddir yr Hysbysiad o Rybudd ac os na fydd y dyfarniad yn cael ei dalu, gall y swyddog cosbau dyroddi cosb ariannol i’r atebydd.

Mae gwasanaeth y swyddog cosbau yn rhad ac am ddim ac ei fwriad yw i annog y cyflogwr i dalu’r dyfarniad sy’n ddyledus i chi. Gyda’ch cydsyniad, gall eich cyflogwr hefyd gael ei enwi’n gyhoeddus ar GOV.UK am beidio â dalu eich dyfarniad o fewn amser rhesymol.

Gallwch hysbysu’r swyddog cosbau trwy gwblhau ffurflen gorfodi cosb. Gallwch lawrlwytho’r ffurflen gorfodi cosb neu anfon e-bost i etpenalties@businessandtrade.gov.uk i ofyn am gopi.

Os bydd y dyfarniad yn parhau heb ei dalu, gallwch dal wneud cais i’r llys i’w gorfodi i dalu.

Y llwybr gorfodi yng Nghymru a Lloegr yw’r llys sirol. Fodd bynnag, gallwch ddefnyddio cynllun Trac Cyflym y Tribiwnlys Cyflogaeth i’ch helpu. Gyda’r cynllun hwn, bydd Swyddog Gorfodi o’r Uchel Lys (HCEO) yn cael ei aseinio i’ch achos unwaith y bydd yr Atebydd wedi methu ä gwneud y taliad yn unol â chyfarwyddyd y Tribiwnlys. Unwaith y bydd wedi’i benodi, bydd y Swyddog Gorfodi yn cychwyn achos gorfodi yn y llys sirol ar eich rhan.

Mae manylion y cynllun a’i ofynion ar gael yng nghyhoeddiad  EX727, y gellir ei chael yn eich llys sirol lleol.

Un o ofynion cynllun Trac Cyflym y Tribiwnlys Cyflogaeth yw bod yr hysbysiad gwreiddiol o’r dyfarniad yn cael ei ffeilio gyda’r llys. Os oes angen copi ardystiedig o’r dyfarniad arnoch, gallwch gael un yn rhad ac am ddim trwy wneud cais i swyddfa’r Tribiwnlys sy’n delio gyda’ch achos.

Bydd y Swyddog Gorfodi yn cyflwyno gwrit ar eich rhan, a fydd yn caniatáu iddo atafaelu a gwerthu nwyddau’r Atebydd os na fydd yn eich talu. Ond, os byddai’n well gennych ddefnyddio dull gorfodi gwahanol neu os byddai’n well gennych beidio â defnyddio’r cynllun Trac Cyflym, yna gellir cael ffurflen N322B gan eich llys sirol lleol.

Dod o hyd i fwy o wybodaeth am wneud hawliad i’r Tribiwnlys Cyflogaeth.

Yn yr Alban, dylech ysgrifennu at y swyddfa lle cafodd eich achos ei wrando, gan ofyn am ddetholiad o’r dyfarniad. Bydd swyddfa’r tribiwnlys yn anfon detholiad o’r dyfarniad atoch a gall  SwyddogSiryf ei ddefnyddio i orfodi’r taliad. Unwaith y bydd y detholiad wedi’i anfon, ni all y tribiwnlys wneud dim mwy i’ch helpu gyda’r broses orfodi. Peidiwch a gofyn am ddetholiad tan ddiwedd yr amser a ganiateir i apelio i’r Tribiwnlys Apêl Cyflogaeth, sef 42diwrnod o’r dyddiad y cafodd y dyfarniad ei anfon atoch.

Beth fydd yn digwydd os na fyddwch yn cydymffurfio â dyfarniad y tribiwnlys

Rhaid ichi gydymffurfio â dyfarniad y tribiwnlys. Os ydych wedi cael gorchymyn i wneud taliad i’r parti/partïon eraill a’ch bod methu â gwneud hynny o fewn yr amserlen, yna efallai y cewch gosb ariannol a bydd y canlyniadau a ganlyn yn berthnasol:

Os ydych yn atebydd yng Nghymru a Lloegr:

