Skip to main content
Casgliad

Bwydydd newydd: canllawiau i fusnesau bwyd

Canllawiau gan yr Asiantaeth Safonau Bwyd ar wirio statws bwyd newydd, dewis llwybr awdurdodi a rhoi bwydydd newydd ar y farchnad.

Mae’r casgliad hwn hefyd ar gael yn Saesneg (English).

Beth yw bwyd newydd?

Mae bwydydd newydd yn fwydydd nad oedden nhw’n cael eu bwyta i raddau helaeth gan bobl yn y Deyrnas Unedig (DU) na’r Undeb Ewropeaidd (UE) cyn 15 Mai 1997.

Dyma rai enghreifftiau:

  • bwydydd newydd fel ffytosterolau a ffytostanolau a ddefnyddir mewn sbrediau sy’n lleihau colesterol
  • bwydydd traddodiadol sy’n cael eu bwyta mewn mannau eraill yn y byd, fel hadau a baobab
  • bwydydd sy’n cael eu cynhyrchu drwy brosesau newydd, fel bara wedi’i drin â golau uwch-fioled i gynyddu ei gynnwys fitamin D

Rhaid i fwydydd newydd gael eu hawdurdodi cyn iddyn nhw allu cael eu rhoi ar y farchnad ym Mhrydain Fawr (Cymru, Lloegr a’r Alban). Rhaid i’r trefniadau ar gyfer eu gwerthu a’u defnyddio gydymffurfio â Rheoliad a gymathwyd (UE) 2015/2283 a’r telerau awdurdodi perthnasol.

Mae canllawiau ar wahân yn berthnasol i Ogledd Iwerddon. Dilynwch y canllawiau ar fwydydd newydd ar gyfer Gogledd Iwerddon.

Dewch o hyd i’r canllawiau bwydydd newydd sydd eu hangen arnoch

Mae yna ddau brif lwybr awdurdodi: cais Erthygl 10 llawn a’r llwybr traddodiadol, sef hysbysiad a chais bwyd.

Mae’r weithdrefn bwyd traddodiadol yn dechrau gyda hysbysiad Erthygl 14 a gall barhau gyda chais Erthygl 16 pe bai gwrthwynebiadau diogelwch yn cael eu codi. Mae ymgynghoriad Erthygl 4 yn pennu statws bwyd newydd. Nid yw’n asesu diogelwch nac yn awdurdodi bwyd i’w werthu.

Mwy o ganllawiau ar gyfer cynhyrchion penodol

Dilynwch y dolenni i weld canllawiau penodol ar gyfer pob math o gynnyrch rheoleiddiedig.

Mae’r tudalennau hyn hefyd yn cynnwys dolenni i’r canllawiau a’r rheoliadau perthnasol sy’n gymwys i bob math o gynnyrch.