د کارپوریټ راپور

افغانستان - د اندېښنو هېواد

داداندېښنو د هېواد راپوردی چې د برتانیې د بهرنیو چارو د وزارت د بشر دحقوقو او ډیموکراسې د ۲۰۱۴ کال د راپور څخه اخیستل شوی دی

• له: Foreign & Commonwealth Office, The Rt Hon Baroness Anelay of St Johns DBE, and The Rt Hon Philip Hammond
• خپور شوی: 12 March 2015
• وروستی تازه شوی: 15 March 2015 — ټول تازه معلومات وګورئ

دا د2010 to 2015 Conservative and Liberal Democrat coalition government لاندې خپور شوی

اسناد

Afghanistan - Country of Concern

HTML

جزیات

۲۰۱۴ کال خورا ډېر مهم وو ځکه چې ددې کال په اوږدو کې د افغانستان په تاریخ کې د اول ځل لپاره د قدرت سوله ییز لېږد ترسره شو، د ټاکنو لومړی پړاو د اپریل په ۵ نېټه پیل شو چې د سپټمبر په ۲۹ نېټه د ولسمشر اشرف غني د لوړې په مراسمو سره نوموړې ټاکنې پای ته ورسېدې، د ملي یووالي دولت رامنځ ته شواو د اجراییوي رئیس دنده چې په ټاکنو کې د ډاکټر اشرف غني د سیال ډاکټر عبدالله عبدالله له خوا پر مخ بوول کېږي، را منځ ته شوه.

ولسمشر ښاغلي اشرف غني او د ملي یووالي دولت په کلکه سره ژمنه کړې چې د بشري حقونو د سرغړاوي پر ضد به مبارزه اود ښځو د حقونو نه به ملاتړ کوي. د افغانستان په اړه د لندن کانفرانس چې د ډیسیمبر په ۳ او ۴ ڼېټه ترسره شو، د ملي یووالي دولت لپاره یو غوره فرصت و، چې خپل لرلید وټاکي. بشري حقونه د لندن کانفرانس په راپور او د ملي یووالي د دولت د اصلاحاتو په پاڼه کې چې سرلیک یې (په خپل ځان د باور په اړه پوهېدنه: داصلاحاتو او نوې ملګرتیا ژمنې) وو د هغو پیاوړو لارو چارو په اړه په کې تازه ژمنې شتون لري چې په پایله کې به یې ښځو ته د ښځو پر ضد د تاوتریخوالي د پای ته رسولو د قانون په رڼا کې خوندیتوب ورکول کیږي، د یو داسې پراخ ډیتابیس جوړول چې د بشري حقونو او قضایی ادارو سره په همغږۍ به د اړوندو پېښو راپور چمتو کوي، د ښځو لپاره د ملي اقتصادي رغونې پلان ته پراختیا ورکول، او په قضایی او امنیتي برخو کې بشري حقونو ته د محکمې او قضایي مرحلو د مسلکي کولو له لارې وده ورکول، په ۲۰۱۵ کال کې د نوموړو ژمنو سر ته رسول یوه ننګونه ده.

دا مهال افغانستان لا ډېره لېوالتیا لري چې د بشري حقونو په برخه کې د بې عدالتۍ سره مبارزه وکړي، حال دا دی چې د تېرو لسیزو د تاوتریخوالي تاثیرات او د امنیت او ظرفیت لوړونې اړوند ننګونې لا هم شتون لري. په ټولنه کې ژور اختلافات او هغه دودیز ارزښتونه ښایی په راتلونکي کې هم ددې لامل شي چې د ښځو حقونه، د لګکیو (اقلیت) حقونه، مذهبي ازادي او د بیان ازادي په چټکۍ سره پرمختګ ونه کړي.

په دولت او مدني ټولنه کې د افغانانو ظرفیت جوړول او په اداره کې د ننګونو د هواري په موخه د برتانیې او نړیوالې ټولنې له خوا اوږدمهاله ژمنې ته اړتیا ده. د ملګرو ملتونو د بشري حقونو په کونسل کې د افغانستان په اړه نړیواله بیا کتنه د ۲۰۱۴ کال په جنوري کې ترسره شوه. د افغانستان دولت د برتانیې په دواړه سپارښتونو باندې عمل وکړ: چې د جزا د قانون د ۳۹۸ مادې له منځه وړل وچې ددې قانون له مخې به په ګواکې ناموسي قتلونو کې ککړو کسانو ته قانوني اسانتیا ورکول کېده او د افغانستان د بشري حقونو خپلواک کمیسیون ته ازادي او قانوني واک ورکول وو چې وکولای شي د زندانیانو سره ناسم چلند کوونکي ګرم وبلي.

خپور شوی12 March 2015
وروستی تازه شوی15 March 2015 + show all updates

1. 15 March 2015

   Translations added

2. 12 March 2015

   First published.