• Gellir cychwyn camau gorfodi yn eich erbyn am y swm sy’n ddyledus yn y llys sirol neu yn yr Uchel Lys
• Bydd yr holl ddulliau gorfodi drwy’r Llysoedd ar gael i’r parti/partïon eraill (gan gynnwys gorchymyn atafaelu, methdaliad ac ansolfedd)
• Os cymerir camau gorfodi yn eich erbyn, bydd y llys sirol neu’r Uchel Lys lle cymerir y camau hyn yn darparu manylion canlynol y dyfarniad i Ymddiriedolaethy Gofrestrfa Cyf., a bydd y manylion yn cael eu cofnodi’n awtomatig yn y Gofrestr Dyfarniadau, Gorchmynion, Dirwyon a Phenderfyniadau Tribiwnlysoedd:
  • eich enw llawn
  • eich cyfeiriad
  • eich dyddiad geni (os yw’n hysbys)
  • swm y dyfarniad
  • rhif yr achos
• mae’r gofrestr hon yn cael ei chynnal gan Registry Trust Ltd. Gall aelodau’r cyhoedd chwilio drwy’r Gofrestr hon ac mae banciau, cymdeithasau adeiladu a chwmnïau credyd yn aml yn ei harchwilio pan maent yn ystyried ceisiadau am gredyd a chamau gweithredu eraill ceisiadau am gredyd a chamau gweithredu eraill
• unwaith y byddant wedi’u cofnodi, bydd eich manylion personol a manylion eich dyled yn aros ar y Gofrestr hon am 6 blynedd oni fydd y ddyled wedi’i thalu o fewn mis i’r cofrestru

Os ydych yn atebydd yn Yr Alban

Bydd Swyddog Siryf yn gallu gorfodi dyfarniad Tribiwnlys Cyflogaeth yn yr un modd a phetai’n ddyfarniad terfynol Llys y Siryf. Bydd Swyddog Siryf yn cymryd y camau sy’n briodol dan yr amgylchiadau i orfodi’r broses o dalu’r dyfarniad ac, os bydd popeth arall yn methu, mater i’r credydwr fydd gwneud cais i’r llys i secwestru’r dyledwr (ei ddyfarnu’n fethdalwr).

Cofiwch y bydd unrhyw gamau gorfodi yn arwain at ragor o gostau. Bydd y rhain yn cael eu hychwanegu at y swm sy’n ddyledus, sef y swm y byddwch chi’n gyfrifol amdano.

Cosbau ariannol

Mae gan y Tribiwnlysoedd Cyflogaeth bŵer, os yw hawliad wedi’i wneud ar ôl 6 Ebrill 2020, i orchymyn atebydd sydd wedi bod yn aflwyddiannus mewn achos, i dalu cosb ariannol hyd at £20,000, os oedd yn ystyried bod ‘un neu fwy o nodweddion gwaethygol’ pan mae’r atebydd wedi torri hawliau cyflogaeth yr hawlydd. Bydd yr isafswm o unrhyw gosb yn cael ei bennu yn £100.

Os bydd cosb ariannol wedi’i gorchymyn yn erbyn atebydd, bydd y gosb ariannol yn daladwy i’r Ysgrifennydd Gwladol ac nid i’r hawlydd.

Bydd yr asiantaeth casglu dyledion sydd wedi eu penodi gan  yr Adran Fusnes, Arloesi a Sgiliau, yn cysylltu â chi i egluro’r broses talu.

Os yw’r gosb yn cael ei thalu o fewn 21 diwrnod, bydd y swm sy’n daladwy yn cael ei haneru.

Gorfodi gorchmynion ar gyfer ailbenodi, ailgyflogi ac argymhellion

Os yw’r tribiwnlys wedi gorchymyn bod eich cyflogwr yn naill ai eich ailbenodi neu eich ailgyflogi neu, mewn achos gwahaniaethu, wedi gwneud argymhelliad, ac nad yw’r gorchymyn na’r argymhelliad wedi cael ei ddilyn, dylech ysgrifennu at swyddfa’r tribiwnlys sy’n delio â’ch achos. Rhaid ichi wneud hyn cyn gynted ag y bydd y dyddiad i’ch cyflogwr gydymffurfio â’r gorchymyn wedi pasio. Bydd y tribiwnlys wedyn yn trefnu gwrandawiad arall gerbron yr un tribiwnlys a gall orchymyn bod eich cyflogwr yn talu iawndal ychwanegol ichi.

