Pryd y dylid defnyddio'r posteri hyn: cyfarwyddiadau i reolwyr tir
Diweddarwyd 21 April 2023
© Hawlfraint y Goron 2023
Mae'r cyhoeddiad hwn wedi'i drwyddedu o dan delerau Trwydded Agored y Llywodraeth v3.0 ac eithrio ble nodir yn wahanol. I weld y drwydded hon, ewch i nationalarchives.gov.uk/doc/open-government-licence/version/3 neu ysgrifennwch at y Tîm Polisi Gwybodaeth, Yr Archifau Gwladol, Kew, Llundain TW9 4DU, neu anfonwch e-bost at: psi@nationalarchives.gov.uk.
Lle byddwn wedi nodi unrhyw wybodaeth am hawlfraint trydydd parti, bydd angen i chi gael caniatâd gan ddeiliaid yr hawlfraint dan sylw.
Mae'r cyhoeddiad hwn ar gael yn https://www.gov.uk/government/publications/avian-influenza-bird-flu-posters-for-land-managers/785c6780-01fb-4b33-9c7c-e1f828a5c446
Gallwch argraffu’r posteri hyn i’w harddangos yn eich ardal.
Caiff y posteri eu diweddaru pan fydd y canllawiau ar ffliw adar yn newid. Gwnewch yn siŵr eich bod yn defnyddio’r fersiynau diweddaraf (poster diweddaraf: 6 Ebrill 2023).
1. Pryd y dylid defnyddio poster 1
Defnyddiwch y poster hwn os oes ffliw adar wedi’i gadarnhau’n ddiweddar yn yr ardal (yn ystod y 30 diwrnod diwethaf).
Bydd yn helpu pobl i ddeall beth mae angen iddynt ei wneud er mwyn:
- cadw’n ddiogel
- atal ffliw adar rhag lledaenu
- rhoi gwybod am adar gwyllt marw
2. Pryd y dylid defnyddio poster 2
Defnyddiwch y poster hwn:
- os oes ffliw adar wedi’i gadarnhau’n ddiweddar yn yr ardal (yn ystod y 30 diwrnod diwethaf)
- os oes penderfyniad wedi cael ei wneud yn lleol i gynghori pobl i beidio â bwydo adar dŵr gwyllt (elyrch, hwyaid a gwyddau) yn yr ardal
Bydd yn helpu pobl i ddeall beth mae angen iddynt ei wneud er mwyn:
- cadw’n ddiogel
- atal ffliw adar rhag lledaenu
- rhoi gwybod am adar gwyllt marw
Mae hefyd yn rhoi cyngor ar fwydo adar gwyllt yn yr ardal.
3. Pryd y dylid defnyddio poster 3
Defnyddiwch y poster hwn pan nad oes ffliw adar wedi’i gadarnhau yn yr ardal leol, ond mae risg o ffliw adar.
Mae’n rhoi cyngor diogelwch cyffredinol ac yn egluro sut i roi gwybod am adar gwyllt marw.
4. Bwydo adar gwyllt yn eich ardal
Awdurdodau lleol, perchnogion tir a rheolwyr tir sy’n gyfrifol am benderfynu a yw’n ddiogel i bobl fwydo adar gwyllt.
Ystyriwch a allai bwydo adar gwyllt:
- ledaenu ffliw adar
- peri risg i iechyd neu ddiogelwch pobl
Darllenwch ein cyngor ar fwydo adar gwyllt.
5. Symud a gwaredu adar gwyllt marw
Os byddwch chi’n dod o hyd i unrhyw adar gwyllt marw, rhowch wybod amdanynt ar-lein neu ffoniwch linell gymorth Defra ar 03459 33 55 77.
Efallai y bydd yr Asiantaeth Iechyd Anifeiliaid a Phlanhigion (APHA) yn casglu rhai o’r adar marw ar gyfer profion.
Gall unrhyw adar gwyllt marw nad oes eu hangen ar APHA gael eu gwaredu’n ddiogel gan:
- yr awdurdod lleol ar dir cyhoeddus
- perchennog neu reolwr y tir ar dir preifat neu ystadau a reolir
Dysgwch sut i symud a gwaredu adar gwyllt marw.