Taliadau dileu swydd a thaliadau eraill a chyflogwyr ansolfedd

Os yw’r tribiwnlys wedi penderfynu bod gennych hawl i gael taliad dileu swydd a’ch bod yn cael anhawster i gael eich cyngyflogwr i’ch talu, neu cafwyd dyfarniad am gyflog heb ei thalu, tâl gwyliau, taliad am gyfnod o rybudd neu daliad gwarant a bod eich cyflogwr yn methu talu, dylech gysylltu â’r Gwasanaeth Taliadau Dileu Swydd.

Llinell gymorth taliadau dileu swydd.

Rhif ffôn: 0330 331 0020 Dydd Llun i ddydd Gwener, 9am i 5pm.

Swyddfeydd tribiwnlysoedd cyflogaeth

Aberdeen

Ground floor, AB1
48 Huntly Street
Aberdeen
AB10 1SH

Ffôn. 01224 593 137

E-bost: aberdeenet@justice.gov.uk

Bryste

Bristol Civil and Family Justice Centre
2 Redcliff Street
Bryste
BS1 6GR

Ffôn: 0300 323 0196

E-bost: bristolet@justice.gov.uk

Caergrawnt

Cambridge County Court and Family Court
197 East Road
Cambridge
CB1 1BA

Rhif ffôn: 0300 323 0196
E-bost: watfordet@justice.gov.uk

Dundee

Ground Floor
Endeavour House
Greenmarket
Dundee
DD1 4BZ

Ffôn: 01382 221578

E-bost: dundeeet@justice.gov.uk

Dwyrain Llundain

2nd Floor, Import Building
2 Clove Crescent
London
E14 2BE

Ffôn: 0300 323 0196

E-bost: eastlondon@justice.gov.uk

Caeredin

54-56 Melville Street
Caeredin
EH3 7HF

Ffôn: 0131 226 5584

E-bost: edinburghet@justice.gov.uk

Glasgow

The Glasgow Tribunals Centre
20 York Street
Glasgow
G2 8GT

Ffôn: 0141 204 0730

E-bost: glasgowet@justice.gov.uk

Leeds

West Gate
6 Grace Street
Leeds
LS1 2RP

Ffôn: 0300 323 0196
E-bost: leedset@justice.gov.uk

Canol Llundain

7 Newgate Street
Llundain
EC1A 7AZ

Ffôn: 0300 323 0196
E-bost: londoncentralet@justice.gov.uk

De Llundain

Montague Court
101 London Road
West Croydon
CR0 2RF

Ffôn: 0300 323 0196

E-bost: londonsouthet@justice.gov.uk

Manceinion

Alexandra House
14-22 The Parsonage
Manceinion
M3 2JA

Ffôn: 0300 323 0196

E-bost: manchesteret@justice.gov.uk

Canolbarth Lloegr (Dwyrain)

Nottingham Justice Centre
Carrington Street
Nottingham
NG2 1EE

Ffôn: 0300 323 0196
E-bost: midlandseastet@justice.gov.uk

Canolbarth Lloegr (Gorllewin)

Centre City Tower
7 Hill Street
Birmingham
B5 4UU

Ffôn: 0300 323 0196

E-bost: midlandswestet@justice.gov.uk

Newcastle

Newcastle Civil Family Courts and Tribunal Centre
Barras Bridge
Newcastle Upon Tyne
NE1 8QF

Ffôn: 0300 323 0196
E-bost: newcastleet@justice.gov.uk

Cymru

Llys Ynadon Caerdydd a’r Fro
Plas Fitzalan
Caerdydd
De Cymru
CF24 0RZ

Ffôn: 0300 323 0196

E-bost: waleset@justice.gov.uk

Watford

3rd Floor
Radius House
51 Clarendon Rd
Watford
WD17 1HP

Ffôn: 0300 323 0196

E-bost: watfordet@justice.gov.uk

Mae ein swyddfeydd ar agor o 9 y bore tan 5 yr hwyr, o ddydd Llun i ddydd Gwener.

Byddwn yn eich cyfeirio at fap sy’n dangos lleoliad y swyddfa lle mae’r gwrandawiad wedi’i drefnu.